⚽️ Hakamlikda uch avlod uchrashuvi.

Milliy futbol markazida davom etayotgan FIFA VAR seminari doirasidagi amaliy va nazariy mashg‘ulotlarda o‘zbek futboli hakamligi ustozi Anatoliy Mixaylovich Kavolenko ishtirok etdi.

Mashg‘ulotlar jarayonida uch avlod hakamlari ishtirokida uchrashuv tashkil etilib, tajribali mutaxassis yangi 2026-yilgi mavsum oldidan hakamlarga tavsiyalar berdi.

Unda maydonda o‘zini tutish, o‘z oldiga aniq maqsad qo‘yish, hakamning shaxsiy mas’uliyati va professional fazilatlariga oid masalalar yuzasidan fikrlar bildirildi hamda hakamlarning yuqori saviyada faoliyat olib borishi zarurligi ta’kidlandi.

⚽️ t.me/uzfhm

⚽️ Kelishilgan o‘yinlarning oldini olish bo‘yicha seminar o‘tkazildi.

Milliy futbol markazida O‘zbekiston futbol assotsiatsiyasi hamda sportda halollikni ta’minlash yo‘nalishida faoliyat yurituvchi Britaniyaning SportRadar tashkiloti bilan tuzilgan hamkorlik shartnomasi doirasida o‘zbekistonlik hakamlar uchun seminar tashkil etildi.

Seminar davomida kelishilgan o‘yinlar tushunchasi va ularning oldini olish masalalari muhokama qilindi. Xususan, kelishilgan o‘yinlarni tashkil etish jarayonlari, unda hakamlarning jalb etilishi mumkin bo‘lgan holatlar, hakamlarning mas’uliyati hamda bunday noqonuniy faoliyatda ishtirok etish oqibatida yuzaga keladigan huquqiy javobgarlik masalalari yuzasidan batafsil ma’lumotlar berildi.

⚽️ t.me/uzfhm

⚽️ Yangi mavsum oldidan "Metallurg" va "Aral" jamoalari uchun maxsus seminar o‘tkazildi.

"Metallurg" va "Aral" jamoalari uchun tajribali instruktorlar Baxtiyor Tagayev va Konstantin Smirnov yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.

Seminar davomida:
🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.

Instruktorlar o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.

Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.

⚽️ t.me/uzfhm

⚽️ Yangi mavsum oldidan "Paxtakor" jamoasi uchun maxsus seminar o‘tkazildi.

Seminar yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.

Seminar davomida:
🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 VAR bilan bog‘liq tartib va protseduralar;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.

Tajribali instruktor Konstantin Smirnov o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.

Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.

⚽️ t.me/uzfhm