🇺🇿🇯🇵 Япония бозорига янги йўналиш: ҳайдовчилардан IT мутахассисларигача

Миграция агентлиги директори Муҳсинхўжа Абдураҳмонов Япониянинг Ямагата префектураси ҳукумати, Ямагата университети ва япон компаниялари вакиллари билан учрашди.

🤝 Музокараларда япон иш берувчилари учун ҳайдовчилар, муҳандислар, техник ва IT мутахассисларини Ўзбекистонда тайёрлаш ва ишга жойлаштириш имкониятлари муҳокама қилинди.

🔹 Янги ёндашув: Япония компаниялари ўзларига зарур мутахассисларга қўйиладиган талабларни белгилайди, Миграция агентлиги эса номзодларни танлаш, япон тили ва касбга мақсадли тайёрлаш учун шароит яратади.

🚛 Шунингдек, Тошкент вилоятида Япониянинг йўл шароитларига мослаштирилган, ўнг рулли юк автомобилларида ҳайдовчиларни амалий тайёрлаш имкониятлари тақдим этилди.

Япониянинг MSI компанияси IT мутахассисларини, Abe Engineering эса муҳандис-техник кадрларни жалб қилишга қизиқиш билдирди.

📌 Учрашув якунида Ямагата компанияларининг кадрларга эҳтиёжини аниқлаш, устувор касблар бўйича қўшма тайёрлов дастурларини ишлаб чиқиш ҳамда 2027 йилда Ямагатада Ўзбекистоннинг кадрлар салоҳияти тақдимотини ўтказиш юзасидан кейинги қадамлар келишиб олинди.

🇬🇧EN
🇷🇺RU

|Instagram|LinkedIn|YouTube|Xorijda ish|Veb sayt|Telegram|

🌍 Хориждаги фахрий вакиллар: янги иш имкониятлари ва юртдошларимиз манфаатларини ҳимоя қилиш

Миграция агентлиги директори Муҳсинхўжа Турсунхўжаевич Агентликнинг Италия, Франция, Германия ва Словакиядаги фахрий вакиллар билан онлайн учрашув ўтказди.

Фахрий вакилларнинг асосий вазифаси — хорижий иш берувчилар билан ҳамкорликни ривожлантириш, янги иш ўринларини аниқлаш, шунингдек, меҳнат ҳуқуқлари билан боғлиқ муаммоларга дуч келган юртдошларимизга кўмак кўрсатишдан иборат.

📊 Учрашувда амалий натижалар сарҳисоб қилинди:

🇮🇹 Италия — 36 нафар фуқаро қишлоқ хўжалиги соҳасида ишга юборилган, меҳмонхона соҳасида янги имкониятлар ўрганилмоқда.
🇫🇷 Франция — 10 нафар фуқаро мавсумий ишларга юборилган, яна 47 та иш ўрни бўйича лойиҳалар устида иш олиб борилмоқда.
🇸🇰 Словакия — 45 нафар фуқаронинг автомобиль саноатида иш билан таъминланишига кўмаклашилган, янги йўналишларда ҳамкорлик кенгайтирилмоқда.
🇩🇪 Германия — тиббиёт, саноат ва логистика соҳаларида мутахассисларни тайёрлаш ҳамда ишга жойлаштириш лойиҳалари муҳокама қилинди.

Агентлик директори фахрий вакиллар фаолиятига баҳо беришда хорижий иш берувчилар билан ўтказилган музокаралар эмас, балки жалб қилинган аниқ иш ўринлари, фуқароларнинг қонуний ишга жойлаштирилиши ва муносиб меҳнат шароитлари устувор бўлиши кераклигини таъкидлади.

🇬🇧EN
🇷🇺RU

|Instagram|LinkedIn|YouTube|Xorijda ish|Veb sayt|Telegram|

🇺🇿🇭🇷 Хорватия иш берувчиларига қурилиш бригадалари ва малакали мутахассислар керак

100–200 нафар фуқаро учун пилот дастур, қурилиш бригадаларини жалб этиш ва Загребда ваколатхона очиш — Миграция агентлиги директори Муҳсинхўжа Абдураҳмоновнинг Хорватия элчиси Рефик Шабанович (қароргоҳи Остона шаҳрида) билан учрашувида шу масалалар муҳокама қилинди.

Яқинда Хорватияга амалга оширилган ташрифдаги келишувларни аниқ иш ўринларига айлантириш — мулоқотнинг асосий мавзуси бўлди.

Хорватиянинг қурилиш компаниялари электромонтаж, фасад ва пардозлаш ишларига ихтисослашган ўзбекистонлик бригадаларни жалб этишга қизиқиш билдирган.

🤝 Шунингдек, жорий йил ноябрь ойи охирида Ўзбекистонда 10–30 та Хорватия компанияси иштирокида бизнес-форум ўтказиш ҳамда туризм, соғлиқни сақлаш, хизмат кўрсатиш ва мавсумий бандлик бўйича ҳамкорликни кенгайтириш масалалари кўриб чиқилди.

📊 Ҳозир Хорватияда 5,5 мингга яқин юртдошимиз ишламоқда. Элчининг таъкидлашича, иш берувчилар уларнинг касбий маҳорати ва меҳнатга муносабатини ижобий баҳоламоқда. Жумладан, 40 нафарга яқин ҳамюртимиз ишлаётган Radnik d.d. компанияси яна мутахассислар жалб этишга қизиқиш билдирган.

🇬🇧EN
🇷🇺RU

|Instagram|LinkedIn|YouTube|Xorijda ish|Veb sayt|Telegram|