🟦🟦🟦🟦

Prezidentimizning tadbirkorlar bilan ochiq muloqotiga tayyorgarlik doirasida mahalliy ishlab chiqaruvchilar bilan uchrashuv o‘tkazildi

Prezidentimizning tadbirkorlar bilan joriy yilgi ochiq muloqotiga tayyorgarlik ko‘rish doirasida Sog‘liqni saqlash vazirligi huzuridagi Farmatsevtika mahsulotlari xavfsizligi markazida mahalliy dori vositalari ishlab chiqaruvchi korxonalar vakillari bilan ochiq muloqot tashkil etildi.

Unda Farmatsevtika mahsulotlari xavfsizligi markazi rahbariyati, Tibbiyot va farmatsevtika tarmog‘ini rivojlantirish agentligi mas’ullari hamda mahalliy farmatsevtika korxonalari vakillari ishtirok etdi.

Telegram | Facebook | Instagram | Youtube

🟦🟦🟦

Mahalliy dori vositalari ishlab chiqaruvchilari diqqatiga!

Farmatsevtika mahsulotlari xavfsizligi markazi tomonidan dori vositalari ishlab chiqaruvchilari uchun Yagona hisobotlar tizimi (YHT) orqali oylik postmarketing hisobotlarini elektron shaklda taqdim etishga bosqichma-bosqich o‘tish jarayoni boshlandi.

Mazkur tizim orqali hisobotlarni taqdim etish tartibi Markaz tomonidan yuborilgan rasmiy ko‘rsatma xatida batafsil bayon etilgan. Shuningdek, YHT tizimidan foydalanish tartibini amaliy jihatdan tushuntirish maqsadida 2026-yil 30-iyul kuni soat 15:00 da onlayn o‘quv-seminar tashkil etilmoqda.

Shu munosabat bilan, korxonangizda postmarketing hisobotlarini tayyorlash va taqdim etishga mas’ul xodimning seminarda ishtirok etishini ta’minlashingizni so‘raymiz.

📊Zoomga ulanish uchun havola
📊Identifikator: 844 9588 3751
📊Kirish kaliti: 448986
📊Murojaat uchun: (71) 203-01-01 (2346)

Telegram | Facebook | Instagram | Youtube

🟦🟦🟦

Markazda chet el farmatsevtika kompaniyalari vakillari bilan ochiq muloqot o‘tkazildi

Prezidentimiz tashabbusi bilan o‘tkaziladigan tadbirkorlar bilan ochiq muloqot oldidan Farmatsevtika mahsulotlari xavfsizligi markazida xorijiy farmatsevtika kompaniyalari vakillari ishtirokida farmatsevtika mahsulotlarini davlat ro‘yxatidan o‘tkazishning amaldagi tartibi, "Darmon" axborot tizimi orqali arizalarni elektron shaklda taqdim etish, hujjatlarni ko‘rib chiqish muddatlari, Markaz huzuridagi qo‘mitalar tomonidan amalga oshiriladigan ekspertiza bosqichlari, shuningdek, mazkur yo‘nalishda joriy etilgan yangiliklar va amaldagi qonunchilik talablari muhokama qilindi.

👉 Batafsil

Telegram | Facebook | Instagram | Youtube

🟦🟦🟦

"Yangi O‘zbekiston" gazetasida Markaz faoliyati haqida maqola chop etildi

"Yangi O‘zbekiston" ijtimoiy-siyosiy gazetasining navbatdagi sonida Farmatsevtika mahsulotlari xavfsizligi markazining farmatsevtika sohasida qonun ustuvorligini ta'minlash, dori vositalari sifati va xavfsizligini nazorat qilish hamda aholi salomatligini ishonchli himoya qilish borasidagi faoliyatiga bag‘ishlangan "Qonun ustuvorligi — salomatlikning ishonchli himoyasi" nomli maqola chop etildi.

Maqolada Markaz tomonidan dori vositalari va tibbiy buyumlar muomalasida qonunchilik talablariga rioya etilishini ta'minlash, sifatsiz va qalbaki mahsulotlarning oldini olish, nazorat tadbirlari hamda fuqarolar salomatligini himoya qilish yo‘lida amalga oshirilayotgan tizimli ishlar haqida batafsil so‘z yuritilgan.

Telegram | Facebook | Instagram | Youtube

🟦🟦🟦🟦

Tibbiy jihozlarni davlat ro‘yxatidan o‘tkazishdagi dolzarb masalalar muhokama qilindi

Prezidentimizning tadbirkorlar bilan joriy yilgi ochiq muloqotiga tayyorgarlik ko‘rish doirasida Farmatsevtika mahsulotlari xavfsizligi markazida mahalliy hamda xorijiy tibbiy jihozlar ishlab chiqaruvchilari ishtirokida navbatdagi ochiq muloqot tashkil etildi.

Markaz direktori Alisher Temirov boshchiligida o‘tgan uchrashuvda tibbiy jihozlar ishlab chiqaruvchilari va importyorlari faoliyatida uchrayotgan dolzarb masalalarni hal etish, davlat ro‘yxatidan o‘tkazish jarayonlarining ochiqligi va shaffofligini ta’minlash, tadbirkorlar uchun yaratilayotgan qulay shart-sharoitlarni yanada kengaytirish masalalariga alohida e’tibor qaratildi.

Telegram | Facebook | Instagram | Youtube

⭕️⭕️⭕️

Namangan shahrida noqonuniy dori vositalarining yirik partiyasi fosh etildi

O‘tkazilgan tezkor tadbir davomida Namangan shahrida yashovchi fuqaroning yashash xonadonining yordamchi tomorqasida maxsus yashirilgan yer osti ombori aniqlanib, undan xorijda ishlab chiqarilgan, respublika hududiga aylanma yo‘llar orqali olib kirilgan hamda qonuniy kelib chiqishini tasdiqlovchi hech qanday hujjatlarga ega bo‘lmagan 66 turdagi jami 35 346 quti dori vositalari borligi aniqlandi.

Dastlabki hisob-kitoblarga ko‘ra, mazkur dori vositalarining umumiy qiymati qariyb 1,4 milliard so‘mni tashkil etadi. Hozirda mazkur holat yuzasidan tergovga qadar tekshiruv harakatlari olib borilmoqda.

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Preparatlarni qo‘llashda qanday xatolarga yo‘l qo‘ymaslik zarur? - Javob

👍 Albumin, Sekstafag, Nazoferon, Imudon, Viferon, Lineks Forte, Genferon, Bronxo-Munal, Lakto-G, Aktovegin, Latsidoforte, Bifidumbakterin, Baktoxold, Enterojermina kabi dori vositalarning qadog‘ida raqamli markirovkasi mavjud bo‘lmasa ham ushbu dori vositalarini markirovkasiz sotish mumkinmi? - Javob

👍 Dori vositalarini qanday to‘g‘ri qabul qilish kerak? - Javob

👍 Dori vositasining xalqaro patentlanmagan nomi nimani anglatadi? - Javob

Telegram | Facebook | Instagram | Youtube

🟦🟦🟦

Markazga yuborilayotgan rasmiy hujjatlarni rasmiylashtirish bo'yicha eslatma

Vazirlar Mahkamasining 1999-yil 29-martdagi 140-son qarori bilan tasdiqlangan "O'zbekiston Respublikasi vazirliklari, davlat qo'mitalari, idoralari, korporatsiyalari, konsernlari, uyushmalari, kompaniyalari va boshqa markaziy muassasalari apparatlarida ish yuritish va ijro nazoratini tashkil etish bo'yicha namunaviy yo'riqnoma" talablariga muvofiq, Markazga yuborilayotgan rasmiy hujjatlar belgilangan tartibda rasmiylashtirilishi lozim.

Ayni vaqtda Markazga kelib tushayotgan ayrim hujjatlar mazkur talablarga to'liq javob bermayotgani kuzatilmoqda. Jumladan, ayrim hujjatlar ro'yxatdan o'tkazish raqamisiz yoki sanasiz yuborilmoqda, shuningdek, ayrim murojaatlar va xizmat yozishmalari xodimlarning shaxsiy elektron pochta manzillari orqali jo'natilmoqda. Mazkur holatlar hujjatlarni ro'yxatdan o'tkazish, ijroga yo'naltirish hamda ijro nazoratini tashkil etishda muayyan qiyinchiliklarni keltirib chiqarmoqda.

👉 Batafsil

Telegram | Facebook | Instagram | Youtube

🟦🟦🟦

Farmatsevtika sohasi tadbirkorlari bilan uch bosqichli ochiq muloqotlar o'tkazildi

Prezidentimiz tomonidan tadbirkorlarni qo‘llab-quvvatlash, investitsiyaviy jozibadorlikni oshirish va davlat organlari faoliyatida ochiqlikni ta’minlash borasida belgilangan vazifalar ijrosi doirasida Sog‘liqni saqlash vazirligi huzuridagi Farmatsevtika mahsulotlari xavfsizligi markazida farmatsevtika tarmog‘i vakillari bilan keng qamrovli ochiq muloqotlar o‘tkazildi.

Prezidentning tadbirkorlar bilan bo‘lib o‘tadigan navbatdagi ochiq muloqotiga tayyorgarlik doirasida tashkil etilgan uchrashuvlarda mahalliy dori vositalari va tibbiy jihozlar ishlab chiqaruvchilari hamda importyorlari shuningdek, xorijiy farmatsevtika kompaniyalari ishlab chiqaruvchilarining O‘zbekistondagi rasmiy vakolatxonalari vakillari ishtirok etdi.

👉 Batafsil

Telegram | Facebook | Instagram | Youtube

🟦🟦🟦

“NAM BIOTEST” MChJ korxonasiga O‘zMSt ISO 13485:2025 standarti talablariga muvofiqlik sertifikati topshirildi

😎 Farmatsevtika mahsulotlari xavfsizligi markazining Sifat menejmenti tizimlarini sertifikatlashtirish organi tomonidan mahalliy tibbiy jihozlar ishlab chiqaruvchisi “NAM BIOTEST” MChJga O‘zMSt ISO 13485:2025 (ISO 13485:2016, IDT) milliy standarti talablariga muvofiqlikni tasdiqlovchi sertifikat topshirildi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Farmatsevtika mahsulotlari xavfsizligi markazi delegatsiyasi AFDA Sifat nazorati laboratoriyasi faoliyati bilan tanishdi

😎 “TURKISHMED” MChJda tibbiy o‘lchash vositalari metrologik tekshiruvdan o‘tkazildi

😎 AFDA Sifat nazorati laboratoriyasi mutaxassislari uchun o‘quv-trening tashkil etildi

😎 Mahalliy dori vositalari ishlab chiqaruvchilari bilan navbatdagi onlayn muloqot o‘tkazildi

😎 “NAM BIOTEST” MChJ korxonasiga O‘zMSt ISO 13485:2025 standarti talablariga muvofiqlik sertifikati topshirildi

😎 Farmatsevtika mahsulotlari xavfsizligi markazi Ilmiy kengashining navbatdagi majlisi bo‘lib o‘tdi

😎 Prezidentimizning tadbirkorlar bilan ochiq muloqotiga tayyorgarlik doirasida mahalliy ishlab chiqaruvchilar bilan uchrashuv o‘tkazildi

😎 Markazda chet el farmatsevtika kompaniyalari vakillari bilan ochiq muloqot o‘tkazildi

😎 "Yangi O‘zbekiston" gazetasida Markaz faoliyati haqida maqola chop etildi

😎 Tibbiy jihozlarni davlat ro‘yxatidan o‘tkazishdagi dolzarb masalalar muhokama qilindi
 
😎 Markazga yuborilayotgan rasmiy hujjatlarni rasmiylashtirish bo'yicha eslatma berildi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦

SSV: Vazir xususiy sektor vakillari bilan ochiq muloqot o‘tkazdi

Sog‘liqni saqlash vaziri Eldor Adilov tibbiyot va farmatsevtika sohasida faoliyat yuritayotgan tadbirkorlar bilan ochiq muloqot o‘tkazdi.

Tadbirda sohada uchrayotgan muammolar yuzasidan o‘zaro fikr almashilib, ularni bartaraf etish bo‘yicha aniq taklif va tashabbuslar ilgari surildi.

Ochiq va samimiy ruhda o‘tgan muloqot davomida xususiy sektor vakillari tomonidan dori vositalari va tibbiy buyumlarni ishlab chiqarish va ularning muomalasi, amaldagi tartib-taomillarni takomillashtirish hamda sohani yanada rivojlantirishga doir qator masalalar ko‘tarildi.

Vazir har bir murojaatni tinglab, ularni hal etish yuzasidan mas'ullarga aniq topshiriqlar berdi. Shuningdek, qo‘shimcha o‘rganish talab etiladigan masalalar vazirlik tomonidan alohida nazoratga olindi.

Telegram | Facebook | Instagram | Youtube

🟦🟦🟦

Buxoro viloyatida giyohvandlik vositalari va prekursorlar muomalasi yuzasidan o‘rganish hamda sayyor seminar o‘tkazildi

Narkotiklarni nazorat qilish qo‘mitasi tomonidan Buxoro viloyatidagi davolash-profilaktika muassasalarida giyohvandlik vositalari, psixotrop moddalar va prekursorlar muomalasi bilan bog‘liq faoliyatning amaldagi qonunchilik hujjatlari talablariga muvofiqligi yuzasidan o‘rganish ishlari olib borildi.

O‘rganishlar yakunida aniqlangan kamchiliklarni bartaraf etish yuzasidan mas’ul xodimlarga amaliy tavsiyalar berildi hamda nazorat ostidagi moddalar muomalasini tartibga soluvchi yangi normativ-huquqiy hujjatlar mazmun-mohiyatiga bag‘ishlangan seminar tashkil etildi.

👉 Batafsil

Telegram | Facebook | Instagram | Youtube

🌍🌍🌍🌍🌍🌍🌍

💬 48-savol:

Tibbiy jihozlarni davlat roʻyxatidan oʻtkazish qaysi hollarda rad etiladi?

Savolga Farmatsevtika mahsulotlari xavfsizligi markazining Tibbiy jihozlar sifatini nazorat qilish laboratoriyasi mudiri Nodir Abdullayev javob berdi.

💳 Javob: Vazirlar Mahkamasining 2025-yil 24-noyabrdagi 738-son qarori 2-ilovasi bilan tasdiqlangan "Tibbiy jihozlarni davlat ro‘yxatidan o‘tkazish tartibi to‘g‘risida"gi nizomning 20-bandiga muvofiq, quyidagilar ro‘yxatdan o‘tkazishni rad etish uchun asos hisoblanadi:

📼 ro‘yxatdan o‘tkazish uchun zarur bo‘lgan hujjatlarda tibbiy jihoz namunalarida ixtisoslashtirilgan ekspertiza natijalari bo‘yicha aniqlangan kamchiliklarning 60 ish kunlik muddat ichida bartaraf etilmaganligi;

📼 taqdim etilgan hujjatlar va namunalarda ma’lumotlarning ishonchsiz, noto‘g‘ri yoki yolg‘on ekanligi aniqlanganda;

📼 avval qo‘llanilgan tibbiy jihozlar namunasi taqdim etilganligi;

📼 tibbiy jihozning sifati, xavfsizligi va samaradorligini tavsiflovchi laboratoriya sinovlari, klinik tadqiqotlar, ishlab chiqarish sharoitlarini inspeksiyadan o‘tkazish, ilmiy-texnik baholash, ro‘yxatdan o‘tkazish hujjatlaridagi ma’lumotlar tahlili va ekspertizalar yakunlari bo‘yicha asoslangan salbiy xulosalarning mavjudligi.

❗️Bunda arizada ko‘rsatilgan turli model, modifikatsiya, versiya, format, o‘lcham bo‘yicha kamida bitta model, modifikatsiya, versiya, format, o‘lchamda nomuvofiqlik aniqlangan taqdirda ham ro‘yxatdan o‘tkazish rad etiladi.

Ro‘yxatdan o‘tkazishning boshqa asoslarga ko‘ra, shu jumladan, maqsadga muvofiq emasligi sabablari bo‘yicha rad etilishiga yo‘l qo‘yilmaydi.

Savol yuborish - @uzpharmcontrol_bot

Telegram | Facebook | Instagram | Youtube

🟦🟦🟦🟦

Mahalliy dori vositalarini davlat roʻyxatidan oʻtkazish masalalari muhokama qilindi

Farmatsevtika mahsulotlari xavfsizligi markazi hamda Tibbiyot va farmatsevtika tarmogʻini rivojlantirish agentligi masʼullari mahalliy dori vositalari ishlab chiqaruvchi korxonalar vakillari bilan Zoom platformasi orqali onlayn muloqot oʻtkazdi.

Uchrashuvda dori vositalarini davlat roʻyxatidan oʻtkazish jarayonlari, ekspertiza bosqichlari hamda roʻyxatdan oʻtkazilgan dori vositalari guvohnomalarining amal qilish muddatini uzaytirish bilan bogʻliq masalalar koʻrib chiqildi. Xususan, “NAVBAHOR SANOAT” MChJ tomonidan davlat roʻyxatiga taqdim etilgan 16 turdagi, shuningdek, “ATM Sanita” MChJ XKga tegishli 9 nomdagi dori vositalari boʻyicha taqdim etilgan hujjatlar yuzasidan muhokamalar olib borildi.

Muloqot davomida mutaxassislar ishlab chiqaruvchilarning barcha savollariga batafsil javob berdi. Shuningdek, ekspertiza jarayonida aniqlangan kamchiliklarni bartaraf etish, hujjatlarni belgilangan talablar asosida takomillashtirish hamda davlat roʻyxatidan oʻtkazish jarayonlarini samarali tashkil etish boʻyicha amaliy tavsiyalar taqdim etildi.

Telegram | Facebook | Instagram | Youtube

⭕️⭕️⭕️

Navoiy viloyatida yaroqlilik muddati o‘tgan va sifatsiz dori vositalarini muomalaga kiritilishining oldi olindi

O‘tkazilgan tezkor tadbirda fuqarolar M.N. va M.A. “Varq” MFY hududidagi xonadonida umumiy bahosi 176,1 mln so‘mlik 37 turdagi 3 441 qadoqdagi yaroqlilik muddati o‘tgan va sifatsiz dori vositalarini o‘tkazish maqsadida saqlab kelganliklari aniqlanib, ushbu dori vositalari ashyoviy dalil sifatida olindi.

Mazkur holat yuzasidan Jinoyat kodeksining 276-12-moddasi (sifatsiz yoki qalbakilashtirilgan dori vositalarini yoxud tibbiy jihozlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish, dori vositalarini dorixonalardan va ularning filiallaridan tashqarida realizatsiya qilish, shuningdek tarkibida kuchli ta’sir qiluvchi moddalar mavjud bo‘lgan dori vositalarini resept bo‘yicha chakana realizatsiya qilish tartibini buzish) bilan jinoyat ishi qo‘zg‘atilib, tergov harakatlari o‘tkazilmoqda.

Telegram | Facebook | Instagram | Youtube

🟦🟦🟦🟦

O'n besh yillik ish stajiga ega tibbiyot va farmatsevtika xodimlari uy-joy subsidiyasini qanday tartibda olishi mumkin?

Xabaringiz bor, davlat tibbiyot muassasalarida kamida 15 yil ish stajiga ega bo‘lgan tibbiyot va farmatsevtika xodimlari tomonidan ipoteka krediti asosida sotib olinadigan uy-joyning dastlabki badal to‘lovining bir qismini qoplab berish tartibini belgilovchi nizom tasdiqlandi.

Ushbu subsidiyadan kimlar foydalanishi mumkin? Dastlabki badalning qancha qismi qoplab beriladi? Ariza qayerga va qanday tartibda topshiriladi? G‘oliblar qanday mezonlar asosida aniqlanadi?

Shu va boshqa muhim savollarga yuqoridagi video orqali batafsil javob olishingiz mumkin.

Telegram | Facebook | Instagram | Youtube

🟦🟦🟦

Mahalliy dori vositalari ishlab chiqaruvchilari uchun farmakonazorat bo‘yicha o‘quv seminari bo'lib o'tadi

Farmatsevtika mahsulotlari xavfsizligi markazi tomonidan 2026-yil 7-avgust kuni mahalliy dori vositalari ishlab chiqaruvchi korxonalarning farmakonazorat uchun mas’ul xodimlari va mutaxassislari ishtirokida "Dori vositalarining farmakologik nazoratini amalga oshirish tartibi" mavzusida o‘quv seminari tashkil etiladi.

👉 Batafsil

Telegram | Facebook | Instagram | Youtube