🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 “Tashkent Pharma Park” klasterida Global Harmonization Working Party doirasida Texnik qo‘mitalar rahbarlari yig‘ilishi bo‘lib o‘tmoqda

😎 Farmatsevtika mahsulotlari xavfsizligi markazining Urganch filiali faoliyati o‘rganildi

😎 Qoraqalpog‘istonda Giyohvandlik vositalari va psixotrop moddalar ustidan nazorat qilish bo‘yicha hududiy komissiya yig‘ilishi bo‘lib o‘tdi

😎 Mahalliy dori vostialari ishlab chiqaruvchilar bilan onlayn muloqot bo‘lib o‘tdi

😎 “O‘zbekiston farmatsevtik xabarnomasi” ilmiy-amaliy farmatsevtika jurnalining 2026-yil birinchi chorak soni nashrdan chiqdi

😎 Xorazmda dorixonalarning DMED tizimiga integratsiya holati o‘rganildi

😎 Sog‘liqni saqlash vazirining birinchi o‘rinbosari Otabek Imamov Malayziya Tibbiy buyumlar boshqarmasi (MDA) rahbarini qabul qildi

😎 Markazda Xitoy Xalq Respublikasi delegatsiyasi bilan uchrashuv bo'lib o'tdi

😎 Farmatsevtika mahsulotlari xavfsizligi markazida Ilmiy kengashning birinchi (ta’sis) yig‘ilishi bo‘lib o‘tdi

😎 Markaz mutaxassislari tomonidan biosimilyar preparatlarni tahlil qilish jarayonlari o‘rganildi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦

Markaz mutaxassisi PhD ilmiy darajasini muvaffaqiyatli himoya qildi

“Farmatsevtika mahsulotlari xavfsizligi markazi” davlat muassasasining Tibbiy jihozlar sifatini nazorat qilish laboratoriyasi mutaxassisi Allanov Muso Berdiyor o‘g‘li falsafa doktori — PhD ilmiy darajasini muvaffaqiyatli himoya qildi.

Uning tadqiqotining ilmiy-amaliy ahamiyati shundaki, unda murakkab texnologik jarayonlarni raqamli tahlil qilish, noaniqlik sharoitida barqaror boshqarish qarorlarini shakllantirish, mikroiqlim parametrlarini bashoratlash va avtomatlashtirilgan boshqarish samaradorligini oshirishga qaratilgan yondashuvlar ishlab chiqilgan.

👉 Batafsil

Telegram | Facebook | Instagram | Youtube

🟦🟦🟦🟦

Dunyo tajribasida elektron retsept tizimining dastlabki amaliyotlari 1980-yillarda Skandinaviya davlatlarida joriy etilgan.

1983 yilda Shvetsiyada elektron retsept sinov tariqasida qo‘llangani qayd etiladi. Keyinchalik Daniya, Niderlandiya va boshqa Yevropa mamlakatlari ushbu tizimni milliy darajada rivojlantirib, tibbiy axborot almashinuvini raqamlashtirishga erishgan.

Xususan, Daniyada 1990-yillardan boshlab MedCom platformasi orqali retseptlarni uzatish yo‘lga qo‘yilib, dori tayinlash xavfsizligini oshirish va xatolarni kamaytirishga xizmat qilgan.

Bugungi kunda O‘zbekistonda ham sog‘liqni saqlash tizimini raqamlashtirish doirasida elektron retsept mexanizmi bosqichma-bosqich joriy etish amalga oshirilmoqda. Ushbu tizim tibbiyot muassasalari va dorixonalar o‘rtasida ma’lumot almashinuvini avtomatlashtirish, dori vositalari tayinlanishini nazorat qilish hamda aholiga ko‘rsatilayotgan tibbiy xizmatlar samaradorligini oshirishga qaratilgan.

Telegram | Facebook | Instagram | Youtube

🟦🟦🟦

Narkotiklarni nazorat qilish qo‘mitasi Xorazm viloyatida monitoring tadbirlarini amalga oshirdi

Xorazm viloyatida joylashgan bir qator tibbiyot muassasalarida giyohvandlik vositalari, psixotrop moddalar va prekursorlar muomalasi bilan bog‘liq faoliyat holati o‘rganildi. Monitoring tadbirlari davomida mazkur vositalarning yillik ehtiyoji, hujjatlar yuritilishi hamda saqlash sharoitlari tahlil qilinib, mas’ul xodimlar ishtirokida amaliy seminar tashkil qilindi.

👉 Batafsil

Telegram | Facebook | Instagram | Youtube

⭕️⭕️⭕️

Toshkent shahrida kuchli taʼsir qiluvchi dori vositalari savdosi bilan shug‘ullanib kelgan shaxslar ushlandi

O‘tkazilgan tergovga qadar tekshiruvda shubha ostiga olingan fuqarolar S.Q. (muqaddam sudlangan) va X.A. to‘xtatilib ko‘zdan kechirilganda S.Q.dan 396 dona X.A.dan 199 dona kuchli taʼsir qiluvchi dori vositalari ashyoviy dalil sifatida olindi.

Shuningdek, kuchli taʼsir qiluvchi dori vositalari savdosi bilan shug‘ullanib kelgan A.N. (muqaddam sudlangan) va T.P. o‘zaro til biriktirib, fuqaro D.X. ga 20 dona “regapen” nomli kuchli taʼsir qiluvchi dori vositasini sotgan vaqtida ushlanib, ulardan jami 34 dona kuchli taʼsir qiluvchi dori vositasi ashyoviy dalil sifatida olidi.

Mazkur holatlar yuzasidan Jinoyat kodeksining 251-1-moddasi (giyohvandlik vositalari, ularning analoglari yoki psixotrop moddalar hisoblanmaydigan kuchli taʼsir qiluvchi moddalarni targ‘ib qiluvchi mahsulotni tayyorlash, tarqatish, reklama qilish, namoyish etish yoki bunday moddalarni yoxud zaharli moddalarni qonunga xilof ravishda muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.

Telegram | Facebook | Instagram | Youtube

🟦🟦🟦

Davlat ro‘yxatidan o‘tkazish jarayonida tibbiy jihozlarning ishlab chiqarish sharoitlarini inspeksiyadan o‘tkazish tartibi belgilandi

Adliya vazirligi Davlat ro‘yxatidan o‘tkazish jarayonida tibbiy jihozlarning ishlab chiqarish sharoitlarini inspeksiyadan o‘tkazish tartibi to‘g‘risidagi idoraviy hujjatni davlat ro‘yxatidan o‘tkazdi (ro‘yxat raqami 3838, 25.05.2026 y.).

👉 Batafsil

Telegram | Facebook | Instagram | Youtube

🟦🟦🟦

O‘zbekiston xalqiga Qurbon hayiti tabrigi
—
Поздравление народу Узбекистана с праздником Курбан хайит

Telegram | Facebook | Instagram | Youtube

🟦🟦🟦

Qog‘oz retseptlarni yo‘qotish, o‘qib bo‘lmas yozuvlar yoki dori vositasini noto‘g‘ri qabul qilish holatlari endi o‘tmishda qolmoqda.

Elektron retsept — bu zamonaviy, qulay va xavfsiz yechim. Endi shifokor tomonidan yozilgan retsept to‘g‘ridan-to‘g‘ri elektron tizimga kiritiladi va bemor uni telefon orqali oson oladi.

Bu esa o'z navbatida:

✅ Shifoxonada navbatlarni kamaytiradi;
✅ Davolanishda xato ehtimolini pasaytiradi;
✅ Dori vositalari nazoratini kuchaytiradi;
✅ vaqtni tejaydi va o‘zboshimchalik bilan davolanishning oldini oladi.

Zamonaviy tibbiyot — raqamli yechimlar bilan!

Telegram | Facebook | Instagram | Youtube

⭕️⭕️⭕️

Farg‘ona va Namanganda katta miqdordagi noqonuniy dori vositalari aniqlandi
 
Aholi salomatligini muhofaza qilish va sifati kafolatlanmagan dori vositalarini muomalaga kiritilishining oldini olish maqsadida tegishli organlar hamkorligida tezkor tadbir o‘tkazildi.

Xususan, Farg‘ona shahrida istiqomat qiluvchi, 1987 y.t. fuqaro “Gazel” rusumli yuk avtomashinasida olib kelingan umumiy qiymati 778 mln so‘mlik, jami 38 turdagi 45960 dona dori vositalarini o‘zining yashash xonadoniga tushirayotgan vaqtida to‘xtatilib, holat prosessual tartibda rasmiylashtirildi.

Shuningdek, uning xonadoni ko‘zdan kechirilganda 468 mln so‘mlik 25 turdagi 16535 dona dori vositalari me’yoriy talablarga zid ravishda saqlanayotganligi ma’lum bo‘ldi.

Bu kabi noqonuniy holat Davlat xavfsizlik xizmatining Namangan viloyati bo‘yicha boshqarmasi xodimlari tomonidan IJQKD va Bojxona organlari hamda “Farmasevtika mahsulotlari xavfsizligi markazi” DM bilan hamkorlikda o‘tkazilgan tezkor tadbirda ham fosh etildi.

Xususan, Namangan shahrida istiqomat qiluvchi, 1995 y.t. va 1993 y.t.   2 nafar fuqaro o‘zlarining yashash xonadonlarida hamda Davlatobod tumanida joylashgan noturar binoda xorijiy davlatlarda ishlab chiqarilgan va mamlakatimizga noqonuniy yo‘llar bilan olib kelingan katta miqdordagi dori vositalarini kelgusida sotuvga chiqarish maqsadida saqlab kelayotganliklari aniqlandi.

Ko‘zdan kechirish jarayonlarida ushbu 3 ta manzildan taxminiy qiymati 1 mlrd so‘mdan ortiq jami 453 turdagi 32528 quti dori vositalari tegishli tartibda rasmiylashtirib olindi.

 
Hozirda har ikki holat bo‘yicha dori vositalariga nisbatan ekspertiza tekshiruvlari tayinlanib, surishtiruv ishlari olib borilmoqda.
 
Hurmatli fuqarolar, kundalik hayotda shu kabi qonunbuzilish holatlariga duch kelsangiz DXXning 1520 qisqa raqamiga qo‘ng‘iroq qilib, xabar bering. Shaxsingizning sir saqlanishi kafolatlanadi.

Telegram | Facebook | Instagram | Youtube

🟦🟦🟦🟦🟦

“O‘zbekiston farmatsevtik xabarnomasi” — farmatsevtika sohasidagi ishonchli ilmiy axborot manbai

“O‘zbekiston farmatsevtik xabarnomasi” ilmiy-amaliy farmatsevtika jurnalining 2026-yil 1-soni nashrdan chiqqanligi haqida xabar bergan edik. Ushbu sonda farmatsevtika va tibbiy jihozlar sohasidagi eng dolzarb yangiliklar, normativ-huquqiy hujjatlar hamda ilmiy tadqiqotlar o‘rin olgan.

👍 Tibbiy jihozlarning klinik tadqiqotlarini o‘tkazish tartibi;
👍 Tibbiy jihozlarni xavf darajasi bo‘yicha klassifikatsiyalash va nomenklatura tasnifi;
👍 Davlat farmakopeyasiga maqolalar kiritish va yetakchi farmakopeyalar sinov usullaridan foydalanish tartibi;
👍 AQSH farmakopeyasi va milliy formularyasining 2026-yilgi o‘zgarishlari;
👍 Farmatsevtik texnologiya, farmakognoziya, farmakologiya va farmatsevtik kimyo yo‘nalishlaridagi ilmiy maqolalar;
👍 O‘zbekiston farmatsevtika bozorida ro‘yxatdan o‘tgan gepatoprotektorlar, gemostatik, diuretik, yo‘talga qarshi va antigistamin vositalar bo‘yicha marketing tahlillari.

Jurnal sohaga oid mutaxassislar, ilmiy tadqiqotchilar, oliy ta’lim muassasalari professor-o‘qituvchilari hamda farmatsevtika tarmog‘i vakillari uchun foydali ilmiy-amaliy manba hisoblanadi.

Telegram | Facebook | Instagram | Youtube