🟢🟦🟦🟦🟦

Samarqandda bo‘lib o‘tgan “Jamoat salomatligi va xavfsizligini taʼminlash maqsadida transmilliy narkotahdidlarga qarshi kurashish” mavzusidagi xalqaro forumning 2-sessiyasi sog‘liqni saqlash, davolash va reabilitatsiya masalalariga bag‘ishlandi.

👍 Unda qaysi davlatlardan mutaxassislar ishtirok etdi?

👍 Qanday dolzarb masalalar muhokama qilindi?

👍 Bu yo‘nalishda qanday kelishuvlarga erishildi?

SSV Matbuot xizmati tomonidan tayyorlangan videolavhada bu haqda batafsil maʼlumot berilgan.

Telegram | Facebook | Instagram | Youtube

🟦🟦🟦

Ishlab chiqarish tizimingiz O‘zMSt ISO 13485:2025 talablariga qanchalik mos?

Tibbiy jihozlar ishlab chiqaruvchilari uchun sifat menejmenti tizimini xalqaro standartlarga muvofiqlashtirish muhim ahamiyat kasb etadi. Amaliyot shuni ko‘rsatadiki, ko‘plab korxonalar audit oldidan o‘zlarini tayyor deb hisoblaydi, biroq audit jarayonida turli nomuvofiqliklar aniqlanadi. Bu esa ortiqcha xarajatlar, vaqt yo‘qotish va qayta auditlarga olib keladi.

Endilikda dastlabki baholashni Farmatsevtika mahsulotlari xavfsizligi markazi tomonidan ishlab chiqilgan maxsus platforma orqali mustaqil ravishda amalga oshirish imkoniyati mavjud. Ushbu platforma yordamida qisqa vaqt ichida asosiy talablar bo‘yicha o‘zingizni sinovdan o‘tkazib, quyidagi muhim ma’lumotlarga ega bo‘lishingiz mumkin:

📼 bajarilgan talablar darajasi;
📼 mavjud kamchiliklar va ularning tavsifi;
📼 sertifikatsiya jarayoniga ta’sir etuvchi muammolar;
📼 ustuvor yo‘nalishlar bo‘yicha tavsiyalar.

Natijada foydalanuvchi umumiy tayyorgarlik darajasi (foiz hisobida), ustuvorlik asosida shakllantirilgan ish rejasi, har bir band bo‘yicha aniq tavsiyalar hamda yuklab olinadigan va jamoa bilan ishlashga mos hisobotga ega bo‘ladi.

Platformadan o‘zbek va rus tillarida bepul foydalanish mumkin bo‘lib, ro‘yxatdan o‘tish talab etilmaydi.

☑️ Platformadan foydalanish uchun havola

Telegram | Facebook | Instagram | Youtube

🟢🟦🟦🟦🟦

Markaz direktori Alisher Temirov muassasaning Samarqand filialiga o'rnatilgan yangi uskunalar texnik imkoniyatlari bilan tanishdi

Xabar berganimizdek, O‘zbekiston Respublikasi Prezidentining tegishli farmoni ijrosi doirasida O‘zbekiston texnik jihatdan tartibga solish agentligi huzuridagi “O‘zbekiston ilmiy-sinov va sifat nazorati markazi” davlat muassasasining Samarqand filiali tomonidan 30 dan ortiq turdagi zamonaviy sinov uskunalari va yordamchi vositalar Farmatsevtika mahsulotlari xavfsizligi markazi Samarqand filialiga beg‘araz asosda topshirildi.

Mazkur jarayonlar bilan bevosita tanishish, o‘rnatilgan uskunalarning ishga tushirilishi va ularning amaldagi holatini o‘rganish maqsadida Markaz direktori Alisher Temirov muassasaning Samarqand filialiga tashrif buyurdi. Tashrif davomida yangi jihozlarning texnik imkoniyatlari, ularni amaliyotga joriy etish jarayoni hamda mutaxassislar malakasini oshirish masalalari atroflicha ko‘rib chiqildi.

Telegram | Facebook | Instagram | Youtube

🟢🟦🟦🟦

Xorazmda tibbiyot muassasalarida metrologik nazorat bo‘yicha tushuntirish ishlari olib borildi

Farmatsevtika mahsulotlari xavfsizligi markazi metrologiya xizmati xodimlari tomonidan O‘zbekiston Respublikasi Sog‘liqni saqlash vazirligining 313-sonli buyrug‘i ijrosini ta’minlash doirasida Xorazm viloyatidagi tibbiyot muassasalarida tushuntirish ishlari tashkil etildi. Tadbirlar Xorazm viloyati ko‘p tarmoqli tibbiyot markazi, shuningdek, viloyat urologiya va qon quyish markazlarida o‘tkazildi. Unda tibbiyot muassasalari mutaxassislari ishtirok etdi.

Uchrashuvlar davomida metrologik nazoratni ta’minlashning ustuvor yo‘nalishlari yuzasidan batafsil ma’lumot berildi. Xususan, tibbiy asbob-uskunalarni o‘z vaqtida qiyoslash va kalibrlash, o‘lchash vositalarini to‘g‘ri hisobga olish hamda belgilangan tartibda tekshiruvdan o‘tmagan qurilmalardan foydalanishga yo‘l qo‘ymaslik masalalariga alohida e’tibor qaratildi.

Shuningdek, soha mutaxassislariga amaldagi me’yoriy talablar asosida ishlash, aniqlangan kamchiliklarni o‘z vaqtida bartaraf etish bo‘yicha tegishli tavsiya va ko‘rsatmalar berildi.

Telegram | Facebook | Instagram | Youtube

🔄🔰🔰🔰🔰

Насколько ваша производственная система соответствует требованиям O‘zMSt ISO 13485:2025?

Для производителей медицинских изделий приведение системы менеджмента качества в соответствие с международными стандартами имеет важное значение. Практика показывает, что многие предприятия считают себя готовыми к аудиту, однако в ходе аудита выявляются различные несоответствия. Это, в свою очередь, приводит к дополнительным затратам, потере времени и необходимости проведения повторных аудитов.

Теперь у вас есть возможность самостоятельно провести предварительную оценку с помощью специальной платформы, разработанной Центром безопасности фармацевтической продукции. С помощью данной платформы вы можете за короткое время проверить себя по ключевым требованиям и получить следующую важную информацию:

📼 уровень выполнения требований;
📼 выявленные несоответствия и их описание;
📼 проблемы, влияющие на процесс сертификации;
📼 рекомендации по приоритетным направлениям.

В результате пользователь получает общий уровень готовности (в процентном выражении), план действий, сформированный по приоритетам, конкретные рекомендации по каждому пункту, а также отчет, доступный для скачивания и удобный для командной работы. Платформа доступна бесплатно на узбекском и русском языках, регистрация не требуется.

👉 Ссылка для использования платформы

Telegram | Facebook | Instagram | Youtube

🔴 🟦🟦🟦

Avval xabar berganimizdek Samarqandda bo‘lib o‘tgan forumda ishtirok etgan Xalqaro narkotiklarni nazorat qilish qo‘mitasi Bosh kotibi Stefano Berterame, Farmatsevtika mahsulotlari xavfsizligi markazi direktori Alisher Temirov hamrohligida bugun Respublika ixtisoslashtirilgan onkologiya va tibbiy radiologiya ilmiy-amaliy tibbiyot markazida bo‘lib, uning faoliyati bilan yaqindan tanishdi.

U ushbu muassasada psixotrop va narkotik moddalarni saqlash, xavfsizlikni taʼminlash borasida yo‘lga qo‘yilgan ishlar bilan o‘zaro fikr almashdi.

Telegram | Facebook | Instagram | Youtube

🔴 🟦🟦🟦

Onkologiya markaziga tashrifdan so‘ng S. Berterame Sog‘liqni saqlash vazirligida vazirning birinchi o‘rinbosari Alisher Boboyev boshchiligidagi soha mutatxassislari bilan ham muloqot qildi.

Unda O‘zbekistonda kuchli taʼsir qiluvchi dori vositalardan notibbiy maqsadlarda foydalanilishining oldini olish maqsadida amalga oshirilayotgan ishlar bilan qiziqdi.

Shuningdek, Stefano Berterame vazirlikdagi "Raqamli sog‘liqni saqlash markazi"da bo‘lib, mamlakatimizda bu borada olib borilayotgan islohotlar bilan tanishdi.

Quvonarlisi, muloqot yakunida u mintaqada O‘zbekistonning tibbiyot yo‘nalishidagi tajribasini yuqori baholadi.

Telegram | Facebook | Instagram | Youtube

🟦🟦🟦🟦

Tibbiy jihozlar ishlab chiqaruvchilar uchun sifat menejmenti tizimiga muvofiqlik sertifikati O‘zbekiston Respublikasi Sog‘liqni saqlash vazirligi huzuridagi “Farmatsevtika mahsulotlari xavfsizligi markazi” DM tomonidan taqdim etiladi. Sertifikatlashtirish jarayoni Vazirlar Mahkamasining 502-sonli qarori (4-ilova) asosida amalga oshiriladi.

Mazkur O'zMSt ISO 13485:2025 milliy standarti xalqaro ISO 13485:2016 standartiga to‘liq identik (IDT) hisoblanadi.

✅ Ishlab chiqarishdagi asosiy afzalliklar:

⏺Jarayon va hujjatlarning tizimli boshqaruvi;
⏺Xatarlarni samarali boshqarish;
⏺Brak va mijoz shikoyatlarining kamayishi;
⏺Mahsulotning to‘liq kuzatuvchanligi;
⏺Xodimlar malakasi va ichki intizom oshishi.

✅ Eksport va xalqaro bozorlar uchun:

⏺Xalqaro bozorlarga chiqish imkoniyati;
⏺Xorijiy tender va xaridlarda ishtirok etish;
⏺IAF reestri orqali global tan olinishi;
⏺Hamkorlar ishonchining ortishi;
⏺Brend obro‘sining mustahkamlanishi.

✅ Bog‘lanish uchun:

⏺Tel: 71 203-01-01 (ichki: 2085, 2086, 2087)
⏺Elektorn pochta: farmkomitet@ssv.uz
⏺Telegram: @uzpharmcontrol
⏺Manzil: Toshkent shahri, Ozod ko‘chasi, K. Umarov tor ko‘chasi, 16-uy.

Telegram | Facebook | Instagram | Youtube

🔄🌍🌍🌍🌍🌍🌍🌍

💬 46-savol:

Sifat menejment tizimlari bo‘yicha O’zMSt ISO 13485:2025 (ISO 13485:2016 IDT) milliy standartiga muvofiqlik sertifikatini berish qaysi hollarda rad etilishi mumkin?

Savolga "Farmatsevtika mahsulotlari xavfsizligi markazi" davlat muassasasi Sifat menejment tizimlarini sertifikatlashtirish organi rahbari o'rinbosari Kamoliddin Izzatillayev javob berdi.

💳 Javob:

Vazirlar Mahkamasining 2024-yil 14-avgustdagi 502-sonli qarori bilan tasdiqlangan "Menejment tizimlarini sertifikatlashtirish tartibi toʻgʻrisida"gi nizomga binoan, muvofiqlik sertifikatini berishni rad etish uchun quyidagilar asos bo‘ladi:

📼 menejment tizimlari hujjatlarining tahlili yoki menejment tizimlari auditi doirasida aniqlangan nomuvofiqliklarning tegishli hisobotlarda belgilangan muddatlarda bartaraf etilmaganligi;

📼 sertifikatlashtirish bo‘yicha bajarilgan ishlar uchun belgilangan qiymatda to‘lanmaganligi;
menejment tizimlarining ushbu Nizom bilan belgilangan boshqa talablarga nomuvofiqligі.

Bunda nizomning 42 bandiga muvofiq Menejment tizimlarini sertifikatlashtirish organi tomonidan 1 ish kunida muvofiqlik sertifikati berishni rad etish to‘g’risida qarori qabul qilinadi hamda axborot tizimi orqali foydalanuvchining shaxsiy kabinetiga xabar yuboriladi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Samarqand shahrida “Jamoat salomatligi va xavfsizligini ta’minlash maqsadida transmilliy narkotahdidlarga qarshi kurashish” mavzusida xalqaro forum bo‘lib o‘tdi

😎 Joriy yilning 28–30-aprel kunlari sfarmakonazorat (GVP) yo‘nalishida xalqaro o‘quv seminari o‘tkaziladi

😎 Samarqand shahrida o‘tkazilayotgan xalqaro forumda ishtirok etayotgan Stefano Berterame tadbir haqidagi fikrlari bilan o‘rtoqlashdi

😎 Markaz direktori Alisher Temirov INCB bosh kotibi bilan uchrashdi

😎 Markazning hududiy filiallari laboratoriya bazasi kengaymoqda

😎 Belarus korxonalari bilan dori vositalarini ro'yxatdan o'tkazish masalalari yuzasidan onlayn muloqot o‘tkazildi

😎 Markaz direktori Alisher Temirov muassasaning Samarqand filialiga o'rnatilgan yangi uskunalar texnik imkoniyatlari bilan tanishdi

😎 Xorazmda tibbiyot muassasalarida metrologik nazorat bo‘yicha tushuntirish ishlari olib borildi

😎 Stefano Berterame, Farmatsevtika mahsulotlari xavfsizligi markazi direktori Alisher Temirov hamrohligida bugun Respublika onkologiya markazida bo‘lib, uning faoliyati bilan yaqindan tanishdi

😎 Sifat menejment tizimlari bo‘yicha O’zMSt ISO 13485:2025 (ISO 13485:2016 IDT) milliy standartiga muvofiqlik sertifikatini berish qaysi hollarda rad etilishi mumkinligi haqida ma'lum qilindi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🔴 🟦🟦🟦

Farmatsevtika sohasi vakillari diqqatiga!

Joriy yilning 28–30-aprel kunlari sohadagi milliy qonunchilik talablari hamda farmakologik nazorat tizimini takomillashtirish vazifalaridan kelib chiqqan holda, farmakonazorat (GVP) yo‘nalishida “Xavfsizlik haqidagi birinchi ma’lumotdan regulator inspeksiyasigacha” mavzusida xalqaro o‘quv seminari o‘tkaziladi.

Mazkur o‘quv tadbiri farmakonazorat tizimini yanada takomillashtirish, ilg‘or xalqaro tajribani o‘rganish hamda sohada faoliyat yuritayotgan mutaxassislarning bilim va ko‘nikmalarini oshirishga qaratilgan bo‘lib, u onlayn va oflayn formatlarda tashkil etiladi.

O‘quv-treninglar davomida sohaga oid dolzarb masalalar yuzasidan nufuzli xalqaro va mahalliy ekspertlar ishtirokida ma’ruzalar va muhokamalar tashkil etiladi. Jumladan, Rossiya Federatsiyasidan mutaxassislar Aleksandr Matveev va Anatoliy Krasheninnikov hamda Farmatsevtika mahsulotlari xavfsizligi markazi Farmakologik nazorat bo‘limi boshlig‘i Saboxat Hayitova o‘z tajriba va bilimlari bilan o‘rtoqlashadi.

Seminarda ishtirok etish istagida bo‘lganlar quyidagi telefon raqamlari orqali ro‘yxatdan o‘tishlari mumkin:

(99) 207-55-50, (97) 005-00-40, (97) 927-24-23

Manzil: "Farmatsevtika mahsulotlari xavfsizligi markazi" davlat muassasasi binosi (location)

Telegram | Facebook | Instagram | Youtube

🟦🟦🟦

Mahalliy ishlab chiqaruvchilar uchun yangi imkoniyat: O'zMST ISO 13485 sertifikatlash narxi endi 5 soniyada bilib olishingiz mumkin

O‘zbekiston Respublikasi Sog‘liqni saqlash vazirligi huzuridagi «Farmatsevtika mahsulotlari xavfsizligi markazi» davlat muassasasi tomonidan mahalliy tibbiy jihozlar ishlab chiqaruvchilari uchun innovatsion raqamli yechim — OʻzMSt ISO 13485:2025 sertifikatlash narxini hisoblash onlayn-kalkulyatori ishga tushirildi.

Mazkur xizmat sifat menejmenti tizimini joriy etish va sertifikatlash jarayonini soddalashtirish, shuningdek, ishlab chiqaruvchilarga vaqt va resurslarni tejash imkonini beradi.

✅ Kalkulyator imkoniyatlari:

⏺ OʻzMSt ISO 13485:2025 metodikasi asosida sertifikatlash narxini avtomatik hisoblaydi;
⏺ Audit bosqichlari (1- va 2-bosqich) uchun zarur kunlar sonini aniqlaydi;
⏺ Natijalarni bazaviy hisoblash miqdori (BHM) hamda milliy valyutada aks ettiradi. (2026-yil uchun BHM — 412 000 soʻm);
⏺O‘zbek va rus tillarida ishlaydi;

✅ Foydalanish maksimal darajada qulay:

⏺foydalanuvchi korxonadagi xodimlar sonini kiritishi bilan tizim hisob-kitobni bir necha soniya ichida taqdim etadi.
⏺ Shu bilan birga, mutaxassislar hisob-kitoblar dastlabki (taxminiy) ekanini ta’kidlaydi. Yakuniy narx QQS va xizmat safari xarajatlarini hisobga olgan holda, ariza topshirilgach tuziladigan shartnomada belgilanadi.
⏺Onlayn-kalkulyator mahalliy ishlab chiqaruvchilarni qo‘llab-quvvatlash, shaffoflikni oshirish hamda sertifikatlash jarayonlarini raqamlashtirish yo‘lidagi muhim qadamlardan biri sifatida baholanmoqda.

KALKULYATORDAN FOYDALANISH HAVOLASI

✅ Bog‘lanish uchun:

⏺Tel: 71 203-01-01 (ichki: 2085, 2086, 2087)
⏺Elektorn pochta: farmkomitet@ssv.uz
⏺Telegram: @uzpharmcontrol
⏺Manzil: Toshkent shahri, Ozod ko‘chasi, K. Umarov tor ko‘chasi, 16-uy.

Telegram | Facebook | Instagram | Youtube

🔴 🟦🟦🟦

Markazning "Facebook" tarmog‘idagi rasmiy sahifasiga obuna bo‘ling!

Hurmatli kanalimiz kuzatuvchilari.

Eslatib o‘tamiz, "Farmasevtika mahsulotlari xavfsizligi markazi" davlat muassasasi faoliyati bilan bog‘liq yangiliklardan "Facebook" ijtimoiy tarmog‘idagi resursimiz orqali ham xabardor bo‘lishingiz mumkin.

Buning uchun quyidagi havola ustiga bosib sahifamizga obuna bo‘lishni unutmang:

🌐 www.facebook.com/uzpharmcontrol

🔴 🟦🟦

Farmakonazorat yo‘nalishida xalqaro o‘quv seminari o‘tkazilmoqda

Ayni daqiqalarda sohadagi milliy qonunchilik talablari hamda farmakologik nazorat tizimini yanada takomillashtirish vazifalaridan kelib chiqib, farmakonazorat (GVP) yo‘nalishida “Xavfsizlik haqidagi birinchi ma’lumotdan regulator inspeksiyasigacha” mavzusida xalqaro o‘quv seminari o‘tkazilmoqda.

Mazkur seminar farmakonazorat tizimining zamonaviy talablarini amaliyotga joriy etish, dori vositalari xavfsizligi monitoringini kuchaytirish hamda xalqaro tajribalarni o‘rganishga qaratilgan. Tadbir doirasida ishtirokchilar tomonidan dori vositalari bilan bog‘liq nojo‘ya reaksiyalarni aniqlash, baholash va boshqarish jarayonlari, shuningdek, regulator inspeksiyalariga tayyorgarlik masalalari keng muhokama qilinmoqda.

Telegram | Facebook | Instagram | Youtube

🔴 🟦🟦🟦

Xorazmda tibbiy uskunalarning aniqligi va xavfsizligi nazoratdan o‘tkazildi

Farmatsevtika mahsulotlari xavfsizligi markazi Metrologiya xizmati mutaxassislari tomonidan Xorazm viloyatidagi tibbiyot muassasalarida navbatdagi metrologik nazorat tadbirlari o‘tkazildi. Ushbu tadbirlar aholiga ko‘rsatilayotgan tibbiy xizmatlar sifati va xavfsizligini ta’minlashga qaratilgan.

Xususan, Qo‘shko‘pir tuman tibbiyot birlashmasi hamda unga qarashli 10 ta oilaviy poliklinikada jami 320 ta o‘lchash vositasi va 19 ta sinov vositasi ko‘rikdan o‘tkazildi. Shuningdek, Tuproqqal’a tumanida ham nazorat ishlari davom ettirilib, 31 ta o‘lchash vositasi va 15 ta sinov vositasi metrologik tekshiruvdan o‘tkazildi.

Amaliy ishlar bilan bir qatorda, mutaxassislar uchun O‘zbekiston Respublikasi Sog‘liqni saqlash vazirligining 313-sonli buyrug‘i ijrosini ta’minlash yuzasidan tushuntirish ishlari olib borildi. Tadbir davomida metrologik nazorat talablariga qat’iy rioya qilish, uskunalarni o‘z vaqtida qiyoslashdan o‘tkazish hamda tekshiruv muddati o‘tgan qurilmalardan foydalanmaslik bo‘yicha zarur tavsiyalar berildi.

Ta’kidlash joizki, tibbiy uskunalarning aniqligi tashxis qo‘yish va davolash jarayonida xatoliklarning oldini olishda muhim ahamiyat kasb etadi.

Telegram | Facebook | Instagram | Youtube

😎 🟦🟦🟦🟦🟦

Poytaxtimizda O‘zbekiston sog‘liqni saqlash tizimining professional tadbirlaridan bo‘lgan Toshkent xalqaro “Tibbiyot ko‘rgazmasi — TIHE 2026” o‘z ishini boshladi.

Uning ochilish marosimida Sog‘liqni saqlash vaziri o‘rinbosari E. Basitxanova va Farmatsevtika mahsulotlari xavfsizligi markazi direktori A.Temirov ishtirok etdi.

Ushbu nufuzli ko‘rgazma ilk bor tashkil etilganidan beri 30 yil o‘tdi. Shu davrda o‘tkazilgan ko‘rgazmalarda 55 mamlakatdan 4 000 dan ortiq kompaniya va brendlar qatnashdi. Ularga 183 ming nafardan ziyod nufuzli xorijiy mutaxassislar tashrif buyurdi.

Bugunga kelib ushbu anjuman sohadagi muloqotni rivojlantiradigan, innovatsiyalarni joriy etadigan va O‘zbekiston sog‘liqni saqlash tizimining rivojlanishini aks ettiruvchi xalqaro professional platformaga aylanib ulgurdi. Bu yil unda 20 ta davlatdan 300 dan ortiq kompaniya va brendlar ishtirok etayotgani shundan dalolat berib turibdi.

Shular qatorida 85 ta debyutant kompaniya qatnashayotgani ham eʼtiborga molik. Bu mahalliy ishlab chiqaruvchilarning o‘z mahsulotlarini eksport qilish imkonini yana-da oshiradi.

Ekspozitsiya bilan bir qatorda, ko‘rgazma doirasida keng qamrovli biznes-dastur, ilmiy-amaliy seminarlar, tematik sessiyalar, taqdimotlar, yetakchi xalqaro va mahalliy mutaxassislar ishtirokidagi professional munozaralar bo‘lib o‘tadi.

Umuman, ko‘rgazma ishtirokchilarga professional aloqalar o‘rnatish, ilg‘or texnologik yechimlar bilan tanishish imkonini berish orqali sohani yana-da taraqqiy ettirishga xizmat qilishi kutilmoqda.

Telegram | Facebook | Instagram | Youtube