🟦🟦🟦

“TURKISHMED” MChJda tibbiy o‘lchash vositalari metrologik tekshiruvdan o‘tkazildi

Navoiy shahridagi “TURKISHMED” MChJda Sog‘liqni saqlash vazirligi Metrologiya xizmati mutaxassislari tomonidan tibbiy o‘lchash vositalarining metrologik tekshiruvi amalga oshirildi. Tekshiruv davomida diagnostika va davolash jarayonlarida foydalanilayotgan uskunalarning belgilangan metrologik talablarga muvofiqligi baholanib, muassasa mutaxassislariga ulardan to‘g‘ri foydalanish hamda o‘z vaqtida metrologik tekshiruvdan o‘tkazib borish yuzasidan tavsiyalar berildi.

👉 Batafsil

Telegram | Facebook | Instagram | Youtube

🟦🟦🟦

Hurmatli murojaatchilar!

Farmatsevtika mahsulotlari xavfsizligi markazi shuni ma'lum qiladiki, mahsulotni davlat ro‘yxatidan o‘tkazish zarurati to‘g‘risidagi xulosalar endilikda faqat «DARMON» axborot tizimi orqali elektron shaklda taqdim etiladi.

Shu munosabat bilan mazkur davlat xizmatidan foydalanish uchun barcha murojaatlarni «DARMON» axborot tizimi orqali elektron tarzda yuborishingizni so‘raymiz. Mazkur tartib xizmatlarni ko‘rsatish jarayonini yanada tezkor, shaffof va qulay tashkil etishga xizmat qiladi.

Hamkorligingiz va tushunganingiz uchun tashakkur!

👉 Qo'llanmani yuklab olish

Telegram | Facebook | Instagram | Youtube

🟦🟦🟦

AFDA Sifat nazorati laboratoriyasi mutaxassislari uchun o‘quv-trening tashkil etildi

Ayni kunlarda dori vositalari sifatini nazorat qilishda xalqaro tajriba almashinuvi davom etmoqda. Farmatsevtika mahsulotlari xavfsizligi markazi delegatsiyasining Afg‘onistonga tashrifi davomida AFDA ( Afg‘oniston Oziq-ovqat va dori vositalarini nazorat qilish agentligi) laboratoriyasi mutaxassislari uchun zamonaviy tahlil usullariga bag‘ishlangan trening o‘tkazildi.

👉 Batafsil

Telegram | Facebook | Instagram | Youtube

🟦🟦🟦

Mahalliy va xorijiy tibbiy jihozlar ishlab chiqaruvchilari diqqatiga!

📆 20-avgust – Tadbirkorlar kuni arafasida O‘zbekiston Respublikasi Prezidentining tadbirkorlar bilan ochiq muloqotiga tayyorgarlik ko‘rish doirasida Farmatsevtika mahsulotlari xavfsizligi markazida mahalliy va xorijiy tibbiy jihozlar ishlab chiqaruvchilari ishtirokida ochiq muloqot tashkil etiladi.

Tadbir davomida tibbiy jihozlarni davlat ro‘yxatidan o‘tkazishning Vazirlar Mahkamasining 2025-yil 24-noyabrdagi 738-son qarori bilan tasdiqlangan yangi tartibini amaliyotga tatbiq etish masalalari, ushbu jarayonda yuzaga kelayotgan muammolar hamda tadbirkorlik subyektlarini qiziqtirayotgan savollar muhokama qilinadi.

Shuningdek, ishtirokchilarning murojaat va takliflari yuzasidan Markaz mutaxassislari tomonidan batafsil tushuntirishlar beriladi.

Barcha mahalliy va xorijiy tibbiy jihozlar ishlab chiqaruvchilarini ochiq muloqotda faol ishtirok etishga taklif etamiz.

📊 Vaqti: 30-iyul kuni soat 10:00
📊 Manzil: Farmatsevtika mahsulotlari xavfsizligi markazi majlislar zali (location)

Telegram | Facebook | Instagram | Youtube

🟦🟦🟦

Mahalliy dori vositalari ishlab chiqaruvchilari bilan navbatdagi onlayn muloqot o‘tkazildi

Muloqot davomida “ZUMA PHARMA” MChJ tomonidan davlat ro‘yxatidan o‘tkazish uchun taqdim etilgan 8 nomdagi dori vositasi, “SAMO” MChJ tomonidan ro‘yxatdan o‘tganlik guvohnomasining amal qilish muddatini uzaytirish uchun taqdim etilgan 2 nomdagi dori vositasi hamda “UZGERMED PHARM” MChJ QK tomonidan ishlab chiqarilgan va ro‘yxatdan o‘tganlik guvohnomasining amal qilish muddatini uzaytirish so‘ralgan 2 nomdagi dori vositasiga oid masalalar ko'rib chiqildi.

👉 Batafsil

Telegram | Facebook | Instagram | Youtube

🟦🟦🟦

“NAM BIOTEST” MChJ korxonasiga O‘zMSt ISO 13485:2025 standarti talablariga muvofiqlik sertifikati topshirildi

Farmatsevtika mahsulotlari xavfsizligi markazining Sifat menejmenti tizimlarini sertifikatlashtirish organi tomonidan “NAM BIOTEST” MChJga O‘zMSt ISO 13485:2025 standarti talablariga muvofiqlik sertifikati tantanali ravishda topshirildi. Ushbu e'tirof korxonada tibbiy buyumlarni ishlab chiqarish va sifat nazorati jarayonlari xalqaro standartlar asosida tashkil etilganini tasdiqlaydi.

👉 Batafsil

Telegram | Facebook | Instagram | Youtube

🟦🟦🟦

Farmatsevtika mahsulotlari xavfsizligi markazi Ilmiy kengashining navbatdagi majlisi bo‘lib o‘tdi

Farmatsevtika mahsulotlari xavfsizligi markazi Ilmiy kengashining navbatdagi majlisi bo‘lib o‘tdi. Unda Ilmiy kengash a’zolari hamda soha mutaxassislari ishtirok etib, farmatsevtika sohasini rivojlantirish, ilmiy-ta’lim faoliyatini takomillashtirish va kadrlar salohiyatini oshirishga qaratilgan qator dolzarb masalalar muhokama qilindi.

👉 Batafsil

Telegram | Facebook | Instagram | Youtube

🟦🟦🟦🟦

Prezidentimizning tadbirkorlar bilan ochiq muloqotiga tayyorgarlik doirasida mahalliy ishlab chiqaruvchilar bilan uchrashuv o‘tkazildi

Prezidentimizning tadbirkorlar bilan joriy yilgi ochiq muloqotiga tayyorgarlik ko‘rish doirasida Sog‘liqni saqlash vazirligi huzuridagi Farmatsevtika mahsulotlari xavfsizligi markazida mahalliy dori vositalari ishlab chiqaruvchi korxonalar vakillari bilan ochiq muloqot tashkil etildi.

Unda Farmatsevtika mahsulotlari xavfsizligi markazi rahbariyati, Tibbiyot va farmatsevtika tarmog‘ini rivojlantirish agentligi mas’ullari hamda mahalliy farmatsevtika korxonalari vakillari ishtirok etdi.

Telegram | Facebook | Instagram | Youtube

🟦🟦🟦

Mahalliy dori vositalari ishlab chiqaruvchilari diqqatiga!

Farmatsevtika mahsulotlari xavfsizligi markazi tomonidan dori vositalari ishlab chiqaruvchilari uchun Yagona hisobotlar tizimi (YHT) orqali oylik postmarketing hisobotlarini elektron shaklda taqdim etishga bosqichma-bosqich o‘tish jarayoni boshlandi.

Mazkur tizim orqali hisobotlarni taqdim etish tartibi Markaz tomonidan yuborilgan rasmiy ko‘rsatma xatida batafsil bayon etilgan. Shuningdek, YHT tizimidan foydalanish tartibini amaliy jihatdan tushuntirish maqsadida 2026-yil 30-iyul kuni soat 15:00 da onlayn o‘quv-seminar tashkil etilmoqda.

Shu munosabat bilan, korxonangizda postmarketing hisobotlarini tayyorlash va taqdim etishga mas’ul xodimning seminarda ishtirok etishini ta’minlashingizni so‘raymiz.

📊Zoomga ulanish uchun havola
📊Identifikator: 844 9588 3751
📊Kirish kaliti: 448986
📊Murojaat uchun: (71) 203-01-01 (2346)

Telegram | Facebook | Instagram | Youtube

🟦🟦🟦

Markazda chet el farmatsevtika kompaniyalari vakillari bilan ochiq muloqot o‘tkazildi

Prezidentimiz tashabbusi bilan o‘tkaziladigan tadbirkorlar bilan ochiq muloqot oldidan Farmatsevtika mahsulotlari xavfsizligi markazida xorijiy farmatsevtika kompaniyalari vakillari ishtirokida farmatsevtika mahsulotlarini davlat ro‘yxatidan o‘tkazishning amaldagi tartibi, "Darmon" axborot tizimi orqali arizalarni elektron shaklda taqdim etish, hujjatlarni ko‘rib chiqish muddatlari, Markaz huzuridagi qo‘mitalar tomonidan amalga oshiriladigan ekspertiza bosqichlari, shuningdek, mazkur yo‘nalishda joriy etilgan yangiliklar va amaldagi qonunchilik talablari muhokama qilindi.

👉 Batafsil

Telegram | Facebook | Instagram | Youtube

🟦🟦🟦

"Yangi O‘zbekiston" gazetasida Markaz faoliyati haqida maqola chop etildi

"Yangi O‘zbekiston" ijtimoiy-siyosiy gazetasining navbatdagi sonida Farmatsevtika mahsulotlari xavfsizligi markazining farmatsevtika sohasida qonun ustuvorligini ta'minlash, dori vositalari sifati va xavfsizligini nazorat qilish hamda aholi salomatligini ishonchli himoya qilish borasidagi faoliyatiga bag‘ishlangan "Qonun ustuvorligi — salomatlikning ishonchli himoyasi" nomli maqola chop etildi.

Maqolada Markaz tomonidan dori vositalari va tibbiy buyumlar muomalasida qonunchilik talablariga rioya etilishini ta'minlash, sifatsiz va qalbaki mahsulotlarning oldini olish, nazorat tadbirlari hamda fuqarolar salomatligini himoya qilish yo‘lida amalga oshirilayotgan tizimli ishlar haqida batafsil so‘z yuritilgan.

Telegram | Facebook | Instagram | Youtube

🟦🟦🟦🟦

Tibbiy jihozlarni davlat ro‘yxatidan o‘tkazishdagi dolzarb masalalar muhokama qilindi

Prezidentimizning tadbirkorlar bilan joriy yilgi ochiq muloqotiga tayyorgarlik ko‘rish doirasida Farmatsevtika mahsulotlari xavfsizligi markazida mahalliy hamda xorijiy tibbiy jihozlar ishlab chiqaruvchilari ishtirokida navbatdagi ochiq muloqot tashkil etildi.

Markaz direktori Alisher Temirov boshchiligida o‘tgan uchrashuvda tibbiy jihozlar ishlab chiqaruvchilari va importyorlari faoliyatida uchrayotgan dolzarb masalalarni hal etish, davlat ro‘yxatidan o‘tkazish jarayonlarining ochiqligi va shaffofligini ta’minlash, tadbirkorlar uchun yaratilayotgan qulay shart-sharoitlarni yanada kengaytirish masalalariga alohida e’tibor qaratildi.

Telegram | Facebook | Instagram | Youtube

⭕️⭕️⭕️

Namangan shahrida noqonuniy dori vositalarining yirik partiyasi fosh etildi

O‘tkazilgan tezkor tadbir davomida Namangan shahrida yashovchi fuqaroning yashash xonadonining yordamchi tomorqasida maxsus yashirilgan yer osti ombori aniqlanib, undan xorijda ishlab chiqarilgan, respublika hududiga aylanma yo‘llar orqali olib kirilgan hamda qonuniy kelib chiqishini tasdiqlovchi hech qanday hujjatlarga ega bo‘lmagan 66 turdagi jami 35 346 quti dori vositalari borligi aniqlandi.

Dastlabki hisob-kitoblarga ko‘ra, mazkur dori vositalarining umumiy qiymati qariyb 1,4 milliard so‘mni tashkil etadi. Hozirda mazkur holat yuzasidan tergovga qadar tekshiruv harakatlari olib borilmoqda.

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Preparatlarni qo‘llashda qanday xatolarga yo‘l qo‘ymaslik zarur? - Javob

👍 Albumin, Sekstafag, Nazoferon, Imudon, Viferon, Lineks Forte, Genferon, Bronxo-Munal, Lakto-G, Aktovegin, Latsidoforte, Bifidumbakterin, Baktoxold, Enterojermina kabi dori vositalarning qadog‘ida raqamli markirovkasi mavjud bo‘lmasa ham ushbu dori vositalarini markirovkasiz sotish mumkinmi? - Javob

👍 Dori vositalarini qanday to‘g‘ri qabul qilish kerak? - Javob

👍 Dori vositasining xalqaro patentlanmagan nomi nimani anglatadi? - Javob

Telegram | Facebook | Instagram | Youtube

🟦🟦🟦

Markazga yuborilayotgan rasmiy hujjatlarni rasmiylashtirish bo'yicha eslatma

Vazirlar Mahkamasining 1999-yil 29-martdagi 140-son qarori bilan tasdiqlangan "O'zbekiston Respublikasi vazirliklari, davlat qo'mitalari, idoralari, korporatsiyalari, konsernlari, uyushmalari, kompaniyalari va boshqa markaziy muassasalari apparatlarida ish yuritish va ijro nazoratini tashkil etish bo'yicha namunaviy yo'riqnoma" talablariga muvofiq, Markazga yuborilayotgan rasmiy hujjatlar belgilangan tartibda rasmiylashtirilishi lozim.

Ayni vaqtda Markazga kelib tushayotgan ayrim hujjatlar mazkur talablarga to'liq javob bermayotgani kuzatilmoqda. Jumladan, ayrim hujjatlar ro'yxatdan o'tkazish raqamisiz yoki sanasiz yuborilmoqda, shuningdek, ayrim murojaatlar va xizmat yozishmalari xodimlarning shaxsiy elektron pochta manzillari orqali jo'natilmoqda. Mazkur holatlar hujjatlarni ro'yxatdan o'tkazish, ijroga yo'naltirish hamda ijro nazoratini tashkil etishda muayyan qiyinchiliklarni keltirib chiqarmoqda.

👉 Batafsil

Telegram | Facebook | Instagram | Youtube

🟦🟦🟦

Farmatsevtika sohasi tadbirkorlari bilan uch bosqichli ochiq muloqotlar o'tkazildi

Prezidentimiz tomonidan tadbirkorlarni qo‘llab-quvvatlash, investitsiyaviy jozibadorlikni oshirish va davlat organlari faoliyatida ochiqlikni ta’minlash borasida belgilangan vazifalar ijrosi doirasida Sog‘liqni saqlash vazirligi huzuridagi Farmatsevtika mahsulotlari xavfsizligi markazida farmatsevtika tarmog‘i vakillari bilan keng qamrovli ochiq muloqotlar o‘tkazildi.

Prezidentning tadbirkorlar bilan bo‘lib o‘tadigan navbatdagi ochiq muloqotiga tayyorgarlik doirasida tashkil etilgan uchrashuvlarda mahalliy dori vositalari va tibbiy jihozlar ishlab chiqaruvchilari hamda importyorlari shuningdek, xorijiy farmatsevtika kompaniyalari ishlab chiqaruvchilarining O‘zbekistondagi rasmiy vakolatxonalari vakillari ishtirok etdi.

👉 Batafsil

Telegram | Facebook | Instagram | Youtube

🟦🟦🟦

“NAM BIOTEST” MChJ korxonasiga O‘zMSt ISO 13485:2025 standarti talablariga muvofiqlik sertifikati topshirildi

😎 Farmatsevtika mahsulotlari xavfsizligi markazining Sifat menejmenti tizimlarini sertifikatlashtirish organi tomonidan mahalliy tibbiy jihozlar ishlab chiqaruvchisi “NAM BIOTEST” MChJga O‘zMSt ISO 13485:2025 (ISO 13485:2016, IDT) milliy standarti talablariga muvofiqlikni tasdiqlovchi sertifikat topshirildi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Farmatsevtika mahsulotlari xavfsizligi markazi delegatsiyasi AFDA Sifat nazorati laboratoriyasi faoliyati bilan tanishdi

😎 “TURKISHMED” MChJda tibbiy o‘lchash vositalari metrologik tekshiruvdan o‘tkazildi

😎 AFDA Sifat nazorati laboratoriyasi mutaxassislari uchun o‘quv-trening tashkil etildi

😎 Mahalliy dori vositalari ishlab chiqaruvchilari bilan navbatdagi onlayn muloqot o‘tkazildi

😎 “NAM BIOTEST” MChJ korxonasiga O‘zMSt ISO 13485:2025 standarti talablariga muvofiqlik sertifikati topshirildi

😎 Farmatsevtika mahsulotlari xavfsizligi markazi Ilmiy kengashining navbatdagi majlisi bo‘lib o‘tdi

😎 Prezidentimizning tadbirkorlar bilan ochiq muloqotiga tayyorgarlik doirasida mahalliy ishlab chiqaruvchilar bilan uchrashuv o‘tkazildi

😎 Markazda chet el farmatsevtika kompaniyalari vakillari bilan ochiq muloqot o‘tkazildi

😎 "Yangi O‘zbekiston" gazetasida Markaz faoliyati haqida maqola chop etildi

😎 Tibbiy jihozlarni davlat ro‘yxatidan o‘tkazishdagi dolzarb masalalar muhokama qilindi
 
😎 Markazga yuborilayotgan rasmiy hujjatlarni rasmiylashtirish bo'yicha eslatma berildi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube