📋 Superliga hakamlari yozgi o‘quv-mashg‘ulot yig‘inidan fotogalereya.

⚽️ UzFHM | 🌟 Euroasia Insurance

📋 Superliga davom ettirilishi oldidan klublar uchun maxsus seminarlar davom etmoqda.

O‘zbekiston futbol hakamlari markazi tajribali instruktorlari tomonidan futbolchilar va murabbiylar shtabiga o‘yin qoidalariga kiritilgan so‘nggi o‘zgartirishlar, o‘yin tempini oshirishga qaratilgan yangiliklar hamda xalqaro musobaqalarda qo‘llanilayotgan zamonaviy hakamlik yondashuvlari yuzasidan batafsil tushuntirishlar berilmoqda.

Shuningdek, mazkur qoida va o‘zgartirishlarning kelgusida Superliga, Proliga, Birinchi liga hamda ayollar Oliy ligasi uchrashuvlarida ham amaliyotga tatbiq etilishi, ularni qo‘llash tartibi va mazmun-mohiyati ishtirokchilarga batafsil tushuntirilmoqda.

“Xorazm” va “Respublika FA” jamoalari uchun mazkur seminarlar o‘tkazildi. Belgilangan reja asosida yaqin kunlarda barcha professional klublarda ham shunday mashg‘ulotlar tashkil etiladi.

Mazkur seminarlar o‘yin qoidalarining yagona talqinda qo‘llanilishini ta’minlash, futbol ishtirokchilarining qoidalarga oid bilimlarini mustahkamlash hamda Superliga, Proliga, Birinchi liga va Ayollar oliy ligasi uchrashuvlarini yuqori saviyada tashkil etishga xizmat qiladi.

⚽️ UzFHM | 🌟 Euroasia Insurance

🖥 “Qo’qon-1912” jamoasi stadioniga VAR texnikasi o‘rnatildi.

Prezidentning 262-sonli qarori ijrosini ta’minlash hamda futbol uchrashuvlarini yuqori saviyada tashkil etish maqsadida mamlakatimiz stadionlarida markazlashgan VAR tizimidan foydalanish uchun maxsus texnikalarni o‘rnatish ishlari jadal davom etmoqda.

Hozirda "Qo’qon-1912" stadioniga VAR texnikalarini joylashtirish ishlari to‘liq yakunlandi.

Mazkur sa’y-harakatlar hakamlik qarorlarining haqqoniyligini ta’minlash, shuningdek, o‘zbek futbolining xalqaro standartlarga mosligini oshirishga xizmat qiladi.

⚽️ UzFHM | 🌟 Euroasia Insurance

⚽️Superliga-2026: 12-tur uchrashuvlari rasmiylari bilan tanishing.

Superliganing 12-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

⚽️ UzFHM | 🌟 Euroasia Insurance

📋 OAV vakillari, futbol sharhlovchilari va blogerlar uchun o‘yin qoidalariga kiritilgan o‘zgarishlar yuzasidan seminar tashkil etildi

⚡️ O‘zbekiston futbol assotsiatsiyasi hamda O‘zbekiston futbol hakamlari markazi tomonidan OAV vakillari, futbol sharhlovchilari va jurnalistlari uchun o‘yin qoidalariga kiritilgan so‘nggi o‘zgarishlar yuzasidan maxsus seminar tashkil etildi.

🚩 Tadbir davomida IFAB tomonidan futbol o‘yin qoidalariga kiritilgan so‘nggi o‘zgarishlar, ularning mazmun-mohiyati hamda amaliyotda qo‘llanish tartibi yuzasidan batafsil taqdimot o‘tkazildi. Shuningdek, videolavhalar orqali turli o‘yin vaziyatlari tahlil qilinib, yangi qoidalar asosida hakamlar tomonidan qabul qilinishi lozim bo‘lgan qarorlar yuzasidan amaliy misollar ko‘rib chiqildi.

🏳 Seminar davomida mutaxassislar va OAV vakillari o‘rtasida muloqot tashkil etilib, futbol sharhlovchilari hamda jurnalistlarni qiziqtirgan savollarga batafsil javob berildi.

⚽️ UzFHM | 🌟 Euroasia Insurance