🖥🖥🖥

O‘zbekistonda mahalliy va chetdan import qilinadigan barcha dori vositalarining xavfsizligi hamda sifatiga bir xil talablar qo‘yiladi

Farmatsevtika mahsulotlari xavfsizligi markazi laboratoriyasi mudiri Xurshid Tursunovning ma’lum qilishicha, dori vositalarining narxi yoki ishlab chiqarilgan mamlakatidan qat’i nazar, ularning barchasi xalqaro ISO/IEC 17025 standarti asosida akkreditatsiyadan o‘tgan laboratoriyalarda qat’iy tekshiruvdan o‘tkaziladi.

Bu esa "arzon dori — sifatsiz dori" degan keng tarqalgan noto‘g‘ri tushunchalarni inkor etadi.

👉 To'liq ko'rsatuv

Telegram | Facebook | Instagram | Youtube

🟦🟦🟦

Farmatsevtika mahsulotlarini import qiluvchi tadbirkorlar bilan ochiq muloqot o'tkazildi

20-avgust – Tadbirkorlar kuni arafasida O‘zbekiston Respublikasi Prezidentining tadbirkorlar bilan VI ochiq muloqotiga tayyorgarlik ko‘rish doirasida "Uzbekistan Airports Cargo" binosida farmatsevtika mahsulotlarini import qiluvchi tadbirkorlar ishtirokida ochiq muloqot o‘tkazildi.

Tadbirda Farmatsevtika mahsulotlari xavfsizligi markazi, "Toshkent-AERO" ixtisoslashtirilgan bojxona kompleksi rahbariyati hamda soha mutasaddilari ishtirok etib, farmatsevtika mahsulotlarining qonuniy muomalasini ta'minlash, bojxona rasmiylashtiruvi jarayonlarini takomillashtirish va tadbirkorlik subyektlarini qiynayotgan dolzarb masalalar yuzasidan fikr almashdi.

Telegram | Facebook | Instagram | Youtube

🟦🟦

Tibbiy buyumlarni xavfsizlik darajalariga ko‘ra tasniflash bo‘yicha o‘quv kursi tashkil etiladi

🇺🇿 O‘zbekiston Respublikasi Prezidentining 2025-yil 19-avgustdagi PF–137-son Farmoni ijrosini ta'minlash maqsadida Farmatsevtika mahsulotlari xavfsizligi markazida tibbiy jihozlarning inson hayoti va sog‘lig‘i bilan bog‘liq ehtimoliy xavflarini hisobga olgan holda ularni 4 ta xavfsizlik darajasi bo‘yicha tasniflash mavzusida ishlab chiqaruvchilar hamda nazorat organlari vakillari uchun qisqa muddatli o‘quv kursi tashkil etiladi.

O‘quv kursi davomida tibbiy buyumlarni xavfsizlik darajalariga ko‘ra tasniflashning me'yoriy-huquqiy asoslari, amaliyotda qo‘llash tartibi hamda ushbu yo‘nalishdagi dolzarb masalalar yuzasidan mutaxassislar tomonidan batafsil ma'lumot va tushuntirishlar beriladi.

📊 Sana: 2026-yil 20-iyul, soat 10:00
📊 Manzil: Farmatsevtika mahsulotlari xavfsizligi markazi majlislar zali (location)
📊 Telefon: (71) 203-01-01 (2220, 2233)

Mazkur o‘quv kursida tibbiy buyumlar ishlab chiqaruvchilari, import qiluvchilar, vakolatli tashkilotlar hamda nazorat organlari mutaxassislarini faol ishtirok etishga taklif etamiz.

Telegram | Facebook | Instagram | Youtube

🟦🟦🟦

Hurmatli dorixona tashkilotlari rahbarlari!

Xabaringiz bor, mamlakatimizda O‘zbekiston Respublikasi Vazirlar Mahkamasining tegishli qarorlariga muvofiq, "Elektron retsept" tizimini amaliyotga bosqichma-bosqich joriy etish ishlari olib borilmoqda. Shu munosabat bilan, "Elektron retsept" moduliga hali ulanmagan dorixonalarga DMED yagona tibbiyot axborot tizimining eHealth platformasi orqali ro‘yxatdan o‘tish va tizimga ulanish tavsiya etiladi.

Mazkur platformaga ulanish orqali dorixonalar elektron retseptlar bilan ishlash imkoniyatiga ega bo‘ladi hamda tizim joriy etilishi jarayoniga o‘z vaqtida tayyorgarlik ko‘rishi mumkin.

📼 Platformaga ulanish uchun havola

📼 eHealth platformasidan foydalanish bo‘yicha qo‘llanmalar (o‘zbek va rus tillarida)

Farmatsevtika mahsulotlari xavfsizligi markazi dorixona tashkilotlarini mazkur imkoniyatdan foydalanib, eHealth platformasiga o‘z vaqtida ulanish choralarini ko‘rishga chaqiradi. Bu elektron retsept tizimini joriy etish jarayonini samarali tashkil etish va kelgusidagi ish faoliyatini uzluksiz davom ettirishga xizmat qiladi.

Telegram | Facebook | Instagram | Youtube

🟦🟦🟦🟦

O‘zbekistonda aholini sifatli va xavfsiz dori vositalari bilan ta’minlash, farmatsevtika mahsulotlarining sifat nazoratini kuchaytirish bugungi kunda eng muhim vazifalardan biriga aylangan.

Xo‘sh, dori vositalarining xavfsizligi amalda qanday ta’minlanadi va bu jarayonda laboratoriya tekshiruvlarining o‘rni qanday?

🎞 Mavzu tafsilotlari "Bu kun" informatsion dasturining maxsus lavhasida.

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Tibbiy buyum, tibbiy texnika va ularning butlovchi qismlarini O‘zbekistonda tan olish yo‘li orqali davlat ro‘yxatidan o‘tkazish qanday amalga oshiriladi? - Javob

👍 Farmakonazorat qanday vazifalarni bajaradi? - Javob

👍 Dorixonalarda raqamli markirovkalash tizimi qanday joriy etiladi? - Javob

👍 Hamma dori vositalarining qadog‘ida raqamli markirovkasi bo‘lishi kerakmi yoki markirovka qilinmaydiganlari ham mavjudmi? - Javob

Telegram | Facebook | Instagram | Youtube

⭕️⭕️⭕️

Toshkent viloyati va shahrida kuchli taʼsir qiluvchi dori vositalarini muomalaga kiritilishining oldi olindi

O‘tkazilgan tezkor tadbirda fuqaro R.Ya.ning boshqaruvidagi “HONGI” rusumli avtotransport vositasi to‘xtatilib ko‘zdan kechirilganda, avtotransport vositasi salonida fuqaro A.A. ga tegishli 112 dona “REGAPEN” nomli kuchli taʼsir qiluvchi dori vositasi borligi aniqlanib, ushbu dori vositasi ashyoviy dalil sifatida olingan.

Navbatdagi o‘tkazilgan tezkor tadbirda fuqaro N.S. fuqaro I.A. ga 133 quti kuchli taʼsir qiluvchi vositalarni 4 300 AQSH dollari va 9 mln so‘mga sotgan vaqtida ushlanib, ushbu mahsulotlar ashyoviy dalil sifatida olingan.

Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.

Telegram | Facebook | Instagram | Youtube

🟦🟦🟦

Prekursorlarning muomalasi bilan bog‘liq faoliyat tartibga solindi

Hukumat qarori (337-son, 26.06.2026 y.) bilan “O‘zbekiston Respublikasida prekursorlarning muomalasi bilan bog‘liq faoliyatni tartibga solish va uzluksiz nazoratni taʼminlash to‘g‘risida”gi yagona nizom tasdiqlandi.

Nizom prekursorlarni olish, jo‘natish, hisobga olish, berish, tashish, saqlash, sotish, taqsimlash, yo‘q qilish, O‘zbekistonga olib kirish hamda olib chiqish tartibini belgilaydi.

👉 Batafsil

Telegram | Facebook | Instagram | Youtube

🟦🟦🟦

Dorixonalardagi narx-navo kim tomonidan va qanday nazorat qilinadi?

“Oʻzbekiston 24” telekanali podkastida dorixonalarda dori vositalari narxlarining asossiz oshirilishiga qarshi ko‘rilayotgan choralar muhokama qilindi.

Ko‘rsatuvda Farmatsevtika mahsulotlari xavfsizligi markazi mutaxassisi Dilnoza Kamolova dorixonalarda qonunbuzarlik aniqlanganda ma’muriy javobgarlik choralari qo‘llanilishi, bunday holatlar takrorlangan taqdirda esa dorixonaning litsenziyasi belgilangan tartibda bekor qilinishigacha bo‘lgan choralar haqida ma'lum qildi.

👉 To'liq ko'rsatuv

Telegram | Facebook | Instagram | Youtube

🟦🟦🟦🟦

Mahalliy va xorijiy tibbiy jihozlarni davlat ro‘yxatidan o‘tkazish masalalari muhokama qilindi

Zoom platformasi orqali tibbiy jihozlarni ishlab chiqaruvchi mahalliy va xorijiy korxonalar vakillari ishtirokida onlayn muloqot o‘tkazildi. Unda Farmatsevtika mahsulotlari xavfsizligi markazi hamda Tibbiyot va farmatsevtika tarmog‘ini rivojlantirish agentligining mas’ul xodimlari ishtirok etdi.

Muloqot davomida mahalliy ishlab chiqaruvchi “BAXTTEKS FARM” MChJ tomonidan davlat roʻyxatidan oʻtkazilganlik guvohnomasining amal qilish muddatini uzaytirish uchun taqdim etilgan 1 nomdagi tibbiy jihoz hamda “CHIRANA ASIA” MChJ QK tomonidan ishlab chiqarilgan 3 nomdagi tibbiy jihozni davlat roʻyxatidan oʻtkazish bilan bogʻliq masalalar atroflicha muhokama qilindi. Shuningdek, AQSHning “SpineSmith Holdings LLC” kompaniyasi nomidan harakat qiluvchi “BIOMEDEX” MChJ tomonidan davlat roʻyxatidan oʻtkazish maqsadida taqdim etilgan 3 nomdagi tibbiy jihozni roʻyxatdan oʻtkazish masalalari ham ko‘rib chiqildi.

Uchrashuv yakunida tadbirkorlar tomonidan bildirilgan savollarga mas’ul mutaxassislar tomonidan batafsil javoblar berildi. Shuningdek, mahalliy va xorijiy tibbiy jihozlarni davlat roʻyxatidan oʻtkazish tartib-taomillari yuzasidan tegishli tavsiya va tushuntirishlar berildi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Farmatsevtika mahsulotlari xavfsizligi markazi mutaxassisi xalqaro e'tirofga sazovor bo‘ldi

😎 Giyohvandlik vositalari ustidan davlat nazorati choralari kuchaytiriladi

😎 Farmatsevtika mahsulotlari xavfsizligi markazi davlat ro‘yxatidan o‘tmagan Botulinotoksin saqlovchi mahsulotlar yuzasidan ogohlantirdi

😎 Dori vositalari narxini sun'iy oshirish holatlariga qarshi nazorat kuchaytirilmoqda

😎 Dori vositalarini davlat ro‘yxatidan o‘tkazish masalalari muhokama qilindi

😎 Farmatsevtika mahsulotlarini import qiluvchi tadbirkorlar bilan ochiq muloqot o'tkazildi

😎 Tibbiy buyumlarni xavfsizlik darajalariga ko‘ra tasniflash bo‘yicha o‘quv kursi tashkil etiladi

😎 Toshkent viloyati va shahrida kuchli taʼsir qiluvchi dori vositalarini muomalaga kiritilishining oldi olindi

😎 Prekursorlarning muomalasi bilan bog‘liq faoliyat tartibga solindi

😎 Mahalliy va xorijiy tibbiy jihozlarni davlat ro‘yxatidan o‘tkazish masalalari muhokama qilindi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦

Farmakonazorat: O‘z-o‘zini davolash — sog‘liq uchun xavfli!

Bugungi kunda shifokor ko‘rsatmasisiz, internet yoki tanishlar tavsiyasiga tayanib dori vositalarini qabul qilish holatlari tez-tez kuzatilmoqda. Biroq, noto‘g‘ri tanlangan preparat kasallikni tuzatish o‘rniga, uni yana-da og‘irlashtirishi, jigar, buyrak va yurak tizimiga jiddiy zarar yetkazishi mumkin.

Farmatsevtika mahsulotlari xavfsizligi markazi har qanday dori vositasini faqat shifokor tavsiyasi va to‘g‘ri tashxis asosida qabul qilishni so‘rab qoladi.

O‘z sog‘ligingizga befarq bo‘lmang — to‘g‘ri tashxis, to‘g‘ri davolanish garovidir!

Telegram | Facebook | Instagram | Youtube

🟦🟦🟦

O‘zbekiston va Afg‘oniston farmasevtika sohasidagi hamkorlikni yangi bosqichga olib chiqadigan “Yo‘l xaritasi” imzolandi

Afg‘oniston Sog‘liqni saqlash vaziri o‘rinbosari, Afg‘oniston Oziq-ovqat va dori-darmon idorasi (AFDA) raisi Mavlaviy Hamdulla Zahid boshchiligidagi sog‘liqni saqlash sohasi mutasaddilari, farmatsevtika kompaniyalari, yetakchi importyorlar hamda ishbilarmon doiralar vakillaridan iborat delegatsiya O‘zbekiston Respublikasiga tashrif buyurdi. Tashrif dasturi doirasida "Tashkent Bio Pharma City" innovatsion klasterida O‘zbekiston va Afg‘oniston farmatsevtika sohasi vakillari ishtirokida biznes-forum tashkil etildi.

Tadbir yakunida Tibbiyot va farmatsevtika tarmog‘ini rivojlantirish agentligi, Farmatsevtika mahsulotlari xavfsizligi markazi hamda Afg‘oniston Oziq-ovqat va dori-darmon idorasi (AFDA) o‘rtasida hamkorlikni yangi bosqichga olib chiqishga qaratilgan Hamkorlik bo‘yicha qo‘shma “Yo‘l xaritasi” imzolandi.

Telegram | Facebook | Instagram | Youtube

🟦🟦🟦🟦

Samarqandda narkojinoyatchilikka qarshi kurash ishlari tanqidiy muhokama qilindi

Narkotiklar va o‘qotar qurollarni nazorat qilish agentligi rahbari boshchiligidagi Respublika idoralararo muvofiqlashtiruvchi ishchi guruhi tomonidan Samarqand viloyatida olib borilgan o‘rganishlar yakuni bo‘yicha yig‘ilish o‘tkazildi.

👉 Batafsil

Telegram | Facebook | Instagram | Youtube

🟦🟦🟦

Dori vositalarining xavfsizligi va sifatini nazorat qilish tartibi qanday amalga oshiriladi?

O‘zbekiston 24 telekanali "Tushlikdagi gurung" ko‘rsatuvida Farmatsevtika mahsulotlari xavfsizligi markazi mutaxassisi Xurshid Tursunov yurtimizga kirib kelayotgan hamda mahalliy ishlab chiqarilayotgan dori vositalarini davlat ro‘yxatidan o‘tkazish, laboratoriya sinovlari va bioekvivalentlik ko‘rsatkichlarini tekshirish tartibi haqida batafsil ma’lumot berdi.

👉 To'liq ko'rsatuv

Telegram | Facebook | Instagram | Youtube

🟦🟦🟦🟦

Mahalliy farmatsevtika korxonalari vakillari bilan onlayn muloqot o‘tkazildi

Bugun Zoom platformasi orqali mahalliy dori vositalari ishlab chiqaruvchi korxonalar vakillari ishtirokida onlayn muloqot bo‘lib o‘tdi. Tadbirda Farmatsevtika mahsulotlari xavfsizligi markazi hamda Tibbiyot va farmatsevtika tarmog‘ini rivojlantirish agentligining mas’ul mutaxassislari ishtirok etdi.

Muloqot davomida “NIKA PHARM” MCHJ tomonidan davlat roʻyxatidan oʻtkazilganlik guvohnomalarining amal qilish muddatini uzaytirish uchun taqdim etilgan 6 nomdagi dori vositalari hamda “PHARMACOM MEDICINE” MCHJ tomonidan ishlab chiqarilgan 18 nomdagi dori vositalarini davlat roʻyxatidan oʻtkazish va davlat roʻyxatidan oʻtkazilganlik guvohnomalarining amal qilish muddatini uzaytirishga oid taqdim etilgan hujjatlar muhokama qilindi.

Uchrashuv yakunida mas’ul mutaxassislar tadbirkorlar tomonidan berilgan savollarga batafsil javob berib, mahalliy ishlab chiqarilgan dori vositalarini ekspertizadan o‘tkazish jarayonida aniqlanayotgan kamchiliklarni o‘z vaqtida bartaraf etish yuzasidan amaliy tavsiya va tushuntirishlar berdilar.

Ta’kidlanganidek, bunday muloqotlar mahalliy farmatsevtika ishlab chiqaruvchilari bilan ochiq va samarali hamkorlikni yanada mustahkamlash, dori vositalarini davlat ro‘yxatidan o‘tkazish jarayonlarining shaffofligi va samaradorligini oshirish, shuningdek, hujjatlarni ko‘rib chiqish jarayonlarini yanada soddalashtirishga xizmat qiladi.

Telegram | Facebook | Instagram | Youtube

🟦🟦🟦

“Tibtexnika” MCHJda raqamli markirovkalash tizimini joriy etish bo‘yicha amaliy ishlar o’rganildi

Farmatsevtika mahsulotlari xavfsizligi markazi mutaxassislari tomonidan “Tibtexnika” MCHJda dori vositalari va tibbiy buyumlarni majburiy raqamli markirovkalash tizimini joriy etish bo‘yicha amaliy o‘rganish o‘tkazildi. Tashrif davomida korxonaning markirovkalash tizimiga tayyorgarligi baholanib, “Asl belgisi” milliy axborot tizimidan foydalanish hamda markirovkalash jarayonlarini tashkil etish yuzasidan amaliy tavsiyalar berildi.

👉 Batafsil

Telegram | Facebook | Instagram | Youtube

🟦🟦🟦

O‘zbekistonda davlat sertifikatlashtirish organi tomonidan O‘zMSt ISO 13485:2025 bo‘yicha ilk sertifikat topshirildi

Farmatsevtika mahsulotlari xavfsizligi markazi Sifat menejmenti tizimlarini sertifikatlashtirish organi tomonidan “NEST-MED-TECH” MCHJga O‘zMSt ISO 13485:2025 (ISO 13485:2016, IDT) milliy standarti talablariga muvofiqlik sertifikati topshirildi.

Bu nafaqat mazkur korxona, balki tibbiy jihozlar ishlab chiqaruvchilar uchun davlat organi tomonidan berilgan ilk sertifikat bo‘lib, mamlakatimizda xalqaro standartlarga mos sifat menejmenti tizimlarini joriy etish yo‘lidagi muhim bosqichni boshlab berdi.

Telegram | Facebook | Instagram | Youtube

🟦🟦🟦

Toshkentda 5-yubiley xalqaro farmatsevtika kongressi bo‘lib o‘tadi

Sog‘liqni saqlash vazirligi huzuridagi Tibbiyot va farmatsevtika tarmog‘ini rivojlantirish agentligi hamda Farmatsevtika mahsulotlari xavfsizligi markazi ko‘magida "Pharma Uzbekistan & Central Asia: Farmatsevtika zavodlarini qurish va modernizatsiya qilish" nomli 5-yubiley xalqaro kongress bo‘lib o‘tadi.

Tadbir doirasida O‘zbekistonda farmatsevtika sanoatini rivojlantirish istiqbollari, investitsiya loyihalari, farmatsevtika klasterlarini kengaytirish, ishlab chiqarishni modernizatsiya qilish hamda GMP xalqaro standartlarini joriy etish masalalari muhokama qilinadi.

Kongressda Markaziy Osiyoning yetakchi farmatsevtika kompaniyalari rahbarlari, investorlar, loyiha tashabbuskorlari, zamonaviy texnologiyalar yetkazib beruvchilari va xalqaro ekspertlar ishtirok etadi. Mazkur xalqaro anjuman ilg‘or tajribalarni almashish, yangi hamkorlik aloqalarini yo‘lga qo‘yish hamda farmatsevtika sohasida investitsion imkoniyatlarni kengaytirishga xizmat qiladi.

📊 Sana: 2026-yil 23-sentabr
📊 Manzil: Biopharmacity klasteri (location)

Telegram | Facebook | Instagram | Youtube