⚽️Bosh hakamlar va yordamchi hakamlar uchun navbatdagi o‘quv-mashg‘ulot yig‘ini yakunlandi.

Yig‘in doirasida hakamlar amaliy sinovlardan o‘tkazildi. Ularning jismoniy tayyorgarligi, tezkor qaror qabul qilish qobiliyati hamda o‘yin vaziyatlarini to‘g‘ri baholash mahorati tekshiruvdan o‘tkazildi.

Shuningdek, mazkur guruh nazariy mashg‘ulotlarda ham ishtirok etdi. Unda futbol qoidalaridagi yangiliklar, o‘yin epizodlarini tahlil qilish va hakamlik amaliyotiga oid muhim masalalar ko‘rib chiqildi.

⚽️ t.me/uzfhm

⚽️ Yangi mavsum oldidan "Qo’qon-1912" jamoasi uchun maxsus seminar o‘tkazildi.

Seminar yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.

Seminar davomida:
🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 VAR bilan bog‘liq tartib va protseduralar;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.

Instruktor o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.

Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.

⚽️ t.me/uzfhm

🖥 Milliy futbol markazida FIFA VAR seminari davom etmoqda.

Bugungi amaliy va nazariy mashg‘ulotlar davomida instruktorlar tomonidan turli o‘yin vaziyatlari chuqur tahlil qilinib, video misollar orqali tushuntirishlar berildi.

Shuningdek, hakamlar nazariy topshiriqlar, amaliy mashg‘ulotlar hamda jismoniy sinovlarda ishtirok etdi. VAR markazida esa VAR bilan bog‘liq holatlar amaliy tarzda ko‘rib chiqilib, qaror qabul qilish jarayonlari simulyatsion vaziyatlar orqali mashq qilindi.

⚽️ t.me/uzfhm

⚽️ Milliy futbol markazida FIFA VAR seminari davom etmoqda.

Bugun FIFA VAR seminari doirasida O‘FA birinchi vitse-prezidenti Ravshan Irmatov hakamlar bilan uchrashdi.

“Milliy futbol markazida nafaqat terma jamoalarimiz, balki hakamlarimiz uchun ham barcha zarur sharoitlar yaratilgan. Futbolda futbolchi va murabbiylar qatori hakamlarning o‘rni ham beqiyos. Rivojlanishimizda aynan hakamlar sifati, ularning bilim va saviyasi muhim omil hisoblanadi.

O‘zbekiston terma jamoasi jahon chempionatiga yo‘l oldi, endi oldimizda turgan vazifalardan biri — hakamlarimiz sonini ko‘paytirish, ularni nufuzli xalqaro musobaqalarga tayyorlab, jahon chempionati darajasida ishlashiga erishishdir.

FIFA va OFK tomonidan tashkil etiladigan o‘quv mashg‘ulotlari sonini oshirish va o‘rganilgan bilimlarni amaliyotda qo‘llash muhim. Hakamlar imkon qadar kam xato qilishi, o‘yinni boshqarishda ishonchli va to‘g‘ri qarorlar chiqarishi kerak. Bu esa doimiy o‘qish, tahlil va o‘z ustida ishlash orqali erishiladi.

Shuningdek, futbolda o‘yin vaqtini cho‘zish holatlarining oldini olish, o‘yin tempini saqlab qolish va intensivlikni oshirishda ham hakamlarning roli katta. Hakamlar har bir uchrashuvga mas’uliyat bilan yondashib, jismoniy va ruhiy tayyorgarlikni yuqori darajada ushlab turishi lozim. 2026-yilgi musobaqalarda bugun o‘rganilgan bilim va tajribalar amalda o‘z aksini topishi kerak.

O‘zbekiston futbol assotsiatsiyasi tomonidan korrupsiyaga qarshi qat’iy kurash olib borilmoqda. Hakamlar har qanday noqonuniy aralashuvlardan yiroq bo‘lib, professional, halol va ishonchli faoliyat yuritishi shart", — dedi Ravshan Irmatov.

Baholash jarayonida yosh emas, bilim, salohiyat va maydondagi ishlash sifati asosiy mezon bo‘lishi va hakamlar futbol o‘yinlarni yuqori saviyada o'tkizishga ma'sul ekanligi ta'kidlandi.

⚽️ t.me/uzfhm

⚽️Superliga–2026: 1-tur uchrashuvlari rasmiylari bilan tanishing.

O‘zbekiston Superligasining 2026-yilgi mavsumi 1-tur bahslarini boshqarib boruvchi hakamlar jamoalari tayinlandi.

📋 Barcha o‘yinlar uchun tayinlovlar — yuqoridagi grafikada.

⚽️ t.me/uzfhm