📋 O'zbekiston kubogi 1/8 final uchrashuvlari rasmiylari bilan tanishing.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

⚽️ UzFHM | 🌟 Euroasia Insurance

📋 O‘zbekiston futbol hakamlari markazi mutaxassislari va hakamlar “O‘zbekiston Respublikasi mustaqilligining 35 yilligi” esdalik nishoni bilan taqdirlandi.

Taqdirlash marosimida O‘zbekiston futbol hakamlari markazi rahbari Ma’mur Saidqosimov, Hakamlar qo'mitasi raisi Bobur Haydarov, tajribali mutaxassislar Baxtiyor Tagayev va Marat Ismoilov, FIFA hakamlari Ilgiz Tantashev, Andrey Sapenko va Timur Gaynullin “O‘zbekiston Respublikasi mustaqilligining 35 yilligi” esdalik nishoni bilan taqdirlandi.

⚽️ UzFHM | 🌟 Euroasia Insurance

📋 Superliga 18-19-tur uchrashuvlari bo‘yicha hakamlar faoliyati tahlil qilindi.

Bugun Zoom platformasi orqali Superliganing 18-19-tur uchrashuvlariga bag‘ishlangan tahlil yig‘ilishi bo‘lib o‘tdi. Unda tajribali instruktorlar va Superligada faoliyat olib borayotgan hakamlar ishtirok etdi.

Tahlil davomida:
“Neftchi” — “Sug‘diyona”
“Qo‘qon-1912” — “Buxoro”
“Dinamo” — “Paxtakor”
“Lokomotiv” — “Bunyodkor”
“Xorazm” — “Lokomotiv”
“Paxtakor” — “Surxon”
“OKMK” — “Dinamo”
“Navbahor” — “Nasaf” uchrashuvlaridagi hakamlik qarorlari va o‘yin vaziyatlari ko‘rib chiqilib, batafsil muhokama qilindi.

Hakamlarning qarorlari yuzasidan tegishli tushuntirishlar berilib, kelgusi uchrashuvlarda e’tibor qaratilishi lozim bo‘lgan jihatlar bo‘yicha tavsiyalar bildirildi.

⚽️ UzFHM | 🌟 Euroasia Insurance

📋 Milliy futbol markazida futzal hakamlarining yangi mavsum oldidan o‘tkazilgan o‘quv-mashg‘ulot yig‘ini yakunlandi.

Yig‘in davomida hakamlarning nazariy bilimlarini mustahkamlash, amaliy ko‘nikmalarini oshirish hamda jismoniy tayyorgarligini baholashga alohida e’tibor qaratildi.

Mashg‘ulotlar doirasida futzal o‘yinlaridagi muhim vaziyatlar videolavhalar orqali tahlil qilinib, o‘yin qoidalarining qo‘llanilishi yuzasidan nazariy darslar o‘tkazildi. Shuningdek, hakamlar jismoniy tayyorgarlik bo‘yicha sinovlardan o‘tib, nazariy test topshiriqlarini bajardilar.

Mazkur o‘quv-mashg‘ulot yig‘ini futzal hakamlarining bilim va jismoniy tayyorgarligini yanada oshirish, shuningdek, yangi mavsumdagi uchrashuvlarni yuqori saviyada boshqarishga puxta hozirlik ko‘rish uchun muhim ahamiyat kasb etdi.

⚽️ UzFHM | 🌟 Euroasia Insurance