🟦🟦🟦

Navoiy viloyatida 100 ga yaqin tibbiyot uskunasi metrologik tekshiruvdan o‘tkazildi

Tibbiyotda tashxis qo‘yish, bemorning holatini baholash va davolash jarayonini to‘g‘ri tashkil etishda o‘lchash vositalarining aniqligi muhim ahamiyatga ega. Shu bois tibbiyot muassasalarida foydalanilayotgan uskunalarning texnik va metrologik holatini muntazam nazorat qilish zarur. Navoiy viloyatida ham ushbu yo‘nalishda navbatdagi metrologik nazorat tadbirlari o‘tkazildi.

👉 Batafsil

Telegram | Facebook | Instagram | Youtube

🔴 🟦🟦🟦

😎 Farmatsevtika faoliyatini litsenziyalash va farminspeksiya boshqarmasi tomonidan respublikamiz hududida farmatsevtika faoliyati bilan shug‘ullanish huquqiga ega korxonalar va tashkilotlar soniga oid statistik maʼlumotlar yangilandi.

Telegram | Facebook | Instagram | Youtube

🟦🟦

USP CAC Regulatory Authorities Meeting Toshkentda bo‘lib o‘tmoqda

Ayni damda Toshkent shahridagi Bio Pharm City majmuasida mintaqa davlatlarining dori vositalari sohasidagi regulyator organlari rahbarlari va mutaxassislari ishtirokida “CAC Regulatory Authorities Meeting” uchrashuvi bo‘lib o‘tmoqda.

Farmatsevtika mahsulotlari xavfsizligi markazi tomonidan AQSH Farmakopeyasi (USP) hamda O‘zbekiston Respublikasi Tibbiyot va farmatsevtika tarmog‘ini rivojlantirish agentligi bilan hamkorlikda tashkil etilgan mazkur tadbirda O‘zbekiston, Qozog‘iston, Qirg‘iziston, Tojikiston, Turkiya, Pokiston, Misr va Iordaniya davlatlarining regulyator organlari vakillari, shuningdek, USP ekspertlari ishtirok etmoqda.

Telegram | Facebook | Instagram | Youtube

🟦🟦🟦🟦🟦🟦🟦

USP bilan izchil hamkorlik davom ettiriladi

USP CAC Regulatory Authorities Meeting tadbiri doirasida Markaz va USP o‘rtasida Markazning USPning “Regulyatorlar uchun imtiyozli kirish” (Preferential Access for Regulators, PAR) dasturiga qo‘shilishi to‘g‘risidagi Kelishuv xati imzolandi.

Mazkur hujjatga muvofiq, Markaz hamda uning laboratoriya tarmog‘i — markaziy laboratoriya va hududiy filiallari dori vositalari sifatini laboratoriya nazoratidan o‘tkazishda foydalaniladigan zarur USP standart namunalaridan imtiyozli asosda foydalanish muddati uzaytiriladi.

Shuningdek, Farmatsevtika mahsulotlari xavfsizligi markazi mutaxassislariga AQSH Farmakopeyasi — Milliy formulyar (USP–NF) hamda USPning boshqa me’yoriy nashrlariga onlayn kirish imkoniyati yanada kengayadi.

Telegram | Facebook | Instagram | Youtube

🟦🟦🟦🟦

O‘zbekiston va Turkiya o‘rtasida farmatsevtika sohasidagi hamkorlik masalalari muhokama qilindi

USP CAC Regulatory Authorities Meeting tadbiri doirasida Farmatsevtika mahsulotlari xavfsizligi markazi direktori Alisher Temirov Turkiya Dori vositalari va tibbiy buyumlar agentligi (TİTCK) Prezidenti Huseyin Chelik bilan uchrashdi.

Uchrashuv davomida tomonlar amaldagi hamkorlik Memorandumini amaliy jihatdan rivojlantirish, 2026–2027-yillarga mo‘ljallangan ustuvor yo‘nalishlarni belgilash hamda dori vositalari va tibbiy jihozlarni davlat ro‘yxatidan o‘tkazish, laboratoriya nazorati va farmakonazorat sohalarida tajriba almashish masalalarini muhokama qildilar.

Shuningdek, mutaxassislar ishtirokida ekspert tashriflari va texnik uchrashuvlarni tashkil etish, tartibga solish amaliyotiga oid ma’lumotlar hamda o‘quv materiallari almashinuvini yo‘lga qo‘yish bo‘yicha takliflar bildirildi.

Uchrashuv yakunida hamkorlikning ustuvor yo‘nalishlarini qamrab oluvchi aniq Harakatlar rejasini ishlab chiqish va uni amalga oshirishga qaratilgan texnik ishlarni boshlash bo‘yicha kelishuvga erishildi.

Telegram | Facebook | Instagram | Youtube

🟦🟦🟦

O‘zbekiston va Qozog‘iston farmatsevtika sohasida hamkorlikning yangi bosqichini muhokama qildi

Poytaxtimizda bo'lib o'tayotgan USP CAC Regulatory Authorities Meeting forumi doirasida Farmatsevtika mahsulotlari xavfsizligi markazi direktori Alisher Temirov, Qozog‘iston Respublikasi Dori vositalari va tibbiy buyumlar milliy markazi (NDDA) direktorining strategik rivojlanish bo‘yicha o‘rinbosari Gabit Seydullaev bilan uchrashdi

Muloqotda ikki mamlakat farmatsevtika sohasidagi regulyatorlar hamkorligni yanada rivojlantirish masalalariga alohida e'tibor qaratildi. Tomonlar Qo'shma harakatlar rejasi orqali amalga oshirilishi mumkin bo‘lgan aniq yo‘nalishlarni ko‘rib chiqib, farmatsevtika mahsulotlarini tartibga solish sohasida o‘zaro hamkorlikning ustuvor vazifalarini belgilab oldi.

Telegram | Facebook | Instagram | Youtube

🟦🟦🟦🟦

Respublikamiz hududida nechta dorixona faoliyat yuritmoqda?

2026-yil 1-sentabr holatiga ko‘ra, O‘zbekistonda dori vositalari va tibbiy buyumlarni chakana realizatsiya qilish huquqiga ega 7 907 ta dorixona faoliyat yuritmoqda. Mazkur ko‘rsatkich hududlar kesimida turlicha bo‘lib, eng ko‘p dorixona Toshkent shahrida — 979 ta, Samarqand viloyatida — 954 ta va Farg‘ona viloyatida — 843 tani tashkil etadi.

Telegram | Facebook | Instagram | Youtube

✅ Bolalarni himoya qilishga qaratilgan qonun loyihasi ikkinchi o‘qishda qabul qilindi

Oliy Majlis Qonunchilik palatasida bolalarni zo‘ravonlikning barcha shakllaridan himoya qilishga qaratilgan qonun loyihasi ikkinchi o‘qishda qabul qilindi.

✍ Qonun loyihasi bilan 5 ta kodeks va 7 ta qonunga o‘zgartirish va qo‘shimchalar kiritish nazarda tutilgan. U bolalarni zo‘ravonlikdan himoya qilish, ularning huquq va manfaatlarini kafolatlash hamda mas’ul davlat organlari va tashkilotlarining javobgarligini kuchaytirishga qaratilgan.

"Bugun muhokama qilinayotgan qonun hayotimizning mazmuni bo‘lgan bolalarga, ularning himoyasiga, erkinligiga, sha’ni va qadr-qimmatiga qaratilgan. Umid qilamanki, bu qonun barchamizni hushyorlikka chaqiradi. Bola manfaatlarini himoya qilishda mustahkam qalqon bo‘lib xizmat qiladi", — dedi Demokratik institutlar va fuqarolik jamiyatini rivojlantirish masalalari qo‘mitasi raisi Gulruh Agzamova.

Telegram | Facebook | Instagram | Youtube

⭕️⭕️⭕️

Toshkent shahrida kuchli ta’sir qiluvchi dori vositalari savdosi bilan shug‘ullanib kelgan shaxs ushlandi
 
Bosh prokuratura huzuridagi Departamentning Shayxontohur tumani bo‘limi tomonidan o‘tkazilgan tezkor tadbirda kuchli ta’sir qiluvchi dori vositalari savdosi bilan shug‘ullanib kelgan A.A. fuqaro B.B. ga 50 dona “Omnadren-250” nomli kuchli ta’sir qiluvchi dori vositasini 800 AQSH dollariga sotgan vaqtida ashyoviy dalillar bilan ushlangan. 

Mazkur holat yuzasidan Jinoyat kodeksining 276-6-moddasi (giyohvandlik vositalari, psixotrop moddalar yoki ularning analoglari hisoblanmaydigan kuchli ta’sir qiluvchi yoxud zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.

Telegram | Facebook | Instagram | Youtube

🟦🟦🟦

Hurmatli ustoz va murabbiylar!

Avvalo, Sizlarni mamlakatimizda keng nishonlanayotgan Ustoz va murabbiylar kuni bilan samimiy muborakbod etaman.

Inson hayotida ustozning o‘rni va ta’siri beqiyos. Zero, har qanday sohaning taraqqiyoti, avvalo, bilimli, fidoyi va o‘z kasbiga mas’uliyat bilan yondashadigan mutaxassislarni tarbiyalashdan boshlanadi.

Ayniqsa, farmatsevtika kabi inson salomatligi va hayoti bilan bevosita bog‘liq bo‘lgan sohada ustoz va murabbiylarning o‘rni alohida ahamiyat kasb etadi. Yillar davomida orttirilgan bilim va tajribani yosh avlodga yetkazish, ularni kasbga sadoqat, mas’uliyat va halollik ruhida tarbiyalash — katta sharaf va yuksak mas’uliyatdir.

Bugun yurtimizda farmatsevtika sohasini rivojlantirish, uning ilmiy va kadrlar salohiyatini oshirish, zamonaviy bilim va texnologiyalarni keng joriy etish borasida izchil ishlar amalga oshirilmoqda. Bu jarayonda o‘zining munosib hissasini qo‘shib kelayotgan ustoz va murabbiylarning mehnati, albatta, yuksak e’tirofga loyiq.

Fursatdan foydalanib, barcha ustoz va murabbiylarga mustahkam sog‘liq, oilaviy xotirjamlik, sharafli faoliyatlarida muvaffaqiyat va shogirdlari kamolini ko‘rish baxtini tilayman.
Barchangizni Ustoz va murabbiylar kuni bilan yana bir bor chin qalbimdan muborakbod etaman!

Alisher Temirov, Farmatsevtika mahsulotlari xavfsizligi markazi direktori

Telegram | Facebook | Instagram | Youtube

🟦🟦

Bugun — 1-oktabr, O‘qituvchi va murabbiylar kuni munosabati bilan Farmatsevtika mahsulotlari xavfsizligi markazi rahbariyati tashabbusi bilan sohada ko‘p yillar samarali faoliyat yuritgan faxriy xodimlar va qadrli ustozlar uchun maxsus bayram dasturi tashkil etilmoqda.

Ayni damda faxriy ustozlarimiz Toshkent shahridagi O‘zbekiston mehmonxonasi oldida jam bo‘lib, ular uchun tashkil etilgan maxsus sayohatga yo‘l olish arafasida.

Bugungi kunning asosiy maqsadi — yillar davomida soha rivojiga munosib hissa qo‘shgan ustoz va faxriylarimizga ehtirom ko‘rsatish, ularga bayramona kayfiyat ulashish hamda unutilmas taassurotlar taqdim etish.

Bayramingiz muborak bo‘lsin, aziz ustozlar!

Telegram | Facebook | Instagram | Youtube

🟦🟦

Bugun biz uchun qadrli bo‘lgan, yillar davomida farmatsevtika sohasida fidokorona mehnat qilgan ustoz va faxriylarimiz bilan birgamiz.

Ular Toshkentning go‘zal maskanlarini tomosha qilib, aziz xotiralarini yodga olib, samimiy suhbatlar bilan kunni mazmunli o‘tkazishmoqda.

Ayni damda esa sayohatimizning navbatdagi manzili — Islom sivilizatsiyasi markazi.

Bu kun — shunchaki sayohat emas.

Bu — ustozlarga bo‘lgan hurmat, ehtirom va minnatdorlikning kichik bir ifodasi.

Bayramingiz muborak bo‘lsin, aziz ustozlar!

Telegram | Facebook | Instagram | Youtube

🟦🟦

Bir kun davomida tarix, xotira, samimiy suhbatlar va qalbimizda iliq iz qoldirgan taassurotlarni birga baham ko‘rdik.

Eng muhimi — yillar davomida sohaga fidoyilik bilan xizmat qilgan, o‘z bilim va tajribasi bilan ko‘plab avlodlarga yo‘l ko‘rsatgan ustozlarimizga e’tibor va hurmat ko‘rsatib, ularning ko‘ngliga oz bo‘lsa-da quvonch ulashish edi.

Bugungi kun biz uchun nafaqat sayohat, balki mehr, ehtirom va minnatdorlikka boy, qalbimizda uzoq saqlanadigan qadrli xotira bo‘lib qoladi. Ustozlar bor ekan — tajriba, an’ana va ezgu qadriyatlar davom etadi. Sizlarning mehnatingiz, sabringiz va mehringiz biz uchun doimo bebaho.

Bayramingiz muborak bo‘lsin, aziz ustozlar!

Telegram| Facebook| Instagram| Youtube

4 savolga 4 javob:
Muhim maʼlumotlar eslatmasi

👍 OʻzMSt ISO 13485:2025 (ISO 13485:2016 IDT) standarti talablariga muvofiqlik bo‘yicha sertifikatlashtirish jarayoni qanday asosiy bosqichlardan iborat? - Javob

👍 Korxonani O‘zMSt ISO 13485:2025 (ISO 13485:2016 IDT) standarti talablariga muvofiqligini baholash va sertifikatlashtirish jarayonida qanday hujjatlar va ma’lumotlar taqdim etilishi lozim? - Javob

👍 Arizachi tomonidan sertifikatlashtirish uchun ariza va tegishli hujjatlar to‘plami taqdim etilgandan so‘ng, ularni ko‘rib chiqish va qaror qabul qilish jarayoni qanday bosqichlarda amalga oshiriladi? - Javob

👍 Menejment tizimlariga rasmiylashtirilgan muvofiqlik sertifikatining amal qilishi qanday hollarda tugatilishi mumkin? - Javob

Telegram | Facebook | Instagram | Youtube

🟦🟦🟦🟦🟦🟦🟦

O‘zbekistonning xalqaro farmatsevtika hamjamiyati bilan hamkorligi kengaymoqda

Farmatsevtika mahsulotlari xavfsizligi markazi direktori Alisher Temirov, USP CAC Regulatory Authorities Meeting xalqaro forumi doirasida xorijiy regulyator organlari, xalqaro tashkilotlar va farmatsevtika sanoati vakillari bilan qator ikki tomonlama uchrashuvlar o‘tkazdi. Muzokaralarda xalqaro hamkorlikni kengaytirish, ilg‘or tajriba almashish, mutaxassislar salohiyatini oshirish hamda dori vositalari sifat va xavfsizligini ta’minlashga qaratilgan amaliy hamkorlik yo‘nalishlari muhokama qilindi.

👉 Batafsil

Telegram | Facebook | Instagram | Youtube

🟦🟦🟦🟦

Iste’molchilarning dori vositalarini xarid qilishdagi huquqlarini himoya qilish, farmatsevtika mahsulotlari savdosida qonuniylik va xavfsizlikni ta’minlash muhim ahamiyatga ega.

Dori vositalarining belgilangan narxdan yuqori yoki retseptsiz sotilishi, yaroqlilik muddati o‘tgan yoki kontrafakt mahsulotlar realizatsiya qilinishi, shuningdek, narx va sertifikat to‘g‘risidagi ma’lumotlarning mavjud emasligi iste’molchilar huquqlarining buzilishiga olib kelishi mumkin.

Bunday holatlarga duch kelgan fuqarolar tegishli vakolatli organlarning ishonch telefonlari orqali murojaat qilishlari mumkin.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Tibbiy jihozlar sifatini baholashda malakali mutaxassislar safi kengaymoqda

😎 Farmatsevtika laboratoriyalarida tahlil usullarining ishonchliligini baholash bo‘yicha o‘quv-trening bo’lib o’tmoqda

😎 Navoiy viloyatida 100 ga yaqin tibbiyot uskunasi metrologik tekshiruvdan o‘tkazildi

😎 Farmatsevtika faoliyatini litsenziyalash va farminspeksiya boshqarmasi tomonidan respublikamiz hududida farmatsevtika faoliyati bilan shug‘ullanish huquqiga ega korxonalar va tashkilotlar soniga oid statistik maʼlumotlar yangilandi

😎 USP CAC Regulatory Authorities Meeting Toshkentda bo‘lib o‘tmoqda

😎 USP bilan izchil hamkorlik davom ettiriladi

😎 O‘zbekiston va Turkiya o‘rtasida farmatsevtika sohasidagi hamkorlik masalalari muhokama qilindi

😎 O‘zbekiston va Qozog‘iston farmatsevtika sohasida hamkorlikning yangi bosqichini muhokama qildi

😎 1-oktabr — O‘qituvchi va murabbiylar kuni munosabati bilan Farmatsevtika mahsulotlari xavfsizligi markazi rahbariyati tashabbusi bilan sohada ko‘p yillar samarali faoliyat yuritgan faxriy xodimlar va qadrli ustozlar uchun maxsus bayram dasturi tashkil etildi

😎 O‘zbekistonning xalqaro farmatsevtika hamjamiyati bilan hamkorligi kengaymoqda

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube