📋 Ekspert hakamlar guruhi xulosasi.

Superliganing 10-turidan o‘rin olgan “Paxtakor” — “Nasaf” jamoalari o‘rtasidagi uchrashuvda yuzaga kelgan bahsli vaziyatlar ekspert hakamlar guruhi tomonidan atroflicha ko‘rib chiqildi.

🔹 Birinchi vaziyat: Uchrashuvning 45+2-daqiqasida yuzaga kelgan mazkur vaziyatda “Nasaf” futbolchisi “Paxtakor” o‘yinchisiga nisbatan qoida buzgan. Garchi “Paxtakor” futbolchisi to‘p uchun harakat qilgan bo‘lsa-da, u to‘pni to‘liq nazoratiga ololmagan va to‘p darvozabonga yaqinlashib borayotgan edi. Ya’ni, darvozabonning to‘pga birinchi yetib kelish ehtimoli yuqori bo‘lgan.

Shu sababli, aniq gol urish imkoniyatini yo‘qqa chiqarish holati to‘liq shakllanmagan deb baholandi. Bosh hakam tomonidan qizil kartochka ko‘rsatilmagani to‘g‘ri qaror sifatida e’tirof etildi. Vaziyat qizil kartochkaga yaqin bo‘lishiga qaramay, sariq kartochka bilan cheklanish o‘rinli bo'lgani to'g'ri qaror sifatida e'tirof etildi. Ekspert hakamlar guruhi ushbu qarorni to‘liq qo‘llab-quvvatladi.

🔹 Ikkinchi vaziyat: Uchrashuvning 90-daqiqasida “Nasaf” jamoasining 32-raqamli futbolchisi o‘z jarima maydonchasi ichida “Paxtakor”ning 55-raqamli o‘yinchisiga nisbatan qo‘pol tarzda harakat qilgan — u raqibini qo‘li bilan tortib qolgan va kurash jarayonida tanasiga zarba bergan.

VAR aralashuvidan so‘ng bosh hakam tomonidan penalti belgilandi.

Ekspert hakamlar guruhi ushbu vaziyatda ham bosh hakamning qarorini to‘g‘ri deb topdi. Qoidabuzarlik sodir etgan futbolchiga sariq kartochka ko‘rsatilishi ham o‘rinli qaror sifatida baholandi.

✅ Xulosa: Har ikkala bahsli vaziyatda ham bosh hakam tomonidan qabul qilingan qarorlar amaldagi qoidalarga to‘liq mos keladi va to‘g‘ri deb topildi.

⚽️ t.me/uzfhm

⚽️ Proliga–2026: 7-tur uchrashuvlari rasmiylari bilan tanishing.

O‘zbekiston Proligasining 2026-yilgi mavsumi 7-tur bahslarini boshqarib boruvchi hakamlar jamoalari tayinlandi.

📋 Barcha o‘yinlar uchun tayinlovlar — yuqoridagi grafikada.

⚽️ t.me/uzfhm

📋 Superliga 11-turi doirasidagi “Lokomotiv” — “Qizilqum” uchrashuvini ilk bor 22 yoshli hakam Umidjon Rahimjonov boshqarib bordi.

O‘zbekiston futbol assotsiatsiyasi hamda O‘zbekiston futbol hakamlari markazi tomonidan yosh kadrlarga qaratilayotgan e’tibor va ishonch ortib borayotganini bildiradi.

⚽️ t.me/uzfhm

📋 O‘zbekiston futbol assotsiatsiyasi va Ozarbayjon futbol federatsiyalari assotsiatsiyasi delegatsiyasi ishtirokida uchrashuv bo‘lib o‘tdi.

Unda ikki tomonlama hamkorlikni rivojlantirish, tajriba almashish va futbol sohasining ustuvor yo‘nalishlari muhokama qilindi.

Xususan, hakamlik tizimini takomillashtirish, yosh hakamlarni qo‘llab-quvvatlash hamda ularning malakasini oshirish masalalariga e’tibor qaratildi. Shuningdek, futbolni raqamlashtirish, zamonaviy IT yechimlardan foydalanish va bolalar-o‘smirlar futbolini rivojlantirish yo‘nalishlari yuzasidan fikr almashildi.

Uchrashuv yakunida hamkorlikni mustahkamlash va qo‘shma loyihalarni davom ettirishga kelishib olindi.

💳 Uzcard | 🔴 Coca-Cola | ❤️ Uzum Bank | 👍 APEX | ⚡️ Uzbekistan FA

📋 O‘zbek futboliga munosib hissa qo‘shgan mutaxassis Baxtiyor Tagayev 60 yoshni qarshi oldi.

U futbolchilik faoliyatini 1983-yilda Xiva shahrining “Xiva” jamoasida boshlagan. Keyinchalik “Selmasheves” (Chirchiq), “Kosonsoy”, “Do‘stlik”, “Navbahor” hamda “Sergeli” kabi jamoalar safida to‘p surib, o‘zbek futbolida munosib iz qoldirgan.

Ayniqsa, "Navbahor" jamoasi safidagi faoliyati davomida katta yutuqlarga erishgan. Jumladan, 1995-yilda O‘zbekiston kubogi sohibi, 1996-yilda esa O‘zbekiston chempioni bo‘lgan.

2000-yilda hakamlik faoliyatini boshlagan Baxtiyor Tagayev 2011-yilgacha birinchi va oliy liga uchrashuvlarida faoliyat olib bordi. Shuningdek, 2006-2010-yillar davomida FIFA hakami yordamchisi (assistent) sifatida xalqaro maydonlarda ham yurtimiz sharafini munosib himoya qilgan.

Futzal yo‘nalishida ham samarali faoliyat olib borgan mutaxassis 2003-yilda Ardus jamoasi safida o‘ynagan, 2007-2013-yillarda esa ushbu jamoada murabbiy sifatida ishlagan. Uning boshchiligida “Ardus” 2010-2012-yillarda ketma-ket O‘zbekiston chempionligini qo‘lga kiritgan.

2014-2017-yillarda “Olmaliq” mini-futbol jamoasida murabbiylik qilib, 2015 va 2016-yillarda O‘zbekiston chempionligini qo‘lga kiritgan.

Hozirgi vaqtda u O‘zbekiston futbol assotsiatsiyasida hakamlar fitnes instruktori sifatida faoliyat yuritmoqda. Shuningdek, 2025-yildan boshlab O‘zFHMda futzal hakamlari bilan ishlash bo‘yicha mutaxassis va instruktor sifatida mehnat qilib kelmoqda.

Tadbir davomida uning o‘zbek futboli rivojiga qo‘shgan munosib hissasi alohida e’tirof etildi. Yubiley munosabati bilan unga esdalik sovg‘alari topshirildi.

⚽️ t.me/uzfhm