💬 39-savol:

OʻzMSt ISO 13485:2025 (ISO 13485:2016 IDT) standarti talablariga muvofiqlik bo‘yicha sertifikatlashtirish jarayoni qanday asosiy bosqichlardan iborat va muvofiqlik sertifikati qancha muddatga beriladi?

Savolga Farmasevtika mahsulotlari xavfsizligi markazi Menedjment tizimlarini sertifikatlashtirish organi yetakchi menedjeri Dildora Usmanova javob berdi.

💳 Javob: Talabgorning OʻzMSt ISO 13485:2025 (ISO 13485:2016 IDT) standarti talablariga muvofiqligi yuzasidan sertifikatlash jarayoni Oʻzbekiston Respublikasi Vazirlar Mahkamasining 2024-yil 14-avgustdagi 502-sonli qarori bilan tasdiqlangan "Menejment tizimlarini sertifikatlashtirish tartibi toʻgʻrisidagi nizom"ga muvofiq amalga oshiriladi va quyidagi asosiy bosqichlarni o‘z ichiga oladi:

📼 Talabgor tomonidan ariza va hujjatlar to‘plamini tris.uz axborot tizimi orqali topshirish.
📼 Sertifikatlashtirish organi tomonidan arizani ko‘rib chiqish va uni qabul qilish/rad etish to‘g‘risida qaror qabul qilish.
📼 Talabgor va Sertifikatlashtirish organi o‘rtasida shartnoma tuzish, talabgor tomonidan xizmatlar uchun to‘lovni amalga oshirish.
📼 Auditorlar guruhini shakllantirish
📼 Sertifikatlashtirish organi auditorlari guruhi tomonidan hujjatlarni tahlil qilish (1-bosqich)
📼 Joyiga chiqib sertifikatlashtirish auditini o‘tkazish (2-bosqich)
📼 Talabgor tomonidan nomuvofiqliklarni bartaraf etish (mavjud bo‘lsa)

Menejment tizimlarini sertifikatlashtirish organi talabgorning OʻzMSt ISO 13485:2025 (ISO 13485:2016 IDT) standarti talablariga muvofiq yoki nomuvofiqligi haqida qaror qabul qiladi. Talabgor standart talablariga muvofiq deb topilgan taqdirda, sertifikatlashtirish organi muvofiqlik sertifikatini berish toʻgʻrisida qaror qabul qiladi.

Ushbu qaror qabul qilingan so‘ng amal qilish muddati 3 yil bo‘lgan muvofiqlik sertifikati rasmiylashtiriladi va davlat reestrida roʻyxatdan oʻtkaziladi.

Savol yuborish - @uzpharmcontrol_bot

Telegram | Facebook | Instagram | Youtube

🟦🟦🟦

Izboskan tumanida elektron retsept tizimini joriy etish bo‘yicha seminar o‘tkazildi

Sog‘liqni saqlash tizimini raqamlashtirish, tibbiy xizmatlar sifatini oshirish hamda dori vositalari aylanmasida shaffoflikni ta’minlash maqsadida Izboskan tumanida elektron retsept tizimini joriy etishga bag‘ishlangan seminar-trening tashkil etildi. Tadbirda tuman tibbiyot birlashmasi mutasaddilari, oilaviy poliklinikalar rahbarlari, shifokorlar hamda hududda faoliyat yuritayotgan dorixonalar vakillari ishtirok etdi.

👉 Batafsil

Telegram | Facebook | Instagram | Youtube

🟤 🟦🟦

Farmatsevtika sohasida ilmiy izlanishlar va hamkorlik uchun yangi imkoniyatlar

Dori vositalarini standartlash ilmiy markazi tarkibida faoliyat yurituvchi Tadqiqotlar va o‘quv-trening bo‘limi mahalliy va xorijiy farmatsevtika kompaniyalari, ilmiy-tadqiqot muassasalari hamda oliy ta’lim tashkilotlarini hamkorlikka taklif etadi.

Markaz tarkibida 2002 yildan buyon faoliyat yuritib kelayotgan mazkur bo‘lim respublikada klinik-oldi tadqiqotlar o‘tkazish va tibbiy jihozlar xavfsizligini baholash yo‘nalishida “GLP — Yaxshi laboratoriya amaliyoti” sertifikatiga ega bo‘lgan yetakchi laboratoriyalardan biri hisoblanadi.

Laboratoriyada asl (original) va generik dori vositalari uchun keng qamrovli preklinik tadqiqotlar amalga oshirilib, preparatlarning umumiy toksikligi, farmakologik faolligi, biosamaradorligi hamda farmakokinetik xususiyatlari ilmiy asosda baholanadi. Shuningdek, dori vositalarining allergenlik, antibakterial va antifungal ta’siri, yurak-qon tomir tizimiga ta’siri, yallig‘lanishga qarshi va og‘riqsizlantiruvchi xususiyatlari bo‘yicha ham kompleks ilmiy tadqiqotlar olib boriladi.

Bo‘lim faoliyati zamonaviy laboratoriya uskunalari, yuqori malakali mutaxassislar jamoasi va xalqaro standartlarga mos tadqiqot metodologiyasi asosida tashkil etilgan. Bu esa olinayotgan natijalarning yuqori aniqligi va ishonchliligini ta’minlaydi.

🟢 Telefon: (+998) 99 207-55-50
🟢 Manzil: Toshkent shahar, Mirobod tumani, Oybek ko‘chasi, 45-uy (Lokatsiya)

Telegram | Facebook | Instagram | Youtube

🔴 ⭕️⭕️⭕️

Korrupsiyaga qarshi kurash — farmatsevtika sohasida ishonch, adolat va ochiqlik kafolati!

“Farmatsevtika mahsulotlari xavfsizligi markazi” davlat muassasasida korrupsiyaga qarshi murosasiz kurashish, manfaatlar to‘qnashuvining oldini olish hamda qonunbuzarlik holatlarini barvaqt aniqlash maqsadida Korrupsiyaga qarshi kurashish va komplaens nazorati tizimi yo‘lga qo‘yilgan.

Agar farmatsevtika sohasida qonun talablariga zid holatlar, xususan, manfaatlar to‘qnashuvi yoki korrupsiyaviy harakatlarga guvoh bo‘lsangiz, bu haqda bizga xabar bering:

🏷 Ishonch telefoni: (71) 203-01-01 (2385)
🏷 Telegram bot: t.me/uzpharmcontrolbot
🏷 Elektron pochta: farmkomitet@ssv.uz
🏷 Facebook: www.fb.com/uzpharmcontrol
🏷 Instagram: instagram.com/uzpharmcontrol

📩 Kelib tushgan har bir murojaat qonun talablariga muvofiq tarzda ko‘rib chiqilib, Markaz direktori tomonidan shaxsan nazorat qilinadi.

📝 Barcha murojaatlar maxfiylik tamoyili asosida ko‘rib chiqiladi hamda natijalari huquqiy baho berish uchun vakolatli organlarga yuboriladi.

☑️ Sohada halollik va shaffoflikni ta’minlash — barchamizning umumiy mas’uliyatimiz!

Telegram | Facebook | Instagram | Youtube

🔴⭕️⭕️⭕️

Reyd: Qarshi tumanida qonunga xilof ravishda xonadonida dorixona tashkil qilgan shaxs fosh etildi

Qarshi tumanida o‘tkazilgan tezkor tadbirda fuqaro R.Yu. “Tinchlik” MFY hududidagi xonadonida qonunga xilof ravishda dorixona tashkil qilib, umumiy bahosi 31,2 mln so‘mlik 340 turdagi, 14 538 dona dori va tibbiyot buyumlari hamda 130 dona “Benzonal” nomli kuchli taʼsir qiluvchi dori vositasini o‘tkazish maqsadida saqlab kelganligi aniqlanib, ushbu dori vositalari ashyoviy dalil sifatida olingan.

Mazkur holat yuzasidan Jinoyat kodeksining 251-1-moddasi (giyohvandlik vositalari, ularning analoglari yoki psixotrop moddalar hisoblanmaydigan kuchli taʼsir qiluvchi moddalarni targ‘ib qiluvchi mahsulotni tayyorlash, tarqatish, reklama qilish, namoyish etish yoki bunday moddalarni yoxud zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.

Telegram | Facebook | Instagram | Youtube

🔴 🟦🟦🟦

Kitob tumanida “Elektron retsept” tizimini joriy etish ishlari jadallik bilan olib borilmoqda

Kitob tumanida sog‘liqni saqlash tizimini raqamlashtirish borasidagi islohotlar izchil davom ettirilmoqda. Xususan, “Elektron retsept” modulini barcha davlat va xususiy tibbiyot muassasalari hamda dorixonalarda to‘liq joriy etish ishlari jadallik bilan amalga oshirilmoqda.

👉 Batafsil

Telegram | Facebook | Instagram | Youtube

🔄 🟦🟦🟦🟦🟦

Narkojinoyatlarga qarshi kurashishning huquqiy asoslari muhokama qilindi

Jamoat xavfsizligi universitetida narkotik moddalarning noqonuniy aylanishiga qarshi kurashishning huquqiy asoslarini takomillashtirishga bag‘ishlangan respublika ilmiy-amaliy konferensiyasi bo‘lib o‘tdi. Tadbirda soha mutaxassislari, deputatlar va olimlar ishtirokida “Giyohvandlik vositalari va psixotrop moddalar to‘g‘risida”gi Qonunning yangi tahriri hamda sintetik narkotiklarga qarshi kurashishning yangi mexanizmlari muhokama qilindi.

👉 Batafsil

Telegram | Facebook | Instagram | Youtube

🟢🟦🟦🟦

Jizzax viloyatida narkovaziyat va profilaktika choralari qat’iy nazoratga olindi

Jizzax viloyatida Giyohvandlik vositalari va psixotrop moddalar ustidan nazorat qilish bo‘yicha Davlat komissiyasi ishchi guruhi tomonidan hududiy komissiya faoliyatini o‘rganish jarayonlari boshlandi.

👉 Batafsil

Telegram | Facebook | Instagram | Youtube

💊 Retsept asosida beriladigan dori vositalarining narxlari pasaytirildi va nazorat keskin kuchaytirildi

Sog‘liqni saqlash vazirining buyrug‘iga asosan, 2026-yil 28-martdan boshlab retseptli dori vositalari uchun yangi referent narxlar tizimi kuchga kirdi. Ushbu nizomga muvofiq, 2500 dan ortiq dori vositasining narxi qayta ko‘rib chiqilib, pasaytirilgan holda maxsus ro‘yxat shakllantirildi va Farmatsevtika tarmog‘ini rivojlantirish agentligining rasmiy saytiga joylashtirildi. Mazkur chakana narxlar 1-iyuldan to‘liq amaliyotga joriy etiladi va bundan buyon dorixonalarda retseptli dorilar faqat shu belgilangan referent narxlar doirasida sotilishi shart.

Yangi qonunchilikka ko‘ra, dorilarni belgilangan narxdan qimmatroq sotish taqiqlanadi va buning uchun javobgarlik keskin kuchaytirildi. Jumladan, tarkibida kuchli ta’sir qiluvchi moddalar bo‘lmagan dorilarni sotish tartibini buzganlik uchun jarima miqdori BHMning 50 baravaridan 100 baravarigacha oshirildi, takroriy yoki qo‘pol qoidabuzarliklar esa dorixona litsenziyasining bekor qilinishiga olib keladi. Nazoratni ta’minlash maqsadida dorixonalarda muntazam ravishda «sirli xaridor» tekshiruvlari o‘tkazilmoqda. Shuningdek, fuqarolar «PharmUz» mobil ilovasi orqali dorilarning asl narxini mustaqil tekshirishlari va qimmat sotilayotgan holatlar ustidan to‘g‘ridan-to‘g‘ri shikoyat yuborishlari mumkin.

https://t.me/Rasmiy_axborot_official

💬 40-savol:

Korxonani O‘zMSt ISO 13485:2025 (ISO 13485:2016 IDT) standarti talablariga muvofiqligini baholash va sertifikatlashtirish jarayonida qanday hujjatlar va ma’lumotlar taqdim etilishi lozim hamda ushbu hujjatlar qaysi vakolatli tashkilotga topshiriladi?

Shuningdek, sertifikatlashtirish auditi davomida nomuvofiqliklar aniqlangan taqdirda, bu holat qanday oqibatlarga olib keladi?

Savolga Farmasevtika mahsulotlari xavfsizligi markazi huzuridagi Menedjment tizimlarini sertifikatlashtirish organi mutaxassisi Dildora Usmanova javob berdi.

💳 Javob

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Dorixona xodimi oq xalat kiyishi shartmi? Hozirgi zamonga mos forma kiysa ham bo‘ladimi? - Javob

👍 Dori vositasining xalqaro patentlanmagan nomi nimani anglatadi? - Javob

👍 Kuchli taʼsir qiluvchi dori vositalarini retsept asosida boshqa hudud (viloyat, tuman) dan olsa bo‘ladimi? - Javob

👍 Dorixona xodimi dori vositasi va tibbiy buyumni berish paytida nimalarga eʼtibor berishi lozim? - Javob

Telegram | Facebook | Instagram | Youtube

🟤 🟦🟦🟦

Markazda chet el farmatsevtika kompaniyalari va ishlab chiqaruvchilarining O‘zbekistondagi vakolatxonalari vakillari bilan ochiq muloqot bo‘lib o‘tdi.

Bugun, Farmatsevtika mahsulotlari xavfsizligi markazida, muassasa direktori o'rinbosari Mirzohidjon Qodirov boshchiligida o'tkazilgan muloqotda Vazirlar Mahkamasining 2025-yil 24-noyabrdagi 738-son qarori asosida dori vositalarini ro‘yxatdan o‘tkazishning yangilangan tartib - taomillari atroflicha tushuntirildi.

Ishtirokchilarga arizalarni elektron tizim orqali topshirishdan boshlab, hujjatlarni ekspertizadan o‘tkazish, kamchiliklarni bartaraf etish, laboratoriya va klinik tadqiqotlar, GMP inspeksiyasini tashkil etish hamda yakuniy xulosalarni shakllantirishgacha bo‘lgan barcha bosqichlar bo‘yicha izohlar berildi.

Telegram | Facebook | Instagram | Youtube

💬 41-savol:

Arizachi tomonidan sertifikatlashtirish uchun ariza va tegishli hujjatlar to‘plami taqdim etilgandan so‘ng, ularni ko‘rib chiqish va qaror qabul qilish jarayoni qanday bosqichlarda amalga oshiriladi?

Savolga Farmasevtika mahsulotlari xavfsizligi markazi huzuridagi Menedjment tizimlarini sertifikatlashtirish organi mutaxassisi Dilmurod G'ulomov javob berdi.

💳 Javob:

Vazirlar Mahkamasining 2024-yil 14-avgustdagi 502-sonli qarori bilan tasdiqlangan "Menejment tizimlarini sertifikatlashtirish tartibi toʻgʻrisidagi nizom"da Sertifikatlashtirish uchun taqdim etilgan ariza va hujjatlar toʻplamini koʻrib chiqish tartibi mavjud bo‘lib unga muvofiq:

📼 MTSO taqdim etilgan ariza va ma'lumotlarni koʻrib chiqib tahlil qiladi, tahlil natijalari boʻyicha 3 ish kuni mobaynida sertifikatlashtirish uchun arizani qabul qilish yoki rad etish toʻgʻrisida qaror qabul qiladi.

📼 Ariza beruvchiga 1 ish kuni mobaynida qabul qilingan qaror toʻgʻrisida xabarnoma yoki asoslantirilgan rad javobini taqdim etiladi.

📼 Sertifikatlashtirish uchun ariza qabul qilingan taqdirda, ariza, uni qabul qilib olingan kundan boshlab 3 ish kuni ichida MTSO va ariza beruvchi oʻrtasida sertifikatlashtirish toʻgʻrisida shartnoma tuziladi.

📼 Sertifikatlashtirish uchun arizani qabul qilish rad etilganda, Ariza beruvchi qayd etilgan rad etish sabablarini bartaraf etgandan soʻng sertifikatlashtirish uchun qayta ariza berish huquqiga ega.

Savol yuborish - @uzpharmcontrol_bot

Telegram | Facebook | Instagram | Youtube

🟦🟦🟦

DARMON axborot tizimida dori vositalarini qayta ro‘yxatdan o‘tkazish jarayonini yanada soddalashtirish va tezlashtirish maqsadida muhim yangilik joriy etildi. Endilikda umumiy tartibda ro‘yxatdan o‘tkazilgan dori vositalarini qayta ro‘yxatdan o‘tkazish jarayonida tan olish (признание) yo‘li orqali ro‘yxatdan o‘tkazish mexanizmi joriy etildi.

👍 Mazkur mexanizm dori vositalarining ilg‘or xorijiy tartib-taomillar asosida avval baholanganligi va tasdiqlanganligini inobatga olgan holda, ularni milliy tizimda qayta ko‘rib chiqish jarayonini optimallashtirishga xizmat qiladi.
—
В информационной системе DARMON внедрено важное нововведение, направленное на дальнейшее упрощение и ускорение процесса перерегистрации лекарственных средств. Отныне при перерегистрации лекарственных средств, ранее зарегистрированных в общем порядке, введён механизм регистрации по пути признания.

👍 Данный механизм, учитывая, что лекарственные средства уже были оценены и одобрены на основе передовых зарубежных процедур, служит оптимизации процесса их повторного рассмотрения в национальной системе.

Telegram | Facebook | Instagram | Youtube

🔄 🟦🟦🟦

O‘zbekistonlik mutaxassislar Estoniyada sog‘liqni saqlash sohasini raqamlashtirish tajribasini o‘rganmoqda

O‘zbekiston Respublikasi Sog‘liqni saqlash vazirligi delegatsiyasi Estoniyada sog‘liqni saqlash tizimini raqamlashtirish bo‘yicha ilg‘or tajribalarni o‘rganmoqda. Xalqaro o‘quv dasturi doirasida delegatsiya a’zolari elektron sog‘liqni saqlash tizimlari, raqamli retsept va tibbiy ma’lumotlar almashinuvi mexanizmlari bilan yaqindan tanishmoqda.

👉 Batafsil

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Farmatsevtika mahsulotlari xavfsizligi markazida xalqaro seminar-trening boshlandi

😎 Sirdaryo viloyatida giyohvandlikka qarshi kurashish masalalari muhokama qilindi

😎 OʻzMSt ISO 13485:2025 (ISO 13485:2016 IDT) standarti talablariga muvofiqlik bo‘yicha sertifikatlashtirish jarayonlari haqida ma'lum qilindi

😎 Izboskan tumanida elektron retsept tizimini joriy etish bo‘yicha seminar o‘tkazildi

😎 Qarshi tumanida qonunga xilof ravishda xonadonida dorixona tashkil qilgan shaxs fosh etildi

😎 Kitob tumanida “Elektron retsept” tizimini joriy etish ishlari jadallik bilan olib borilmoqda

😎 Narkojinoyatlarga qarshi kurashishning huquqiy asoslari muhokama qilindi

😎 Jizzax viloyatida narkovaziyat va profilaktika choralari qat’iy nazoratga olindi

😎 Retsept asosida beriladigan dori vositalarining narxlari pasaytirildi va nazorat keskin kuchaytirildi

😎 Markazda chet el farmatsevtika kompaniyalari va ishlab chiqaruvchilarining O‘zbekistondagi vakolatxonalari vakillari bilan ochiq muloqot bo‘lib o‘tdi

😎 DARMON axborot tizimida dori vositalarini qayta ro‘yxatdan o‘tkazish jarayonini yanada soddalashtirish va tezlashtirish maqsadida muhim yangilik joriy etildi

😎 O‘zbekistonlik mutaxassislar Estoniyada sog‘liqni saqlash sohasini raqamlashtirish tajribasini o‘rganmoqda

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🔄 🟦🟦🟦

Farmatsevtika mahsulotlari xavfsizligi markazining laboratoriya bazasi kengaymoqda

O‘zbekiston Respublikasi Prezidentining 2026-yil 5-martdagi PF-35-son Farmonidagi vazifalar ijrosi doirasida O‘zbekiston texnik jihatdan tartibga solish agentligi huzuridagi “O‘zbekiston ilmiy-sinov va sifat nazorati markazi” davlat muassasasi Xorazm filiali tomonidan 48 turdagi zamonaviy sinov uskunalari, yordamchi vositalar hamda laboratoriya mebellari Sog‘liqni saqlash vazirligi huzuridagi “Farmatsevtika mahsulotlari xavfsizligi markazi” davlat muassasasiga beg‘araz asosda topshirildi.

👉 Batafsil

Telegram | Facebook | Instagram | Youtube

🔴🟦🟦🟦

Dori vositalarini ro‘yxatdan o‘tkazishda ularning xalqaro miqyosdagi samaradorligi o‘rganiladi

Adliya vazirligi tomonidan Dori vositalarini davlat ro‘yxatidan o‘tkazish jarayonida ularning samaradorligini aniqlash tartibi to‘g‘risidagi idoraviy hujjat davlat ro‘yxatidan o‘tkazildi (ro‘yxat raqami 3806, 03.04.2026 y.). Unga ko‘ra, dori vositalarining samaradorligi 12 ta xalqaro ilmiy manbalar asosida tekshiriladi.

O‘rganish natijalari esa Sog‘liqni saqlash vazirli “Farmatsevtika mahsulotlari xavfsizligi markazi” davlat muassasasining rasmiy veb-saytida eʼlon qilib boriladi.

👉 Batafsil

Telegram | Facebook | Instagram | Youtube

🔴🟦🟦🟦

Kitob tumanida sog‘liqni saqlash tizimini raqamlashtirish masalalariga bag‘ishlangan uchrashuv o‘tkazildi

Kitob tumanida sog‘liqni saqlash sohasida amalga oshirilayotgan islohotlar, xususan tizimni raqamlashtirish jarayonlarini jadallashtirish masalalariga bag‘ishlangan navbatdagi uchrashuv bo‘lib o‘tdi. Mazkur tadbir Vazirlar Mahkamasining 2025-yil 8-sentyabrdagi “Sog‘liqni saqlash tizimini raqamlashtirish jarayonlarini yanada jadallashtirish bo‘yicha qo‘shimcha chora-tadbirlar to‘g‘risida”gi 570-son qarori mazmun-mohiyatini keng jamoatchilikka yetkazish maqsadida Kitob tumani hokimligida tashkil etildi.

👉 Batafsil

Telegram | Facebook | Instagram | Youtube