🟦🟦🟦🟦

BELPHARM tomonidan ishlab chiqilgan 9 nomdagi dori vositasini davlat ro‘yxatidan o‘tkazish masalalari muhokama qilindi

Mahalliy dori vositalari ishlab chiqaruvchilari bilan ochiq muloqotlarni davom ettirish maqsadida navbatdagi onlayn uchrashuv Zoom platformasi orqali tashkil etildi. Unda "BELPHARM" MChJ XK vakillari, Farmatsevtika mahsulotlari xavfsizligi markazi hamda Tibbiyot va farmatsevtika tarmog‘ini rivojlantirish agentligi mas’ul mutaxassislari ishtirok etdi.

Muloqot davomida korxona tomonidan ishlab chiqilgan 9 nomdagi dori vositasini davlat ro‘yxatidan o‘tkazish bilan bog‘liq masalalar batafsil muhokama qilindi. Xususan, ro‘yxatdan o‘tkazish jarayonida taqdim etilishi lozim bo‘lgan hujjatlar, ekspertiza bosqichlari hamda amaldagi me’yoriy talablar yuzasidan tushuntirishlar berildi.

Bunday uchrashuvlar mahalliy ishlab chiqaruvchilar bilan ochiq muloqotni yo‘lga qo‘yish, davlat xizmatlari sifati va shaffofligini oshirish hamda sifatli, xavfsiz va samarali dori vositalarining bozorga chiqarilish jarayonini jadallashtirishga xizmat qiladi.

Telegram | Facebook | Instagram | Youtube

🟦🟦🟦

Tibbiy jihozlarni davlat ro‘yxatidan o‘tkazish hujjatlariga qo‘yiladigan talablar tasdiqlandi

Sog'liqni saqlash vazirining tegishli buyrug'i ko'ra, tibbiy jihozlarni davlat roʻyxatidan oʻtkazish jarayonida taqdim etiladigan hujjatlar endilikda yagona yoʻriqnoma asosida rasmiylashtiriladi. Yangi tartib ariza berishdan boshlab texnik, klinik va xavfsizlikka oid hujjatlar, ishlab chiqaruvchi maʼlumotlari, markirovka hamda foydalanish yoʻriqnomalarini tayyorlash bo‘yicha aniq talablarni belgilaydi.

👉 Batafsil

Telegram | Facebook | Instagram | Youtube

🟦🟦🟦

Farmatsevtika sohasida qonunbuzarliklarga qarshi nazorat keskin kuchaytirildi

2026-yilning birinchi yarmida respublika bo‘ylab 634 ta nazorat tadbiri o‘tkazilib, qonunchilik talablarini buzgan o‘nlab dorixonalar va tadbirkorlik subyektlariga nisbatan keskin huquqiy choralar ko‘rildi. Sud qarorlari bilan dorixonalar litsenziyalari bekor qilinib, yuzlab ma'muriy va moliyaviy ta'sir choralari qo‘llanildi.

Nazoratning asosiy maqsadi tadbirkorlarni jazolash emas, balki fuqarolarni sifatsiz va xavfsizligi kafolatlanmagan dori vositalaridan himoya qilish, farmatsevtika bozorida qonun ustuvorligini ta'minlash hamda halol tadbirkorlik muhitini qo‘llab-quvvatlashdan iborat.

👉 Batafsil

Telegram | Facebook | Instagram | Youtube

🟦🟦🟦

Jahon sog'liqni saqlash tashkiloti "DARZALEX" preparatining qalbakilashtirilgan ayrim seriyalari haqida ogohlantirdi

Jahon sog‘liqni saqlash tashkiloti (JSST) tomonidan 2026-yil 3-iyul kuni e’lon qilingan “Medical Product Alert №3/2026” ogohlantirishida DARZALEX (daratumumab) dori vositasining ayrim qalbakilashtirilgan seriyalari aniqlangani ma’lum qilindi.

Unga ko‘ra, MYS7381 va STV1K01 seriyalariga mansub qalbakilashtirilgan mahsulotlar Maldiv Respublikasi va Meksikada aniqlangan. Ushbu mahsulotlar noqonuniy ravishda sotilganligi, ayrim holatlarda esa shifoxonalarga ham yetkazilgani qayd etilgan.

JSSTning qayd etishicha, preparatning asl ishlab chiqaruvchisi Janssen Pharmaceutica NV (Johnson & Johnson kompaniyasi) bo‘lib, ishlab chiqaruvchi korxona MYS7381 va STV1K01 seriya raqamlari haqiqiy emasligini tasdiqlagan. Shuningdek, qalbakilashtirilgan mahsulotlarning qadoqlanishi va markirovkasida soxtalashtirish alomatlari aniqlangan.

Shuni alohida ta’kidlash lozimki, O‘zbekiston Respublikasida daratumumab saqlovchi DARZALEX preparati belgilangan tartibda davlat ro‘yxatidan o‘tkazilmagan va tibbiyot amaliyotida qo'llash uchun ruxsat etilmagan.

JJSST qalbakilashtirilgan mahsulotlarning tarkibi, sifati va sterilligi noma’lum ekanini, ular faol modda umuman saqlamasligi, noto‘g‘ri yoki zararli moddalarni o‘z ichiga olishi mumkinligini ta’kidlamoqda. Bundan tashqari, qalbakilashtirilgan mahsulotlarning ayrim flakonlarida ko‘zga ko‘rinadigan begona zarrachalar aniqlangan bo‘lib, bu ifloslanish xavfini ko‘rsatadi. Natijada bunday mahsulotlardan foydalanish davolash samaradorligining pasayishiga, infeksiyalar, nojo‘ya reaksiyalar hamda bemor salomatligi uchun jiddiy xavflarga olib kelishi mumkin.

Shu munosabat bilan tibbiyot va farmatsevtika tashkilotlariga preparatlarning kelib chiqishi va ta’minot zanjirini sinchkovlik bilan tekshirish, shubhali qadoqlash yoki markirovkaga ega mahsulotlardan foydalanmaslik hamda qalbakilashtirilgan deb gumon qilingan holatlar yuzasidan vakolatli organlarga zudlik bilan xabar berish tavsiya etiladi.

Farmatsevtika mahsulotlari xavfsizligi markazi tomonidan mazkur ogohlantirish yuzasidan monitoring ishlari davom ettirilmoqda. Aholidan dori vositalarini faqat qonuniy faoliyat yurituvchi dorixonalar orqali xarid qilish hamda shubhali holatlar aniqlangan taqdirda Farmakologik nazorat bo‘limiga murojaat qilishlari so‘raladi.

Murojaat uchun telefon: 71-203-01-01 (2352)

Telegram | Facebook | Instagram | Youtube

🟦🟦🟦

Markazning Andijon filiali farmatsevtika mahsulotlarini sertifikatlashtirish organida navbatdagi davriy baholash o‘tkazilmoqda

Shu kunlarda "O‘zbekiston akkreditatsiya markazi" DM mutaxassislari tomonidan Farmatsevtika mahsulotlari xavfsizligi markazining Andijon filiali farmatsevtika mahsulotlarini sertifikatlashtirish organida O‘z DSt ISO/IEC 17065:2015 standarti talablari asosida navbatdagi davriy baholash ishlari o'tkazilmoqda.

Davriy baholash jarayonida sertifikatlashtirish organining menejment tizimi, xolisligi va mustaqilligi ta’minlanganligi, xodimlarning malakasi, sertifikatlashtirish jarayonlarining amaldagi standart talablari asosida tashkil etilgani, qabul qilinayotgan qarorlarning asoslanganligi hamda normativ-huquqiy hujjatlar talablariga rioya etilishi o‘rganilmoqda.

Mazkur davriy baholashning asosiy maqsadi — Markazning Andijon filiali farmatsevtika mahsulotlarini sertifikatlashtirish organining akkreditatsiya talablari va O‘z DSt ISO/IEC 17065:2015 standarti talablariga muvofiq faoliyat yuritayotganini tasdiqlash, shuningdek sertifikatlashtirish natijalarining xolisligi, ishonchliligi va xalqaro talablarga muvofiqligini ta’minlashdan iborat.

Telegram | Facebook | Instagram | Youtube

🟦🟦🟦

Narkotiklar va o‘qotar qurollarni nazorat qilish agentligi direktori Farmatsevtika mahsulotlari xavfsizligi markazi faoliyati bilan tanishdi

O‘zbekiston Respublikasi Prezidenti tomonidan qabul qilingan “Aholi salomatligi va millat genofondini giyohvandlik va narkojinoyatlardan samarali himoya qilish bo‘yicha kompleks chora-tadbirlar to‘g‘risida”gi PF-207-son Farmon ijrosini samarali ta’minlash, sohaga oid davlat organlari o‘rtasidagi hamkorlikni yanada mustahkamlash hamda narkotik vositalar va psixotrop moddalar muomalasi ustidan nazorat tizimini takomillashtirish maqsadida Narkotiklar va o‘qotar qurollarni nazorat qilish agentligi direktori Farxod Xasanov "Farmatsevtika mahsulotlari xavfsizligi markazi" DMga tashrif buyurdi.

👉 Batafsil

Telegram | Facebook | Instagram | Youtube

🟦🟦🟦

"Eng zo‘ri", "100 foiz kafolat", "Nojo‘ya reaksiyasi yo‘q"... Dori vositasi uchun bunday reklamalarga ishonish qanchalik to‘g‘ri?

Xabaringiz bor, ayni kunlarda Farmatsevtika mahsulotlari xavfsizligi markazi tomonidan "Reklamaga emas, haqiqatga ishoning!" shiori ostida o‘tkazilayotgan targ‘ibot oyligi doirasida fuqarolarning dori vositalari reklamasiga nisbatan huquqiy va tibbiy savodxonligini oshirishga alohida e'tibor qaratilmoqda.

Reklama iste'molchiga to‘g‘ri va xolis axborot berishi lozim. Xo‘sh, qonunchilik dori vositalari reklamasiga qanday talablarni belgilaydi va iste'molchi nimalarga e'tibor berishi kerak?

Mazkur savollar yuzasidan Farmakonazorat bo‘limi boshlig‘i Sabohat Hayitovaga murojaat qildik.

👉 Batafsil

Telegram | Facebook | Instagram | Youtube

🟦🟦🟦

Farmatsevtika faoliyatini litsenziyalash va farminspeksiya boshqarmasi ma'lumotiga ko'ra 2025-2026 yillarda hisobot davrida:

➡️ "FARM EFFEKT" MCHJ
➡️ "PHARMA BREND" MCHJ
➡️ "GIPOFIZ FARM" MCHJ
➡️ "MAXSUDBEK BIZNES" XQ
➡️ "THE GREAT FARM" MCHJ
➡️ "MEDEX GROUP PHARM" MCHJga tegishli dorixonalarning litsenziyalari dori vositalari narxlarini oshirilgani uchun bekor qilingan.

Eslatma: Dori vositalari va tibbiy buyumlarni chakana realizatsiya qilishda ularning narxini davlat tomonidan tartibga solishning belgilangan tartibiga rioya etmaslik farmatsevtika faoliyati uchun berilgan litsenziya talab va shartlarini qo‘pol ravishda buzish hisoblanadi hamda qonunchilikda belgilangan tartibda javobgarlik choralari qo‘llanilishiga asos bo‘ladi.

Telegram | Facebook | Instagram | Youtube

🟦🟦🟦

Andijon viloyatining Jalolquduq tumanidagi dorixonalarda profilaktik tushuntirish ishlari olib borildi

Aholini sifatli, xavfsiz va samarali dori vositalari bilan ta'minlash, farmatsevtika faoliyatini amaldagi qonunchilik talablariga muvofiq tashkil etish hamda huquqbuzarliklarning oldini olish maqsadida Farmatsevtika mahsulotlari xavfsizligi markazining Farmatsevtika faoliyatini litsenziyalash va farminspeksiya boshqarmasi mutaxassislari tomonidan Andijon viloyati Jalolquduq tumanidagi dorixonalarda profilaktik tushuntirish ishlari olib borildi.

👉 Batafsil

Telegram | Facebook | Instagram | Youtube

🟦🟦🟦

Farmatsevtika mahsulotlari xavfsizligi markazida navbatdagi vebinar bo‘lib o‘tdi

"Farmatsevtika mahsulotlari xavfsizligi markazi" DMda 2026-yil uchun tasdiqlangan seminar mashg‘ulotlari reja-jadvaliga muvofiq navbatdagi o‘quv vebinari tashkil etildi. Markazning katta majlislar zalida gibrid (oflayn va onlayn) formatda o‘tkazilgan tadbirda Markaz hamda uning hududiy filiallari xodimlari ishtirok etdi.

Vebinar davomida farmatsevtik tahlilning zamonaviy usullari va dori vositalari sifatini nazorat qilishning dolzarb masalalariga bag‘ishlangan ma’ruzalar tinglandi. DVSNQS laboratoriyasi mudiri Xursid Tursunov "Yuqori samarali suyuqlik xromatografiyasi usulining nazariy asoslari, uskunaning ishlash prinsipi va farmatsevtik tahlilda qo‘llanilishi" mavzusida taqdimot o‘tkazib, YuSSX usulining nazariy va amaliy jihatlari, zamonaviy laboratoriya amaliyotidagi o‘rni hamda tahlil jarayonidagi afzalliklari haqida batafsil ma’lumot berdi.

Shuningdek, Markazning Qarshi filiali yetakchi mutaxassisi S. Aralova onlayn tarzda "Uzaytirilgan ta’sirli tabletka va kapsulalarning eruvchanligi ko‘rsatkichini aniqlash" mavzusida ma’ruza qildi. Unda uzaytirilgan ta’sirga ega dori shakllarining eruvchanligini baholash metodikasi, tahlil natijalarini talqin etish mezonlari hamda amaldagi farmakopeya talablarining amaliy qo‘llanilishi yoritildi.

Vebinar yakunida ishtirokchilar yuqori samarali suyuqlik xromatografiyasi usulining qo‘llanishi, laboratoriya tahlillarini o‘tkazishning zamonaviy yondashuvlari hamda uzaytirilgan ta’sirli dori vositalari sifatini baholash bo‘yicha o‘z bilim va amaliy ko‘nikmalarini mustahkamladilar.

Telegram | Facebook | Instagram | Youtube

🟦🟦

Vakant lavozim uchun ochiq tanlov

😎 Farmatsevtika mahsulotlari xavfsizligi markazi Dori vositalari sifatini nazorat qilish va standartlashtirish laboratoriyasidagi mavjud quyidagi vakant lavozimlar uchun ochiq tanlov e'lon qiladi:

👍 0,5 shtat birligida 1-toifali mutaxassis;
👍 1 shtat birligida 1-toifali mutaxassis.

Tanlovda ishtirok etuvchi nomzodlardan tegishli mutaxassislik bo‘yicha bilim, kasbiy malaka, mas'uliyat hamda belgilangan talablarga javob berishi talab etiladi.

👍 Hujjatlar 2026-yil 25-iyulga qadar qabul qilinadi.

Mazkur tanlovda ishtirok etish istagida bo‘lgan barcha nomzodlarni hujjat topshirishga taklif etamiz.

Batafsil ma'lumot hamda hujjatlarni topshirish uchun quyidagi havola ustiga bosing.

Telegram | Facebook | Instagram | Youtube

👤👤👤👤👤👤👤

Xorazmdagi tibbiyot muassasalarida tibbiy uskunalarning metrologik holati o‘rganildi

Sog‘liqni saqlash vazirligi Metrologiya xizmati mutaxassislari tomonidan Xorazm viloyati Nogironligi bo‘lgan shaxslarni reabilitatsiya qilish va protezlash markazi hamda Respublika ixtisoslashtirilgan urologiya ilmiy-amaliy tibbiyot markazi Xorazm filialida foydalanilayotgan tibbiy uskunalarning metrologik holati o‘rganilib, texnik nazorat tadbirlari amalga oshirildi.

O‘rganishlar davomida diagnostika va davolash jarayonlarida qo‘llanilayotgan tibbiy asbob-uskunalarning texnik sozligi, metrologik ko‘rsatkichlari hamda amaldagi me’yoriy talablarga muvofiqligi baholandi. Bu kabi nazorat tadbirlari tibbiy xizmatlar sifati va o‘lchov natijalarining ishonchliligini ta’minlashda muhim ahamiyat kasb etadi.

Shuningdek, Metrologiya xizmati mutaxassislari tomonidan tibbiyot muassasalari xodimlari uchun tibbiy uskunalardan to‘g‘ri foydalanish, ularni saqlash, muntazam metrologik nazoratdan o‘tkazish hamda amaldagi metrologik talablarni amaliyotda qo‘llash yuzasidan tushuntirish ishlari olib borildi.

Telegram | Facebook | Instagram | Youtube

📰📰📰📰📰📰📰

Markaz va Indoneziyaning BPOM tashkiloti o‘rtasida hamkorlik masalalari muhokama qilindi

Farmatsevtika mahsulotlari xavfsizligi markazi hamda Indoneziya Dori vositalari va oziq-ovqat mahsulotlarini nazorat qilish agentligi vakillari o‘rtasida onlayn uchrashuv bo‘lib o‘tdi. Unda Jahon sog‘liqni saqlash tashkilotining Global Benchmarking Tool (GBT) dasturi doirasida milliy regulyator tizimini baholash jarayoniga tayyorgarlik hamda kelgusida WHO Listed Authority (WLA) maqomiga erishish yo‘lidagi hamkorlik istiqbollari muhokama qilindi.

Ma’lumot uchun, Indoneziyaning Dori vositalari va oziq-ovqat mahsulotlarini nazorat qilish agentligi (BPOM) — Jahon sog‘liqni saqlash tashkiloti bilan yaqin hamkorlik qiladi va WHO Global Benchmarking Tool baholash tizimi bo‘yicha Maturity Level 3 (ML3) darajasiga erishgan nufuzli milliy regulyator organlardan biri sanaladi.

👉 Batafsil

Telegram | Facebook | Instagram | Youtube

🖥🖥🖥

Davlat ro‘yxatidan o‘tkazish jarayonida tibbiy jihozlarning ishlab chiqarish sharoitlarini inspeksiyadan o‘tkazish tartibi belgilandi

Endilikda ishlab chiqarish sharoitlari «ISO 13485» xalqaro standarti bilan uyg‘unlashgan milliy standartlar asosida baholanadi.

Telegram | Facebook | Instagram | Youtube

🟦🟦🟦🟦

Tibbiy buyumlar va tibbiy texnika sohasidagi tadbirkorlar bilan ochiq muloqot o‘tkazildi

Tibbiy buyumlar va tibbiy texnika sohasida faoliyat yuritayotgan tadbirkorlar ishtirokida o‘tkazilgan ochiq muloqotda Farmatsevtika mahsulotlari xavfsizligi markazi tomonidan tadbirkorlik subyektlarini qo‘llab-quvvatlash, mahsulotlar sifati va xavfsizligini ta’minlash hamda sohada yaratilayotgan qulayliklar yuzasidan olib borilayotgan amaliy ishlar e’tirof etildi.

👉 Batafsil

Telegram | Facebook | Instagram | Youtube

⭕️⭕️⭕️⭕️

Aholi salomatligi va sifatli dori vositalari ta’minoti yo‘lida: Farmatsevtika mahsulotlari xavfsizligi markazi tomonidan dorixonalarda keng ko‘lamli nazorat tadbirlari o‘tkazildi

Bugungi kunda respublikamizda 14 mingga yaqin dorixona faoliyat yuritmoqda. Ularning faoliyatini qonunchilik asosida nazorat qilish, litsenziya talablari ijrosini ta’minlash hamda dori vositalarining noqonuniy aylanmasiga chek qo‘yish maqsadida Farmatsevtika mahsulotlari xavfsizligi markazi tomonidan joriy yilning birinchi yarim yilligida 634 ta nazorat tadbiri o‘tkazildi.

Tekshiruvlar natijasida qonunchilik talablarini qo‘pol ravishda buzgan 74 ta tadbirkorlik subyektining faoliyati vaqtincha to‘xtatildi, 33 ta dorixonaning litsenziyasi bekor qilindi, yana 64 ta holat yuzasidan sud organlarida ishlar ko‘rib chiqilmoqda.

👍 Shuningdek, noqonuniy dori vositalari savdosining oldini olish maqsadida 50 dan ortiq tushuntirish tadbiri tashkil etilib, ularda 4 mingdan ziyod soha mutaxassisi qamrab olindi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎Tibbiy jihozlar sohasida O‘zbekiston–Malayziya hamkorligi mustahkamlanmoqda

😎 2026-yilning I yarim yilligida farmatsevtika faoliyatida qonun ustuvorligini ta'minlash bo‘yicha tizimli ishlar amalga oshirildi

😎 M-Clinic'da 37 ta tibbiy qurilma metrologik tekshiruvdan o'tkazildi

😎 Tibbiy davlat xaridlarida ishtirok etuvchi tadbirkorlar uchun maxsus farma.uzex.uz elektron platformasidan foydalanish bo‘yicha videoqo‘llanma tayyorlandi

😎 BELPHARM tomonidan ishlab chiqilgan 9 nomdagi dori vositasini davlat ro‘yxatidan o‘tkazish masalalari muhokama qilindi

😎 Tibbiy jihozlarni davlat ro‘yxatidan o‘tkazish hujjatlariga qo‘yiladigan talablar tasdiqlandi

😎 Farmatsevtika sohasida qonunbuzarliklarga qarshi nazorat keskin kuchaytirildi

😎 Jahon sog'liqni saqlash tashkiloti "DARZALEX" preparatining qalbakilashtirilgan ayrim seriyalari haqida ogohlantirdi

😎 Markazning Andijon filiali farmatsevtika mahsulotlarini sertifikatlashtirish organida navbatdagi davriy baholash o‘tkazilmoqda

😎 Narkotiklar va o‘qotar qurollarni nazorat qilish agentligi direktori Farmatsevtika mahsulotlari xavfsizligi markazi faoliyati bilan tanishdi

😎 Andijon viloyatining Jalolquduq tumanidagi dorixonalarda profilaktik tushuntirish ishlari olib borildi

😎 Farmatsevtika mahsulotlari xavfsizligi markazida navbatdagi vebinar bo‘lib o‘tdi

😎 Xorazmdagi tibbiyot muassasalarida tibbiy uskunalarning metrologik holati o‘rganildi

😎 Markaz va Indoneziyaning BPOM tashkiloti o‘rtasida hamkorlik masalalari muhokama qilindi

😎 Davlat ro‘yxatidan o‘tkazish jarayonida tibbiy jihozlarning ishlab chiqarish sharoitlarini inspeksiyadan o‘tkazish tartibi belgilandi

😎 Tibbiy buyumlar va tibbiy texnika sohasidagi tadbirkorlar bilan ochiq muloqot o‘tkazildi

😎 Aholi salomatligi va sifatli dori vositalari ta’minoti yo‘lida: Farmatsevtika mahsulotlari xavfsizligi markazi tomonidan dorixonalarda keng ko‘lamli nazorat tadbirlari o‘tkazildi

😎 Tibbiy jihozlarni davlat ro‘yxatidan o‘tkazish hujjatlariga qo‘yiladigan talablar belgilandi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦

Farmatsevtika mahsulotlari xavfsizligi markazi mutaxassisi xalqaro e'tirofga sazovor bo‘ldi

😎 Farmatsevtika mahsulotlari xavfsizligi markazining Tibbiy jihozlar sifatini nazorat qilish laboratoriyasi yetakchi mutaxassisi Jamolaxon Mamadjanova standartlashtirish sohasidagi samarali ilmiy-amaliy faoliyati hamda davlatlararo hamkorlikni rivojlantirishga qo‘shgan munosib hissasi uchun nufuzli xalqaro mukofot bilan taqdirlandi.

Qirg‘iz Respublikasi Iqtisodiyot va tijorat vazirligi huzuridagi Standartlashtirish va metrologiya markazi (Kyrgyzstandart) tomonidan tashkil etilgan MDH Davlatlararo mukofoti tanlovida u "MDHning eng yaxshi standartlashtiruvchisi – 2026" tanlovining "Davlatlararo standartlashtirishning ilmiy-metodik asoslarini rivojlantirishga qo‘shgan hissasi uchun" nominatsiyasi bo‘yicha Laureat diplomi va ko‘krak nishoni bilan taqdirlandi.

Farmatsevtika mahsulotlari xavfsizligi markazi jamoasi Jamolaxon Mamadjanovani ushbu yuksak e'tirof bilan samimiy muborakbod etadi hamda kelgusidagi ilmiy va kasbiy faoliyatida ulkan muvaffaqiyatlar tilaydi.

Telegram | Facebook | Instagram | Youtube

😊😊😊😊

Открытый конкурс на замещение вакантной должности

Центр безопасности фармацевтической продукции объявляет открытый конкурс на замещение вакантной должности специалиста I категории в Органе по сертификации систем менеджмента качества.

Кандидаты, желающие принять участие в конкурсе, должны обладать знаниями по соответствующей специальности, необходимой профессиональной квалификацией, высокой ответственностью и соответствовать установленным требованиям. Приём документов осуществляется до 17 июля 2026 года.

Приглашаем всех заинтересованных кандидатов принять участие в конкурсе и подать необходимые документы.

Для получения подробной информации и подачи документов перейдите по следующей ссылке.

Telegram | Facebook | Instagram | Youtube