🇺🇿 O‘zbekiston Respublikasi Prezidenti Administratsiyasi rahbari Saida Mirziyoyeva Xalqaro narkotiklarni nazorat qilish qo‘mitasi Bosh kotibi Stefano Berterame bilan uchrashdi.

Muloqot davomida tahliliy va laboratoriyaviy bazani rivojlantirish, raqamli nazorat vositalarini joriy etish, soha mutaxassislarini tayyorlash mavzulariga alohida e’tibor qaratildi.

Telegram | Facebook | Instagram | Youtube

🟠🟦🟦🟦

Samarqand shahrida o‘tkazilayotgan xalqaro forumda ishtirok etayotgan Stefano Berterame tadbir haqidagi fikrlari bilan o‘rtoqlashdi.

Uning ta’kidlashicha, O‘zbekiston tomonidan ilgari surilgan mazkur tashabbus juda dolzarb bo‘lib, mamlakatlarni birlashtirish va umumiy tahdidlarga qarshi samarali kurashishga xizmat qiladi.

Xalqaro narkotiklarni nazorat qilish qo‘mitasi Bosh kotibi O‘zbekistonda narkotik moddalar aylanmasini nazorat qilish tizimi samarali yo‘lga qo‘yilganini ijobiy baholab, xalqaro konvensiyalar doirasida zarur ma’lumotlar o‘z vaqtida taqdim etilayotganini alohida ta’kidladi.

Telegram | Facebook | Instagram | Youtube

🟢 🟦🟦🟦🟦🟦🟦🟦

Markaz direktori Alisher Temirov INCB bosh kotibi bilan uchrashdi

Farmatsevtika mahsulotlari xavfsizligi markazi direktori Alisher Temirov Samarqandda bo'lib o'tayotgan anjuman doirasida Xalqaro narkotiklarni nazorat qilish qo‘mitasi Bosh kotibi Stefano Berterame bilan ishchi uchrashuv o‘tkazdi.

Unda Qo‘mita bilan yaqin hamkorlikni yanada mustahkamlash masalalariga alohida e’tibor qaratildi. Jumladan, milliy hisobotlarni muntazam taqdim etish, tahliliy ma’lumotlar almashinuvi hamda narkotik vositalar, psixotrop moddalar va prekursorlar nazorati sohasida ma’lumotlar shaffofligini ta’minlash masalalari muhokama qilindi.

Shuningdek, sohada monitoring mexanizmlarini takomillashtirish, xavfga yo‘naltirilgan yondashuvlarni joriy etish hamda noqonuniy aylanmaga qarshi kurashishda idoralararo hamkorlik samaradorligini oshirish yo‘nalishlari ko‘rib chiqildi.

Muzokaralar yakunida Xalqaro narkotiklarni nazorat qilish qo‘mitasi bilan hamkorlikni izchil rivojlantirish, xususan, axborot almashinuvini kengaytirish, milliy tartib-taomillarni xalqaro talablar bilan uyg‘unlashtirish hamda institutsional salohiyatni mustahkamlash bo‘yicha kelgusidagi ustuvor vazifalar belgilab olindi.

Telegram | Facebook | Instagram | Youtube

🟦🟦🟦🟦

USP standart namunalari — farmatsevtikada xalqaro ishonch mezoni

Dori vositalari sifati va xavfsizligini ta’minlashda laboratoriya tahlillarining aniqligi hal qiluvchi ahamiyat kasb etadi. Bu jarayonda etalon standart namunalari — Reference Standards — asosiy instrument sifatida xizmat qiladi.

United States Pharmacopeia (USP) farmatsevtika sohasida xalqaro standartlarni ishlab chiquvchi nufuzli tashkilot bo‘lib, uning standart namunalari butun dunyo laboratoriya amaliyotida etalon sifatida keng qo‘llaniladi.

USP Reference Standards quyidagi muhim tahlil yo‘nalishlarida ishlatiladi:

📼 dori vositalari va substansiyalarning chinligini tasdiqlash;
📼 faol modda miqdorini aniqlash;
📼 yot aralashmalarni nazorat qilish;
📼 analitik usullarni validatsiya qilish;
📼 laboratoriya natijalarining aniqligi va qayta ishonchliligini ta’minlash.

📷 Xalqaro amaliyotdagi o‘rni:

Bugungi kunda USP standart namunalari farmatsevtik kompaniyalar, sifat nazorati laboratoriyalari hamda regulator tashkilotlar tomonidan keng qo‘llanilmoqda. Ulardan foydalanish tahlil natijalarining ishonchliligini oshirib, dori vositalari sifati xalqaro farmakopeya talablariga to‘liq muvofiqligini ta’minlaydi.

🌐 Rasmiy sayt: https://www.usp.org

🇺🇿 O‘zbekiston bo‘yicha ma'sul shaxs: Khilola Nazrullayeva

Strategic Customer Development Consultant, USP khilola.nazrullaeva@usp.org

Telegram | Facebook | Instagram | Youtube

🟤 🟦🟦🟦

Markazning hududiy filiallari laboratoriya bazasi kengaymoqda

O‘zbekiston Respublikasi Prezidentining 2026-yil 5-martdagi PF-35-son Farmoniga muvofiq, farmatsevtika sohasida ilmiy-sinov va sifat nazorati tizimini yanada takomillashtirish, laboratoriya infratuzilmasini mustahkamlash bo‘yicha izchil ishlar amalga oshirilmoqda.

Mazkur farmon ijrosi doirasida O‘zbekiston texnik jihatdan tartibga solish agentligi huzuridagi “O‘zbekiston ilmiy-sinov va sifat nazorati markazi” davlat muassasasining Samarqand filiali tomonidan 30 dan ortiq turdagi zamonaviy laboratoriya sinov uskunalari va yordamchi vositalar Sog‘liqni saqlash vazirligi huzuridagi “Farmatsevtika mahsulotlari xavfsizligi markazi” davlat muassasasiga beg‘araz asosda topshirildi.

Mazkur jarayonlar bilan bevosita tanishish, o‘rnatilgan uskunalarning ishga tushirilishi va ularning amaldagi holatini o‘rganish maqsadida Farmatsevtika mahsulotlari xavfsizligi markazi direktori Alisher Temirov Samarqand filialiga tashrif buyurdi.

Telegram | Facebook | Instagram | Youtube

🔴 🟦🟦🟦

UDI bo‘yicha amaliy o‘quv seminariga ro‘yxatdan o‘tish boshlandi

Farmatsevtika mahsulotlari xavfsizligi markazi hamda Global Harmonization Working Party (GHWP) Texnik qo‘mitasi hamkorligida tibbiy buyumlarning noyob identifikatsiya tizimi (UDI)ga bag‘ishlangan amaliy o‘quv seminariga ro‘yxatdan o‘tish boshlandi.

Seminar 2026-yil 18-may kuni Tashkent Pharma Park hududida bo‘lib o‘tadi.

Tadbir davomida UDI tizimini joriy etish bo‘yicha xalqaro tajriba, tizimning texnik jihatlari, uni tartibga solish mexanizmlari hamda ishlab chiqaruvchilar uchun amaliy qo‘llash masalalari muhokama qilinadi. Shuningdek, UDI’ning tibbiy buyumlar kuzatuvchanligi va postmarketing nazoratidagi ahamiyati haqida ma’lumotlar beriladi.

Seminarda xalqaro ekspertlar, GHWP Texnik qo‘mitasi vakillari va soha mutaxassislari ishtirok etishi rejalashtirilgan.

UDI (Unique Device Identification) — bu tibbiy buyumlarni yagona kod orqali identifikatsiya qilish tizimi bo‘lib, mahsulotning ishlab chiqarilishidan tortib, iste’molchigacha bo‘lgan harakatini kuzatish imkonini beradi. Ushbu tizim xavfsizlikni oshirish, soxta mahsulotlarning oldini olish va sifat nazoratini kuchaytirishda muhim ahamiyatga ega.

📼 Ro‘yxatdan o‘tish uchun havola
📼 Elektron pochta: pharmrelations@ssv.uz
📼 Telefon: +998 88 800 77 07

Telegram | Facebook | Instagram | Youtube

🟢🟦🟦🟦🟦

Samarqand shahrida jamoat salomatligi va transmilliy narkotahdidlarga qarshi kurashish yuzasidan o‘tkazilgan xalqaro forum, xususan, uning doirasidagi ko‘rgazma ishtirokchilar uchun manfaatli bo‘ldi. Negaki, unda bir qator o‘zaro kelishuvlarga erishildi hamda hamkorlik istiqbollari belgilab olindi.

👍 Unda qaysi muassasalar qatnashdi?

👍 Nimalar namoyish etildi?

👍 Kutilgan natijalarga erishildimi?

SSV Matbuot xizmati tomonidan tayyorlangan videolavha orqali shu kabi savollarga javob topasiz.

Telegram | Facebook | Instagram | Youtube

🔴🟦🟦🟦

Belarus korxonalari bilan dori vositalarini ro'yxatdan o'tkazish masalalari yuzasidan onlayn muloqot o‘tkazildi

Zoom platformasi orqali dori vositalarini ishlab chiqaruvchi Belarus Respublikasi korxonalari vakillari ishtirokida onlayn muloqot o‘tkazildi. Uchrashuvda Farmatsevtika mahsulotlari xavfsizligi markazi direktor o‘rinbosari Mirzohidjon Qodirov boshchiligida muassasaning mas’ul xodimlari qatnashdi.

Muloqot davomida Belarus Respublikasining “Borisovskiy zavod meditsinskix preparatov” OAJ tomonidan ro‘yxatdan o‘tkazilganlik guvohnomalarining amal qilish muddatini uzaytirish uchun taqdim etilgan 12 nomdagi dori vositalari, “Rubikon” MChJ tomonidan taqdim etilgan 2 nomdagi dori vositalari hamda “Nesvijskiy zavod meditsinskix preparatov” OAJ tomonidan davlat ro‘yxatidan o‘tkazish uchun taqdim etilgan 3 nomdagi dori vositalari ko‘rib chiqildi. Shuningdek, “Belmedpreparaty” tomonidan ishlab chiqarilgan 11 nomdagi dori vositalarini davlat ro‘yxatidan o‘tkazish hamda amaldagi guvohnomalar muddatini uzaytirish masalalari muhokama qilindi.

Uchrashuv davomida tadbirkorlar tomonidan berilgan savollarga mas’ul mutaxassislar atroflicha javob qaytardi. Shu bilan birga, dori vositalarini ekspertizadan o‘tkazish jarayonida aniqlangan kamchiliklarni o‘z vaqtida bartaraf etish yuzasidan amaliy tavsiyalar va ko‘rsatmalar berildi.

Telegram | Facebook | Instagram | Youtube

🟢🟦🟦🟦🟦

Samarqandda bo‘lib o‘tgan “Jamoat salomatligi va xavfsizligini taʼminlash maqsadida transmilliy narkotahdidlarga qarshi kurashish” mavzusidagi xalqaro forumning 2-sessiyasi sog‘liqni saqlash, davolash va reabilitatsiya masalalariga bag‘ishlandi.

👍 Unda qaysi davlatlardan mutaxassislar ishtirok etdi?

👍 Qanday dolzarb masalalar muhokama qilindi?

👍 Bu yo‘nalishda qanday kelishuvlarga erishildi?

SSV Matbuot xizmati tomonidan tayyorlangan videolavhada bu haqda batafsil maʼlumot berilgan.

Telegram | Facebook | Instagram | Youtube

🟦🟦🟦

Ishlab chiqarish tizimingiz O‘zMSt ISO 13485:2025 talablariga qanchalik mos?

Tibbiy jihozlar ishlab chiqaruvchilari uchun sifat menejmenti tizimini xalqaro standartlarga muvofiqlashtirish muhim ahamiyat kasb etadi. Amaliyot shuni ko‘rsatadiki, ko‘plab korxonalar audit oldidan o‘zlarini tayyor deb hisoblaydi, biroq audit jarayonida turli nomuvofiqliklar aniqlanadi. Bu esa ortiqcha xarajatlar, vaqt yo‘qotish va qayta auditlarga olib keladi.

Endilikda dastlabki baholashni Farmatsevtika mahsulotlari xavfsizligi markazi tomonidan ishlab chiqilgan maxsus platforma orqali mustaqil ravishda amalga oshirish imkoniyati mavjud. Ushbu platforma yordamida qisqa vaqt ichida asosiy talablar bo‘yicha o‘zingizni sinovdan o‘tkazib, quyidagi muhim ma’lumotlarga ega bo‘lishingiz mumkin:

📼 bajarilgan talablar darajasi;
📼 mavjud kamchiliklar va ularning tavsifi;
📼 sertifikatsiya jarayoniga ta’sir etuvchi muammolar;
📼 ustuvor yo‘nalishlar bo‘yicha tavsiyalar.

Natijada foydalanuvchi umumiy tayyorgarlik darajasi (foiz hisobida), ustuvorlik asosida shakllantirilgan ish rejasi, har bir band bo‘yicha aniq tavsiyalar hamda yuklab olinadigan va jamoa bilan ishlashga mos hisobotga ega bo‘ladi.

Platformadan o‘zbek va rus tillarida bepul foydalanish mumkin bo‘lib, ro‘yxatdan o‘tish talab etilmaydi.

☑️ Platformadan foydalanish uchun havola

Telegram | Facebook | Instagram | Youtube

🟢🟦🟦🟦🟦

Markaz direktori Alisher Temirov muassasaning Samarqand filialiga o'rnatilgan yangi uskunalar texnik imkoniyatlari bilan tanishdi

Xabar berganimizdek, O‘zbekiston Respublikasi Prezidentining tegishli farmoni ijrosi doirasida O‘zbekiston texnik jihatdan tartibga solish agentligi huzuridagi “O‘zbekiston ilmiy-sinov va sifat nazorati markazi” davlat muassasasining Samarqand filiali tomonidan 30 dan ortiq turdagi zamonaviy sinov uskunalari va yordamchi vositalar Farmatsevtika mahsulotlari xavfsizligi markazi Samarqand filialiga beg‘araz asosda topshirildi.

Mazkur jarayonlar bilan bevosita tanishish, o‘rnatilgan uskunalarning ishga tushirilishi va ularning amaldagi holatini o‘rganish maqsadida Markaz direktori Alisher Temirov muassasaning Samarqand filialiga tashrif buyurdi. Tashrif davomida yangi jihozlarning texnik imkoniyatlari, ularni amaliyotga joriy etish jarayoni hamda mutaxassislar malakasini oshirish masalalari atroflicha ko‘rib chiqildi.

Telegram | Facebook | Instagram | Youtube

🟢🟦🟦🟦

Xorazmda tibbiyot muassasalarida metrologik nazorat bo‘yicha tushuntirish ishlari olib borildi

Farmatsevtika mahsulotlari xavfsizligi markazi metrologiya xizmati xodimlari tomonidan O‘zbekiston Respublikasi Sog‘liqni saqlash vazirligining 313-sonli buyrug‘i ijrosini ta’minlash doirasida Xorazm viloyatidagi tibbiyot muassasalarida tushuntirish ishlari tashkil etildi. Tadbirlar Xorazm viloyati ko‘p tarmoqli tibbiyot markazi, shuningdek, viloyat urologiya va qon quyish markazlarida o‘tkazildi. Unda tibbiyot muassasalari mutaxassislari ishtirok etdi.

Uchrashuvlar davomida metrologik nazoratni ta’minlashning ustuvor yo‘nalishlari yuzasidan batafsil ma’lumot berildi. Xususan, tibbiy asbob-uskunalarni o‘z vaqtida qiyoslash va kalibrlash, o‘lchash vositalarini to‘g‘ri hisobga olish hamda belgilangan tartibda tekshiruvdan o‘tmagan qurilmalardan foydalanishga yo‘l qo‘ymaslik masalalariga alohida e’tibor qaratildi.

Shuningdek, soha mutaxassislariga amaldagi me’yoriy talablar asosida ishlash, aniqlangan kamchiliklarni o‘z vaqtida bartaraf etish bo‘yicha tegishli tavsiya va ko‘rsatmalar berildi.

Telegram | Facebook | Instagram | Youtube

🔄🔰🔰🔰🔰

Насколько ваша производственная система соответствует требованиям O‘zMSt ISO 13485:2025?

Для производителей медицинских изделий приведение системы менеджмента качества в соответствие с международными стандартами имеет важное значение. Практика показывает, что многие предприятия считают себя готовыми к аудиту, однако в ходе аудита выявляются различные несоответствия. Это, в свою очередь, приводит к дополнительным затратам, потере времени и необходимости проведения повторных аудитов.

Теперь у вас есть возможность самостоятельно провести предварительную оценку с помощью специальной платформы, разработанной Центром безопасности фармацевтической продукции. С помощью данной платформы вы можете за короткое время проверить себя по ключевым требованиям и получить следующую важную информацию:

📼 уровень выполнения требований;
📼 выявленные несоответствия и их описание;
📼 проблемы, влияющие на процесс сертификации;
📼 рекомендации по приоритетным направлениям.

В результате пользователь получает общий уровень готовности (в процентном выражении), план действий, сформированный по приоритетам, конкретные рекомендации по каждому пункту, а также отчет, доступный для скачивания и удобный для командной работы. Платформа доступна бесплатно на узбекском и русском языках, регистрация не требуется.

👉 Ссылка для использования платформы

Telegram | Facebook | Instagram | Youtube