🟦🟦

Ayni damda Bojxona qo‘mitasida tadbirkorlar bilan ochiq muloqot bo‘lib o‘tmoqda. Unda Bojxona qo‘mitasi, Texnik jihatdan tartibga solish agentligi, Farmatsevtika mahsulotlari xavfsizligi markazi hamda boshqa tegishli sertifikatlashtiruvchi tashkilotlar rahbariyati ishtirok etmoqda.

Muloqot davomida tadbirkorlarni qiynayotgan masalalar, mahsulotlarni sertifikatlashtirish, bojxona rasmiylashtiruvi, texnik tartibga solish hamda import-eksport jarayonlaridagi muammolar muhokama qilinib, ularning taklif va murojaatlari tinglanmoqda.

Telegram | Facebook | Instagram | Youtube

⭕️⭕️⭕️

Andijonda noqonuniy dori ishlab chiqaruvchilar aniqlandi

O‘tkazilgan tezkor tadbirda Andijon shahrida faoliyat yuritgan noqonuniy dori ishlab chiqarish sexi fosh etildi. Ushbu manzilda 4 ta MCHJ tomonidan tegishli ruxsatnoma va sertifikatlarga ega bo‘lmagan holda, turli xil dori vositalari hamda biologik faol qo‘shimchalar ishlab chiqarilgan.

Hozirda holat yuzasidan tergovga qadar surishtiruv harakatlari olib borilmoqda.

Telegram | Facebook | Instagram | Youtube

🟦🟦🟦🟦

Markazda Xitoy Xalq Respublikasi delegatsiyasi bilan uchrashuv bo'lib o'tdi

Uchrashuvda GHWP rahbariyati hamda Xitoy Xalq Respublikasi Dori vositalari milliy boshqarmasi (NMPA)ning tibbiy buyumlarni nazorat va baholash yo‘nalishidagi rahbar vakillari, shuningdek, GHWP faoliyatida ishtirok etuvchi mutaxassislar qatnashdi.

Muloqot davomida Farmatsevtika mahsulotlari xavfsizligi markazi direktori Alisher Temirov markaz faoliyati, xususan, tibbiy jihozlarni nazorat qilish, ularni davlat ro‘yxatidan o‘tkazish, sifat va xavfsizlik ko‘rsatkichlarini baholash hamda ushbu yo‘nalishda amalga oshirilayotgan islohotlar haqida ma’lumot berdi.

Shuningdek, tomonlar tibbiy jihozlarni tartibga solish tizimini xalqaro standartlar asosida takomillashtirish, tajriba almashish, malaka oshirish va o‘zaro hamkorlikni yanada kengaytirish masalalarini muhokama qildi.

Telegram | Facebook | Instagram | Youtube

🟦🟦🟦

Farmatsevtika mahsulotlari xavfsizligi markazida Ilmiy kengashning birinchi (ta’sis) yig‘ilishi bo‘lib o‘tdi

Unda Markazning ilmiy-tadqiqot salohiyatini yanada rivojlantirish, yosh mutaxassislarni ilmiy faoliyatga keng jalb etish hamda xalqaro ilmiy hamkorlikni mustahkamlashga qaratilgan ustuvor vazifalar muhokama qilindi. Yig‘ilish davomida Ilmiy kengash tarkibi tasdiqlanib, 2026-yilga mo‘ljallangan ish rejasi ko‘rib chiqildi.

Telegram | Facebook | Instagram | Youtube

🟦🟦🟦

Markazda Ilmiy kengashning birinchi (ta’sis) yig‘ilishi bo‘lib o‘tdi

Bugun, «Farmasevtika mahsulotlari xavfsizligi markazi» davlat muassasasining kichik majlislar zalida Markaz direktorining 2026 yil 14 maydagi «Ilmiy kengashni tashkil qilish to‘g‘risida»gi 479-son buyrug‘i hamda mazkur buyruq bilan tasdiqlangan «Ilmiy kengash to‘g‘risida»gi Nizom talablarining ijrosini ta’minlash maqsadida Markaz Ilmiy kengashining birinchi (ta’sis) yig‘ilishi bo‘lib o‘tdi.

👉 Batafsil

Telegram | Facebook | Instagram | Youtube

🟦🟦🟦

Markaz mutaxassislari tomonidan biosimilyar preparatlarni tahlil qilish jarayonlari o‘rganildi

Farmatsevtika mahsulotlari xavfsizligi markazi mutaxassislari tomonidan Ispaniya farmatsevtika korxonalarida biotexnologik biosimilyar preparat — Denosumab moddasi bo‘yicha ishlab chiqarish hamda laborator tahlil jarayonlari o‘rganildi.

Tashrif davomida mahsulot sifatini aniqlashda muhim ahamiyatga ega bo‘lgan qator analitik ko‘rsatkichlar chuqur tahlil qilindi. Jumladan, kapillyar elektroforez usuli orqali preparat tarkibining bir xilligi va tozaligi baholandi. Shuningdek, size-exclusion xromatografiyasi yordamida molekulalarning taqsimlanishi hamda agregatlar miqdori o‘rganildi.

Bundan tashqari, preparatning biologik aktivligi va farmakologik samaradorligi bo‘yicha ham ilmiy-amaliy baholash ishlari olib borildi. O‘tkazilgan tahlillar natijasida biosimilyar mahsulotning xalqaro sifat standartlariga muvofiqligi hamda uning terapevtik samaradorligiga oid muhim ma’lumotlar shakllantirildi.

Ta’kidlanganidek, bu kabi o‘rganishlar regulyator baholash tizimini zamonaviy yondashuvlar asosida rivojlantirish, ilg‘or xalqaro tajribalarni amaliyotga tatbiq etish hamda aholini sifatli, xavfsiz va samaradorligi tasdiqlangan biotexnologik preparatlar bilan ta’minlashda muhim ahamiyat kasb etadi.

Telegram | Facebook | Instagram | Youtube

⭕️⭕️⭕️⭕️

Qog‘oz retseptlar bilan bog‘liq muammolarni eslaysizmi?

Shifokor yozuvini tushunmaslik... Retseptni yo‘qotib qo‘yish... Dorixona oldida ikkilanish...

Endi shifokor yozgan dori nomini o‘qiy olmay ovora bo‘lish yoki retseptni yo‘qotib qo‘yish haqida qayg‘urish shart emas. Elektron retsept tizimi shifokor tomonidan tavsiya etilgan har bir dori vositasining nomi, dozasi va qabul qilish tartibini raqamli formatda muhrlaydi.

Elektron retsept bu aslida cheklov emas, balki bemor xavfsizligini ta’minlashga xizmat qiluvchi zamonaviy raqamli tizim.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 “Tashkent Pharma Park” klasterida Global Harmonization Working Party doirasida Texnik qo‘mitalar rahbarlari yig‘ilishi bo‘lib o‘tmoqda

😎 Farmatsevtika mahsulotlari xavfsizligi markazining Urganch filiali faoliyati o‘rganildi

😎 Qoraqalpog‘istonda Giyohvandlik vositalari va psixotrop moddalar ustidan nazorat qilish bo‘yicha hududiy komissiya yig‘ilishi bo‘lib o‘tdi

😎 Mahalliy dori vostialari ishlab chiqaruvchilar bilan onlayn muloqot bo‘lib o‘tdi

😎 “O‘zbekiston farmatsevtik xabarnomasi” ilmiy-amaliy farmatsevtika jurnalining 2026-yil birinchi chorak soni nashrdan chiqdi

😎 Xorazmda dorixonalarning DMED tizimiga integratsiya holati o‘rganildi

😎 Sog‘liqni saqlash vazirining birinchi o‘rinbosari Otabek Imamov Malayziya Tibbiy buyumlar boshqarmasi (MDA) rahbarini qabul qildi

😎 Markazda Xitoy Xalq Respublikasi delegatsiyasi bilan uchrashuv bo'lib o'tdi

😎 Farmatsevtika mahsulotlari xavfsizligi markazida Ilmiy kengashning birinchi (ta’sis) yig‘ilishi bo‘lib o‘tdi

😎 Markaz mutaxassislari tomonidan biosimilyar preparatlarni tahlil qilish jarayonlari o‘rganildi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube