⚽️Superliga-2026: 12-tur uchrashuvlari rasmiylari bilan tanishing.

Superliganing 12-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

⚽️ UzFHM | 🌟 Euroasia Insurance

📋 OAV vakillari, futbol sharhlovchilari va blogerlar uchun o‘yin qoidalariga kiritilgan o‘zgarishlar yuzasidan seminar tashkil etildi

⚡️ O‘zbekiston futbol assotsiatsiyasi hamda O‘zbekiston futbol hakamlari markazi tomonidan OAV vakillari, futbol sharhlovchilari va jurnalistlari uchun o‘yin qoidalariga kiritilgan so‘nggi o‘zgarishlar yuzasidan maxsus seminar tashkil etildi.

🚩 Tadbir davomida IFAB tomonidan futbol o‘yin qoidalariga kiritilgan so‘nggi o‘zgarishlar, ularning mazmun-mohiyati hamda amaliyotda qo‘llanish tartibi yuzasidan batafsil taqdimot o‘tkazildi. Shuningdek, videolavhalar orqali turli o‘yin vaziyatlari tahlil qilinib, yangi qoidalar asosida hakamlar tomonidan qabul qilinishi lozim bo‘lgan qarorlar yuzasidan amaliy misollar ko‘rib chiqildi.

🏳 Seminar davomida mutaxassislar va OAV vakillari o‘rtasida muloqot tashkil etilib, futbol sharhlovchilari hamda jurnalistlarni qiziqtirgan savollarga batafsil javob berildi.

⚽️ UzFHM | 🌟 Euroasia Insurance

📋 Ilgiz Tantashev boshchiligidagi hakamlar jamoasi yurtimizga qaytdi.

FIFA hakami Ilgiz Tantashev boshchiligidagi o‘zbekistonlik hakamlar jamoasi 2026 yilgi FIFA Jahon chempionatidagi faoliyatidan so‘ng yurtimizga qaytdi.

Ma’lumki, Ilgiz Tantashev (bosh hakam), Andrey Sapenko (yordamchi hakam) hamda Timur Gaynullin (yordamchi hakam) AQSH, Kanada va Meksika mezbonlik qilgan FIFA Jahon chempionati uchrashuvlarida hakamlik qildi.

Bugun hakamlar jamoasini Toshkentda oila a’zolari, O‘zbekiston Futbol Hakamlari Markazi rahbariyati hamda taniqli hakamlar kutib oldi.

Eslatib o‘tamiz, Ilgiz Tantashev boshchiligidagi hakamlar brigadasi musobaqa doirasida Shotlandiya — Marokash, Jazoir — Avstriya hamda Paragvay — Fransiya uchrashuvlarini boshqarib bordi.

⚽️ UzFHM | 🌟 Euroasia Insurance

🖥 “Lokomotiv” jamoasi stadioniga VAR texnikasi o‘rnatildi.

Prezidentning 262-sonli qarori ijrosini ta’minlash hamda futbol uchrashuvlarini yuqori saviyada tashkil etish maqsadida mamlakatimiz stadionlarida markazlashgan VAR tizimidan foydalanish uchun maxsus texnikalarni o‘rnatish ishlari jadal davom etmoqda.

Hozirda "Lokomotiv" stadioniga VAR texnikalarini joylashtirish ishlari to‘liq yakunlandi.

Mazkur sa’y-harakatlar hakamlik qarorlarining haqqoniyligini ta’minlash, shuningdek, o‘zbek futbolining xalqaro standartlarga mosligini oshirishga xizmat qiladi.

⚽️ UzFHM | 🌟 Euroasia Insurance

📋 Proliga va Birinchi liga hakamlari yozgi o‘quv-mashg‘ulot yig‘inida ishtirok etmoqda.

Yig‘in dasturiga muvofiq, hakamlar jismoniy tayyorgarlik darajasini aniqlash maqsadida belgilangan test sinovlarini topshirdi. Shuningdek, psixolog ishtirokida mashg‘ulotlar o‘tkazilib, uchrashuvlar davomida ruhiy barqarorlikni saqlash, bosim ostida to‘g‘ri qaror qabul qilish bo‘yicha tavsiyalar berildi.

Bundan tashqari, hakamlar nazariy hamda amaliy mashg‘ulotlarda ishtirok etib, IFAB tomonidan o‘yin qoidalariga kiritilgan so‘nggi o‘zgartirishlar, turli o‘yin vaziyatlarini tahlil qilish hamda hakamlik amaliyotiga oid muhim masalalar yuzasidan o‘z bilim va ko‘nikmalarini mustahkamlamoqda.

⚽️ UzFHM | 🌟 Euroasia Insurance