📋 Hakamlar akademiyasi tinglovchisi Durdona Sadullayeva ayollar Oliy ligasi uchrashuvini boshqarib bordi.

2026-yilgi Hakamlar akademiyasi tinglovchisi Durdona Sadullayeva o‘quv jarayoni davom etayotganiga qaramay, nazariy bilimlari, jismoniy tayyorgarligi va amaliy salohiyati sababli ayollar Oliy ligasi 12-turidan o‘rin olgan OKMK-W – "Bunyodkor-W" uchrashuvini boshqardi. Unga qanotlarda Xayriniso Erkinova va Oydinoy Abduvaxobova yordam berdi.

Yosh hakamlarning tayyorgarlik darajasidan kelib chiqib, ularni professional musobaqalarga bosqichma-bosqich jalb etish Hakamlar akademiyasining asosiy yo‘nalishlaridan biridir.

Shu sababli bu kabi tayinlovlar yosh hakamlarning nazariy va amaliy tayyorgarligini real o‘yinlar orqali yanada mustahkamlash, ularning tajribasini oshirish hamda kelgusida yuqori darajadagi musobaqalarda faoliyat yuritishlari uchun muhim imkoniyatdir.

⚽️ UzFHM | 🌟 Euroasia Insurance

🤝 Milliy futbol markazida ilk bor o‘tkazilayotgan OFK Elit hakamlari seminari navbatdagi o‘quv kuni bilan davom etdi.

Bugungi mashg‘ulotlarda OFK Hakamlar qo'mitasi raisi Hany Taleb Ballan Al Raeesi ishtirok etdi.

Seminar doirasida hakamlar uchun nazariy mashg‘ulotlar hamda futbol maydonida amaliy darslar tashkil etilib, o‘yin vaziyatlarini baholash, hakamlarning maydondagi harakatlanishi va VAR bilan bog‘liq holatlar yuzasidan mashqlar o‘tkazildi.

⚽️ UzFHM | 🌟 Euroasia Insurance

🤝 OFK Elit hakamlari seminari davom etmoqda.

Kun davomida hakamlar uchun nazariy va amaliy mashg‘ulotlar tashkil etildi. Darslar davomida o‘yin vaziyatlarini tahlil qilish, hakamlarning maydondagi pozitsiyasi va harakatlanishi, jamoaviy hamkorlik hamda VAR bilan bog‘liq turli vaziyatlar yuzasidan amaliy mashqlar olib borildi.

Seminar elit hakamlarning kasbiy mahoratini yanada oshirish, zamonaviy hakamlik standartlarini amaliyotga samarali tatbiq etish hamda hakamlikda yagona yondashuvni mustahkamlashga xizmat qilmoqda.

⚽️ UzFHM | 🌟 Euroasia Insurance