⚽️ Proliga–2026: 9-tur uchrashuvlari rasmiylari bilan tanishing.

O‘zbekiston Proligasining 2026-yilgi mavsumi 9-tur bahslarini boshqarib boruvchi hakamlar jamoalari tayinlandi.

📋 Barcha o‘yinlar uchun tayinlovlar — yuqoridagi grafikada.

Ma'lumot uchun, "Olimpik Mobiuz" — "Lochin" jamoalari o'rtasidagi bahs 18-iyun kuni bo'lib o'tadi.

⚽️ t.me/uzfhm

📋 Hakamlar akademiyasi tinglovchilari respublika chempionatida amaliyot o‘tamoqda.

2012-yilda tug‘ilgan (U-14) futbolchilar o‘rtasidagi "Sport maktablari o‘rtasida O‘zbekiston chempionati"ning respublika bosqichi bahslari davom etmoqda.

Musobaqa uchrashuvlarida Hakamlar akademiyasining 4-modul tinglovchilari hakamlik amaliyotini olib bormoqda.

O‘yinlarni FIFA instruktori Valentin Kovalenko, tajribali instruktorlar Aleksandr Popov hamda Baxtiyor Tagayev kuzatib bordi.

Uchrashuvlardan so‘ng hakamlarning qarorlari va o‘yinlarda yuzaga kelgan vaziyatlar mutaxassislar tomonidan batafsil tahlil qilinib, tinglovchilarga tegishli tavsiyalar berildi.

⚽️ t.me/uzfhm

📋 Hakamlar akademiyasi tinglovchilari uchun tashkil etilgan o‘quv kursining 4-moduli Toshkent shahrida davom etmoqda.

Mazkur modul doirasida bo‘lajak hakamlarning nazariy va amaliy bilimlarini yanada mustahkamlash, zamonaviy futbol hakamligi talablariga mos ko‘nikmalarni shakllantirish hamda o‘yin vaziyatlarini to‘g‘ri baholash bo‘yicha mashg‘ulotlar olib borilmoqda.

O‘quv jarayonlarida FIFA instruktori Valentin Kovalenko hamda tajribali instruktorlar Aleksandr Popov, Baxtiyor Tagayev, Timur Galeev hamda tajribali ayol hakam Edita Mirabidova ishtirok etib, tinglovchilarga futbol qoidalarining amaliy qo‘llanilishi, murakkab o‘yin epizodlarini tahlil qilish va qaror qabul qilish jarayonlari yuzasidan darslar o‘tmoqda.

Mashg‘ulotlar davomida mahalliy va xalqaro musobaqalardan olingan videolavhalar asosida o‘yin vaziyatlari batafsil tahlil qilinib, hakamlarning maydondagi pozitsiya tanlashi, intizomiy choralarni qo‘llash hamda jamoaviy ishlash tamoyillari muhokama qilinmoqda.

⚽️ t.me/uzfhm

📋 Oʻzbekistonlik hakamlar xalqaro oʻrtoqlik uchrashuvida ishlaydi.

5-iyun kuni Tojikiston va Hindiston terma jamoalari oʻrtasida boʻlib oʻtadigan oʻrtoqlik uchrashuvini Asker Najafaliyev boshchiligidagi hakamlar jamoasi boshqarib boradi.

⚽️ Bosh hakam: Asker Najafaliyev
⚽️ Yordamchi hakamlar: Ruslan Serazitdinov, Baxtiyor Shavkatov

🔹 Ahrol Risqullayev boshchiligidagi hakamlar jamoasi 6-iyun kuni Qirgʻiziston va Falastin terma jamoasi ishtirokidagi xalqaro oʻrtoqlik uchrashuvini boshqarib boradi.

⚽️ Bosh hakam: Ahrol Risqullayev
⚽️ Yordamchi hakamlar: Alisher Usmonov, Islom Azimov

⚽️ t.me/uzfhm

📹 Ilgiz Tantashev boshchiligidagi hakamlar jamoasi AQShdagi o‘quv-mashg‘ulot yig‘inlarida tayyorgarlikni davom ettirmoqda.

Bosh hakam Ilgiz Tantashev hamda yordamchi hakamlar Andrey Sapenko va Timur Gaynullin 2026-yilgi FIFA Jahon chempionati oldidan tashkil etilgan mashg‘ulotlarda ishtirok etib, mundialga hozirlik ko‘rmoqda.

Ilgiz Tantashev boshchiligidagi hakamlar jamoasi tomonidan AQShda o‘tayotgan FIFA o‘quv-mashg‘ulot yig‘inida musobaqada ishtirok etadigan hakamlar va instruktorlarga maxsus sovg'alar topshirildi.

⚽️ t.me/uzfhm