📋 “Neftchi” — “Buxoro” va “Bunyodkor” – “Nasaf” uchrashuvlarida muhokamalarga sabab bo‘lgan vaziyatlar bo‘yicha Ekspert hakamlar guruhi xulosa.

🔹7-daqiqada “Buxoro” jamoasi hujumchisining zarbasidan so’ng to’p “Neftchi” futbolchisining qo’liga tegdi. Futbolchining qo’li yuqoriga ko’tarilgan va notabiiy holatda bo’lgan. Shu sababli bosh hakam penalti belgilab, to’g’ri qaror qabul qilgan.

🔹 21-daqiqadagi to‘p uchun kurash jarayonida “Buxoro” futbolchisi jarima maydoni ichida “Neftchi”ning 7-raqamli futbolchisining oyog‘iga yengil tegingan. Bunday kontaktlar oddiy futbol kontakti hisoblanadi va penalti belgilash uchun yetarli emas. Shuningdek, “Neftchi”ning 7-raqamli futbolchisi yiqilmagan holda o‘yinni davom ettirish imkoniyatiga ega bo‘lganligini yaqqol ko‘rish mumkin.

🔹 51-daqiqada “Buxoro” futbolchisi to‘p uchun harakat qilayotgan vaqtda to‘p avval uning oyog‘iga tegib, yo‘nalishini sezilarli darajada o‘zgartirgandan keyin qo‘liga tekkan. Shu sababli qo‘l bilan o‘yin qoidabuzarligi to‘g‘ri qayd etilmagan.

🔹 73-daqiqada “Buxoro” himoyachisi to‘p uchun harakat qilib, dastlab to‘pga o‘ynagan. Biroq “Neftchi” hujumchisi ham dastlabki harakati davomida himoyachi tomon harakat qilgan va buning oqibatida himoyachi hujumchi oyog‘ini bosib olgan. Bunday holatlar muqarrar to‘qnashuv hisoblanib, qoidabuzarlik qayd etilmaydi.

🔹 90+1-daqiqada “Buxoro”ning 6-raqamli futbolchisi tomonidan “Neftchi” futbolchisi ortidan turtib yiqitilgan. “Buxoro” jamoasining 4-raqamli futbolchisi to‘p uchun kurash olib borgan va uning harakatlarida jarohat yetkazishga qaratilgan qo‘pollik yoki agressiv xatti-harakat kuzatilmagan. Hakam 6-raqamli futbolchi tomonidan sodir etilgan qoidabuzarlik uchun jarima zarbasini to‘g‘ri belgilagan.

🔹 “Bunyodkor” – “Nasaf” uchrashuvining 52-daqiqasida “Nasaf” jamoasining 20-raqamli futbolchisi to‘p bilan harakatlanish jarayonida ehtiyotsizlik oqibatida raqibining yuz qismiga qo‘li bilan zarba berdi.

Bosh hakam ushbu vaziyatni maydonda e’tibordan chetda qoldirgani sababli VAR hakami tomonidan epizodni video takror orqali ko‘rib chiqish tavsiya etildi. Takroriy tasvirlar tahlil qilingach, hakamlar jamoasi futbolchiga sariq kartochka ko‘rsatdi. Ushbu intizomiy chora va qabul qilingan qaror to‘g‘ri hisoblanadi.

⚽️ UzFHM | 🌟 Euroasia Insurance

🇺🇿 O‘zbekistonlik ayol hakamlar CAFA U-20 qizlar turnirida faoliyat olib bormoqda.

Tojikistonning Hisor shahrida 25-iyulga qadar davom etadigan CAFA U-20 qizlar chempionatida o‘zbekistonlik hakamlar ham ishtirok etmoqda.

Nasibabonu Toshmuhamedova bosh hakam, Oydinoy Abduvahobova esa yordamchi hakam sifatida faoliyat olib bormoqda.

O‘zbekistonlik hakamlar musobaqa doirasidagi Tojikiston — Eron uchrashuvini boshqarib bordi.

⚽️ UzFHM | 🌟 Euroasia Insurance