1005 — har kuni mingga yaqin murojaat, har bir yo‘lovchiga e’tibor

✅ Safarni rejalashtirish aniq ma’lumotdan boshlanadi. “O‘zbekiston temir yo‘llari”ning 1005 qisqa raqamli call-markazi yo‘lovchilar uchun kerakli ma’lumotni olish va savollariga javob topishda muhim aloqa kanalidir.

Call-markazga kuniga o‘rtacha 1 000 ta qo‘ng‘iroq kelib tushadi. Yo‘lovchilar, asosan, kerakli yo‘nalish va sanaga chiptalar mavjudligi hamda poyezdlarning qatnov yo‘nalishlari haqida murojaat qilishadi. Operatorlar ushbu savollar bo‘yicha ma’lumot berib, yo‘lovchilarga safarlarini rejalashtirishda ko‘maklashmoqda.

➡️1005 — shunchaki qisqa raqam emas. Bu temir yo‘l va yo‘lovchi o‘rtasidagi bevosita muloqot, har kuni mingga yaqin murojaat bilan ishlaydigan jamoa va aholiga axborot xizmati ko‘rsatish tizimidir. Har bir qo‘ng‘iroq ortida esa alohida savol, safar rejasi va ishonch turadi.

Yo‘nalishlar va chiptalar mavjudligi bo‘yicha savolingiz bormi? 1005 raqamiga qo‘ng‘iroq qiling — safaringizni birgalikda rejalashtiramiz!

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook

📢Hurmatli yo‘lovchilar!

Yo‘lovchilarga qulaylik yaratish maqsadida 732/731-sonli “Toshkent — Andijon — Toshkent” yo‘nalishidagi yo‘lovchi poyezdi tarkibi zamonaviy “CRRC-Daliyan” elektropoyezdiga almashtiriladi.

🚆Qatnovlar amaldagi harakatlanish kunlarida quyidagi jadval asosida amalga oshiriladi:

➡️732-sonli “Toshkent — Andijon”
🗓2026-yil 21-oktabrdan boshlab:
• Toshkent-Yo‘lovchi vokzalidan jo‘nash — 18:40;
• Andijon-1 vokzaliga yetib borish — 23:12.

➡️731-sonli “Andijon — Toshkent”
🗓2026-yil 22-oktabrdan boshlab:
• Andijon-1 vokzalidan jo‘nash — 07:20;
• Toshkent-Yo‘lovchi vokzaliga yetib borish — 12:12.

Elektropoyezd 5 ta ekonom toifadagi vagondan iborat bo‘lib, jami 415 nafar yo‘lovchiga mo‘ljallangan.

⚠️ Muhim! Elektropoyezdni haftalik texnik ko‘rikdan o‘tkazish munosabati bilan 2026-yil 26-oktabrdan boshlab har dushanba kuni 730/729-sonli “Toshkent — Andijon — Toshkent” qatnovi bekor qilinadi.

🕒 Shuningdek, quyidagi poyezdlarning harakat jadvaliga o‘zgartirishlar kiritiladi:

• 21-oktabrdan — 125/126-sonli “Andijon — Xiva/Urganch”, 129/130-sonli “Andijon — Termiz”, 127/128-sonli “Andijon — Qo‘ng‘irot”, shuningdek, 6312, 7091, 7093 va 7094-sonli mahalliy qatnovlar;
• 22-oktabrdan — 95/97-sonli “Andijon — Toshkent”;
• 24-oktabrdan — 93-sonli “Andijon — Toshkent” hamda 98/94-sonli “Toshkent — Andijon”;
• 25-oktabrdan — 734/92-sonli “Toshkent — Andijon”;
• 26-oktabrdan — 733-sonli “Andijon — Toshkent”;
• 27-oktabrdan — 91-sonli “Andijon — Toshkent”.

130/129-sonli “Termiz — Andijon” poyezdining 20-oktabrdan Termizdan jo‘naydigan qatnovi uchun Toshkent-Janubiy — Andijon qismidagi yangi jadval 21-oktabrdan amal qiladi.

🎫 Yo‘lovchilardan safarlarini rejalashtirishda ushbu o‘zgarishlarni inobatga olishlarini hamda jo‘nash vaqtini oldindan aniqlashtirishlarini so‘raymiz.

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook

🛡 Korrupsiyaga qarshi kurash — barchamizning mas’uliyatimiz!

“O‘ztemiryo‘lyo‘lovchi” AJ tomonidan korrupsiyaga qarshi kurashish mavzusida tayyorlangan videorolikni e’tiboringizga havola etamiz.

✅ Halollik, ochiqlik va qonuniylik — faoliyatimizning asosiy mezonlari. Har bir xodimning o‘z vazifasiga vijdonan yondashishi, fuqarolarning esa korrupsion holatlarga befarq bo‘lmasligi ushbu illatning oldini olishda muhim ahamiyatga ega.

Korrupsiyaga yo‘l qo‘ymaylik — halollikni birgalikda qadriyatga aylantiraylik!

🚉“O‘ztemiryo‘lyo‘lovchi” AJ matbuot xizmati

📲Telegram 🌐Website 🖤YouTube 📷Instagram 📒Facebook