📯📯📯

Xabar berganimizdek, Sog‘liqni saqlash vazirligi huzuridagi “Farmatsevtika mahsulotlari xavfsizligi markazi” davlat muassasasining Menejment tizimlarini sertifikatlashtirish organi belgilangan tartibda akkreditatsiyadan o‘tgan bo‘lib, O‘zMSt ISO 13485:2025 standarti bo‘yicha sifat menejmenti tizimlarini sertifikatlashtirish faoliyatini amalga oshirib kelmoqda.

Mazkur faoliyat doirasida sertifikatlashtirish jarayonlarini raqamlashtirish va ariza beruvchilar uchun qulaylik yaratish maqsadida smk.tris.uz milliy axborot tizimi joriy etilib, shu yilning 1-yanvaridan to‘liq ishga tushirildi.

Shu munosabat bilan, yangi axborot tizimi orqali sertifikatlashtirish uchun ariza topshirish tartibini tushuntirish hamda hujjatlarni elektron shaklda to‘g‘ri rasmiylashtirishga ko‘maklashish maqsadida video qo‘llanma tayyorlandi.

Unda smk.tris.uz tizimidan foydalanish, ariza beruvchi haqidagi ma’lumotlarni kiritish, O‘zMSt ISO 13485:2025 standartini tanlash va zarur hujjatlarni yuklash tartibi ko'rsatib o'tilgan.

Telegram | Facebook | Instagram | Youtube

⭕️⭕️⭕️

Xorazm viloyatida dori vositalarini talon-toroj qilish holati aniqlandi

Bosh prokuratura huzuridagi Departamentning Xonqa tumani bo‘limi tomonidan o‘tkazilgan tergovga qadar tekshiruvda “X.D.” MCHJga qarashli dorixona mudiri G‘.E. o‘zining moddiy javobgarligidagi umumiy bahosi 107,3 mln so‘mlik kuchli taʼsir qiluvchi va boshqa turdagi dori vositalarini naqd pulga sotib yuborib, o‘zlashtirish yoki rastrata qilish yo‘li bilan talon-toroj qilganligi aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.

Telegram | Facebook | Instagram | Youtube

🟦🟦🟦

Farmatsevtika faoliyatini litsenziyalash va farminspeksiya boshqarmasi tomonidan litsenziyalarining amal qilish muddati tugagan dorixonalar bo'yicha statistik ma'lumotlar yangilandi.

Telegram | Facebook | Instagram | Youtube

🔴 🟦🟦🟦

Korrupsiyaga qarshi kurash — farmatsevtika sohasida ishonch, adolat va ochiqlik kafolati!

“Farmatsevtika mahsulotlari xavfsizligi markazi” davlat muassasasida korrupsiyaga qarshi murosasiz kurashish, manfaatlar to‘qnashuvining oldini olish hamda qonunbuzarlik holatlarini barvaqt aniqlash maqsadida Korrupsiyaga qarshi kurashish va komplaens nazorati tizimi yo‘lga qo‘yilgan.

Agar farmatsevtika sohasida qonun talablariga zid holatlar, xususan, manfaatlar to‘qnashuvi yoki korrupsiyaviy harakatlarga guvoh bo‘lsangiz, bu haqda bizga xabar bering!

Telegram | Facebook | Instagram | Youtube

🟦🟦🟦

Navoiyda tez tibbiy yordam avtomobillaridagi tibbiy uskunalar metrologik ko‘rikdan o‘tkazildi

Inson salomatligi va hayotini saqlab qolishda tez tibbiy yordam (103) xizmatining o‘rni beqiyos. Ayniqsa, baxtsiz hodisalar, o‘tkir jarohatlar hamda zaharlanish kabi shoshilinch holatlarda ushbu tizimning uzluksiz va aniq faoliyat yuritishi muhim ahamiyat kasb etadi.

Tez tibbiy yordam ko‘rsatishda nafaqat shifokorlarning malakasi, balki tibbiy uskunalarning aniqligi ham hal qiluvchi omil hisoblanadi. Shu munosabat bilan, Sog‘liqni saqlash vazirligi Metrologiya xizmati mutaxassislari tomonidan Respublika tez tibbiy yordam markazi Navoiy filialida keng qamrovli metrologik nazorat ishlari olib borildi.

Tekshiruvlar davomida 82 dona zamonaviy tibbiy uskuna metrologik nazoratdan o‘tkazildi. Jarayonda uskunalarning texnik holati hamda ko‘rsatkichlarining amaldagi standartlarga muvofiqligi sinchkovlik bilan o‘rganildi. Shuningdek, soha mutaxassislariga tibbiy jihozlardan to‘g‘ri foydalanish va ularga texnik xizmat ko‘rsatish bo‘yicha zarur tavsiyalar berildi.

Ta’kidlash joizki, tez tibbiy yordam xizmati kechayu-kunduz faoliyat yurituvchi tizim bo‘lib, uning asosiy vazifasi bemor holatini shifoxonagacha bo‘lgan bosqichda barqarorlashtirishdan iborat. Bunday mas’uliyatli jarayonda zamonaviy tibbiy jihozlarning sozligi va aniqligi har bir soniya uchun kurashayotgan tibbiyot xodimlari uchun muhim ko‘makchi vazifasini bajaradi.

Telegram | Facebook | Instagram | Youtube

🔴 🟦🟦🟦

UDI bo‘yicha amaliy o‘quv seminariga ro‘yxatdan o‘tish davom etmoqda

Farmatsevtika mahsulotlari xavfsizligi markazi hamda Global Harmonization Working Party (GHWP) Texnik qo‘mitasi hamkorligida tibbiy buyumlarning noyob identifikatsiya tizimi (UDI)ga bag‘ishlangan amaliy o‘quv seminarda ishtirok etish uchun ro‘yxatdan o‘tish davom etmoqda

Seminar 2026-yil 18-may kuni Tashkent Pharma Park hududida bo‘lib o‘tadi.

Tadbir davomida UDI tizimini joriy etish bo‘yicha xalqaro tajriba, tizimning texnik jihatlari, uni tartibga solish mexanizmlari hamda ishlab chiqaruvchilar uchun amaliy qo‘llash masalalari muhokama qilinadi. Shuningdek, UDI’ning tibbiy buyumlar kuzatuvchanligi va postmarketing nazoratidagi ahamiyati haqida ma’lumotlar beriladi.

Seminarda xalqaro ekspertlar, GHWP Texnik qo‘mitasi vakillari va soha mutaxassislari ishtirok etishi rejalashtirilgan.

UDI (Unique Device Identification) — bu tibbiy buyumlarni yagona kod orqali identifikatsiya qilish tizimi bo‘lib, mahsulotning ishlab chiqarilishidan tortib, iste’molchigacha bo‘lgan harakatini kuzatish imkonini beradi. Ushbu tizim xavfsizlikni oshirish, soxta mahsulotlarning oldini olish va sifat nazoratini kuchaytirishda muhim ahamiyatga ega.

📼 Ro‘yxatdan o‘tish uchun havola
📼 Elektron pochta: pharmrelations@ssv.uz
📼 Telefon: +998 88 800 77 07

Telegram | Facebook | Instagram | Youtube

🟦🟦🟦

Farmakonazorat bo'yicha xalqaro seminar tinglovchilariga sertifikatlar topshirildi

Xabaringiz bor, Farmatsevtika mahsulotlari xavfsizligi markazi hamda uning huzuridagi “Dori vositalarini standartlash ilmiy markazi” hamkorligida farmakonazorat (GVP) yo‘nalishida “Xavfsizlik haqidagi birinchi ma’lumotdan regulator inspeksiyasigacha” mavzusida xalqaro o‘quv seminari tashkil etilgan edi.

36 akademik soatdan iborat bo'lgan treninglar davomida ishtirokchilar farmakonazorat tizimining zamonaviy yondashuvlari, dori vositalari xavfsizligini monitoring qilish, nojo‘ya reaksiyalarni baholash hamda regulator inspeksiyalariga tayyorgarlik ko‘rish bo‘yicha xalqaro tajribalar bilan tanishishdi.

Kuni kecha Farmatsevtika mahsulotlari xavfsizligi markazi direktori o‘rinbosari Mirzohidjon Qodirov ushbu malaka oshirish kursini muvaffaqiyatli tamomlagan tinglovchilarga maxsus sertifikatlarni topshirdi.

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Dorixona manzilini faoliyat yuritib turgan joyidan boshqa bir dorixona filiali (agar shu filial faoliyatini tugatayotgan bo‘lsa) ishlayotgan manziliga ko‘chirish mumkinmi? - Javob

👍 Postmarketing nazorati qanday tartibda amalga oshiriladi? - Javob

👍 Asosiy dorixonaning tarmoq ochishiga litsenziyasi bo‘lmasa ham bu bino ko‘rib chiqilib unga tarmoqli dorixona sifatida GPP sertifikati beriladimi? - Javob

👍 Tibbiyot va farmatsevtika xodimlarini majburiy attestatsiyadan o‘tkazish tartibi qanday? - Javob

Telegram | Facebook | Instagram | Youtube

⭕️⭕️⭕️⭕️

Qog‘oz retseptlar bilan bog‘liq muammolarni eslaysizmi?

Shifokor yozuvini tushunmaslik... Retseptni yo‘qotib qo‘yish... Dorixona oldida ikkilanish...

Endi shifokor yozgan dori nomini o‘qiy olmay ovora bo‘lish yoki retseptni yo‘qotib qo‘yish haqida qayg‘urish shart emas. Elektron retsept tizimi shifokor tomonidan tavsiya etilgan har bir dori vositasining nomi, dozasi va qabul qilish tartibini raqamli formatda muhrlaydi.

Elektron retsept bu aslida cheklov emas, balki bemor xavfsizligini ta’minlashga xizmat qiluvchi zamonaviy raqamli tizim.

Telegram | Facebook | Instagram | Youtube