📋 Ayollar Oliy ligasi: 3-tur uchrashuvlari rasmiylari bilan tanishing.

Ayollar Oliy ligasining 3-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

Ma'lumot uchun, "Paxtakor-W" va "Sevinch" jamoalari o'rtasidagi bahs qoldirildi.

⚽️ t.me/uzfhm

📋 Ekspert hakamlar guruhi xulosasi.

Championat.asia internet nashrida e’lon qilingan maqolada rossiyalik ekspert tomonidan “Navbahor” — “So‘g‘diyona” uchrashuvida bekor qilingan gol yuzasidan tahlil berilib, ushbu vaziyatda ofsayd holati aniqlanmagani ta’kidlangan.

Mazkur epizod Ekspert hakamlar guruhi, ya’ni FIFA, OFK hamda mahalliy tajribali instruktorlar tomonidan atroflicha o‘rganib chiqildi. Olib borilgan tahlillar natijasida bosh hakam tomonidan qabul qilingan qaror to‘g‘ri ekani tasdiqlandi. Tahlilga ko‘ra, to‘p uzatilgan paytda hujum qilayotgan jamoa futbolchisi ofsayd holatida bo‘lgan.

Ushbu vaziyatga batafsil to‘xtaladigan bo‘lsak, uchrashuvning 52-daqiqasida mehmonlar tomonidan kiritilgan gol VAR aralashuvi orqali tekshirildi. VAR tavsiyasiga asosan epizod qayta ko‘rib chiqilib, to‘p uzatilgan paytda gol muallifi ofsayd holatida bo‘lgani aniqlandi. Shundan kelib chiqib, bosh hakam tomonidan golni bekor qilish qarori qabul qilindi.

Taqdim etilgan chizmalarda “Navbahor” jamoasi futbolchisining yelkasidan ko‘k chiziq, “So‘g‘diyona” jamoasi futbolchisining yelkasidan esa qizil chiziq tortilgani ko‘rish mumkin. Mazkur holatda hujum qilayotgan jamoa futbolchisining yelkasi darvozaga yaqinroq joylashgani sababli ofsayd holati qayd etilgan.

Shuningdek, mazkur maqolada “Xorazm” — “Neftchi” uchrashuvining 63-daqiqasida yuzaga kelgan vaziyat ham tahlil qilingan.

Mazkur epizod ham FIFA, OFK hamda mahalliy tajribali instruktorlar tomonidan tahlil qilindi. Xulosaga ko'ra, mehmon jamoasi futbolchisi to‘p uchun kurash jarayonida oyog‘ini yuqoriroq ko‘targan holda harakat qilgan va raqib futbolchining oyog‘iga yengil kontakt yuzaga kelgan. Biroq ushbu vaziyatda qo‘pollik holati kuzatilmagan.

Shu bois, mazkur holat qoidabuzarlik sifatida baholanmaydi va o‘yinni davom ettirish qarori to‘g‘ri deb topiladi.

⚽️ t.me/uzfhm

⚽️ Proliga–2026: 6-tur uchrashuvlari rasmiylari bilan tanishing.

O‘zbekiston Proligasining 2026-yilgi mavsumi 6-tur bahslarini boshqarib boruvchi hakamlar jamoalari tayinlandi.

📋 Barcha o‘yinlar uchun tayinlovlar — yuqoridagi grafikada.

⚽️ t.me/uzfhm

📋 O‘zbekiston ayollar Oliy ligasi 1–2-tur uchrashuvlari tahlili o‘tkazildi.

Bugun Zoom platformasi orqali O‘zbekiston ayollar Oliy ligasining 1–2-tur uchrashuvlariga bag‘ishlangan tahlil yig‘ilishi bo‘lib o‘tdi. Unda musobaqada faoliyat olib borayotgan hakamlar ishtirok etdi.

Mazkur tur o‘yinlari bo‘yicha tahlillar Vladislav Seytlin, Timur Galeev hamda Edita Mirabidova tomonidan olib borildi.

Yig‘ilish davomida uchrashuvlarda kuzatilgan bahsli vaziyatlar atroflicha ko‘rib chiqildi. Har bir epizod yuzasidan hakamlar qarorlari tahlil qilinib, to‘g‘ri yondashuv va qaror qabul qilish bo‘yicha amaliy tushuntirishlar berildi.

⚽️ t.me/uzfhm

📋 Xitoyda bo‘lib o‘tayotgan sohil futboli bo‘yicha Osiyo kubogining muhim bahslarida o‘zbekistonlik hakam va instruktor faoliyat olib boradi.

Bugun bo'lib o'tadigan Eron va Oman terma jamoalari o‘rtasidagi final uchrashuvida Nayim Qosimov ikkinchi hakam sifatida ishlaydi. Shuningdek, Saudiya Arabistoni va Falastin terma jamoalari o‘rtasidagi uchinchi o‘rin uchun bahsda Baxtiyor Namozov hakamlar nazoratchisi sifatida faoliyat yuritadi.

💳 Uzcard | 🔴 Coca-Cola | ❤️ Uzum Bank | ⚡️ t.me/FAUzbekistan

⚽️Superliga-2026: 11-tur uchrashuvlari rasmiylari bilan tanishing.

Superliganing 11-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

⚽️ t.me/uzfhm