⚽️ Proliga–2026: 13-tur uchrashuvlari rasmiylari bilan tanishing.

O‘zbekiston Proligasining 2026-yilgi mavsumi 13-tur bahslarini boshqarib boruvchi hakamlar jamoalari tayinlandi.

📋 Barcha o‘yinlar uchun tayinlovlar — yuqoridagi grafikada.

⚽️ UzFHM | 🌟 Euroasia Insurance

📋 Ayollar Oliy ligasi: 12-tur uchrashuvlari rasmiylari bilan tanishing.

Ayollar Oliy ligasining 12-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

⚽️ t.me/uzfhm

🤝 OFK Elit hakamlari seminari boshlandi.

Bugun Milliy futbol markazida Osiyo futboli hakamligi taraqqiyotida muhim o‘rin tutuvchi OFK Elit hakamlari seminari o‘z ishini boshladi. E’tiborlisi, mazkur nufuzli seminar O‘zbekiston mezbonligida ilk bor tashkil etilmoqda.

Seminarda Osiyoning turli mamlakatlaridan tashrif buyurgan 92 nafar elit toifadagi hakam, 6 nafar OFK vakili hamda 6 nafar OFK instruktori ishtirok etmoqda.

O‘quv-seminar 7-avgust kuniga qadar davom etadi hamda hakamlarning nazariy bilimlari, amaliy ko‘nikmalari va jismoniy tayyorgarligini yanada yuksaltirishga qaratilgan. Seminar dasturi nazariy va amaliy mashg‘ulotlarni o‘z ichiga olgan.

Kunning birinchi yarmida ishtirokchilar FIFA va OFKning zamonaviy talablari, futbol qoidalariga kiritilgan so‘nggi o‘zgartirishlar, o‘yin vaziyatlarini tahlil qilish hamda hakamlik qarorlarini baholash bo‘yicha darslarda qatnashmoqda.

Kunning ikkinchi yarmida esa egallangan bilimlar futbol maydonidagi amaliy mashg‘ulotlar orqali mustahkamlanib, o‘yin boshqaruvi, to‘g‘ri pozitsiya tanlash va qaror qabul qilish bo‘yicha ko‘nikmalar yanada takomillashtirilmoqda.

⚽️ UzFHM | 🌟 Euroasia Insurance

📋 OFK Elit hakamlari seminarining amaliy mashg‘ulotlari davom etmoqda.

Kunning ikkinchi qismida ishtirokchilar ikki guruhga bo‘lingan holda mashg‘ulotlarda qatnashdi. Dastlab hakamlar jismoniy tayyorgarlik bo‘yicha normativ sinovlarini topshirib, maydondagi harakatlanish va funksional tayyorgarlik darajalarini namoyish etdi.

Shundan so‘ng futbol maydonida amaliy mashg‘ulotlar tashkil etilib, o‘yin davomida yuzaga kelishi mumkin bo‘lgan turli vaziyatlar modellashtirildi.

Mashg‘ulotlar jarayonida VAR bilan bog‘liq holatlar, o‘yin epizodlarini to‘g‘ri baholash, hakamlar o‘rtasidagi hamkorlik hamda yakuniy qarorlarni qabul qilish bo‘yicha amaliy ko‘nikmalar yanada takomillashtirildi.

⚽️ UzFHM | 🌟 Euroasia Insurance