📋 "Andijon" jamoasi vakillariga "Buxoro" bilan bo'lib o'tgan uchrashuvdagi vaziyatlar bo'yicha tushuntirishlar berildi.

O‘zbekiston futbol hakamlari markazi rahbariyati, Hakamlar qo‘mitasi rahbari, O‘zbekiston professional futbol ligasi vakillari hamda “Andijon” jamoasi vakillari ishtirokida Zoom platformasi orqali "Andijon" — "Buxoro" o'rtasidagi uchrashuvda yuzaga kelgan vaziyatlar muhokama qilindi.

Muloqot davomida “Andijon” jamoasi tomonidan bildirilgan e’tirozlar va yuzaga kelgan savollar atroflicha ko‘rib chiqildi. Uchrashuv davomida sodir bo‘lgan 5 ta vaziyat tahlil qilinib, ularga oid tushuntirishlar berildi.

Shuningdek, hakamlik faoliyatini tahlil qilish va klublar bilan hamkorlikni yanada takomillashtirish maqsadida elektron platformadan foydalanish yo‘lga qo‘yilmoqda. Mazkur platforma orqali har bir jamoaga individual kirish huquqi taqdim etiladi.

Bu orqali klublar o‘z uchrashuvlarida yuzaga kelgan vaziyatlarni ko‘rish, ularni tahlil qilish hamda hakamlik qarorlari bilan bog‘liq jarayonlarni kuzatib borish imkoniyatiga ega bo‘ladi.

Yangi tizim hakamlik faoliyatining shaffofligini oshirish, bahsli vaziyatlarga oydinlik kiritish va klublar bilan o‘zaro muloqotni mustahkamlashga xizmat qiladi.

⚽️ UzFHM | 🌟 Euroasia Insurance

📋 Superliga 23-tur uchrashuvlari bo‘yicha hakamlar faoliyati tahlil qilindi.

Bugun O‘zbekiston futbol hakamlari markazi tomonidan Superliganing 23-tur uchrashuvlari tahlili o‘tkazildi. Zoom platformasi orqali tashkil etilgan yig‘ilishda hakamlar instruktorlari va inspektorlari ishtirok etdi.

Tahlilni Farhod Abdullayev, Bobur Haydarov, Valentin Kovalenko hamda Jahongir Saidov olib bordi.

Tahlil davomida uchrashuvlarda kuzatilgan bahsli vaziyatlar atroflicha ko‘rib chiqildi. Har bir epizod yuzasidan hakamlarning qarorlari tahlil qilinib, to‘g‘ri qaror qabul qilish bo‘yicha amaliy tushuntirishlar berildi.

Shuningdek, ayrim vaziyatlar yuzasidan tavsiyalar berilib, kelgusi uchrashuvlarda hakamlik borasida yagona yondashuvni ta’minlashga alohida e’tibor qaratildi.

⚽️ UzFHM | 🌟 Euroasia Insurance

📋 OKMK — "Navbahor" uchrashuvidagi penalti vaziyati yuzasidan tushuntirish.

OKMK va "Navbahor" jamoalari o‘rtasidagi uchrashuvning 90+6-daqiqasida penalti zarbasi ijro etildi. Darvozabon to‘pni qaytarganidan so‘ng, hujum qiluvchi jamoa futbolchisi jarima maydoniga muddatidan oldin kirgani va to‘pni o‘ynab, gol urgan holat yuzaga keldi.

Mazkur vaziyatda bosh hakam tomonidan himoyalanuvchi jamoa foydasiga erkin zarba belgilanishi to‘g‘ri qaror hisoblanadi.

IFAB tushuntirishi:

Har ikki jamoa futbolchilari jarima maydoniga muddatidan oldin kirgan bo‘lsa-da, penalti zarbasi qayta tepiltirilmaydi. Chunki faqat hujum qiluvchi jamoa futbolchisining qoidabuzarligi o‘yinga ta’sir ko‘rsatgan — u to‘pni o‘ynab, gol urgan. Shu sababli hakam hujum qiluvchi futbolchi jarima maydoniga kirgan joydan himoyalanuvchi jamoa foydasiga bilvosita erkin zarba belgilaydi. Bunda intizomiy chora qo‘llanilmaydi.

⚽️ UzFHM | 🌟 Euroasia Insurance

⚽️ Proliga–2026: 23-tur uchrashuvlari rasmiylari bilan tanishing.

O‘zbekiston Proligasining 2026-yilgi mavsumi 23-tur bahslarini boshqarib boruvchi hakamlar jamoalari tayinlandi.

📋 Barcha o‘yinlar uchun tayinlovlar — yuqoridagi grafikada.

⚽️ UzFHM | 🌟 Euroasia Insurance

📋 Hakamlar akademiyasi tinglovchilari uchun o‘quv kursining 7-moduli davom etmoqda.

Hakamlar akademiyasi tinglovchilari Toshkent shahri, Qoraqalpog‘iston Respublikasi va viloyatlar U-17 terma jamoalari o‘rtasida o‘tkazilayotgan O‘zbekiston chempionatida hakamlik qilib, amaliy tajribalarini oshirmoqda.

O‘quv kursi doirasida tajribali instruktorlar rahbarligida mashg‘ulotlar tashkil etilmoqda. Uchrashuvlardan oldin nazariy darslar o‘tkazilib, bahslardan so‘ng esa o‘yinlardagi vaziyatlar tahlil qilinmoqda.

Bu jarayonda tinglovchilar zamonaviy futbol qoidalarini chuqurroq o‘zlashtirish, o‘yin vaziyatlarini to‘g‘ri baholash hamda hakamlik faoliyatiga oid amaliy ko‘nikmalarini rivojlantirish imkoniga ega bo‘lmoqda.

⚽️ UzFHM | 🌟 Euroasia Insurance