⚽️ Proliga–2026: 17-tur uchrashuvlari rasmiylari bilan tanishing.

O‘zbekiston Proligasining 2026-yilgi mavsumi 17-tur bahslarini boshqarib boruvchi hakamlar jamoalari tayinlandi.

📋 Barcha o‘yinlar uchun tayinlovlar — yuqoridagi grafikada.

⚽️ UzFHM | 🌟 Euroasia Insurance

📋 Ayollar Oliy ligasi: 17-tur uchrashuvlari rasmiylari bilan tanishing.

Ayollar Oliy ligasining 17-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

⚽️ t.me/uzfhm

📋 Hakamlikdagi xato va kamchiliklar tanqidiy ruhda muhokama qilindi.

Bugun O‘zbekiston Hakamlar markazi rahbariyati, Hakamlar qo‘mitasi a’zolari, Superliga va Proligada faoliyat olib borayotgan hakamlar, instruktorlar hamda inspektorlar ishtirokida Zoom platformasi orqali yig‘ilish o‘tkazildi.

Yig‘ilishda hakamlar tomonidan yo‘l qo‘yilayotgan xatolar, uchrashuvlarni boshqarish sifati, hakamlarning o‘z ustida ishlashi va ularning darajasini oshirish masalalari muhokama qilindi. Ayrim hakamlarga xatolarni bartaraf etish borasida so‘nggi imkoniyat berilishi ta’kidlandi.

Ma’mur Saidkasimov: "Har bir turda o‘yin boshqarishga kurashishdan ko‘ra, avvalo uchrashuvni sifatli boshqarish muhim. Belgilangan qoidalar va tartibga amal qilish kerak. Xatolar takrorlanaversa, ularga nisbatan qat’iy choralar, hatto hakamlikdan chetlatishgacha bo‘lgan jazolar qo‘llaniladi.

Xato bo‘lishi mumkin, ammo uni qayta-qayta takrorlash katta kamchilik. VAR, AVAR va yordamchi hakamlar kerakli vaziyatlarda bosh hakamga doimo yordam berishi shart.

Qaror qabul qilishdan oldin vaziyatni to‘g‘ri baholash, maydonda ko‘proq mehnat qilib, vaziyatga yaqinroq bo'lish zarur. Chunki hakamning maydonda to'g'ri joy tanlashi juda ham muhim. Bu qarorlarning aniqligiga katta tasir ko'rsatadi.

Proligada ham xatolar va hakamlarga oid savollar ko‘paymoqda. Agar hakam charchagan yoki o‘yinga tayyor bo‘lmasa, buni ochiq aytishi kerak.

Bizning maqsadimiz barcha hakamlarni birlashtirgan holda xatolarni maksimal darajada kamaytirishdir".

Bobur Haydarov: "Qoidalar ularga amal qilish uchun ishlab chiqilgan. Hakam o‘z ustida ishlashdan to‘xtamasligi kerak. Har bir vaziyatga o‘z vaqtida yetib borish va to‘g‘ri qaror qabul qilish muhim.

Katta tajribaga ega hakamlarda ham xatolar uchramoqda. Buni to‘g‘rilashimiz kerak. Maqsadimiz xalqaro darajadagi hakamlarni tayyorlash va buning uchun doimiy ravishda ishlashdir".

Valentin Kovalenko: "Tahlillar davomida ayrim xatoliklar ko‘pligi ko‘rinmoqda. Albatta, yaxshi boshqarilgan o‘yinlar ham ko‘p, ammo kamchiliklarni ham ochiq tan olish kerak.

Agar hakam o‘yinga tayyor bo‘lmasa, buni oldindan aytishi lozim. Barchamiz insonmiz, tushinamiz. Har bir o‘yin yangi tajriba, ammo maydonda professional bo‘lish va vaziyatlarga tayyor turish shart".

Abduhamidullo Rasulov: "Biz tomondan qandaydir muammo yoki yetishmovchilik bormi? Sizlarga zarur sharoitlarni yaratib bera olmayapmizmi? Bo‘lsa, ochiq aytinglar — sizlarni eshitishga tayyormiz.

Agar zarur sharoitlar yaratilmaganida, xatolarni tushunish mumkin edi. Ammo hakamlar uchun barcha imkoniyatlar yaratilgan. Sizlardan talab shu — o‘zingizni ustingizda ko'proq ishlang va xatolarni kamaytiring".

⚽️ UzFHM | 🌟 Euroasia Insurance

🖥 “Turon” stadioniga VAR texnikasi o‘rnatildi.

Prezidentning 262-sonli qarori ijrosini ta’minlash hamda futbol uchrashuvlarini yuqori saviyada tashkil etish maqsadida mamlakatimiz stadionlarida markazlashgan VAR tizimidan foydalanish uchun maxsus texnikalarni o‘rnatish ishlari jadal davom etmoqda.

Hozirda "Turon" stadioniga VAR texnikalarini joylashtirish ishlari to‘liq yakunlandi.

Mazkur sa’y-harakatlar hakamlik qarorlarining haqqoniyligini ta’minlash, shuningdek, o‘zbek futbolining xalqaro standartlarga mosligini oshirishga xizmat qiladi.

⚽️ UzFHM | 🌟 Euroasia Insurance

📋 O‘zbekiston futbol assotsiatsiyasida Hakamlar qo‘mitasining navbatdagi yig‘ilishi bo‘lib o‘tdi.

Bugun O‘zbekiston futbol assotsiatsiyasida Hakamlar qo‘mitasining navbatdagi yig‘ilishi bo‘lib o‘tdi. Unda hakamlik faoliyatini yanada takomillashtirish, sohadagi mavjud masalalarni muhokama qilish va oldinda turgan vazifalarni belgilab olish bo‘yicha muhim masalalar ko‘rib chiqildi.

Yig‘ilish kun tartibidan o‘rin olgan asosiy masalalar:

VAR hakamlari salohiyatini rivojlantirish: “VAR” va “AVAR” hakamlarining Superliga hamda Proliga uchrashuvlariga tayinlanishi, kelgusida VAR hakamlari sonini ko‘paytirish va ularning yanada sifatli hamda samarali faoliyat yuritishini ta’minlash masalalari muhokama qilindi.
Shuningdek, FIFA kunlari davomida amaldagi VAR va AVAR hakamlarini qayta attestatsiyadan o‘tkazish, shuningdek, yangi VAR va AVAR hakamlarini tayyorlash va ularni mazkur yo‘nalishdagi sinovlardan o‘tkazish masalalari ko‘rib chiqildi.

Hakamlar faoliyatini baholash: Superliga, Proliga va boshqa quyi ligalarning o‘tgan tur uchrashuvlarida hakamlar, yordamchi hakamlar hamda "VAR" hakamlari olgan past baholarni ko‘rib chiqish, bahsli va murakkab vaziyatlarni tahlil qilish.

Yosh hakamlar va Hakamlar akademiyasi faoliyati: Hakamlar markazi rahbari Ma’mur Saidkasimov yosh hakamlar bilan ishlash bo‘yicha tuzilgan ishchi komissiya hisobotini taqdim etdi. Shuningdek, Hakamlar akademiyasining 5-moduli natijalarini tasdiqlash masalalari ko‘rib chiqildi.

Yig‘ilish yakunida kun tartibidagi masalalar atroflicha tahlil qilinib, mavjud kamchiliklarning oldini olish, hakamlarning nazariy hamda amaliy tayyorgarligini oshirish yuzasidan mas'ullarga tegishli ko‘rsatma va vazifalar berildi.

⚽️ UzFHM | 🌟 Euroasia Insurance