Fransiyada Tarozi va o‘lchovlar Bosh konferensiyasining (CGPM) 28-yig‘ilishi bo'lib o'tdi

2026-yil 13–15-oktabr kunlari Fransiyaning Versal shahrida Tarozi va o‘lchovlar Bosh konferensiyasining (CGPM) 28-yig‘ilishi bo‘lib o‘tdi. Mazkur nufuzli xalqaro anjumanda dunyoning turli davlatlaridan metrologiya sohasidagi yetakchi mutaxassislar, milliy metrologiya institutlari va xalqaro tashkilotlar vakillari, jumladan, O‘zbekiston delegatsiyasi ham ishtirok etdi.

13-oktabr — Konferensiyaning birinchi kunida Xalqaro tarozi va o‘lchovlar qo‘mitasi (CIPM) prezidenti hamda Xalqaro tarozi va o‘lchovlar byurosi (BIPM) direktorining ma’ruzalari tinglandi. Shuningdek, BIPMning moliyaviy faoliyati, 2028–2031-yillarga mo‘ljallangan ish dasturi va xalqaro metrologiya tizimini rivojlantirish istiqbollari ko‘rib chiqildi. Kun davomida xalqaro metrologiyaning dolzarb yo‘nalishlari, zamonaviy ilmiy tadqiqotlar va ilg‘or texnologik ishlanmalarga bag‘ishlangan poster taqdimotlari ham tashkil etildi.

14-oktabr —Konferensiyaning ikkinchi kunida muhokamalar quyidagi asosiy yo‘nalishlar bo‘yicha davom etdi:

BIPM faoliyatini modernizatsiya qilish. Tashkilotning moliyaviy barqarorligini ta’minlash, boshqaruv tizimini takomillashtirish va xalqaro hamkorlikni kengaytirish masalalari muhokama qilinmoqda. Shuningdek, CGPMning protsedura qoidalarini qabul qilishga oid F rezolyutsiya loyihasi ko‘rib chiqildi.

Yangi texnologiyalar uchun metrologiya. Biotexnologiyalar va kvant kommunikatsiyalari sohalarida aniq va ishonchli o‘lchashlarni ta’minlash, zamonaviy metrologik imkoniyatlarni kengaytirishga bag‘ishlangan ma’ruzalar va davra suhbatlari o‘tkazildi.

Metrik konvensiyaga davlatlarning kengroq qo‘shilishi. Xalqaro metrologiya tizimida davlatlar ishtirokini kengaytirish, xalqaro tashkilotlar o‘rtasidagi hamkorlikni mustahkamlash masalalari muhokama qilindi. Ushbu yo‘nalishda Metrik konvensiyaga umumiy qo‘shilish to‘g‘risidagi A rezolyutsiya loyihasi ko‘rib chiqildi.

Mazkur rezolyutsiya loyihasi yuzasidan O‘zbekiston delegatsiyasi ham o‘z pozitsiyasini bildirib, tegishli taklif va mulohazalarini taqdim etdi. Xususan, Xalqaro qonunlashtiruvchi metrologiya tashkiloti (OIML) va Xalqaro tarozi va o‘lchovlar byurosi (BIPM) hamkorligida metrologiya sohasida mutaxassislar salohiyatini oshirish, bilim va tajriba almashish hamda qo‘shma o‘quv dasturlarini tashkil etish bo‘yicha taklif ilgari surildi.

Metrologiya tizimini raqamlashtirish va sun’iy intellekt. Ishonchli sun’iy intellekt texnologiyalaridan foydalanish, metrologiyaning raqamli transformatsiyadagi o‘rni hamda global metrologiya tizimini raqamlashtirishga qaratilgan E rezolyutsiya loyihasi muhokama qilindi.

CGPMning 28-yig‘ilishi xalqaro o‘lchashlar tizimini takomillashtirish, o‘lchash natijalarining global miqyosda ishonchliligini ta’minlash, zamonaviy metrologik infratuzilmani rivojlantirish hamda xalqaro ilmiy-texnik hamkorlikni mustahkamlashda muhim ahamiyat kasb etadi.

#CGPM2026 #BIPM #CIPM #OIML #Metrology #UzNIM #Uzbekistan #DigitalMetrology #QuantumMetrology

🕸nim.uz 📱 Facebook 📱 Instagram 📱 Youtube 🖥LinkedIn

😃O‘zbekiston milliy metrologiya institutiga 2026-yil 3-choragi davomida kelib tushgan murojaatlar tahlili

🕸nim.uz 📱 Facebook 📱 Instagram  📱 Youtube 🖥LinkedIn

RADARLARNI QIYOSLASH ISHLARI AMALGA OSHIRILDI

😃O‘zbekiston milliy metrologiya instituti Xorazm filiali mutaxassislari tomonidan O‘zbekiston Respublikasi Ichki ishlar vazirligi huzuridagi "Xavfsiz shahar" tizimini rivojlantirish markazi DMga tegishli avtotransport vositalari tezligini o‘lchash vositalari — radarlarga servis xizmati ko‘rsatish va ularni joyiga chiqqan holda qiyoslash ishlari amalga oshirildi.

✍️Qiyoslash jarayonlari belgilangan tartibda, namunaviy o‘lchash vositalaridan foydalangan holda hamda amaldagi me’yoriy hujjatlar talablariga muvofiq bajarildi.

📌Mazkur ishlar tezlikni o‘lchash vositalarining belgilangan metrologik talablarga muvofiqligini baholash, o‘lchash natijalarining ishonchliligini ta’minlash hamda yo‘l harakati xavfsizligi tizimida qo‘llanilayotgan texnik vositalarning aniq va barqaror ishlashini ta’minlashda muhim ahamiyat kasb etadi.

😃O‘zbekiston milliy metrologiya instituti tomonidan o‘lchash vositalarining metrologik ishonchliligini ta’minlash, qiyoslash ishlarini sifatli tashkil etish va sohada belgilangan talablarga rioya etilishini ta’minlash borasidagi ishlar izchil davom ettirilmoqda.

🕸nim.uz 📱 Facebook 📱 Instagram  📱 Youtube 🖥LinkedIn