⚽️ Superligaga nomzod bo‘lgan, Proligada faoliyat olib boruvchi hakamlarimiz Farg'onada o'quv-mashg'ulot yig'ini va "Hokim kubogi" musobaqasida ishtirok etmoqda.

Proligada faoliyat olib boruvchi bosh hakamlar va yordamchi hakamlar “Hokim kubogi” doirasidagi uchrashuvlarda faoliyat olib bordi. O‘yinlar davomida hakamlar o‘z bilim va tajribalarini amaliy maydonda namoyon etdi.

Uchrashuvlardan so‘ng hakamlar ishtirokida o‘yin jarayonida yo‘l qo‘yilgan kamchiliklar atroflicha tahlil qilinib, bahsli vaziyatlar bo‘yicha muhokamalar o‘tkazildi. Shuningdek, kun davomida nazariy mashg‘ulotlar tashkil etilib, hakamlikdagi muhim jihatlar, qaror qabul qilish tezligi va o‘yin boshqaruvida intizom masalalariga alohida e’tibor qaratildi.

Mazkur mashg‘ulotlar hakamlarning professional saviyasini oshirish, musobaqalarga yuqori darajada tayyorlash yo‘lidagi muhim bosqich bo‘lib xizmat qilmoqda.

⚽️ t.me/uzfhm

⚽️ Farg‘onada hakamlar ishtirokidagi o‘quv-mashg‘ulot yig‘inidavom etmoqda.

Superligaga nomzod bo‘lgan, Proligada faoliyat olib boruvchi bosh hakamlar va yordamchi hakamlar Farg‘ona viloyatida o‘tkazilayotgan o‘quv-mashg‘ulot yig‘ini doirasida bugun ham o‘yinlarda faoliyat olib bordi.

Uchrashuvlardan so‘ng mutaxassislar ishtirokida o‘yin epizodlari batafsil tahlil qilinib, hakamlarning qarorlari yuzasidan tushuntirish va tavsiyalar berildi. Bahsli vaziyatlar muhokama qilinib, kamchiliklar ustida ishlash bo‘yicha aniq ko‘rsatmalar berildi.

Mazkur yig‘in Superliga darajasida ishlashga tayyorgarlik ko‘rayotgan hakamlar uchun muhim bosqich bo‘lib, ularning nazariy bilim va amaliy ko‘nikmalarini yanada mustahkamlashga xizmat qilmoqda.

⚽️ t.me/uzfhm

⚽️ O‘zbekistonlik ayol hakamlar CAFA seminarida ishtirok etdi.

29–31 yanvar kunlari Milliy futbol markazida CAFA Female Referees Seminar / VAR Course 2026 o‘tkazildi.

Mazkur nufuzli seminarda O‘zbekistonlik hakamlar — Edita Mirabidova, Dildora Rustamova, Nasibabonu Toshmuhammedova, Roziyabonu Yusupova va Gulshoda Saitqulova faol ishtirok etib, o‘quv kursini muvaffaqiyatli yakunladi hamda sertifikatlarga ega bo‘ldi.

Seminar davomida ishtirokchilar VAR amaliyoti, o‘yin epizodlarini tahlil qilish, ofsayd, qoida buzilishlari, penalti vaziyatlari va o‘yinni boshqarish bo‘yicha nazariy hamda amaliy mashg‘ulotlarda qatnashdi.

Ushbu seminar davomida amaliy va nazariy mashg‘ulotlarga tajribali instruktor Vladislav Syetlin rahbarlik qildi.

⚽️ t.me/uzfhm

⚽️ Sirdaryoda hakamlar amaliy mashg‘ulotlarni davom ettirmoqda.

Mashg‘ulotlar yangi futbol mavsumiga puxta tayyorgarlik ko‘rish, hakamlarning jismoniy va nazariy salohiyatini yanada oshirish maqsadida tashkil etildi.

Seminar jarayonlari Sirdaryo futbol assotsiatsiyasining hakamlar va nazoratchilar tayyorlash bo‘yicha mutaxassisi Doston Rahmonov hamda tajribali nazoratchi Qahramon Yo‘ldashev tomonidan olib borildi.

Mashg‘ulotlar davomida o‘yin vaziyatlari tahlili, maydondagi to‘g‘ri joylashuv, qaror qabul qilish tezligi va hakamlar o‘rtasidagi o‘zaro hamkorlik masalalariga alohida e’tibor qaratildi.

⚽️ t.me/uzfhm