⚽️ Proliga–2026: 12-tur uchrashuvlari rasmiylari bilan tanishing.

O‘zbekiston Proligasining 2026-yilgi mavsumi 12-tur bahslarini boshqarib boruvchi hakamlar jamoalari tayinlandi.

📋 Barcha o‘yinlar uchun tayinlovlar — yuqoridagi grafikada.

⚽️ UzFHM | 🌟 Euroasia Insurance

📋 O‘zbekiston futbol hakamlari markazi tomonidan O'zbekiston U-14 oʻsmirlar terma jamoasi futbolchilariga o‘yin qoidalariga kiritilgan so‘nggi o‘zgarishlar yuzasidan maxsus seminar tashkil etildi.

Seminarda mazkur o‘zgarishlar, ularning mazmun-mohiyati videolavhalar orqali tushuntirib berilib, amaliy misollar ko‘rib chiqildi.

⚽️ UzFHM | 🌟 Euroasia Insurance

📋 Bugundan Milliy futbol markazida Hakamlar akademiyasi tinglovchilari uchun tashkil etilgan o‘quv kursining 5-moduli o‘z ishini boshladi.

Modul doirasida tinglovchilarning nazariy bilimlarini mustahkamlash, zamonaviy futbol qoidalari va hakamlik faoliyatiga oid bilimlarini yanada takomillashtirish, shuningdek, jismoniy tayyorgarlik darajasini baholashga qaratilgan mashg‘ulot va sinovlar tashkil etiladi.

O‘quv jarayoni davomida bo‘lajak hakamlar nazariy darslar, amaliy mashg‘ulotlar hamda jismoniy testlarda ishtirok etib, hakamlik faoliyati uchun zarur bo‘lgan bilim va ko‘nikmalarini yanada rivojlantirib boradilar.

5-modul doirasidagi mashg‘ulotlar davomida tinglovchilarning professional tayyorgarligini yangi bosqichga olib chiqish, zamonaviy futbol talablariga mos ravishda rivojlantirish va kelgusidagi hakamlik faoliyatiga tayyorlashga alohida e’tibor qaratiladi.

⚽️ UzFHM | 🌟 Euroasia Insurance

⚽️ Milliy futbol markazida ayol hakamlar uchun tashkil etilgan FIFA seminari davom etmoqda.

Seminarga FIFAning tajribali instruktori Ali Ahmed Altraifi rahbarlik qilmoqda. Mashg‘ulotlar davomida ishtirokchilarga zamonaviy futbol qoidalarining amaliy qo‘llanilishi, o‘yin vaziyatlarini to‘g‘ri tahlil qilish, yagona hakamlik yondashuvini shakllantirish hamda uchrashuvlarni samarali boshqarish bo‘yicha nazariy va amaliy bilimlar berilmoqda.

Seminar jarayonida murakkab o‘yin epizodlari batafsil tahlil qilinib, FIFA tavsiyalari asosida qaror qabul qilish mezonlari, maydondagi boshqaruv, hakamlar o‘rtasidagi hamkorlik va zamonaviy hakamlik talablari yuzasidan fikr almashilmoqda.

Mazkur seminar ayol hakamlarning kasbiy mahoratini oshirish, xalqaro standartlar asosida bilim va ko‘nikmalarini yanada mustahkamlash hamda ularni nufuzli musobaqalarga tayyorlashda muhim ahamiyat kasb etadi.

⚽️ UzFHM | 🌟 Euroasia Insurance