⚽️ Milliy futbol markazida ayol hakamlar uchun tashkil etilgan FIFA seminari davom etmoqda.

Bugungi seminarning ikkinchi yarmida ishtirokchilar uchun amaliy mashg‘ulotlar tashkil etildi. Dastlab ayol hakamlar jismoniy tayyorgarlik bo‘yicha mashqlarni bajarishdi.

Shuningdek, tashkil etilgan o‘yin davomida yuzaga keltirilgan turli vaziyatlarda hakamlarning qaror qabul qilish jarayoni FIFA instruktorlari tomonidan kuzatildi va baholandi.

Mashg‘ulotlar davomida har bir vaziyat yuzasidan tahlillar o‘tkazilib, ishtirokchilarga amaliy tavsiyalar berildi.

⚽️ UzFHM | 🌟 Euroasia Insurance

⚽️ Milliy futbol markazida ayol hakamlar uchun tashkil etilgan FIFA seminari davom etmoqda.

FIFA instruktori Ali Ahmed Altraifi boshchiligidagi navbatdagi mashg‘ulotlarda ishtirokchilar o‘yin vaziyatlarini tahlil qilish, hakamlik qarorlarini baholash hamda maydondagi boshqaruv bo‘yicha amaliy mashg‘ulotlarda qatnashdi.

Seminar davomida FIFA tavsiyalari asosida murakkab epizodlar muhokama qilinib, ayol hakamlarning zamonaviy hakamlik standartlari bo‘yicha bilim va ko‘nikmalarini yanada mustahkamlashga alohida e'tibor qaratilmoqda.

⚽️ UzFHM | 🌟 Euroasia Insurance

🗓 Milliy futbol markazida Hakamlar akademiyasi tinglovchilari uchun tashkil etilgan o‘quv kursining 5-moduli doirasida nazariy mashg‘ulotlar davom etmoqda.

Navbatdagi mashg‘ulotlarda O‘zbekiston futbol assotsiatsiyasi birinchi vitse-prezidenti Ravshan Irmatov hamda FIFA hakami Ilgiz Tantashev boshchiligidagi hakamlar jamoasi Akademiya tinglovchilari bilan uchrashdi.

Muloqot davomida tajribali hakamlar o‘z faoliyatlari davomida orttirgan tajribalari bilan o‘rtoqlashib, bo‘lajak hakamlarga maydonda to‘g‘ri qaror qabul qilish, murakkab vaziyatlarni baholash, o‘zini boshqarish va uchrashuvni samarali boshqarish bo‘yicha muhim tavsiyalar berdilar.

Shuningdek, tinglovchilar o‘zlarini qiziqtirgan savollar bilan murojaat qilib, hakamlik faoliyatining turli jihatlari yuzasidan atroflicha javoblar olishdi. Mazkur uchrashuv yosh hakamlarning tajribali mutaxassislar bilan bevosita muloqot qilishi va amaliy tajriba almashishi uchun muhim imkoniyat bo‘ldi.

⚽️ UzFHM | 🌟 Euroasia Insurance