📋 Ayollar Oliy ligasi: 9-tur uchrashuvlari rasmiylari bilan tanishing.

Ayollar Oliy ligasining 9-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

⚽️ UzFHM | 🌟 Euroasia Insurance

📋 Hakamlar akademiyasining 4-moduli davom etmoqda.

O‘zbekiston futbol hakamlari markazi tomonidan tashkil etilgan Hakamlar akademiyasining navbatdagi, 4-moduli mashg‘ulotlari davom etmoqda.

Mashg‘ulotlar davomida tinglovchilarga futbol qoidalari, o‘yin vaziyatlarini tahlil qilish, maydondagi qaror qabul qilish jarayonlari hamda zamonaviy hakamlik talablari bo‘yicha nazariy va amaliy bilimlar berilmoqda.

Darslarni Superliga bahslarida faoliyat olib borayotgan hakamlar hamda tajribali instruktorlar olib borib, o‘z bilim va tajribalarini akademiya tinglovchilari bilan bo‘lishmoqda.

Hakamlar akademiyasi yosh va istiqbolli hakamlarni tayyorlash, ularning kasbiy mahoratini oshirish hamda kelajakda professional futbol uchrashuvlarida faoliyat yuritishlari uchun zarur ko‘nikmalarni shakllantirishga xizmat qilmoqda.

⚽️ UzFHM | 🌟 Euroasia Insurance

📋 Oʻzbek futbol hakamligi rivojiga munosib hissa qoʻshib kelayotgan mutaxassis va instruktor Marat Shakirovich Ismailov 60 yoshni qarshi oldi.

Marat Ismailov hakamlik faoliyatini 1990-yillarda boshlagan hamda qisqa vaqt ichida mamlakatimizning yetakchi hakamlaridan biriga aylangan.

Faoliyati davomida Oʻzbekiston Oliy ligasi uchrashuvlarida muntazam ishlagan hamda milliy chempionatning 179 ta uchrashuvida bosh hakam sifatida faoliyat olib borgan.

Shuningdek, u 2001-yilda FIFA xalqaro hakamlari roʻyxatidan oʻrin olgan. Faoliyati davomida FIFA Jahon chempionati saralash bosqichi uchrashuvlari hamda OFK Chempionlar ligasi bahslarida hakamlik qilib, xalqaro maydonda yurtimiz sharafini munosib himoya qilgan.

Tajribali hakam mamlakatimiz futbolidagi eng muhim bahslardan hisoblangan 2008 va 2009-yilgi Oʻzbekiston kubogi finallarini ham boshqarib borgan.

Marat Ismailov hakamlik faoliyatini yakunlagach, o‘z tajribasini yosh avlodga ulashishga kirishdi. Hozirgi kunga qadar hakamlar instruktori sifatida faoliyat yuritib, yuqori malakali hakamlarni tayyorlash, ularning bilim va ko‘nikmalarini oshirish jarayonlarida faol ishtirok etib kelmoqda.

Tadbir davomida uning o‘zbek futboli va hakamligi rivojiga qo‘shgan munosib hissasi alohida e’tirof etildi. Yubiley munosabati bilan Marat Ismailovga samimiy tilaklar bildirilib, esdalik sovg‘alari topshirildi.

⚽️ UzFHM | 🌟 Euroasia Insurance