Bugun Prezident Shavkat Mirziyoyev poytaxtimizning Uchtepa tumanidagi «Intil» xalqaro til va kasbga o‘qitish markazi faoliyati bilan tanishadi hamda mehnat migratsiyasi sohasidagi ustuvor vazifalar yuzasidan yig‘ilish o‘tkazadi.
—
Сегодня Президент Шавкат Мирзиёев ознакомится с деятельностью международного центра обучения языкам и профессиям «Intil» в Учтепинском районе столицы, а также проведет совещание по приоритетным задачам в сфере трудовой миграции.

Facebook|Instagram|X

Prezident Shavkat Mirziyoyev mehnat migratsiyasi masalalariga bag‘ishlangan yig‘ilish o‘tkazmoqda.

Davlatimiz rahbari jahon mehnat bozori o‘zgarayotganiga e’tibor qaratdi. Bugun dunyoda 168 million kishi xorijiy migratsiyada. Mamlakatimizda ham chet elda ishlash istagidagi fuqarolar bor, boshqa davlatlarda esa ishchi kuchiga ehtiyoj yuqori. Ushbu ikki imkoniyatni o‘zaro bog‘lash soha mutasaddilari va hududlar rahbarlari oldida turgan asosiy vazifa ekani qayd etildi.

– Inson o‘z kasbini puxta egallasin, o‘z qadrini bilsin, o‘z yurtiga tayana olsin!

– dedi Prezidentimiz.

So‘nggi yillarda tartibli mehnat migratsiyasiga munosabat tubdan o‘zgardi. Ilgari bu yo‘nalishda 3 ta davlat bilan ish olib borilgan bo‘lsa, hozir ularning soni 27 taga yetdi. Hamkorlik qilayotgan yirik xorijlik ish beruvchilar qariyb 400 taga ko‘paydi.

Chet elda ishlayotgan yurtdoshlarimiz soni o‘n yilda ikki baravar kamaygan bo‘lsa-da, ularning oilalariga yuborayotgan mablag‘lari to‘rt karra oshdi. Bu, Prezidentimiz ta’kidlaganidek, xalqaro mehnat bozorida o‘zbek mutaxassislariga munosabat o‘zgarib, odamlarimiz chetga oddiy ishchi emas, malakali kadr sifatida borayotganini ko‘rsatadi.

Facebook|Instagram|X

Yevropa Ittifoqi ilk bor Markaziy Osiyodan mutaxassislarni jalb etish masalasini migratsiya strategiyasiga kiritdi. Prezidentimiz bu imkoniyatlardan foydalanishda elchi, hokim va texnikumlarning o‘rni sezilmayotganini qayd etdi.

Masalan, Buyuk Britaniyada 33 ming ishchi kuchiga ehtiyoj bor. Biroq hozirgacha ushbu mamlakatga asosan qishloq xo‘jaligidagi mavsumiy ishlarga fuqarolar yuborilmoqda. Tibbiyot, logistika va sanoat sohalarida ish beruvchilar bilan aniq kelishuvlar yo‘qligi, “Yoshlar mobilligi” dasturida ishtirok etish masalasi hal etilmagani ko‘rsatib o‘tildi. Italiya bilan ham mehnat migratsiyasi imkoniyatlarini kengaytirish bo‘yicha kelishuv bor, lekin bu imkoniyat ishga solinmayapti.

Prezidentimiz chet tillarini bilish xorijda yuqori daromadli ish topishning asosiy shartlaridan biri ekaniga e’tibor qaratdi. Mamlakatimizda ingliz tilini puxta o‘rganib, sertifikat olgan 200 mingga yaqin yosh bor. Shu bilan birga, AQSh, Kanada, Avstraliya, Yangi Zelandiya, Shvetsiya va Daniyada ularning ishlashi uchun yo‘l ochish bo‘yicha ishlar yetarli emas.

Facebook|Instagram|X

Germaniyadan joriy yilning o‘zida 45 ming mutaxassisga buyurtma kelib tushgan, ammo atigi 2 ming kishi ishga joylashgan. Asosiy sabab – nemis tilini biladigan kadrlar yetishmasligi. Shu bois, kasbga o‘qitish bilan til tayyorgarligini birga olib borish zarur.

Germaniyaning “Globogate” kompaniyasi bilan hamkorlikda respublikadagi 20 ta tibbiyot texnikumida yiliga 1,5 ming hamshira tayyorlanmoqda. Qarshidagi Ilg‘or kasbiy mahorat texnikumida germaniyalik o‘qituvchilar yoshlarga nemis tili va kasb o‘rgatmoqda.

Prezidentimiz xorijlik ish beruvchilarning buyurtmalarini texnikumlardagi ta’lim bilan bog‘lash, yoshlarni ishga joylashish uchun zarur til va amaliy ko‘nikmalarga maqsadli tayyorlash muhimligini ta’kidladi.

Andijonda tadbirkor bo‘sh turgan texnikumni ta’mirlab, Germaniyadan o‘qituvchi jalb qilgan holda yiliga 1,5 ming mutaxassis tayyorlayapti. Prezidentimiz bunday tajribani boshqa hududlarda ham kengaytirish, har bir viloyatdagi 2-3 ta texnikumda kasb bilan birga nemis tilini o‘rgatish zarurligini ta’kidladi.

Germaniyaning “Telk” kompaniyasi “Intil” xalqaro o‘quv markazida 100 nafar nemis tili o‘qituvchisini tayyorlashni boshladi. Kelasi yil boshidan ularni hududlardagi texnikumlarga jalb qilish vazifasi qo‘yildi.

Facebook|Instagram|X

Viloyat hokimlarining birinchi o‘rinbosarlariga “Intil” xalqaro o‘quv markazi tajribasini o‘rganib, kelasi yili har bir hududda yagona migratsiya markazini ochish topshirildi. Bu maqsadda har bir viloyatga 8 milliard so‘mdan ajratiladi. Kelasi yil 10 ming kishini kasb va nemis tiliga o‘rgatib, Germaniyada ishga joylashtirish belgilandi.

– Yoshlarga ingliz tilini qanday o‘rgatayotgan bo‘lsak, nemis tili bo‘yicha ham shunday yondashuv kerak,

– dedi Prezidentimiz.

Shu maqsadda kelasi yil maktab va texnikumlarda nemis tilidan dars berish uchun 500 nafar til egasi jalb qilinadi. Oliy ta’lim muassasalarida nemis tili o‘qituvchilarini tayyorlash bo‘yicha davlat buyurtmasini kelasi o‘quv yilidan ikki karra oshirish topshirildi.

Germaniya, Yaponiya va Koreyaning yirik kompaniyalari o‘zlariga zarur mutaxassislarni O‘zbekiston texnikumlarida tayyorlashga qiziqish bildirmoqda. Ular o‘quv dasturlarini ishlab chiqish, ta’lim muassasalarini jihozlashga sarmoya kiritishga ham tayyor. Prezidentimiz bir oyda 20 ta texnikumni tanlab, kelgusi yildan ularni xorijlik ish beruvchilar talabi asosida kadr tayyorlashga moslashtirishni topshirdi.

Facebook|Instagram|X

Xususiy bandlik agentliklariga litsenziya berish tartibi soddalashtirilgach, ikki yilda ularning soni uch baravar ko‘paydi. Ushbu agentliklar orqali xorijda ishga joylashganlar esa besh karra ortdi. Prezidentimiz sohada xatolar, korrupsiya va fuqarolarni aldash holatlari ham bo‘lganini aytdi. Muammolarni bartaraf etish uchun alohida qonun qabul qilinib, huquqiy asos yaratildi.

Kelasi yildan fuqarolarni chet elga ishga yuborish vazifasi xususiy sektordagi eng ishonchli bandlik agentliklariga to‘liq o‘tkaziladi. Yuqori daromadli ishga joylashtirilgan har bir kishi uchun agentlikka 1,5 million so‘mdan rag‘bat puli to‘lanadi.

Yoshlarni kasb va tilga tayyorlash uchun texnikum binolarining bir qismi bepul ijaraga beriladi. Chet eldan jalb qilingan o‘qituvchi va ekspertlarga ijtimoiy soliq 1 foiz etib belgilanadi, o‘quv jarayoni uchun zarur uskuna va jihozlar bojxona bojidan ozod qilinadi.

Shu bilan birga, xususiy bandlik agentliklari to‘liq shaffof tizimda ishlaydi, ularning reytingi yuritiladi. Fuqaroning aniq ishga joylashishi, huquqlari ta’minlanishi, yuqori daromad olishi va kafolatli ijtimoiy ta’minotga ega bo‘lishi asosiy mezon bo‘ladi.

Prezidentimiz bir oyda agentliklar faoliyatini yangi bosqichga olib chiqishga qaratilgan qaror loyihasini kiritish, ushbu faoliyatni ijtimoiy xizmat sifatida ko‘rib, soliqqa tortishni shunga mos ravishda soddalashtirishga topshiriq berdi.

Facebook|Instagram|X

Чет элда меҳнат қилаётган юртдошларимиз – ҳақиқий мард инсонлар! – Президент

Бу ҳақда Президент Шавкат Мирзиёев меҳнат миграцияси соҳасидаги устувор вазифалар юзасидан ўтказилаётган йиғилишда сўз очди.

|Instagram|LinkedIn|YouTube|Xorijda iş|Veb sayt|Telegram|

❗️“Хориждаги иш стажи Ўзбекистонда пенсия тайинлашда ҳисобга олиниши керак” — Президент

Давлат раҳбари хорижда қонуний меҳнат қилаётган фуқаролар солиқ билан бирга пенсия бадалларини ҳам тўлаётгани, аммо уларнинг иш стажини ватанга қайтгач ҳисобга олиш масаласи тўлиқ ҳал этилмаганига эътибор қаратди.

Бу йил Қирғизистон, Озарбайжон ва Туркия билан иш стажи ва пенсия ҳуқуқини ўзаро тан олиш бўйича битимлар имзоланган. Энди Германия, Россия, Япония, Корея, Болтиқбўйи ва Болқон давлатлари билан ҳам шундай келишувларга эришиш вазифаси қўйилди.

“Уларнинг хориждаги иш стажи ватанга қайтгандан кейин ҳисобга ўтиши, айниқса, пенсия тайинлашда, албатта, инобатга олиниши зарур”, — деди Шавкат Мирзиёев.

Мутасаддиларга ушбу давлатлар билан музокараларни жадаллаштириб, йил якунига қадар аниқ натижага эришиш топширилди.

@pressuzb

❓ Хорижда юқори даромадли ишга тайёрланиш учун энди пойтахтга келиш шарт бўлмайдими?

Президент Шавкат Мирзиёев иштирокидаги йиғилишда «Интил» тажрибаси асосида ҳудудларда ҳам ягона миграция марказларини ташкил этиш вазифаси белгиланди.

Тил, касб ва муносиб иш — бу имкониятлар юртдошларимизга қандай яқинлашади?

▶️ Тафсилотлар — видеода.

|Instagram|LinkedIn|YouTube|Xorijda iş|Veb sayt|Telegram|

❓ Миграция агентлиги ҳақида тарқалаётган хабарлар қанчалик асосли?

Агентлик номи, мақоми ва раҳбариятига оид хабарларга расмий муносабат.

|Instagram|LinkedIn|YouTube|Xorijda iş|Veb sayt|Telegram|

Davlatimiz rahbari mehnat migratsiyasi sohasini takomillashtirish vazifalarini belgilab berdi.
—
Глава нашего государства обозначил задачи по совершенствованию сферы трудовой миграции.

Prezident.uz|Facebook|Instagram|YouTube|X

🌍 #Халқаро_меҳнат_бозори

«Меҳнатимиз билан ўзимизни ҳурмат қилишга мажбур қилишимиз керак».

Президент Шавкат Мирзиёев «Интил» марказида Италияда ишлашга тайёрланаётган ҳамширалар билан мулоқотда касбий билим, замон билан ҳамнафас бўлиш ва ўз меҳнати орқали ҳурмат қозониш муҳимлигига эътибор қаратди.

🩺 Имкониятлар қандай амалий натижа бермоқда?
Миграция агентлиги ва Италиянинг Перужа университети ҳамкорлигидаги дастурга дастлаб 1 615 нафар номзод қизиқиш билдирган, улардан 85 нафар олий маълумотли тиббиёт ходими саралаб олинган.

Бугун иштирокчилар ишдан ажралмаган, фарзандлари бағрида қолган ҳолда итальян тилини онлайн ўрганмоқда. Улар Италия тиббиёти талабларига мувофиқ касбий тайёргарликдан ҳам ўтмоқда.

📍 Дастлабки гуруҳнинг 2027 йил январь ойидан Милан шаҳридаги тиббиёт муассасасида иш бошлаши режалаштирилган.

#Италия #Ҳамширалар #МиграцияАгентлиги

#Mening_Prezidentim

🇺🇿 «Çet elda mehnat qilayotgan yurtdoşlarimiz — haqiqiy mard insonlar!»

Prezidentimizning bu sözlari xorijdagi yurtdoşlarimiz qalbida aks sado bermoqda.

🎥 Bugun ular öz videolarida minnatdorlik bildirmoqda. Çunki inson uçun eng katta dalda — mehnati qadrlanişi, Vatan e’tiborini his qilişidir.

Yurtdoşlarimizning Vatanga qaytişi uçun tezkor çoralar körildi

31-oktabr kuni Moskvadan Toşkentga yöl olgan avtobus Tataristonda töxtatilib, jarima maydonçasiga joylaştirilgani va yurtdoşlarimiz yölda qolgani haqida videomurojaat tarqaldi.

Özbekistonning Qozon şahridagi Boş konsulxonasi va Migratsiya agentligining Rossiyadagi vakolatxonasi hamkorligida qöşimça avtobus yuborilib, yurtdoşlarimizning Vatanga qaytişi uçun çoralar körildi.

❗ Xorijda murakkab vaziyatga tuşsangiz, Migratsiya agentligiga murojaat qiling:

☎️ +7 (495) 803-40-00 — koll-markaz (24/7)
📲 +7 (925) 045-47-44 — Telegram, WhatsApp va MAX orqali murojaatlar uçun.

|Instagram|LinkedIn|YouTube|Xorijda iş|Veb sayt|Telegram|