Giyohvandlik vositalari ustidan davlat nazorati choralari kuchaytiriladi

Hukumat qarori (359-son, 02.07.2026-y.) bilan “Giyohvandlik vositalari va psixotrop moddalarni olib kirish, olib chiqish uchun sertifikat berish tartibi to‘g‘risida”gi nizom tasdiqlandi.

Nizom giyohvandlik vositalari va psixotrop ustidan davlat nazorati choralarini kuchaytirish maqsadida ularni O‘zbekistonga olib kirish va O‘zbekistondan olib chiqishda ruxsat etish xususiyatiga ega hujjatni (sertifikat) berish tartibini belgilaydi. Nizomga ko‘ra, sertifikatdan faqat 1 marta foydalaniladi va uning amal qilish muddati 1 yilni tashkil qiladi.

Giyohvandlik vositalarini olib kirish, olib chiqishga ruxsat berish uchun sertifikat olish talablari va shartlariga quyidagilar kiradi:
— ariza beruvchida giyohvandlik vositalari muomalasi bilan bog‘liq faoliyatni amalga oshirish huquqini beruvchi litsenziyaning mavjudligi;

— giyohvandlik vositalarini olib kirish va olib chiqishda qonunchilikka majburiy rioya qilinishi;

— sertifikatni olish uchun taqdim etiladigan ma’lumotlarning ishonchliligini ta’minlash va boshqalar.

Arizani ko‘rib chiqish va sertifikatni rasmiylashtirish uchun BHMning 8 baravari miqdorida yig‘im undiriladi.

😎 Farmatsevtika mahsulotlari xavfsizligi markazi arizani qabul qilingan kundan boshlab 30 ish kunidan ortiq bo‘lmagan muddatda ko‘rib chiqib, sertifikat beradi yoki sertifikat berishni rad etadi.

Sertifikatlar reyestri “Litsenziya” axborot tizimida elektron shaklda har bir sertifikat bo‘yicha alohida yuritiladi va undagi ma’lumot barcha uchun ochiq hisoblanadi.

Telegram | Facebook | Instagram | Youtube

🟦🟦🟦

☀️ Jazirama nafaqat inson salomatligiga, balki dori vositalarining sifatiga ham ta'sir qiladi.

Dori vositalarini noto‘g‘ri sharoitda saqlash ularning samaradorligini pasaytirishi, ayrim hollarda esa foydalanish uchun yaroqsiz holga keltirishi mumkin.

Issiq kunlarda dori vositalarini qanday saqlash kerak? Qaysilarini sovutgichga qo‘yish mumkin? Nimalardan ehtiyot bo‘lish lozim?

Infografikada dori vositalarini jaziramada to‘g‘ri saqlashning 7 muhim qoidasi bilan tanishing va yaqinlaringiz bilan ham ulashing.

Telegram | Facebook | Instagram | Youtube

🟦🟦🟦

Farmatsevtika mahsulotlari xavfsizligi markazi davlat ro‘yxatidan o‘tmagan Botulinotoksin saqlovchi mahsulotlar yuzasidan ogohlantiradi

“Farmatsevtika mahsulotlari xavfsizligi markazi” davlat muassasasi botulinotoksin saqlovchi davlat ro‘yxatidan o‘tmagan “Refinex Botulinum Toxin Type A for Therapy” hamda “Dysport 500 Clostridium botulinum type A toxin-haemagglutinin complex” mahsulotlari qo‘llanilishi bilan bog‘liq holatlar yuzasidan fuqarolarni yana bir bor ogohlantiradi.

Mavjud ma’lumotlarga ko‘ra, bugungi kunga qadar ushbu mahsulotlar kosmetologik maqsadlarda qo‘llanilganidan so‘ng og‘ir nojo‘ya reaksiyalar kuzatilgan fuqarolar soni 50 nafarga yaqinlashgan. Ayrim bemorlarda botulizmga xos klinik belgilar aniqlanib, ularga statsionar sharoitda zarur tibbiy yordam ko‘rsatilmoqda.

👉 Batafsil

Telegram | Facebook | Instagram | Youtube

🟦🟦🟦

Dori vositalari narxini sun'iy oshirish holatlariga qarshi nazorat kuchaytirilmoqda

Yurtimizda Raqobat qo‘mitasi va Farmatsevtika mahsulotlari xavfsizligi markazi tomonidan farmatsevtika bozorida dori vositalarining belgilangan narxlarda sotilishini ta'minlash, iste'molchilar huquqlarini himoya qilish hamda amaldagi qonunchilik talablariga rioya etilishi ustidan tizimli nazorat ishlari davom ettirilmoqda.

Qo’mita ma'lumotiga ko‘ra, 2026-yilning ikkinchi choragi davomida kelib tushgan ma'lumotlar asosida 237 ta dorixonada 148 810 ta holatda dori vositalariga belgilangan ustamalar asossiz ravishda oshirilgani aniqlandi.

👉 Batafsil

Telegram | Facebook | Instagram | Youtube

🟦🟦

Hurmatli farmatsevtika sohasida faoliyat yurituvchi tadbirkorlar!

2026-yil 20-avgust – Tadbirkorlar kuni arafasida oʻtkaziladigan Oʻzbekiston Respublikasi Prezidentining tadbirkorlar bilan VI ochiq muloqotiga tayyorgarlik koʻrish doirasida Bojxona qo‘mitasi hamda Farmatsevtika mahsulotlari xavfsizligi markazi mas'ullari ishtirokida farmatsevtika mahsulotlari bilan shug‘ullanuvchi tadbirkorlar uchun uchrashuv tashkil etiladi.

Muloqot davomida yurtimizda farmatsevtika mahsulotlarining qonuniy muomalasini ta'minlash, bojxona rasmiylashtiruvi bilan bog‘liq amaliy masalalar, tadbirkorlik faoliyati davomida yuzaga kelayotgan muammolar hamda ularni bartaraf etish bo‘yicha taklif va tashabbuslar muhokama qilinadi. Shuningdek, tadbirkorlarni qiziqtirayotgan savollarga mutasaddi idoralar vakillari tomonidan tegishli tushuntirish va izohlar beriladi.

📊 Sana: 2026-yil 15-iyul
📊 Vaqt: soat 11:00
📊 Manzil: “Toshkent-AERO” IBK binosi.
📊 Murojaat uchun telefon: (97) 771-30-50
📊 Lokatsiya: https://yandex.uz/maps/-/CTFbYOZ4

Telegram | Facebook | Instagram | Youtube

⭕️⭕️⭕️⭕️

Oq xalat har doim ham shifokorni anglatmaydi: Ijtimoiy tarmoqlardagi dori vositalari reklamalari ortida qanday xavflar yashiringan?

Bugungi kunda ijtimoiy tarmoqlar dori vositalari reklamalari uchun eng faol maydonlardan biriga aylandi. Har kuni minglab foydalanuvchilar oq xalat kiygan, o‘zini shifokor yoki mutaxassis sifatida tanishtirayotgan shaxslar ishtirokidagi videolarga duch kelmoqda. Bunday chiqishlar ko‘pincha "100 foiz natija", "bir haftada sog‘ayish", "hech qanday nojo‘ya ta'sirsiz davolash" kabi va'dalar bilan birga taqdim etiladi.

Ammo bu reklamalarning qanchasi qonuniy? Ularning qanchasiga ishonish mumkin?

Mazkur masala yuzasidan Farmatsevtika mahsulotlari xavfsizligi markazi Farmakologik nazorat bo‘limi boshlig‘i Sabohat Hayitova bilan suhbatlashdik.

👉 Batafsil

Telegram | Facebook | Instagram | Youtube

🟦🟦🟦

Dori vositalarini davlat ro‘yxatidan o‘tkazish masalalari muhokama qilindi

Joriy yilning 14-iyul kuni Zoom platformasi orqali dori vositalarini ishlab chiqaruvchi mahalliy korxonalar vakillari ishtirokida navbatdagi onlayn muloqot bo‘lib o‘tdi. Unda Farmatsevtika mahsulotlari xavfsizligi markazi hamda Tibbiyot va farmatsevtika tarmog‘ini rivojlantirish agentligining mas’ul mutaxassislari ishtirok etdi.

Muloqot davomida “PHARMACON LLC” MCHJ tomonidan davlat ro‘yxatidan o‘tkazish hamda ro‘yxatdan o‘tkazilganlik guvohnomalarining amal qilish muddatini uzaytirish uchun taqdim etilgan 13 nomdagi dori vositalari, shuningdek, “SULTON MEDPHARM” MCHJ tomonidan ishlab chiqarilgan 5 nomdagi dori vositasini davlat ro‘yxatidan o‘tkazish bilan bog‘liq masalalar ko‘rib chiqildi.

Uchrashuvda mazkur dori vositalari bo‘yicha ekspertiza jarayonlari muhokama qilinib, aniqlangan kamchiliklarni bartaraf etish, hujjatlarni amaldagi talablar asosida takomillashtirish hamda davlat ro‘yxatidan o‘tkazish jarayonlarini samarali tashkil etish yuzasidan tegishli tavsiyalar berildi.

Telegram | Facebook | Instagram | Youtube

🖥🖥🖥

O‘zbekistonda mahalliy va chetdan import qilinadigan barcha dori vositalarining xavfsizligi hamda sifatiga bir xil talablar qo‘yiladi

Farmatsevtika mahsulotlari xavfsizligi markazi laboratoriyasi mudiri Xurshid Tursunovning ma’lum qilishicha, dori vositalarining narxi yoki ishlab chiqarilgan mamlakatidan qat’i nazar, ularning barchasi xalqaro ISO/IEC 17025 standarti asosida akkreditatsiyadan o‘tgan laboratoriyalarda qat’iy tekshiruvdan o‘tkaziladi.

Bu esa "arzon dori — sifatsiz dori" degan keng tarqalgan noto‘g‘ri tushunchalarni inkor etadi.

👉 To'liq ko'rsatuv

Telegram | Facebook | Instagram | Youtube

🟦🟦🟦

Farmatsevtika mahsulotlarini import qiluvchi tadbirkorlar bilan ochiq muloqot o'tkazildi

20-avgust – Tadbirkorlar kuni arafasida O‘zbekiston Respublikasi Prezidentining tadbirkorlar bilan VI ochiq muloqotiga tayyorgarlik ko‘rish doirasida "Uzbekistan Airports Cargo" binosida farmatsevtika mahsulotlarini import qiluvchi tadbirkorlar ishtirokida ochiq muloqot o‘tkazildi.

Tadbirda Farmatsevtika mahsulotlari xavfsizligi markazi, "Toshkent-AERO" ixtisoslashtirilgan bojxona kompleksi rahbariyati hamda soha mutasaddilari ishtirok etib, farmatsevtika mahsulotlarining qonuniy muomalasini ta'minlash, bojxona rasmiylashtiruvi jarayonlarini takomillashtirish va tadbirkorlik subyektlarini qiynayotgan dolzarb masalalar yuzasidan fikr almashdi.

Telegram | Facebook | Instagram | Youtube

🟦🟦

Tibbiy buyumlarni xavfsizlik darajalariga ko‘ra tasniflash bo‘yicha o‘quv kursi tashkil etiladi

🇺🇿 O‘zbekiston Respublikasi Prezidentining 2025-yil 19-avgustdagi PF–137-son Farmoni ijrosini ta'minlash maqsadida Farmatsevtika mahsulotlari xavfsizligi markazida tibbiy jihozlarning inson hayoti va sog‘lig‘i bilan bog‘liq ehtimoliy xavflarini hisobga olgan holda ularni 4 ta xavfsizlik darajasi bo‘yicha tasniflash mavzusida ishlab chiqaruvchilar hamda nazorat organlari vakillari uchun qisqa muddatli o‘quv kursi tashkil etiladi.

O‘quv kursi davomida tibbiy buyumlarni xavfsizlik darajalariga ko‘ra tasniflashning me'yoriy-huquqiy asoslari, amaliyotda qo‘llash tartibi hamda ushbu yo‘nalishdagi dolzarb masalalar yuzasidan mutaxassislar tomonidan batafsil ma'lumot va tushuntirishlar beriladi.

📊 Sana: 2026-yil 20-iyul, soat 10:00
📊 Manzil: Farmatsevtika mahsulotlari xavfsizligi markazi majlislar zali (location)
📊 Telefon: (71) 203-01-01 (2220, 2233)

Mazkur o‘quv kursida tibbiy buyumlar ishlab chiqaruvchilari, import qiluvchilar, vakolatli tashkilotlar hamda nazorat organlari mutaxassislarini faol ishtirok etishga taklif etamiz.

Telegram | Facebook | Instagram | Youtube

🟦🟦🟦

Hurmatli dorixona tashkilotlari rahbarlari!

Xabaringiz bor, mamlakatimizda O‘zbekiston Respublikasi Vazirlar Mahkamasining tegishli qarorlariga muvofiq, "Elektron retsept" tizimini amaliyotga bosqichma-bosqich joriy etish ishlari olib borilmoqda. Shu munosabat bilan, "Elektron retsept" moduliga hali ulanmagan dorixonalarga DMED yagona tibbiyot axborot tizimining eHealth platformasi orqali ro‘yxatdan o‘tish va tizimga ulanish tavsiya etiladi.

Mazkur platformaga ulanish orqali dorixonalar elektron retseptlar bilan ishlash imkoniyatiga ega bo‘ladi hamda tizim joriy etilishi jarayoniga o‘z vaqtida tayyorgarlik ko‘rishi mumkin.

📼 Platformaga ulanish uchun havola

📼 eHealth platformasidan foydalanish bo‘yicha qo‘llanmalar (o‘zbek va rus tillarida)

Farmatsevtika mahsulotlari xavfsizligi markazi dorixona tashkilotlarini mazkur imkoniyatdan foydalanib, eHealth platformasiga o‘z vaqtida ulanish choralarini ko‘rishga chaqiradi. Bu elektron retsept tizimini joriy etish jarayonini samarali tashkil etish va kelgusidagi ish faoliyatini uzluksiz davom ettirishga xizmat qiladi.

Telegram | Facebook | Instagram | Youtube

🟦🟦🟦🟦

O‘zbekistonda aholini sifatli va xavfsiz dori vositalari bilan ta’minlash, farmatsevtika mahsulotlarining sifat nazoratini kuchaytirish bugungi kunda eng muhim vazifalardan biriga aylangan.

Xo‘sh, dori vositalarining xavfsizligi amalda qanday ta’minlanadi va bu jarayonda laboratoriya tekshiruvlarining o‘rni qanday?

🎞 Mavzu tafsilotlari "Bu kun" informatsion dasturining maxsus lavhasida.

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Tibbiy buyum, tibbiy texnika va ularning butlovchi qismlarini O‘zbekistonda tan olish yo‘li orqali davlat ro‘yxatidan o‘tkazish qanday amalga oshiriladi? - Javob

👍 Farmakonazorat qanday vazifalarni bajaradi? - Javob

👍 Dorixonalarda raqamli markirovkalash tizimi qanday joriy etiladi? - Javob

👍 Hamma dori vositalarining qadog‘ida raqamli markirovkasi bo‘lishi kerakmi yoki markirovka qilinmaydiganlari ham mavjudmi? - Javob

Telegram | Facebook | Instagram | Youtube

⭕️⭕️⭕️

Toshkent viloyati va shahrida kuchli taʼsir qiluvchi dori vositalarini muomalaga kiritilishining oldi olindi

O‘tkazilgan tezkor tadbirda fuqaro R.Ya.ning boshqaruvidagi “HONGI” rusumli avtotransport vositasi to‘xtatilib ko‘zdan kechirilganda, avtotransport vositasi salonida fuqaro A.A. ga tegishli 112 dona “REGAPEN” nomli kuchli taʼsir qiluvchi dori vositasi borligi aniqlanib, ushbu dori vositasi ashyoviy dalil sifatida olingan.

Navbatdagi o‘tkazilgan tezkor tadbirda fuqaro N.S. fuqaro I.A. ga 133 quti kuchli taʼsir qiluvchi vositalarni 4 300 AQSH dollari va 9 mln so‘mga sotgan vaqtida ushlanib, ushbu mahsulotlar ashyoviy dalil sifatida olingan.

Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.

Telegram | Facebook | Instagram | Youtube

🟦🟦🟦

Prekursorlarning muomalasi bilan bog‘liq faoliyat tartibga solindi

Hukumat qarori (337-son, 26.06.2026 y.) bilan “O‘zbekiston Respublikasida prekursorlarning muomalasi bilan bog‘liq faoliyatni tartibga solish va uzluksiz nazoratni taʼminlash to‘g‘risida”gi yagona nizom tasdiqlandi.

Nizom prekursorlarni olish, jo‘natish, hisobga olish, berish, tashish, saqlash, sotish, taqsimlash, yo‘q qilish, O‘zbekistonga olib kirish hamda olib chiqish tartibini belgilaydi.

👉 Batafsil

Telegram | Facebook | Instagram | Youtube

🟦🟦🟦

Dorixonalardagi narx-navo kim tomonidan va qanday nazorat qilinadi?

“Oʻzbekiston 24” telekanali podkastida dorixonalarda dori vositalari narxlarining asossiz oshirilishiga qarshi ko‘rilayotgan choralar muhokama qilindi.

Ko‘rsatuvda Farmatsevtika mahsulotlari xavfsizligi markazi mutaxassisi Dilnoza Kamolova dorixonalarda qonunbuzarlik aniqlanganda ma’muriy javobgarlik choralari qo‘llanilishi, bunday holatlar takrorlangan taqdirda esa dorixonaning litsenziyasi belgilangan tartibda bekor qilinishigacha bo‘lgan choralar haqida ma'lum qildi.

👉 To'liq ko'rsatuv

Telegram | Facebook | Instagram | Youtube

🟦🟦🟦🟦

Mahalliy va xorijiy tibbiy jihozlarni davlat ro‘yxatidan o‘tkazish masalalari muhokama qilindi

Zoom platformasi orqali tibbiy jihozlarni ishlab chiqaruvchi mahalliy va xorijiy korxonalar vakillari ishtirokida onlayn muloqot o‘tkazildi. Unda Farmatsevtika mahsulotlari xavfsizligi markazi hamda Tibbiyot va farmatsevtika tarmog‘ini rivojlantirish agentligining mas’ul xodimlari ishtirok etdi.

Muloqot davomida mahalliy ishlab chiqaruvchi “BAXTTEKS FARM” MChJ tomonidan davlat roʻyxatidan oʻtkazilganlik guvohnomasining amal qilish muddatini uzaytirish uchun taqdim etilgan 1 nomdagi tibbiy jihoz hamda “CHIRANA ASIA” MChJ QK tomonidan ishlab chiqarilgan 3 nomdagi tibbiy jihozni davlat roʻyxatidan oʻtkazish bilan bogʻliq masalalar atroflicha muhokama qilindi. Shuningdek, AQSHning “SpineSmith Holdings LLC” kompaniyasi nomidan harakat qiluvchi “BIOMEDEX” MChJ tomonidan davlat roʻyxatidan oʻtkazish maqsadida taqdim etilgan 3 nomdagi tibbiy jihozni roʻyxatdan oʻtkazish masalalari ham ko‘rib chiqildi.

Uchrashuv yakunida tadbirkorlar tomonidan bildirilgan savollarga mas’ul mutaxassislar tomonidan batafsil javoblar berildi. Shuningdek, mahalliy va xorijiy tibbiy jihozlarni davlat roʻyxatidan oʻtkazish tartib-taomillari yuzasidan tegishli tavsiya va tushuntirishlar berildi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Farmatsevtika mahsulotlari xavfsizligi markazi mutaxassisi xalqaro e'tirofga sazovor bo‘ldi

😎 Giyohvandlik vositalari ustidan davlat nazorati choralari kuchaytiriladi

😎 Farmatsevtika mahsulotlari xavfsizligi markazi davlat ro‘yxatidan o‘tmagan Botulinotoksin saqlovchi mahsulotlar yuzasidan ogohlantirdi

😎 Dori vositalari narxini sun'iy oshirish holatlariga qarshi nazorat kuchaytirilmoqda

😎 Dori vositalarini davlat ro‘yxatidan o‘tkazish masalalari muhokama qilindi

😎 Farmatsevtika mahsulotlarini import qiluvchi tadbirkorlar bilan ochiq muloqot o'tkazildi

😎 Tibbiy buyumlarni xavfsizlik darajalariga ko‘ra tasniflash bo‘yicha o‘quv kursi tashkil etiladi

😎 Toshkent viloyati va shahrida kuchli taʼsir qiluvchi dori vositalarini muomalaga kiritilishining oldi olindi

😎 Prekursorlarning muomalasi bilan bog‘liq faoliyat tartibga solindi

😎 Mahalliy va xorijiy tibbiy jihozlarni davlat ro‘yxatidan o‘tkazish masalalari muhokama qilindi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦

Farmakonazorat: O‘z-o‘zini davolash — sog‘liq uchun xavfli!

Bugungi kunda shifokor ko‘rsatmasisiz, internet yoki tanishlar tavsiyasiga tayanib dori vositalarini qabul qilish holatlari tez-tez kuzatilmoqda. Biroq, noto‘g‘ri tanlangan preparat kasallikni tuzatish o‘rniga, uni yana-da og‘irlashtirishi, jigar, buyrak va yurak tizimiga jiddiy zarar yetkazishi mumkin.

Farmatsevtika mahsulotlari xavfsizligi markazi har qanday dori vositasini faqat shifokor tavsiyasi va to‘g‘ri tashxis asosida qabul qilishni so‘rab qoladi.

O‘z sog‘ligingizga befarq bo‘lmang — to‘g‘ri tashxis, to‘g‘ri davolanish garovidir!

Telegram | Facebook | Instagram | Youtube