🟦🟦🟦🟦

Vazirlar Mahkamasining 2025-yil 24-noyabrdagi 738-son qaroriga muvofiq, mamlakatimizda dori vositalarining muomalasida uzluksizlikni ta’minlash, tadbirkorlar faoliyatiga qulaylik yaratish hamda aholini dori vositalari bilan barqaror ta’minlash maqsadida 180 kunlik o‘tish (tranzit) davri mexanizmi joriy etilgan.

✅ Mazkur tartib ro‘yxatdan o‘tkazilganlik guvohnomasining amal qilish muddati tugashi yoki hujjatlarga o‘zgartirishlar kiritilishi jarayonida ishlab chiqarilgan va import qilingan mahsulotlarning muomaladan keskin chiqarib yuborilishining oldini olib, ularni belgilangan muddat davomida realizatsiya qilish imkonini beradi.

Telegram | Facebook | Instagram | Youtube

🔴🟦🟦🟦

Litsenziya talab va shartlariga amal qilmagan dorixona faoliyati to’xtatildi

Farmatsevtika faoliyatini litsenziyalash va farminspeksiya boshqarmasi tomonidan o‘tkazilgan nazorat tadbirlarida Navoiy viloyati, Nurota tumani, Ibn Sino MFY, Usmon Yusupov ko'chasi, 5-uy manzilida joylashgan "Aslam Nodir Farm" MChJga tegishli dorixonada litsenziya talab va shartlarining buzilganligi holati aniqlandi.

Markaz laboratoriyalari tahlillari natijasiga ko‘ra, mazkur dorixonadan olingan, 1 turdagi dori vositasining davlat ro'yxatidan o'tmaganligi va sifatini tasdiqlovchi muvofiqlik sertifikati mavjud emasligi, shuningdek, 2 turdagi dori vositasining yaroqlilik muddati tugaganligi ma'lum bo'ldi.

Holat bo‘yicha Farmatsevtika mahsulotlari xavfsizligi markazining "Aslam Nodir Farm" MChJga tegishi dorixona litsenziyasini bekor qilish to‘g‘risida Navoiy tumanlararo iqtisodiy sudiga kiritgan da’vo arizasi sudning tegishli hal qiluv qarori bilan qanoatlantirildi. Hamda "Aslam Nodir Farm" MChJga dori vositalari va tibbiy buyumlarni chakana realizatsiya qilish uchun 2023-yil 3-noyabrda berilgan 267803-sonli litsenziya bekor qilindi.

Amaldagi qonunchilik hujjatlariga muvofiq, mazkur dorixona litsenziyasi tugatilgan dorixonalar manzillari va qonun buzilishlariga bevosita aloqador xodimlar (provizorlar, farmatsevtlar) ning yagona reestriga kiritilganligini ma’lum qilamiz.

Telegram | Facebook | Instagram | Youtube

🔴 🟦🟦🟦

UDI bo‘yicha amaliy o‘quv seminariga ro‘yxatdan o‘tish davom etmoqda

Farmatsevtika mahsulotlari xavfsizligi markazi hamda Global Harmonization Working Party (GHWP) Texnik qo‘mitasi hamkorligida tibbiy buyumlarning noyob identifikatsiya tizimi (UDI)ga bag‘ishlangan amaliy o‘quv seminarda ishtirok etish uchun ro‘yxatdan o‘tish davom etmoqda

Seminar 2026-yil 18-may kuni Tashkent Pharma Park hududida bo‘lib o‘tadi.

Tadbir davomida UDI tizimini joriy etish bo‘yicha xalqaro tajriba, tizimning texnik jihatlari, uni tartibga solish mexanizmlari hamda ishlab chiqaruvchilar uchun amaliy qo‘llash masalalari muhokama qilinadi. Shuningdek, UDI’ning tibbiy buyumlar kuzatuvchanligi va postmarketing nazoratidagi ahamiyati haqida ma’lumotlar beriladi.

Seminarda xalqaro ekspertlar, GHWP Texnik qo‘mitasi vakillari va soha mutaxassislari ishtirok etishi rejalashtirilgan.

UDI (Unique Device Identification) — bu tibbiy buyumlarni yagona kod orqali identifikatsiya qilish tizimi bo‘lib, mahsulotning ishlab chiqarilishidan tortib, iste’molchigacha bo‘lgan harakatini kuzatish imkonini beradi. Ushbu tizim xavfsizlikni oshirish, soxta mahsulotlarning oldini olish va sifat nazoratini kuchaytirishda muhim ahamiyatga ega.

📼 Ro‘yxatdan o‘tish uchun havola
📼 Elektron pochta: pharmrelations@ssv.uz
📼 Telefon: +998 88 800 77 07

Telegram | Facebook | Instagram | Youtube

🔴 🟦🟦🟦

😎 Farmatsevtika faoliyatini litsenziyalash va farminspeksiya boshqarmasi tomonidan respublikamiz hududida farmatsevtika faoliyati bilan shug‘ullanish huquqiga ega korxonalar va tashkilotlar soniga oid statistik maʼlumotlar yangilandi.

Telegram | Facebook | Instagram | Youtube

🟢🟦🟦🟦

Nojo‘ya reaksiyalarni qayd etish tizimi

Yurtimizda farmatsevtika sohasida muhim yangiliklardan biri — dori vositalarining nojo‘ya reaksiyalarini qayd etish va monitoring qilish tizimi to‘liq raqamli shaklga o‘tkazildi. Sog‘liqni saqlash vazirining 2026-yil 21-yanvardagi 15-son buyrug‘iga muvofiq, nojo‘ya reaksiyalar to‘g‘risidagi ma’lumotlarni yig‘ish, tahlil qilish hamda ularni yagona elektron platforma orqali yuritish tartibi joriy etildi.

Mazkur tizim farmakonazorat jarayonlarini markazlashtirish, ma’lumotlar sifatini oshirish hamda nojo‘ya reaksiyalar haqidagi xabarlarni tezkor va ishonchli tarzda qabul qilish imkonini bermoqda. Bugungi kunda tibbiyot va farmatsevtika xodimlari aniqlangan holatlarni yagona platforma orqali tizimli ravishda ro‘yxatdan o‘tkazib kelmoqda.

Tizimdan foydalanishni yanada qulaylashtirish maqsadida maxsus videoqo‘llanma ishlab chiqildi. Unda foydalanuvchilar uchun tizimga kirish, nojo‘ya reaksiyalar haqida elektron xabarni shakllantirish, zarur ma’lumotlarni to‘g‘ri kiritish va yuborish jarayonlari bosqichma-bosqich amaliy tarzda tushuntirilgan.

Eslatib o'tamiz, hozirda ro‘yxatdan o‘tkazilganlik guvohnomasi egalari tomonidan tayinlangan farmakonazorat bo‘yicha mas’ul shaxslar uchun ham nojo‘ya reaksiyalar haqida mustaqil xabar yuborish imkoniyatini joriy etish bo‘yicha ishlar davom ettirilmoqda.

Telegram | Facebook | Instagram | Youtube

🟦🟦🟦

Stomatologik uskunalar ishlab chiqaruvchilar, importyorlar va distribyutorlar diqqatiga!

Joriy yilning 12-may kuni Farmatsevtika mahsulotlari xavfsizligi markazida Vazirlar Mahkamasi tomonidan tasdiqlangan yangi tartib asosida stomatologik uskunalarni davlat ro‘yxatidan o‘tkazish yuzasidan uchrashuv o‘tkazilishi rejalashtirilmoqda.

Uchrashuv davomida stomatologik uskunalarni davlat ro‘yxatidan o‘tkazish tartibi, ariza va hujjatlarni rasmiylashtirish talablari, ekspertiza jarayonlari hamda ishlab chiqaruvchi va vakolatli tashkilotlarning majburiyatlari yuzasidan batafsil tushuntirishlar beriladi.

Shuningdek, amaliyotda eng ko‘p uchrayotgan savollar, mavjud muammolar va ularning yechimlari mutaxassislar ishtirokida muhokama qilinadi.

Mazkur uchrashuv soha vakillari uchun yangi tartiblarni yaqindan o‘rganish hamda o‘zlarini qiziqtirgan savollarga bevosita javob olish imkoniyatini yaratadi.

📼 Vaqti: 2026 yil, 12-may soat 10:00
📼 Manzil: Farmatsevtika mahsulotlari xavfsizligi markazi majlislar zali (location)
📼 Batafsil ma'lumot uchun: 71 203-01-01

Telegram | Facebook | Instagram | Youtube

🟦🟦🟦

Dori vositalari va tibbiy buyumlar ishlab chiqaruvchi va import qiluvchi korxonalar diqqatiga!

Vazirlar Mahkamasining 2021-yil 20-maydagi “Majburiy raqamli markirovkalanishi lozim boʻlgan mahsulotlar roʻyxatini kengaytirish boʻyicha tajriba loyihalarini amalga oshirish chora-tadbirlari toʻgʻrisida”gi 322-sonli qaroriga muvofiq:

Mamlakatimizda 2026-yil 1-iyuldan 2026-yil 31-dekabrga qadar TIF TN kodi 3002, 300610, 300660, 9021909001 bo‘lgan dori vositalari va tibbiy buyumlarni raqamli markirovkalash tajriba loyihasi amalga oshiriladi. Tajriba loyihasi davrida operator - “CRPT TURON” MCHJ tajriba loyihasida ishtirok etuvchi tadbirkorlik subyektlariga markirovka kodlarini bepul taqdim etadi.

Tajriba loyihasida ishtirok etish uchun mahsulot aylanmasi subyekti operatorga belgilangan tartibdagi arizani taqdim etishi lozim.

Shu munosabat bilan, TIF TN kodi 3002, 300610, 300660, 9021909001 bo‘lgan dori vositalari va tibbiy buyumlarni ishlab chiqaruvchi va import qiluvchi korxonalarni 2026-yilning 1-iyulidan 31-dekabriga qadar amalga oshiriladigan tajriba loyihasida ishtirok etishga taklif qilamiz.

Tajriba loyihasi bo‘yicha qoʻshimcha maʻlumotni “CRPT TURON” MCHJ (71 203-88-72, support@crpt-turon.uz, @aslbelgisiuz_bot) yoki “Farmatsevtika mahsulotlari xavfsizligi markazi” davlat muassasasining Maxsus raqamli markirovkalashni joriy etish boʻlimi (71) 203-01-01 (ichki raqam: 2480) orqali olishlari mumkin.

Telegram | Facebook | Instagram | Youtube

🟦🟦🟦

9-may — Xotira va qadrlash kuni

Xotira — millatning ma’naviy tayanchi, qadrlash esa inson sha’niga bo‘lgan yuksak ehtirom ifodasidir.

Bu kunda mustaqillik yillarida vatanimiz sarhadlari daxlsizligini saqlash, yurt tinchligi va xalq farovonligi yo‘lida fidokorona xizmat qilgan insonlar xotirasi chuqur hurmat bilan yod etiladi. El-yurt ravnaqi uchun umrini baxsh etgan faxriylarimiz, nuroniylarimiz va mehnat fidoyilariga ehtirom ko‘rsatish xalqimizga xos ezgu qadriyatdir.

Mardlik, jasorat va matonat namunasi bo‘lgan ajdodlar xotirasi hamisha qalblarda yashaydi. Ularning hayot yo‘li bugungi avlod uchun sadoqat, vatanparvarlik va insoniylik maktabi bo‘lib qoladi.

Farmatsevtika mahsulotlari xavfsizligi markazi jamoasi barcha yurtdoshlarimizni 9-may — Xotira va qadrlash kuni bilan samimiy muborakbod etadi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Chakana savdo subyektlari tomonidan majburiy raqamli markirovka qoidalariga rioya etilmasligi dori vositalari aylanmasida jiddiy huquqbuzarlik hisoblanishi ma'lum qilindi

😎 Giyohvandlik vositalari, psixotrop moddalar va prekursorlar muomalasi bilan bog‘liq faoliyat uchun berilgan litsenziyalar reestri yangilandi

😎 Namangan viloyatida tegishli hujjatlarsiz faoliyat yuritgan dorixona fosh etildi

😎 Farmatsevtika mahsulotlari xavfsizligi markazining Andijon filiali faoliyati o‘rganildi

😎 O‘zbekiston Respublikasi Prezidentining farmoni bilan Eldor Erkinovich Adilov O‘zbekiston Respublikasi sog‘liqni saqlash vaziri lavozimiga tayinlandi

😎 Litsenziya talab va shartlariga amal qilmagan "Aslam Nodir Farm" MChJga tegishli dorixona faoliyati to’xtatildi

😎 Farmatsevtika faoliyatini litsenziyalash va farminspeksiya boshqarmasi tomonidan respublikamiz hududida farmatsevtika faoliyati bilan shug‘ullanish huquqiga ega korxonalar va tashkilotlar soniga oid statistik maʼlumotlar yangilandi

😎 Farmatsevtika mahsulotlari xavfsizligi markazida Vazirlar Mahkamasi tomonidan tasdiqlangan yangi tartib asosida stomatologik uskunalarni davlat ro‘yxatidan o‘tkazish yuzasidan uchrashuv o‘tkazilishi rejalashtirilmoqda

😎 9-may — Xotira va qadrlash kuni mamlakatimizda keng miqyosda nishonlandi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦

Stomatologik uskunalar ishlab chiqaruvchilar, importyorlar va distribyutorlar diqqatiga!

Joriy yilning 12-may kuni Farmatsevtika mahsulotlari xavfsizligi markazida Vazirlar Mahkamasi tomonidan tasdiqlangan yangi tartib asosida stomatologik uskunalarni davlat ro‘yxatidan o‘tkazish yuzasidan uchrashuv o‘tkazilishi rejalashtirilmoqda.

Uchrashuv davomida stomatologik uskunalarni davlat ro‘yxatidan o‘tkazish tartibi, ariza va hujjatlarni rasmiylashtirish talablari, ekspertiza jarayonlari hamda ishlab chiqaruvchi va vakolatli tashkilotlarning majburiyatlari yuzasidan batafsil tushuntirishlar beriladi.

Shuningdek, amaliyotda eng ko‘p uchrayotgan savollar, mavjud muammolar va ularning yechimlari mutaxassislar ishtirokida muhokama qilinadi.

Mazkur uchrashuv soha vakillari uchun yangi tartiblarni yaqindan o‘rganish hamda o‘zlarini qiziqtirgan savollarga bevosita javob olish imkoniyatini yaratadi.

📼 Vaqti: 2026 yil, 12-may soat 10:00
📼 Manzil: Farmatsevtika mahsulotlari xavfsizligi markazi majlislar zali (location)
📼 Batafsil ma'lumot uchun: 71 203-01-01

Telegram | Facebook | Instagram | Youtube

📯📯📯

Xabar berganimizdek, Sog‘liqni saqlash vazirligi huzuridagi “Farmatsevtika mahsulotlari xavfsizligi markazi” davlat muassasasining Menejment tizimlarini sertifikatlashtirish organi belgilangan tartibda akkreditatsiyadan o‘tgan bo‘lib, O‘zMSt ISO 13485:2025 standarti bo‘yicha sifat menejmenti tizimlarini sertifikatlashtirish faoliyatini amalga oshirib kelmoqda.

Mazkur faoliyat doirasida sertifikatlashtirish jarayonlarini raqamlashtirish va ariza beruvchilar uchun qulaylik yaratish maqsadida smk.tris.uz milliy axborot tizimi joriy etilib, shu yilning 1-yanvaridan to‘liq ishga tushirildi.

Shu munosabat bilan, yangi axborot tizimi orqali sertifikatlashtirish uchun ariza topshirish tartibini tushuntirish hamda hujjatlarni elektron shaklda to‘g‘ri rasmiylashtirishga ko‘maklashish maqsadida video qo‘llanma tayyorlandi.

Unda smk.tris.uz tizimidan foydalanish, ariza beruvchi haqidagi ma’lumotlarni kiritish, O‘zMSt ISO 13485:2025 standartini tanlash va zarur hujjatlarni yuklash tartibi ko'rsatib o'tilgan.

Telegram | Facebook | Instagram | Youtube

⭕️⭕️⭕️

Xorazm viloyatida dori vositalarini talon-toroj qilish holati aniqlandi

Bosh prokuratura huzuridagi Departamentning Xonqa tumani bo‘limi tomonidan o‘tkazilgan tergovga qadar tekshiruvda “X.D.” MCHJga qarashli dorixona mudiri G‘.E. o‘zining moddiy javobgarligidagi umumiy bahosi 107,3 mln so‘mlik kuchli taʼsir qiluvchi va boshqa turdagi dori vositalarini naqd pulga sotib yuborib, o‘zlashtirish yoki rastrata qilish yo‘li bilan talon-toroj qilganligi aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.

Telegram | Facebook | Instagram | Youtube

🟦🟦🟦

Farmatsevtika faoliyatini litsenziyalash va farminspeksiya boshqarmasi tomonidan litsenziyalarining amal qilish muddati tugagan dorixonalar bo'yicha statistik ma'lumotlar yangilandi.

Telegram | Facebook | Instagram | Youtube

🔴 🟦🟦🟦

Korrupsiyaga qarshi kurash — farmatsevtika sohasida ishonch, adolat va ochiqlik kafolati!

“Farmatsevtika mahsulotlari xavfsizligi markazi” davlat muassasasida korrupsiyaga qarshi murosasiz kurashish, manfaatlar to‘qnashuvining oldini olish hamda qonunbuzarlik holatlarini barvaqt aniqlash maqsadida Korrupsiyaga qarshi kurashish va komplaens nazorati tizimi yo‘lga qo‘yilgan.

Agar farmatsevtika sohasida qonun talablariga zid holatlar, xususan, manfaatlar to‘qnashuvi yoki korrupsiyaviy harakatlarga guvoh bo‘lsangiz, bu haqda bizga xabar bering!

Telegram | Facebook | Instagram | Youtube