SAVOLLARGA JAVOB

🌐Ijtimoiy tarmoqlarda Toshkent — Qarshi — Toshkent yo‘nalishida harakatlanuvchi “Nasaf” tezyurar poyezdida restoran-vagon mavjud emasligi yuzasidan bildirilgan fikrlar o‘rganib chiqildi.

Ayni vaqtda “O‘ztemiryo‘lyo‘lovchi” AJ tomonidan yo‘lovchi poyezdlarini bosqichma-bosqich modernizatsiya qilish va restoran-vagonlar bilan ta’minlash ishlari olib borilmoqda. Hozirda “Sharq” tezyurar poyezdi hamda Toshkent — Buxoro — Toshkent yo‘nalishidagi zamonaviy poyezd tarkibida restoran-vagon xizmati mavjud.

➡️Kelgusida mazkur xizmat boshqa yo‘nalishlarda, jumladan, “Nasaf” tezyurar poyezdida ham bosqichma-bosqich yo‘lga qo‘yilishi rejalashtirilgan.

Shuningdek, poyezdlarda yo‘lovchilarga taklif etilayotgan oziq-ovqat mahsulotlari sifati va ularni realizatsiya qilish jarayoni bo‘yicha nazorat kuchaytiriladi.

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook

SAVOLLARGA JAVOB

➕Ijtimoiy tarmoqlarda Toshkent — Andijon — Toshkent yo‘nalishida harakatlanayotgan tezyurar poyezd yo‘lda texnik toʻxtab turgan holati aks etgan videolar yuzasidan quyidagilarni ma’lum qilamiz.

Poyezd harakat xavfsizligini ta’minlash hamda qarama-qarshi yo‘nalishda harakatlanayotgan boshqa poyezd tarkibini belgilangan tartibda o‘tkazib yuborish maqsadida qisqa muddatli texnik to‘xtashni amalga oshirgan.

➡️Temir yo‘l harakatini tashkil etishda yo‘l uchastkalaridagi vaziyat, poyezdlar harakati navbati hamda xavfsizlik talablaridan kelib chiqib, ayrim hollarda texnik to‘xtashlar amalga oshirilishi mumkin. Bu poyezdlar harakatini xavfsiz va muvofiqlashtirilgan tarzda tashkil etish jarayonining bir qismi hisoblanadi.

❗️Yo‘lovchilarning hayoti va sog‘lig‘i xavfsizligini ta’minlash “O‘ztemiryo‘lyo‘lovchi” AJ uchun ustuvor vazifalardan biri bo‘lib, barcha qatnovlar belgilangan texnik me’yorlar va harakat xavfsizligi talablariga qat’iy rioya etilgan holda tashkil etiladi.

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook

Hurmatli yo’lovchilar, AСУ «Экспресc» tizimida profilaktik ishlar olib borilishi sababli bugun 2026-yilning 6-oktyabr kuni soat 12:00 dan 13:00 gacha barcha chiptaxonalarida va eticket.railway.uz saytida texnik tanaffus e’lon qilinadi.

Keltirilgan noqulaylik uchun uzr so’raymiz.

Tizim 13:00 dan soʻng ishlashni davom etadi.

🚉“O’ztemiryo’lyo’lovchi” matbuot xizmati

-

Уважаемые пассажиры, в связи с проведением профилактических работ в системе АСУ «Экспресc» сегодня 6 октября 2026 года во всех железнодорожных кассах а также на сайте eticket.railway.uz с 12:00 по 13:00 объявляется технический перерыв.

Приносим свои извинения за доставленные неудобства.

Система возобновит свою работу после 13:00.

🚉Пресс-служба АО “O’ztemiryo’lyo’lovchi”

📲Telegram 🌐Website 🖤YouTube 📷Instagram 📒Facebook

SAVOLLARGA JAVOB

Ijtimoiy tarmoqlarda “Sariosiyo – Termiz” yo‘nalishida harakatlanayotgan shahar atrofi yo‘lovchi poyezdidagi xizmat ko‘rsatish sharoitlari yuzasidan savollarga javob.

🚆 Mazkur poyezd qanday toifadagi transport hisoblanadi?
“Sariosiyo – Termiz” yo‘nalishida harakatlanayotgan poyezd shahar atrofi yo‘lovchi poyezdi bo‘lib, aholining kundalik transport ehtiyojini ta’minlashga xizmat qiluvchi jamoat transporti hisoblanadi.

🎫 Yo‘l haqi qancha?
Aholiga transport xizmatidan maqbul narxda foydalanish imkoniyatini yaratish maqsadida mazkur yo‘nalishda yo‘l haqi 15 000 so‘m etib belgilangan.

💺 Nima uchun chiptada o‘rindiq raqami ko‘rsatilmaydi?
Shahar atrofi poyezdlarida xizmat ko‘rsatish tartibiga muvofiq, yo‘l chiptasi muayyan o‘rindiqqa biriktirilmaydi va chiptada o‘rindiq raqami ko‘rsatilmaydi.

🚃 Yo‘lovchilar soni ko‘payganda qanday choralar ko‘riladi?
Yo‘lovchilar oqimi muntazam tahlil qilinadi. Talab yuqori bo‘lgan kunlarda yo‘lovchilarga qo‘shimcha qulaylik yaratish maqsadida poyezd tarkibiga qo‘shimcha vagonlar biriktirilmoqda.

🔧Poyezddagi sharoitlarni yaxshilash bo‘yicha qanday ishlar amalga oshirilmoqda?
Xizmat ko‘rsatish sifatini bosqichma-bosqich yaxshilash bo‘yicha tizimli ishlar olib borilmoqda. Jumladan:

➡️vagonlar ventilyatsiya tizimlari bilan jihozlangan;

➡️vagonlarning ichki va tashqi holati muntazam ko‘zdan kechirilib, zarur ta’mirlash va jihozlash ishlari amalga oshirilmoqda;

➡️kuz-qish mavsumiga tayyorgarlik doirasida isitish tizimlari texnik ko‘rikdan o‘tkazilib, ularning sozligi ta’minlangan;

Shuningdek kelgusiga yoʻlovhialr qulayligi uchun yana yangi va zamonaviy elektropoyezdlarni xarid qilish rejalashtirilgan. Misol tariqasida : EP3D — shahar atrofi yo‘nalishlarida yo‘lovchilarga xizmat ko‘rsatishga mo‘ljallangan zamonaviy elektropoyezd.

Ushbu EP3D elektropoyezdi 6 ta vagondan iborat bo‘lib, uning umumiy sig‘imi 1 154 nafar yo‘lovchini tashkil etadi. Shundan 586 nafari o‘rindiqlarda joylashishi mumkin.

Mazkur elektropoyezdda ham chipta aniq bir o‘rindiq uchun emas, yo‘nalish bo‘yicha safar qilish uchun xarid qilinadi.

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook

Nuroniylar uchun temir yo‘l chiptalariga 20 foiz chegirma!

“Keksalar haftaligi” hamda “Keksalar uchun turizm oyligi” doirasida nuroniylarning mamlakatimiz bo‘ylab sayohatlarini qo‘llab-quvvatlash maqsadida temir yo‘l chiptalarining tarif qismidan 20 foiz chegirma taqdim etiladi.

Mazkur imtiyozdan O‘zbekiston Respublikasi fuqarolari bo‘lgan 55 yoshdan yuqori ayollar va 60 yoshdan yuqori erkaklar — nuroniy nafaqaxo‘rlar foydalanishlari mumkin.

Chegirma har yili quyidagi davrlarda amal qiladi:

🔹 2–8-oktabr — “Keksalar haftaligi”;
🔹 1–30-noyabr — “Keksalar uchun turizm oyligi”.

Imtiyoz barcha mahalliy yo‘nalishdagi poyezdlarga tatbiq etiladi. Tezyurar “Afrosiyob” elektropoyezdi bundan mustasno.

Chegirmali chiptalarni onlayn tarzda hamda temir yo‘l chiptaxonalari orqali rasmiylashtirish mumkin.

Nuroniylarimizga maroqli sayohat tilaymiz!

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook

Savollarga javob

Toshkent—Samarqand yo‘nalishidagi poyezdning umumiy va sanitariya holati yuzasidan bildirilgan fikr-mulohazalarga e’tibor bilan qaraymiz.

Yo‘lovchilar uchun xavfsiz, qulay va ozoda sharoit yaratish ustuvor vazifalarimizdan biridir. Bildirilgan e’tirozlar mas’ullar tomonidan o‘rganilib, aniqlangan kamchiliklarni bartaraf etish hamda xizmat sifatini yaxshilash bo‘yicha tegishli choralar ko‘rildi.

Yuzaga kelgan noqulayliklar uchun yo‘lovchilardan uzr so‘raymiz.

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook

1005 — har kuni mingga yaqin murojaat, har bir yo‘lovchiga e’tibor

✅ Safarni rejalashtirish aniq ma’lumotdan boshlanadi. “O‘zbekiston temir yo‘llari”ning 1005 qisqa raqamli call-markazi yo‘lovchilar uchun kerakli ma’lumotni olish va savollariga javob topishda muhim aloqa kanalidir.

Call-markazga kuniga o‘rtacha 1 000 ta qo‘ng‘iroq kelib tushadi. Yo‘lovchilar, asosan, kerakli yo‘nalish va sanaga chiptalar mavjudligi hamda poyezdlarning qatnov yo‘nalishlari haqida murojaat qilishadi. Operatorlar ushbu savollar bo‘yicha ma’lumot berib, yo‘lovchilarga safarlarini rejalashtirishda ko‘maklashmoqda.

➡️1005 — shunchaki qisqa raqam emas. Bu temir yo‘l va yo‘lovchi o‘rtasidagi bevosita muloqot, har kuni mingga yaqin murojaat bilan ishlaydigan jamoa va aholiga axborot xizmati ko‘rsatish tizimidir. Har bir qo‘ng‘iroq ortida esa alohida savol, safar rejasi va ishonch turadi.

Yo‘nalishlar va chiptalar mavjudligi bo‘yicha savolingiz bormi? 1005 raqamiga qo‘ng‘iroq qiling — safaringizni birgalikda rejalashtiramiz!

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook

📢Hurmatli yo‘lovchilar!

Yo‘lovchilarga qulaylik yaratish maqsadida 732/731-sonli “Toshkent — Andijon — Toshkent” yo‘nalishidagi yo‘lovchi poyezdi tarkibi zamonaviy “CRRC-Daliyan” elektropoyezdiga almashtiriladi.

🚆Qatnovlar amaldagi harakatlanish kunlarida quyidagi jadval asosida amalga oshiriladi:

➡️732-sonli “Toshkent — Andijon”
🗓2026-yil 21-oktabrdan boshlab:
• Toshkent-Yo‘lovchi vokzalidan jo‘nash — 18:40;
• Andijon-1 vokzaliga yetib borish — 23:12.

➡️731-sonli “Andijon — Toshkent”
🗓2026-yil 22-oktabrdan boshlab:
• Andijon-1 vokzalidan jo‘nash — 07:20;
• Toshkent-Yo‘lovchi vokzaliga yetib borish — 12:12.

Elektropoyezd 5 ta ekonom toifadagi vagondan iborat bo‘lib, jami 415 nafar yo‘lovchiga mo‘ljallangan.

⚠️ Muhim! Elektropoyezdni haftalik texnik ko‘rikdan o‘tkazish munosabati bilan 2026-yil 26-oktabrdan boshlab har dushanba kuni 730/729-sonli “Toshkent — Andijon — Toshkent” qatnovi bekor qilinadi.

🕒 Shuningdek, quyidagi poyezdlarning harakat jadvaliga o‘zgartirishlar kiritiladi:

• 21-oktabrdan — 125/126-sonli “Andijon — Xiva/Urganch”, 129/130-sonli “Andijon — Termiz”, 127/128-sonli “Andijon — Qo‘ng‘irot”, shuningdek, 6312, 7091, 7093 va 7094-sonli mahalliy qatnovlar;
• 22-oktabrdan — 95/97-sonli “Andijon — Toshkent”;
• 24-oktabrdan — 93-sonli “Andijon — Toshkent” hamda 98/94-sonli “Toshkent — Andijon”;
• 25-oktabrdan — 734/92-sonli “Toshkent — Andijon”;
• 26-oktabrdan — 733-sonli “Andijon — Toshkent”;
• 27-oktabrdan — 91-sonli “Andijon — Toshkent”.

130/129-sonli “Termiz — Andijon” poyezdining 20-oktabrdan Termizdan jo‘naydigan qatnovi uchun Toshkent-Janubiy — Andijon qismidagi yangi jadval 21-oktabrdan amal qiladi.

🎫 Yo‘lovchilardan safarlarini rejalashtirishda ushbu o‘zgarishlarni inobatga olishlarini hamda jo‘nash vaqtini oldindan aniqlashtirishlarini so‘raymiz.

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook