🟦🟦🟦

2026-yilning 9 oyi davomida Farmatsevtika mahsulotlari xavfsizligi markazi tomonidan 41 ta postmarketing nazorati tadbiri o‘tkazilib, 476 ta dori vositasi namunalari xarid qilindi va 372 turdagi mahsulot laboratoriya sinovlaridan o‘tkazildi. Natijada 22 ta mahsulotning belgilangan talablarga nomuvofiqligi aniqlandi.

Telegram | Facebook | Instagram | Youtube

🟦🟦🟦🟦🟦🟦🟦

O‘zbekiston va Xitoy: tibbiy jihozlarni tartibga solish bo‘yicha xalqaro hamkorlik

Farmatsevtika mahsulotlari xavfsizligi markazida muassasa direktorining birinchi o‘rinbosari Nozim Berdiyev boshchiligidagi mutaxassislar guruhi Xitoy tibbiy buyumlar sanoati assotsiatsiyasi (CAMDI) vakillari hamda Xitoyning yetakchi ishlab chiqaruvchi kompaniyalari vakillari bilan uchrashdi.

Ma’lumot uchun: CAMDI — 1991-yilda tashkil etilgan Xitoy tibbiy buyumlar sanoati assotsiatsiyasi bo‘lib, tibbiy buyumlarni ishlab chiqish, ishlab chiqarish, sinovdan o‘tkazish, sertifikatlash va sohaga oid ta’lim yo‘nalishlarida faoliyat yurituvchi 4 000 ga yaqin a’zoni birlashtiradi. Assotsiatsiya Xitoy tibbiy buyumlar sanoatini rivojlantirish, innovatsiyalarni qo‘llab-quvvatlash hamda xalqaro hamkorlikni kengaytirishda muhim ahamiyatga ega.

Uchrashuvda yurtimizda tibbiy jihozlarni davlat ro‘yxatidan o‘tkazish, regulyatorlik ekspertizasi, mahsulotlar sifati va xavfsizligini baholash bo‘yicha mamlakatimiz qonunchiligida belgilangan talablar yuzasidan ma’lumot berildi. Shuningdek, tomonlar zamonaviy texnologiyalarni rivojlantirish va ularni tartibga solish masalalarida fikr almashib, xalqaro tajribani o‘rganish hamda amaliy hamkorlikni kengaytirish istiqbollarini muhokama qildilar.

Telegram | Facebook | Instagram | Youtube

🟦🟦🟦

Ona tilimiz — milliy o‘zligimiz va ma’naviy boyligimiz timsoli!

O‘zbek tili — tariximiz, madaniyatimiz va milliy qadriyatlarimiz ifodasi. Davlat tilining nufuzini oshirish, uning sofligini asrash va kelajak avlodga munosib yetkazish barchamizning mas’uliyatli vazifamiz.

«Farmatsevtika mahsulotlari xavfsizligi markazi» davlat muassasasi barcha yurtdoshlarimizni bayram bilan samimiy muborakbod etadi!

Ona tilimiz qadri hamisha baland bo‘lsin!

Telegram| Facebook| Instagram| Youtube

🟦🟦🟦

Markaz mutaxassisi "Umummilliy diktant" loyihasi sovrindori bo'ldi

🇺🇿 O‘zbekiston Respublikasi Prezidentining 2025-yil 20-oktabrdagi PQ-308-son qarori ijrosini ta’minlash hamda ona tilimiz nufuzini yuksaltirish maqsadida Olmazor tumanida “Savodxon tashkilot — savodli jamiyat” shiori ostida “Umummilliy diktant” loyihasi tashkil etildi.

Unda Olmazor tuman hokimligi, ta’lim, tibbiyot va boshqa soha tashkilotlari vakillari qatorida Farmatsevtika mahsulotlari xavfsizligi markazi davlat muassasasi xodimlari ham faol ishtirok etdi. Quvonarlisi, bellashuv yakunlariga ko‘ra, Markazning Maxsus raqamli markirovkalashni joriy etish boʻlimi bosh mutaxassisi Azizjon Asqarov loyihada faxrli 2-o‘rinni egalladi.

Markaz jamoasi Azizjon Asqarovni ushbu yutug‘i bilan samimiy muborakbod etib, kelgusi faoliyatida yangi zafarlar tilaydi!

Telegram | Facebook | Instagram | Youtube

🟦🟦🟦🟦🟦

Dori vositalari va tibbiy jihozlarni raqamli markirovkalash bo‘yicha tajriba loyihasi muhokama qilindi

“BioPharma City” innovatsion ilmiy-ishlab chiqarish farmatsevtika klasterida farmatsevtika mahsulotlarini raqamli markirovkalash bo‘yicha tajriba loyihasi doirasida ishlab chiqaruvchi korxonalar bilan uchrashuv o‘tkazilib, tizimni joriy etish jarayoni va kelgusidagi vazifalar muhokama qilindi.

👉 Batafsil

Telegram | Facebook | Instagram | Youtube

🟦🟦🟦

Davlat farmakopeyasini rivojlantirish — davlat tilining ilmiy salohiyatini namoyon etişdir

Özbek tili bayrami munosabati bilan joriy yilning 21-oktabr sanasida davlat tilining ilmiy salohiyatini rivojlantiriş, farmatsevtika sohasida terminologik birlikni ta’minlaş hamda Davlat farmakopeyasi hujjatlarini davlat tilida sifatli tayyorlaş masalalariga bag‘işlangan ma’naviy-ma’rifiy tadbir tashkil etildi. Unda davlat tiliga oid qonunçilik talablari, farmakopeya atamalarini takomillaştiriş va bu borada amalga oshirilayotgan işlar muhokama qilindi.

👉 Batafsil

Telegram | Facebook | Instagram | Youtube

🟦🟦🟦

Dori vositalarini ulgurji sotib olishda majburiy qo‘shimcha mahsulotlar olish sharti qo‘yilmoqdami?

So‘nggi vaqtlarda ijtimoiy tarmoqlarda ayrim importyorlar va ulgurji distribyutorlar tomonidan talab yuqori bo‘lgan dori vositalarini xarid qilishda boshqa, xaridor tomonidan buyurtma qilinmagan preparatlarni ham majburiy tarzda qo‘shib sotish holatlari yuzasidan shikoyatlar ko‘paymoqda.

Mazkur holatlar farmatsevtika bozorida faoliyat yuritayotgan tadbirkorlik subyektlarining iqtisodiy manfaatlariga zarar yetkazishi va sog‘lom raqobat muhitiga salbiy ta’sir ko‘rsatishi mumkin. Shu munosabat bilan, Raqobat qo‘mitasi farmatsevtika sohasida ulgurji distribyutsiya bilan shug‘ullanuvchi korxonalar faoliyatini o‘rganmoqda.

Agar talab yuqori bo‘lgan dori vositalarini sotib olishda boshqa preparatlarni ham majburiy xarid qilish sharti raqobat to‘g‘risidagi qonunchilik talablariga zid deb topilsa, qonunchilikda belgilangan tartibda tegishli javobgarlik choralari qo‘llanilishi mumkin.

👉 Batafsil

Telegram | Facebook | Instagram | Youtube

🟦🟦🟦

Markaz xodimlari sport musobaqalarida sovrinli o‘rinlarni egalladi

2026-yil 22–23-oktabr kunlari “O‘zbekiston Respublikasi Sog‘liqni saqlash vaziri hamda O‘zbekiston sog‘liqni saqlash xodimlari kasaba uyushmasi raisi kubogi” doirasida tashkil etilgan sport musobaqalarida “Farmatsevtika mahsulotlari xavfsizligi markazi” davlat muassasasi xodimlari munosib natijalarni qayd etdi.

Xususan, mini-futbol musobaqasida Markaz jamoasi faxrli uchinchi o‘rinni egallagan bo'lsa, shashka bellashuvlarida esa Markaz xodimi Anvar Amanov barcha raqiblaridan ustun kelib, birinchi o‘rinni qo‘lga kiritdi.

Ushbu natijalar Markaz xodimlarining nafaqat kasbiy faoliyatda, balki sport sohasida ham faol ekanini namoyon etdi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 2026-yilning 9 oyi davomida Farmatsevtika mahsulotlari xavfsizligi markazi tomonidan 41 ta postmarketing nazorati tadbiri o‘tkazildi

😎 Farmatsevtika mahsulotlari xavfsizligi markazida muassasa direktorining birinchi o‘rinbosari Nozim Berdiyev boshchiligidagi mutaxassislar guruhi Xitoy tibbiy buyumlar sanoati assotsiatsiyasi (CAMDI) vakillari hamda Xitoyning yetakchi ishlab chiqaruvchi kompaniyalari vakillari bilan uchrashdi

😎 Markaz mutaxassisi "Umummilliy diktant" loyihasi sovrindori bo'ldi

😎 Dori vositalari va tibbiy jihozlarni raqamli markirovkalash bo‘yicha tajriba loyihasi muhokama qilindi

😎 Özbek tili bayrami munosabati bilan joriy yilning 21-oktabr sanasida davlat tilining ilmiy salohiyatini rivojlantiriş, farmatsevtika sohasida terminologik birlikni ta’minlaş hamda Davlat farmakopeyasi hujjatlarini davlat tilida sifatli tayyorlaş masalalariga bag‘işlangan ma’naviy-ma’rifiy tadbir tashkil etildi

😎 Raqobat qo‘mitasi farmatsevtika sohasida ulgurji distribyutsiya bilan shug‘ullanuvchi korxonalarni ogohlantirdi

😎 2026-yil 22–23-oktabr kunlari “O‘zbekiston Respublikasi Sog‘liqni saqlash vaziri hamda O‘zbekiston sog‘liqni saqlash xodimlari kasaba uyushmasi raisi kubogi” doirasida tashkil etilgan sport musobaqalarida “Farmatsevtika mahsulotlari xavfsizligi markazi” davlat muassasasi xodimlari munosib natijalarni qayd etdi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦

E'lon: O‘zbekiston farmatsevtika ishlab chiqaruvchilari uchun USP–NF online platformasidan bepul foydalanish imkoniyati

O‘zbekiston farmatsevtika ishlab chiqaruvchilari uchun xalqaro farmakopeya standartlaridan foydalanish imkoniyatlarini kengaytirish maqsadida Farmatsevtika mahsulotlari xavfsizligi markazi AQSh Farmakopeyasi (USP) bilan hamkorlikda USP–NF Online elektron platformasidan bepul foydalanish imkoniyatini yaratdi. Mazkur tashabbus doirasida mahalliy ishlab chiqarish tashkilotlari mutaxassislari uchun 100 tagacha foydalanuvchi akkaunti ajratilishi rejalashtirilgan.

👉 Batafsil

Telegram | Facebook | Instagram | Youtube

⭕️⭕️⭕️

Namangan viloyatida 5,6 milliard so‘mlik dori vositalari saqlangan yashirin ombor aniqlandi

Tadbir davomida Uychi tumanida farmatsevtika mahsulotlari savdosi bilan shug‘ullanuvchi xususiy korxona rahbari hamda ishchisi bo‘lgan 1983 va 1986-yillarda tug‘ilgan aka-uka tomonidan noturar bino yerto‘lasida tashkil etilgan yashirin ombor fosh etildi.
 
Omborni ko‘zdan kechirish jarayonida xorijda ishlab chiqarilgan, umumiy taxminiy qiymati 5,6 mlrd so‘mni tashkil etuvchi 412 turdagi jami 67 923 birlikdagi dori vositalari kelgusida sotish maqsadida saqlanayotgani aniqlanib, protsessual tartibda rasmiylashtirib olindi.

Telegram | Facebook | Instagram | Youtube

🟦🟦🟦

IPRP doirasida dori vositalari sifati va bioekvivalentligi muhokama qilinadi

Joriy yilning 5-noyabr kuni “Tashkent Pharma Park” farmatsevtika klasterida bo‘lib o‘tadigan tadbirda Shveytsariya, Buyuk Britaniya, Kanada, Yaponiya, Avstraliya, Singapur, Braziliya, Fransiya va boshqa davlatlarning regulyator organlari vakillari hamda farmatsevtika sohasi mutaxassislari ishtirok etadi.

Unda dori vositalari sifati va bioekvivalentligini baholashning xalqaro yondashuvlari, generik dori vositalarini ro‘yxatdan o‘tkazishda ishlarni taqsimlash mexanizmlari hamda xalqaro regulyator hamkorligini rivojlantirish istiqbollari muhokama qilinadi.

👉 Batafsil

Telegram | Facebook | Instagram | Youtube

⭕️⭕️⭕️⭕️

Kanalimizdagi nojoiz reklamalar yuzasidan kuzatuvchilarga murojaat

So‘nggi kunlarda Telegram platformasida muayyan o‘zgarishlar amalga oshirildi: kanal egalarining ishtirokisiz ularning sahifalarida reklamalar chiqarilmoqda. Bu e’lonlar orasida farmatsevtika va tibbiyot sohasiga aloqasi yo‘q, shubhali takliflar yoki turli noqonuniy mazmundagi reklamalar ham uchrashi mumkin.

Shu munosabat bilan sizga ma’lum qilamizki, Uzpharmcontrol’ning rasmiy Telegram kanalida namoyon bo‘layotgan mazkur reklamalar markazimiz faoliyati bilan mutlaqo bog‘liq emas. Ularni chiqarish jarayonini biz nazorat qila olmaymiz va ularni to‘xtatish imkoniyatiga ega emasmiz.

Bu reklamalar faqatgina Telegram Premium obunachilari uchun ko‘rinmaydi.

Ishonchingiz uchun tashakkur!

Telegram | Facebook | Instagram | Youtube

🟦🟦🟦

Tibbiy jihozni davlat ro‘yxatidan o‘tkazish uchun ariza topshirishda undiriladigan yig‘im miqdorini endi mustaqil aniqlash mumkin

Tadbirkorlar uchun qulay shart-sharoitlar yaratish, sohani raqamlashtirish hamda ortiqcha ovoragarchiliklarni kamaytirish farmatsevtika sohasida ishbilarmonlik muhitini yanada yaxshilashning muhim yo‘nalishlaridan biridir.

Shu maqsadda, Farmatsevtika mahsulotlari xavfsizligi markazi tomonidan tadbirkorlarga tibbiy jihozlarni davlat ro‘yxatidan o‘tkazish uchun ariza topshirishda undiriladigan yig‘im miqdorini mustaqil va tezkor aniqlash imkoniyati yaratildi.

Buning uchun Markazning rasmiy veb-sayti — ww.uzpharm-control.uz ga kirib, asosiy sahifaning pastki qismida joylashgan “Yig‘imlar kalkulyatori” bo‘limidan foydalanish kifoya.

Telegram | Facebook | Instagram | Youtube

🌍🌍🌍🌍🌍🌍

Farmakonazorat bo‘yicha amalga oshirilayotgan ishlar yuzasidan BRIFING

✅ 2026-yil yanvar oyidan boshlab yurtimizda «Farmakonazorat» milliy elektron axborot tizimi amaliyotga joriy etildi. Shuningdek, farmakonazorat bo‘yicha GVP milliy standarti — O‘zMSt 339:2024 tatbiq etildi.

✅ Milliy elektron tizim orqali dori vositalarini qo‘llash bilan bog‘liq nojo‘ya reaksiyalar va samarasizlik holatlari yuzasidan 380 ta xabarnoma kelib tushdi. Bundan tashqari, xorijiy manbalardan olingan 50 mingdan ortiq xabarnoma tahlil qilinib, ularning qariyb 15 ming tasi kutilmagan nojo‘ya reaksiyalarga taalluqli ekani aniqlandi.

✅ Farmakonazorat bo‘yicha bilim va ko‘nikmalarni oshirish maqsadida respublika bo‘ylab 22 ta o‘quv seminari tashkil etildi. Ayni paytda milliy elektron axborot tizimidan foydalanuvchilar soni 1 432 nafarga yetdi. Ularning 663 nafari shifokorlar, 404 nafari bemorlar, 350 nafari ro‘yxatdan o‘tkazish guvohnomalari egalari vakillari va 15 nafari inspektorlardir.

Batafsil Farmatsevtika mahsulotlari xavfsizligi markazi Farmakonazorat bo'limi boshlig'i Sabohat Hayitova ishtirokidagi brifingda.

Telegram | Facebook | Instagram | Youtube