⚽️ Farg‘onada hakamlar uchun o‘quv-mashg‘ulot yig‘ini davom etmoqda.

Superligaga nomzod bo‘lgan, Proligada faoliyat olib borayotgan bosh va yordamchi hakamlar Farg‘ona viloyatida tashkil etilgan o‘quv-mashg‘ulot yig‘ini doirasida amaliy va nazariy mashg‘ulotlarni davom ettirmoqda.

Yig‘in jarayonida hakamlar “Hokim kubogi” musobaqasi uchrashuvlarini boshqarib, real o‘yin sharoitida o‘z mahoratini sinovdan o‘tkazmoqda. Maydondagi har bir vaziyat bo‘yicha to‘g‘ri pozitsiya tanlash, intizomiy choralarni qo‘llash va o‘yinni nazorat qilish masalalariga alohida e’tibor qaratilmoqda.

Shuningdek, VAR xonasida o‘yin epizodlari zamonaviy texnologiyalar yordamida tahlil qilinib, mutaxassislar tomonidan batafsil tushuntirish va amaliy tavsiyalar berilmoqda. Bahsli vaziyatlar atroflicha muhokama qilinib, yagona qaror qabul qilish mezonlari ustida ishlanmoqda.

Yig‘in davomida hakamlarning jismoniy tayyorgarligi ham mustahkamlanmoqda. Maydondagi harakatlanish va tezkor qaror qabul qilish ko‘nikmalarini oshirish asosiy vazifalardan biri bo‘lib qolmoqda.

⚽️ t.me/uzfhm

⚽️ O‘zbekistonlik hakamlar Jahon chempionati uchun VAR hakami nomzodlari safida seminarda ishtirok etmoqda.

FIFA va OFK tomonidan Qatarda tashkil etilgan maxsus VAR seminarida o‘zbekistonlik hakamlar ham ishtirok etmoqda. Mazkur seminar Jahon chempionatlari uchun nomzod VAR hakamlarini saralash va tayyorlash bosqichi hisoblanadi.

🔹 Firdavs Nor Safarov — 2026-yil AQSH, Kanada va Meksikada bo‘lib o‘tadigan erkaklar o‘rtasidagi FIFA Jahon chempionati uchun VAR hakami sifatida nomzodlar ro‘yxatiga kiritilgan. U Doha shahrida o‘tayotgan seminar doirasida nazariy va amaliy mashg‘ulotlarda ishtirok etmoqda.

🔹 Edita Mirabidova — 2027-yil Braziliyada bo‘lib o‘tadigan ayollar o‘rtasidagi FIFA Jahon chempionati uchun VAR hakami sifatida nomzod sifatida ko‘rsatildi. U ham xalqaro mutaxassislar boshchiligida tashkil etilgan seminarda video yordamchi hakamlik bo‘yicha tayyorgarlik jarayonidan o‘tmoqda.

Mazkur seminar FIFA tomonidan Jahon chempionatlari darajasida ishlaydigan VAR hakamlarni shakllantirish yo‘lidagi muhim bosqich hisoblanadi.

⚽️ t.me/uzfhm

⚽️ Superliga–2026 mavsumidan avval “Dinamo” jamoasi uchun maxsus seminar o‘tkazildi.

Bugun instruktorlar ishtirokida 2026-yilgi Superliga mavsumi oldidan “Dinamo” futbol klubi uchun maxsus seminar tashkil etildi. Tadbir yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.

Seminar davomida:

🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 VAR bilan bog‘liq tartib va protseduralar;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.

Instruktorlar o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.

Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.

Superliganing 2026-yilgi mavsumi oldidan bunday tushuntirish ishlari barcha jamoalar uchun tashkil qilinadi.

⚽️ t.me/uzfhm

⚽️ Superliga–2026 mavsumidan avval “Navbahor", "Andijon" va "Mash'al" jamoalari uchun maxsus seminar o‘tkazildi.

Vladislav Seytlin va Aleksandr Popovlar ishtirokida 2026-yilgi Superliga mavsumi oldidan “Navbahor", "Andijon" va "Mash'al" jamoalari uchun maxsus seminar tashkil etildi.

Tadbir yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.

Seminar davomida:

🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 VAR bilan bog‘liq tartib va protseduralar;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.

Instruktorlar o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.

Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.

Superliganing 2026-yilgi mavsumi oldidan bunday tushuntirish ishlari barcha jamoalar uchun tashkil qilinadi.

⚽️ t.me/uzfhm