⚽️ Superliga–2026 mavsumidan avval “Buxoro" jamoasi uchun maxsus seminar o‘tkazildi.

Vladislav Seytlin ishtirokida 2026-yilgi Superliga mavsumi oldidan "Buxoro" jamoasi uchun maxsus seminar tashkil etildi.

Tadbir yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.

Seminar davomida:

🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 VAR bilan bog‘liq tartib va protseduralar;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.

Instruktorlar o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.

Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.

Superliganing 2026-yilgi mavsumi oldidan bunday tushuntirish ishlari barcha jamoalar uchun tashkil qilinadi.

⚽️ t.me/uzfhm

🖥 Superliga jamoalari stadionlarida VAR tizimini joriy etish ishlari boshlandi.

Prezidentning 262-sonli qarori ijrosini ta’minlash hamda futbol uchrashuvlarini yuqori saviyada tashkil etish maqsadida, mamlakatimiz stadionlarida markazlashgan VAR tizimidan foydalanish uchun maxsus texnikalarni o‘rnatish ishlari qizg‘in davom etmoqda.

Ayni paytda "Neftchi" klubining uy stadioni — "Istiqlol" majmuasida VAR texnikalarini joylashtirish va sozlash jarayoni ketmoqda.

Rejaga asosan, keyingi bosqichlarda "Andijon", "Buxoro" hamda "So‘g‘diyona" klublari stadionlari bosqichma-bosqich ushbu tizim bilan jihozlanadi.

Bugungi kunga qadar "Xorazm" va "Surxon" klublari uy stadionlarida VAR tizimi to‘liq o‘rnatib bo‘lingan.

O'zbekiston futbol hakamlar markazi mutaxassislari tomonidan ushbu texnik qurilmalarni o‘rnatish, montaj qilish va ishchi holatga keltirish jarayonlari bevosita amalga oshirilmoqda.

Ushbu sa’y-harakatlar hakamlik qarorlarining haqqoniyligini ta’minlash va o‘zbek futbolining xalqaro standartlarga mosligini oshirishga xizmat qiladi.

⚽️ t.me/uzfhm

⚽️ Bosh hakamlar va yordamchi hakamlar uchun navbatdagi o‘quv-mashg‘ulot yig‘inini boshlandi.

Yig‘in doirasida hakamlar amaliy sinovlardan o‘tkazilmoqda. Ularning jismoniy tayyorgarligi, tezkor qaror qabul qilish qobiliyati hamda o‘yin vaziyatlarini to‘g‘ri baholash mahorati baholanmoqda.

Shuningdek, mazkur guruh nazariy mashg‘ulotlarda ham ishtirok etmoqda. Unda futbol qoidalaridagi yangiliklar, o‘yin epizodlarini tahlil qilish va hakamlik amaliyotiga oid muhim masalalar ko‘rib chiqilmoqda.

Yig‘inning ushbu bosqichidan so‘ng, navbatdagi guruh jalb etilib, nazariy va amaliy test sinovlarini topshiradi.

⚽️ t.me/uzfhm

🖥 Superliga jamoalari stadionlarida VAR tizimini joriy etish ishlari davom ettirilmoqda.

Prezidentning 262-sonli qarori ijrosini ta’minlash hamda futbol uchrashuvlarini yuqori saviyada tashkil etish maqsadida, mamlakatimiz stadionlarida markazlashgan VAR tizimidan foydalanish uchun maxsus texnikalarni o‘rnatish ishlari qizg‘in davom etmoqda.

Ayni paytda "Buxoro" klubining uy stadioniga VAR texnikalarini joylashtirish va sozlash jarayoni ketmoqda.

Rejaga asosan, keyingi bosqichlarda "Andijon" hamda "So‘g‘diyona" klublari stadionlari bosqichma-bosqich ushbu tizim bilan jihozlanadi.

Ushbu sa’y-harakatlar hakamlik qarorlarining haqqoniyligini ta’minlash va o‘zbek futbolining xalqaro standartlarga mosligini oshirishga xizmat qiladi.

⚽️ t.me/uzfhm