🟦🟦🟦

Dori vositasini o'zboshmcha qabul qilmang!
Chalg‘ituvchi reklamalarga ishonib qolmang!

Farmatsevtika mahsulotlari xavfsizligi markazi aholi o‘rtasida o‘zini o‘zi davolashning oldini olish, dori vositalaridan oqilona foydalanish madaniyatini yuksaltirish hamda chalg‘ituvchi reklama belgilarini aniqlash ko‘nikmalarini shakllantirishga qaratilgan “Reklamaga emas, haqiqatga ishoning!” shiori ostidagi targ'ibot oyligi boshlanganini e’lon qiladi.

✅ Oylik doirasida:

🟢 o‘zini o‘zi davolashning salbiy oqibatlari;
🟢 dori vositalarini to‘g‘ri tanlash va qo‘llash;
🟢 ishonchli tibbiy axborotni ajratib olish ko‘nikmalari bo‘yicha targ‘ibot materiallari, tavsiyalar va ma’lumotlar taqdim etiladi.

✅ Unutmang!

Har bir dori vositasi nafaqat foyda, balki xavf ham tug‘dirishi mumkin. Reklamadagi va’dalar doimo haqiqatni aks ettirmaydi. Sog‘lig‘ingiz bilan bog‘liq qarorlarni faqat mutaxassis tavsiyasi asosida qabul qiling.

😎 Sog‘lig‘ingizga befarq bo‘lmang!
To‘g‘ri ma’lumot – xavfsiz davolanish garovi.

Telegram | Facebook | Instagram | Youtube

😊😊😊

Уважаемые предприниматели!

Изменился порядок рассмотрения обращений, поступающих в ГУ «Центр безопасности фармацевтической продукции», по вопросу отнесения медицинских изделий к продукции, подлежащей обязательной государственной регистрации.

В связи с этим для получения ответа по указанному виду обращений необходимо направлять заявление через информационную систему DARMON в соответствии с руководством пользователя.

Настоящий порядок вступает в силу с 6 июля 2026 года.

Telegram | Facebook | Instagram | Youtube

🟦🟦🟦

Tibbiyot muassasalari uchun dori vositalarini aylanmadan chiqarishni ro‘yxatga olish endi mobil ilovada

Markirovkalangan dori vositalarini hisobga olish jarayoni yanada soddalashdi. Endilikda tibbiyot muassasalari bemorlarga qo‘llangan yoki bepul berilgan dori vositalarini "ASL BELGISI. BUSINESS" mobil ilovasi orqali aylanmadan chiqarishni elektron tarzda rasmiylashtirishi hamda ma'lumotlarni milliy markirovkalash tizimiga yuborishi mumkin. Mazkur qo‘llanmada ushbu jarayonning barcha bosqichlari sodda va tushunarli tarzda bayon etilgan.

👉 Batafsil

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Tibbiy jihozlarning majburiy davlat roʻyxatidan oʻtkaziladigan mahsulotlar qatoriga kiritilganligi yoki kiritilmaganligi toʻgʻrisidagi murojaatlarni koʻrib chiqish tartibi oʻzgardi

😎 Prekursorlarning muomalasi bilan bog‘liq faoliyat tartibga solindi

😎 Markaz delegatsiyasi “NOVAMED-2026” xalqaro forumida ishtirok etdi

😎 Markazda favqulodda vaziyatlarda harakat qilish bo‘yicha o‘quv mashg‘uloti o‘tkazildi

😎 Mahalliy ishlab chiqaruvchilar bilan navbatdagi onlayn muloqot bo’lib o’tdi

😎 Dorixonalarda narx belgilash tartibi buzilsa qanday choralar ko‘rilishi ma'lum qilindi

😎 Farmatsevtika faoliyatini litsenziyalash va farminspeksiya boshqarmasi xodimlari attestatsiyadan o'tkazildi

😎 Vakant lavozim uchun ochiq tanlov e'lon qilindi

😎 Farmatsevtika bozorida narx intizomi: qonunbuzarliklarga nisbatan qat'iy choralar qo'llanilmoqda

😎 “Yevropa Ittifoqining xavfsizlik bo‘yicha davriy yangilanadigan hisobotlari rasmiy ro‘yxati” e’lon qilindi

😎 Farmatsevtika mahsulotlari sifati qanday tekshiriladi? - Bu haqda "ZOR TV" telekanalining "Bu kun" ko'rsatuvida maxsus reportaj efirga uzatildi

😎 Farmatsevtika mahsulotlari xavfsizligi markazi tomonidan “Reklamaga emas, haqiqatga ishoning!” shiori ostidagi targ'ibot oyligi boshlandi

😎 Tibbiyot muassasalari uchun dori vositalarini aylanmadan chiqarishni ro‘yxatga olish endi mobil ilovada

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦🟦

O'zbekiston Respublikasining "Reklama to'g'risida"gi Qonunining 34-moddasiga ko'ra, yuqoridagi infografikada ko'rsatilgan dori vositalarini reklama qilish taqiqlanadi.

Ijtimoiy tarmoqlar yoki boshqa manbalarda ushbu turdagi dori vositalari reklamasiga duch kelsangiz, ularga ishonmang va dori vositalarini faqat shifokor tavsiyasi asosida qonuniy faoliyat yurituvchi dorixonalardan xarid qiling.

Unutmang, dori vositalarini o‘zboshimchalik bilan qabul qilish sog‘lig‘ingiz uchun jiddiy xavf tug‘dirishi mumkin.

Reklamaga emas, haqiqatga ishoning!

Telegram | Facebook | Instagram | Youtube

🟦🟦🟦🟦🟦🟦🟦

Tibbiy jihozlar sohasida O‘zbekiston–Malayziya hamkorligi mustahkamlanmoqda

Farmatsevtika mahsulotlari xavfsizligi markazida Malayziyaning Medical Device Authority (MDA) ekspertlari ishtirokida tibbiy jihozlar sohasini davlat tomonidan tartibga solishni takomillashtirishga qaratilgan amaliy hamkorlik tashrifi boshlandi.

Ma'lumot uchun, Malayziya Tibbiy buyumlar boshqarmasi (Medical Device Authority — MDA) — Malayziya sog‘liqni saqlash vazirligi huzuridagi davlat tartibga soluvchi organi bo‘lib, mamlakatda tibbiy buyumlar va ularning xavfsizligi ustidan nazoratni amalga oshiradi.

👉 Batafsil

Telegram | Facebook | Instagram | Youtube

🟦🟦🟦

2026-yilning I yarim yilligida farmatsevtika faoliyatida qonun ustuvorligini ta'minlash bo‘yicha tizimli ishlar amalga oshirildi

Hisobot davrida 634 ta nazorat tadbiri o‘tkazilib, qonunchilik talablarini buzgan subyektlarga nisbatan qat'iy huquqiy choralar ko‘rildi. Xususan, 33 ta dorixona litsenziyasi sud qarori bilan bekor qilinib, 77 ta litsenziyaning amal qilishi vaqtincha to‘xtatildi hamda 283 ta moliyaviy va ma'muriy jarima qo‘llanildi.

Telegram | Facebook | Instagram | Youtube

🟦🟦🟦

M-Clinic'da 37 ta tibbiy qurilma metrologik tekshiruvdan o'tkazildi

Sog'liqni saqlash vazirligi Metrologiya xizmati mutaxassislari tomonidan M-Clinic ko‘p tarmoqli tibbiyot muassasasida navbatdagi metrologik tekshiruv ishlari amalga oshirildi.

Ma'lumot uchun, mamlakatimizdagi zamonaviy tibbiyot muassasalaridan biri hisoblangan M-Clinic ko‘p tarmoqli klinikasi aholiga diagnostika, davolash va reabilitatsiya yo‘nalishlarida keng ko‘lamli tibbiy xizmatlarni taqdim etib kelmoqda. Klinikada yuqori texnologik tibbiy uskunalar va zamonaviy diagnostika vositalaridan foydalaniladi.

Tekshiruv jarayonlari davomida klinikada foydalanilayotgan 14 ta ultratovush diagnostikasi (UTT) apparati, 9 ta defibrillyator hamda 14 ta elektrokardiograf (EKG) aparati metrologik tekshiruvdan o‘tkazildi. Mutaxassislar tomonidan uskunalarning o‘lchash aniqligi, metrologik tavsiflari hamda amaldagi me'yoriy hujjatlar talablariga muvofiqligi baholandi. Tekshiruv yakunlariga ko‘ra, belgilangan tartibda tegishli metrologik rasmiylashtirish ishlari amalga oshirildi.

Qayd e'tish lozim, tibbiy o‘lchov vositalarini muntazam metrologik tekshiruvdan o‘tkazish diagnostika natijalarining aniqligini ta'minlash, davolash sifatini oshirish hamda bemorlar xavfsizligini kafolatlashning muhim omillaridan biridir.

Telegram | Facebook | Instagram | Youtube

​🔴Anons

Har kuni minglab odamlar dori vositalariga ehtiyoj sezadi. Xo‘sh, yurtimizda iste’moldagi farmatsevtika mahsulotlari sifati qanday nazorat qilinyapti?

O'zbekiston 24 telekanali studiyasida jam bo‘lgan Farmatsevtika mahsulotlari xavfsizligi markazi mutaxassislari ayni shu mavzuda dorixonalar faoliyati va sohaga oid nazorat mexanizmlari hamda olib borilayotgan ishlar haqida batafsil ma’lumot berishdi.

"Tushlikdagi gurung" podcastini chorshanba soat 13:20da tomosha qilishingiz mumkin.

Telegram | Facebook | Instagram | Youtube

🟦🟦🟦

Tibbiy davlat xaridlarida ishtirok etuvchi tadbirkorlar uchun maxsus farma.uzex.uz elektron platformasidan foydalanish bo‘yicha videoqo‘llanma tayyorlandi. Unda:

➡️ platformadan ro‘yxatdan o‘tish;
➡️ shaxsiy kabinetdan foydalanish;
➡️ mahsulotlarni joylashtirish;
➡️ taklif yuborish tartibi;
➡️ elektron savdolarda ishtirok etish bosqichlari va boshqa muhim jarayonlar sodda hamda tushunarli tarzda yoritilgan.

💎 Platformadan samarali foydalanish va davlat xaridlarida ishtirok etish tartibi bilan yaqindan tanishish uchun videoqo‘llanmani tomosha qiling.

Telegram | Facebook | Instagram | Youtube

🟦🟦🟦🟦

BELPHARM tomonidan ishlab chiqilgan 9 nomdagi dori vositasini davlat ro‘yxatidan o‘tkazish masalalari muhokama qilindi

Mahalliy dori vositalari ishlab chiqaruvchilari bilan ochiq muloqotlarni davom ettirish maqsadida navbatdagi onlayn uchrashuv Zoom platformasi orqali tashkil etildi. Unda "BELPHARM" MChJ XK vakillari, Farmatsevtika mahsulotlari xavfsizligi markazi hamda Tibbiyot va farmatsevtika tarmog‘ini rivojlantirish agentligi mas’ul mutaxassislari ishtirok etdi.

Muloqot davomida korxona tomonidan ishlab chiqilgan 9 nomdagi dori vositasini davlat ro‘yxatidan o‘tkazish bilan bog‘liq masalalar batafsil muhokama qilindi. Xususan, ro‘yxatdan o‘tkazish jarayonida taqdim etilishi lozim bo‘lgan hujjatlar, ekspertiza bosqichlari hamda amaldagi me’yoriy talablar yuzasidan tushuntirishlar berildi.

Bunday uchrashuvlar mahalliy ishlab chiqaruvchilar bilan ochiq muloqotni yo‘lga qo‘yish, davlat xizmatlari sifati va shaffofligini oshirish hamda sifatli, xavfsiz va samarali dori vositalarining bozorga chiqarilish jarayonini jadallashtirishga xizmat qiladi.

Telegram | Facebook | Instagram | Youtube

🟦🟦🟦

Tibbiy jihozlarni davlat ro‘yxatidan o‘tkazish hujjatlariga qo‘yiladigan talablar tasdiqlandi

Sog'liqni saqlash vazirining tegishli buyrug'i ko'ra, tibbiy jihozlarni davlat roʻyxatidan oʻtkazish jarayonida taqdim etiladigan hujjatlar endilikda yagona yoʻriqnoma asosida rasmiylashtiriladi. Yangi tartib ariza berishdan boshlab texnik, klinik va xavfsizlikka oid hujjatlar, ishlab chiqaruvchi maʼlumotlari, markirovka hamda foydalanish yoʻriqnomalarini tayyorlash bo‘yicha aniq talablarni belgilaydi.

👉 Batafsil

Telegram | Facebook | Instagram | Youtube

🟦🟦🟦

Farmatsevtika sohasida qonunbuzarliklarga qarshi nazorat keskin kuchaytirildi

2026-yilning birinchi yarmida respublika bo‘ylab 634 ta nazorat tadbiri o‘tkazilib, qonunchilik talablarini buzgan o‘nlab dorixonalar va tadbirkorlik subyektlariga nisbatan keskin huquqiy choralar ko‘rildi. Sud qarorlari bilan dorixonalar litsenziyalari bekor qilinib, yuzlab ma'muriy va moliyaviy ta'sir choralari qo‘llanildi.

Nazoratning asosiy maqsadi tadbirkorlarni jazolash emas, balki fuqarolarni sifatsiz va xavfsizligi kafolatlanmagan dori vositalaridan himoya qilish, farmatsevtika bozorida qonun ustuvorligini ta'minlash hamda halol tadbirkorlik muhitini qo‘llab-quvvatlashdan iborat.

👉 Batafsil

Telegram | Facebook | Instagram | Youtube

🟦🟦🟦

Jahon sog'liqni saqlash tashkiloti "DARZALEX" preparatining qalbakilashtirilgan ayrim seriyalari haqida ogohlantirdi

Jahon sog‘liqni saqlash tashkiloti (JSST) tomonidan 2026-yil 3-iyul kuni e’lon qilingan “Medical Product Alert №3/2026” ogohlantirishida DARZALEX (daratumumab) dori vositasining ayrim qalbakilashtirilgan seriyalari aniqlangani ma’lum qilindi.

Unga ko‘ra, MYS7381 va STV1K01 seriyalariga mansub qalbakilashtirilgan mahsulotlar Maldiv Respublikasi va Meksikada aniqlangan. Ushbu mahsulotlar noqonuniy ravishda sotilganligi, ayrim holatlarda esa shifoxonalarga ham yetkazilgani qayd etilgan.

JSSTning qayd etishicha, preparatning asl ishlab chiqaruvchisi Janssen Pharmaceutica NV (Johnson & Johnson kompaniyasi) bo‘lib, ishlab chiqaruvchi korxona MYS7381 va STV1K01 seriya raqamlari haqiqiy emasligini tasdiqlagan. Shuningdek, qalbakilashtirilgan mahsulotlarning qadoqlanishi va markirovkasida soxtalashtirish alomatlari aniqlangan.

Shuni alohida ta’kidlash lozimki, O‘zbekiston Respublikasida daratumumab saqlovchi DARZALEX preparati belgilangan tartibda davlat ro‘yxatidan o‘tkazilmagan va tibbiyot amaliyotida qo'llash uchun ruxsat etilmagan.

JJSST qalbakilashtirilgan mahsulotlarning tarkibi, sifati va sterilligi noma’lum ekanini, ular faol modda umuman saqlamasligi, noto‘g‘ri yoki zararli moddalarni o‘z ichiga olishi mumkinligini ta’kidlamoqda. Bundan tashqari, qalbakilashtirilgan mahsulotlarning ayrim flakonlarida ko‘zga ko‘rinadigan begona zarrachalar aniqlangan bo‘lib, bu ifloslanish xavfini ko‘rsatadi. Natijada bunday mahsulotlardan foydalanish davolash samaradorligining pasayishiga, infeksiyalar, nojo‘ya reaksiyalar hamda bemor salomatligi uchun jiddiy xavflarga olib kelishi mumkin.

Shu munosabat bilan tibbiyot va farmatsevtika tashkilotlariga preparatlarning kelib chiqishi va ta’minot zanjirini sinchkovlik bilan tekshirish, shubhali qadoqlash yoki markirovkaga ega mahsulotlardan foydalanmaslik hamda qalbakilashtirilgan deb gumon qilingan holatlar yuzasidan vakolatli organlarga zudlik bilan xabar berish tavsiya etiladi.

Farmatsevtika mahsulotlari xavfsizligi markazi tomonidan mazkur ogohlantirish yuzasidan monitoring ishlari davom ettirilmoqda. Aholidan dori vositalarini faqat qonuniy faoliyat yurituvchi dorixonalar orqali xarid qilish hamda shubhali holatlar aniqlangan taqdirda Farmakologik nazorat bo‘limiga murojaat qilishlari so‘raladi.

Murojaat uchun telefon: 71-203-01-01 (2352)

Telegram | Facebook | Instagram | Youtube

🟦🟦🟦

Markazning Andijon filiali farmatsevtika mahsulotlarini sertifikatlashtirish organida navbatdagi davriy baholash o‘tkazilmoqda

Shu kunlarda "O‘zbekiston akkreditatsiya markazi" DM mutaxassislari tomonidan Farmatsevtika mahsulotlari xavfsizligi markazining Andijon filiali farmatsevtika mahsulotlarini sertifikatlashtirish organida O‘z DSt ISO/IEC 17065:2015 standarti talablari asosida navbatdagi davriy baholash ishlari o'tkazilmoqda.

Davriy baholash jarayonida sertifikatlashtirish organining menejment tizimi, xolisligi va mustaqilligi ta’minlanganligi, xodimlarning malakasi, sertifikatlashtirish jarayonlarining amaldagi standart talablari asosida tashkil etilgani, qabul qilinayotgan qarorlarning asoslanganligi hamda normativ-huquqiy hujjatlar talablariga rioya etilishi o‘rganilmoqda.

Mazkur davriy baholashning asosiy maqsadi — Markazning Andijon filiali farmatsevtika mahsulotlarini sertifikatlashtirish organining akkreditatsiya talablari va O‘z DSt ISO/IEC 17065:2015 standarti talablariga muvofiq faoliyat yuritayotganini tasdiqlash, shuningdek sertifikatlashtirish natijalarining xolisligi, ishonchliligi va xalqaro talablarga muvofiqligini ta’minlashdan iborat.

Telegram | Facebook | Instagram | Youtube

🟦🟦🟦

Narkotiklar va o‘qotar qurollarni nazorat qilish agentligi direktori Farmatsevtika mahsulotlari xavfsizligi markazi faoliyati bilan tanishdi

O‘zbekiston Respublikasi Prezidenti tomonidan qabul qilingan “Aholi salomatligi va millat genofondini giyohvandlik va narkojinoyatlardan samarali himoya qilish bo‘yicha kompleks chora-tadbirlar to‘g‘risida”gi PF-207-son Farmon ijrosini samarali ta’minlash, sohaga oid davlat organlari o‘rtasidagi hamkorlikni yanada mustahkamlash hamda narkotik vositalar va psixotrop moddalar muomalasi ustidan nazorat tizimini takomillashtirish maqsadida Narkotiklar va o‘qotar qurollarni nazorat qilish agentligi direktori Farxod Xasanov "Farmatsevtika mahsulotlari xavfsizligi markazi" DMga tashrif buyurdi.

👉 Batafsil

Telegram | Facebook | Instagram | Youtube

🟦🟦🟦

"Eng zo‘ri", "100 foiz kafolat", "Nojo‘ya reaksiyasi yo‘q"... Dori vositasi uchun bunday reklamalarga ishonish qanchalik to‘g‘ri?

Xabaringiz bor, ayni kunlarda Farmatsevtika mahsulotlari xavfsizligi markazi tomonidan "Reklamaga emas, haqiqatga ishoning!" shiori ostida o‘tkazilayotgan targ‘ibot oyligi doirasida fuqarolarning dori vositalari reklamasiga nisbatan huquqiy va tibbiy savodxonligini oshirishga alohida e'tibor qaratilmoqda.

Reklama iste'molchiga to‘g‘ri va xolis axborot berishi lozim. Xo‘sh, qonunchilik dori vositalari reklamasiga qanday talablarni belgilaydi va iste'molchi nimalarga e'tibor berishi kerak?

Mazkur savollar yuzasidan Farmakonazorat bo‘limi boshlig‘i Sabohat Hayitovaga murojaat qildik.

👉 Batafsil

Telegram | Facebook | Instagram | Youtube