⚽️ Yangi mavsum oldidan "Xorazm" va "Bunyodkor" jamoalari uchun maxsus seminar o‘tkazildi.

Seminar yangi mavsumga puxta tayyorgarlik ko‘rish, o‘yin jarayonidagi yangilangan talablarga moslashish hamda hakamlik qarorlaridagi o‘zgarishlar yuzasidan batafsil tushuntirish berish maqsadida o‘tkazildi.

Seminar davomida:
🔹 2026-yilgi mavsumdan boshlab kuchga kiradigan yangi qoidalar va reglamentdagi o‘zgarishlar;
🔹 Hakamlar tomonidan qabul qilinadigan qarorlar mezonlari;
🔹 VAR bilan bog‘liq tartib va protseduralar;
🔹 Qo‘pollik, qo‘l bilan o‘ynash, ofsayd va intizomiy jazolar bo‘yicha yangilangan talqinlar;
🔹 Texnik hudud madaniyati va murabbiylar shtabi uchun belgilangan talablar bo‘yicha batafsil taqdimot va amaliy misollar orqali tushuntirishlar berildi.

Instruktor o‘yin davomida yuzaga kelishi mumkin bo‘lgan turli vaziyatlarni videolavhalar orqali tahlil qilib, futbolchilar va murabbiylarga yangi mavsumda hakamlar qanday mezon asosida qaror qabul qilishini aniq misollar bilan ko‘rsatib berdi.

Mazkur seminar yangi mavsum oldidan klub vakillari bilan ochiq muloqot o‘rnatish, bahsli vaziyatlar sonini kamaytirish va o‘yin sifatini oshirishga xizmat qiladi.

⚽️ t.me/uzfhm

Nilufar G‘oibnazarova Janubi-Sharqiy Osiyo ayollar futzal chempionati – 2026 musobaqasida faoliyat olib bormoqda.

Tailandning Korat shahrida o‘tkazilayotgan Janubi-Sharqiy Osiyo ayollar futzal chempionati – 2026 doirasida o‘zbekistonlik hakam Nilufar G‘oibnazarova uchrashuvlarda faoliyat olib bormoqda.

U turnirning Malayziya – Tailand hamda Myanma – Filippin terma jamoalari o‘rtasidagi bahslarida ishladi. Mazkur uchrashuvlarda o‘yinlarni boshqarish jarayoni xalqaro talablarga mos ravishda tashkil etilib, hakamlar brigadasi tomonidan yuqori darajadagi professional hakamlik namoyish etildi.

⚽️ t.me/uzfhm

⚽️VAR tizimi markazlashgan holda boshqarilmoqda — Superliganing yangi mavsumiga start berildi

Bugun O‘zbekiston Superligasining yangi mavsumi rasman boshlandi. Joriy mavsumdan boshlab VAR tizimi markazlashgan tartibda, Milliy futbol markazida joylashgan yagona VAR markazidan turib boshqarilmoqda.

🖥VAR nazorati ostida o‘tayotgan uchrashuvlar:

“Buxoro” - “Qo’qon-1912”
“Andijon” - “So’g’diyona”

Yangi mavsum barcha jamoalar va muxlislar uchun qiziqarli hamda murosasiz bahslarga boy bo‘lishi kutilmoqda.

⚽️ t.me/uzfhm