Yaqinda men so‘rovnoma o‘tkazdim - o‘quvchilarimni investitsiya bilan shug‘ullanishga eng ko‘p nima motivatsiya qilishini bilish uchun.

Mashhur javoblardan biri - ota-onaga yordam berish edi. Bu juda yaxshi motivatsiya. Shu sabab men ham ota-onamga qanday yordam berib kelayotganimni aytib bermoqchiman va bu postda otam haqida gapiraman.

Men dadamga 2 ta mashina sovg‘a qilgan - Chevrolet Lacetti va Chevrolet Aveo. Shuningdek, 2 xonali kvartira olib berganman. Dori-darmonlarini to‘lab beraman (oyiga taxminan 200 dollar). Bundan tashqari, 15 yildan beri har oy moliyaviy yordam berib kelaman (16 yoshimdan).

2026 yilda barchangizga, aziz do‘stlar, ota-onangizga yanada ko‘proq yordam berish imkoniyati bo‘lishini tilayman.

Keyingi postlardan birida onamga nimalar sovg‘a qilganimni ham aytib beraman.

Qo‘rqmasang, investitsiya qilolmaysan. Ha, aynan shunday. “Avval qo‘rquv yo‘qolsin, keyin boshlayman” degan odamlar odatda hech qachon boshlamaydi. Chunki qo‘rquv ketmaydi. U faqat narxini bilganingda boshqariladi.

O‘zbekistonda ko‘p odamning “investitsiya” deganda ko‘zi oldiga bitta manzara keladi: kimdir bir kunda boyib ketgan, kimdir esa pulini kuydirib, keyin “bular hammasi firib” deb yuradi. Ikki taraf ham xato. Boyiganlar - ko‘pincha tavakkalni boshqargan. Kuyganlar - ko‘pincha tizimsiz o‘ynagan.

Men ko‘rgan eng aqlli “oddiy” odamlar investitsiyani shunaqa boshlaydi: ular “katta pul” haqida emas, kichkina odat haqida o‘ylaydi.

Qo‘rqib turib boshlashning siri shundaki, ular o‘zlarini aldashmaydi. “Hammasini bilaman” demaydi. Aksincha, ichida bir ovoz bor: “Bilmayman, shuning uchun kichikdan boshlayman” 😌

Qo‘rquvni yengish uchun motivatsiya kerak emas. Qo‘rquvni yengish uchun chegara kerak.

Sen “foyda”ga emas, signalga qarashni o‘rganasan. Bozor tushsa ham, “tamom” demaysan. Chunki sen o‘yin o‘ynamayapsan, tizim quryapsan.

Va eng qiziq joyi: qo‘rqib boshlagan odamlar ko‘pincha o‘ziga haddan tashqari ishonadiganlardan tezroq o‘sadi. Chunki ular ehtiyotkor, sovuqqon, hisob-kitobli 😈

🚦 Bepul online trening: "Investitsiya orqali qanday qilib pul pul ishlash mumkin"

Onlayn treningda (master-klassda) mana nimani o'rganasiz:
💡Investitsiyani nimadan boshlash kerak?
💡0dan investitsiyalarni qanday o'rganish mumkin?
💡2026 yilda pulni qaerga qo'yish kerak?
💡Qo'shimcha passiv daromadni qanday olish?
💡Pulingizni qanday ko'paytirish mumkin?
💡Aktsiyalar, obligatsiyalar, valyuta, kumush, oltin
💡Investitsiyadan pul ishlashning eng yaxshi usullari

➡️ Ro‘yxatdan o‘tish

Master-klassni kim olib boradi?
Azam Azizov:
-📚 5 ta kitob muallifi, jumladan “Muvaffaqiyatli investor” kitobi
-🗓 2012 yildan beri investitsiya bilan shug’ullanadi
-🎲 Moliyaviy savodxonlikni oshirish uchun yaratilgan Uznetix Game stol o‘yini muallifi
-📲 Investitsiyaga oid 4 ta mobil ilova muallifi: Uznetix Moliya, Uznetix Demo hisob, Uznetix Halol va Uznetix Advisor
-🎟 Investitsiya bo’yicha tadbirlar tashkilotchisi
-🏦 Uznetix invest asoschisi
-🔴 Youtube, Telegram, Instagramda 200000+ obunachiga ega

🎁Sovg‘a!
Ro‘yxatdan o‘tganingizdan so‘ng “Investitsiyalar orqali ilk $500 qanday topish mumkin” nomli elektron kitobni olasiz.

Treningda qatnashib, sovg‘a olishni xohlaysizmi? Unda havola orqali o‘ting ⬅️

Onlayn trening jonli efir formatida o‘tkaziladi. Siz uni telefoningiz orqali tomosha qilishingiz mumkin. Jonli efir davomida o‘z savollaringizni berish imkoniyatiga ega bo‘lasiz.

Ko‘pchilik investor emas. Ko‘pchilik - kazinochi. 🎰
Ha, og‘riydi, lekin rost: “daromad” deb kiradi, aslida esa “hayajon” sotib oladi. Bir kun +12%, ertasi -18%… keyin Telegramda “aka, bozor yiqilib ketdimi?” deb yuragi orqasiga tushadi.

Senga bitta g‘alati savol: pul sen uchun nimaga kerak?
Moshina? Uy? Bolani o‘qitish? Otang-onangni davolatish? Yoki kechasi bemalol uxlash? 😴
Agar javobing oxirgisi bo‘lsa - demak, sen ko‘pchilikdan aqlliroqsan. Chunki kattalar pulni “ko‘paytirish” uchun emas, hayotni tinchroq qilish uchun ishlatadi.

Men ko‘rgan eng katta xato shunaqa: odam 70% daromad quvib, 100% nervini yo‘qotadi.
Kunduz ishda charchagan, kechasi grafik ko‘radi, kursni tekshiradi, “yana kiraymi?” deb o‘zini yeb tashlaydi. Oxiri nima bo‘ladi? Sabrsizlik - eng qimmat komissiya. 📉
Odam aynan eng yomon paytda sotadi. Keyin bozor qaytsa ham, u allaqachon “men investitsiyaga endi ishonmayman” deb chiqib ketgan bo‘ladi.

Negа investitsiyada daromaddan ko‘ra xotirjamlik muhimroq?
Chunki daromad - raqam. Xotirjamlik - qaror sifati.
Tinch bo‘lsang, rejaga amal qilasan. Reja bo‘lsa, bozor seni o‘ynatmaydi. Bozor - judayam aqlli. U shoshqaloqlarni doim jazolaydi.

“Tez boyib ketish” degan gapni eshitsang, bitta narsani esla: tez pul - tez xato.
Aqlli investor shunaqa o‘ylaydi: “Men pulni ko‘paytiraman, lekin o‘zimni yo‘qotmayman.” 🧠

Sen ham shu qatlamga o‘tmoqchimisiz?
Unda bitta qoida: portfelingiz sizni uxlatishi kerak, uyg‘otmasligi emas.
Yo‘qsa, daromad keladi… lekin umringdan ketadi.

Kecha men ataylab firibgarlar bilan gaplashdim - shunchaki qiziqib emas, balki hozir odamlarni internetda va telefon orqali qanday aldashayotganini sizlarga aniq qilib tushuntirish uchun ⚠️

Men uni sizlarni firibgarlardan himoyalash uchun yozyapman. Chunki hozir ularning soni juda ko‘payib ketgan.

📞 Hammasi qanday boshlanadi?

Men bilan bir qiz gaplashdi. Suhbatni juda ehtiyotkorlik bilan, uzoqdan boshladi:

- investitsiya haqida nimalarni bilishimni
- tajribam qandayligini
- qayerlarga investitsiya qilganimni

Bosim yo‘q. Hammasi sokin. Ishonch uyg‘otishadi.

Keyin ularning “kompaniyasi” shunchaki o‘qitmasligini, balki tayyor signal berishini aytadi 📈

Ya’ni:

“Faqat bizni takrorlaysiz - pul ishlaysiz”.

Keyingi qadam - broker hisobi ochish.
Lekin bu hisob soxta ❌

Avval kichkina summa tashlashni so‘rashadi.
Siz real brokerda ishlayapman deb o‘ylaysiz,
aslida esa bu “hisob” to‘liq firibgarlar nazoratida bo‘ladi.

Keyin “yordam” boshlanadi:
-signal berishadi
-hisobda kapitalingiz o‘sayotgandek ko‘rsatishadi
-grafiklar chiroyli yuqoriga chiqadi 💰

Odam o‘ylaydi: “Men haqiqatan ham pul topyapman”.
Aslida esa barcha raqamlar va grafiklar soxta.

Shundan keyin eng muhim gap aytiladi:

“Endi kattaroq pul bilan kiraylik”

$1000 dan boshlab cheksizgacha - kimga qancha aytishsa, shuncha.
Va ko‘p odamlar his-hayajon bilan, “birinchi foyda”ni ko‘rib, katta pul tashlashadi.

Keyin esa - yakun.

📉 Firibgarlar grafikni keskin pastga tushirib, go‘yoki hamma pulingiz yo‘qolgandek ko‘rsatishadi.

Va darrov aytishadi:
“pulni qaytarib olamiz”
“yana bir marta pul tashlash kerak”

Bu joyda:

1) ba’zilar aldanib qolganini tushunadi 😔
2)ba’zilar esa yana pul qidiradi, “yo‘qotganini qaytarish” uchun

Muhim jihat:
❗ Bu aldov yangi emas

Hatto 10 yil oldin sinfdoshim aynan shu sxemaga tushib qolgan.
Agar hozirgacha ishlatilayotgan bo‘lsa - demak, hali ham odamlar ishonadi.

Firibgarlarga aldanmaslik uchun:

1️⃣ Faqat rasmiy va mashhur brokerlar bilan ishlang
2️⃣ Hech qachon boshqalarga pul bermang - o‘zingiz investitsiya qiling
3️⃣ Juda katta va “kafolatlangan foyda” va’dalariga ishonmang

Va eng muhimi.

Agar bu sohada aldanib qolmaslikni xohlasangiz - avval shu sohada o'qib bilim oling.

100% holatda firibgarlar bilimsiz odamlarni aldaydi.
Agar sizda bilim bo‘lsa - sizni aldasholmaydi 🧠

Yuqori xavf yuqori foyda degani emas, yuqori foyda eng yaxshi tahlil qilingan xavf bilan olinadi

— Howard Marks
Oaktree Capital hammuassisi, kompaniya $180 mlrd+ aktivlarni boshqaradi

Tushuntirish:
Men investor sifatida shunday deyman: xavfni oshirish — bu daromadni kafolatlamaydi. Mening eng katta yutuqlarim oddiy ehtiros yoki «big swing»dan emas, balki sovuq bosh bilan tahlil qilingan, senariylari hisoblangan qarorlardan kelgan. Men har bir sarmoya oldidan yomon holatni tasavvur qilaman: nimani yo‘qotishim mumkin, qayerda orqaga qaytaman, margin of safety qancha? Bu — spekulyatsiya emas; bu — matematikasi, sabri va intizomi bor biznes. Shu fikrni anglab olsangiz, siz xavfni boshqarib, barqaror va katta daromadlar yo‘lini topasiz. Men shaxsan shu qoidaga amal qilib ortga qaytmas natijalar qo‘lga kiritdim.

Eng katta xato - “keyinroq boshlayman” degan gap. 😏 Odamlar investitsiyani pul yo‘q paytda emas, aynan pul bor paytda ham cho‘zib yuradi. Sababi pul emas. Sababi - boshdagi kino.

Birinchi qadam oldidan miyamizda 3 ta “qo‘riqchi” turadi. Ular sizni himoya qilayapman deb, aslida sizni joyingizda mixlab qo‘yadi.

Birinchisi - qo‘rquv. 😬 “Pulim kuyib ketsa-chi?” deb o‘ylaysiz. Qiziq joyi shundaki, siz hozir ham pul yo‘qotyapsiz. Faqat ko‘rinmaydi: inflyatsiya har kuni sekin-sekin yeb ketadi. Bankda yotgan pul ham “xavfsiz” emas - u faqat sokin o‘layotgan pul.

Ikkinchisi - uyat. “Bilmasam kulishadi”, “Savolim ahmoqona chiqib qolsa-chi?” degan ichki ovoz. 🤐 Mana shu ovoz sabab ko‘pchilik sokin turib, boshqalarning natijasini tomosha qiladi. Lekin bozorga kirgan odamlar biladi: savol bermaydigan “aqlli”lar emas, savol beradigan “tez o‘sadigan”lar yutadi.

Uchinchisi - ideal moment kasalligi. 🤯 “Kurs tushsin”, “maosh oshsin”, “dollarning yo‘li aniq bo‘lsin”... Bozor hech qachon sizga “marhamat, endi tayyor” demaydi. Ideal moment - bu reklama roliklarida bor xolos. Real hayotda esa siz tayyor bo‘lib qolmaysiz, boshlab yuborgandan keyin tayyor bo‘lasiz.

Shu yerda elita bilan omma ajraladi: omma “100% ishonch” kutadi. Aqlli odam esa riskni nol qilishga emas, riskni boshqarishga kirishadi. 🧠

Investitsiyada birinchi qadam - katta pul tikish emas. Katta gapirish ham emas. Birinchi qadam - o‘zingizga “men boshqaraman” degan signal berish. Kichik summa, aniq reja, oddiy intizom.

Agar hozir miyangiz “hali erta” desa, biling - bu siz emas, qo‘riqchilar gapiryapti. 😉

Xohlasangiz, kommentga “QADAM” deb yozing. Men sizga boshlashdan oldin boshni tiniq qiladigan eng oddiy, real yo‘lni aytaman - dabdabasiz, ammo ishlaydigan. ✅

Ҳақиқий муваффақиятли инвестор - бу фақат пул топа оладиган одам эмас, балки пулни ақл билан ишлатадиган одамдир.

Кўпроқ пул ишлашни хоҳласангиз, аввал қўлингизда бор пулни тўғри бошқаришни ўрганишингиз керак.

Бизнинг миллатимизда кўп учрайдиган бир одат бор -
ҳамма нарсани бошқаларга кўрсатиш ва мақтаниш.

Масалан, сўнгги моделдаги жуда қиммат iPhone сотик олиш. Аслида эса одамларнинг деярли 99% фоизи учун $200–$400 оддий смартфон ҳам барча кундалик ишлар учун етарли.

Ёки тўйни ҳаддан ташқари дабдабали қилишади. Шу тўй учун эса бир йил, баъзан ундан ҳам кўпроқ вақт ишлашга тўғри келади.

Ёки қасддан қиммат кафе ва ресторанларга бориб, кейин буни ижтимоий тармоқларда намойиш қилишади.

Буларнинг барчаси - ўйламай қилинган ортиқча харажатлардир. Бундай ҳолатлар жуда кўп.

Ақлли инсон пулни «понт» учун эмас, ўз келажаги учун сарфлайди.

Масалан, ақлли одам $1000 смартфон олиш ўрнига $400 смартфон олади, қолган $600 долларни эса акцияларга ёки бошқа инвестиция воситаларига сармоя қилиб, бу пулни келажакда яна кўпайтиришга ҳаракат қилади.

💸 Siz "mo'jizaviy" investorlar haqida eshitgansizmi? Men sizga bittasining haqiqiy hikoyasini aytib beraman – Luis Bekon, Moore Capital Management asoschisi.

📈 Uning siri oddiy ko'rinadi: "Har qanday bozorda pul ishlash mumkin, lekin faqat o'zingiz tushungan narsangizda." Bekon 1970-yillarda kichik broker sifatida ish boshladi. Lekin uning katta o'zgarishi 1987-yil "Qora Dushanba" bozori qulashida sodir bo'ldi. Boshqalar vahima ichida qolgan paytda, u qisqa savdo (short selling) orqali 100 million dollar daromad qildi! Bu uning hayotidagi eng muhim saboq edi: halokatlar imkoniyatlar tug'ilish joyidir.

🌪️ Bekonning falsafasi: "Meni qiziqtirmaydigan narsalarga pul qo'ymayman." U faqat o'zi chuqur tushungan tarmoqlarga sarmoya kiritadi – energiya, tovar bozorlari. Va u hech qachon o'z prinsiplaridan voz kechmaydi. 2008-yil moliyaviy inqirozda ham u o'z strategiyasiga sodiq qoldi va yana milliardlar daromad qildi.

🔑 Bu erdan olingan asosiy dars: Muvaffaqiyatli investitsiya bu doimiy "sehr" emas. Bu intensiv tadqiqot, chegaralarni belgilash va sabr-toqatdir. Bekon hech qachon o'ziga noma'lum bo'lgan kompaniyalarga pul qo'ymagan. Uning so'zlari bilan aytganda: "Aqlsiz jasorat – bu yo'qotishning eng tez yo'lidir."

💡 Pul ishlash istagi sizni har qanday imkoniyatga otilishga majbur qilmasin. Avval o'rganing, tushuning, keyin harakat qiling. Luis Bekon kabi millionerlar ro'yxati shundan dalolat beradiki, haqiqiy boylik tez pul topishda emas, balki o'z bilim va prinsiplaringizga ishonishda yashaydi.