Toshkent davlat transport universiteti tomonidan “O‘zbekiston temir yo‘llari” AJ rahbariyatiga “Istiqlol” loyihasi doirasida ishlab chiqilayotgan avtomatlashtirilgan dispetcherlik nazorati tizimining navbatdagi natijalari taqdim etildi.

Taqdimot davomida temir yo‘l uchastkalaridagi stansiyalar va peregonlarda poyezdlar harakatini avtomatlashtirilgan tarzda nazorat qilish hamda bajarilgan harakat jadvalini yuritish tizimining amaliy imkoniyatlari namoyish etildi.

Mazkur tizim poyezdlarning harakatini real vaqt rejimida kuzatish, ularning stansiyalarga kelishi, jo‘nashi va to‘xtamasdan o‘tishi haqidagi ma’lumotlarni qayd etish, shuningdek, harakat jadvalining bajarilishini avtomatlashtirilgan tarzda nazorat qilish imkonini beradi.

Tizimni joriy etish orqali dispetcherlarni tezkor va aniq axborot bilan ta’minlash, ma’lumotlarni qo‘lda kiritish hajmini kamaytirish hamda poyezdlar harakatini boshqarish samaradorligini oshirish ko‘zda tutilgan.

Bunday raqamli yechimlar temir yo‘l transportida boshqaruv jarayonlarini takomillashtirish, harakat jadvali ijrosini nazorat qilish va zamonaviy axborot texnologiyalarini keng joriy etishda muhim ahamiyat kasb etadi.

“Toshkent MTU” filiali boshligʼi Gʼ.Mamadaliev boshchiligidagi ishchi guruh, 21 oktabr kuni 🌍Toshkent vagon deposi faoliyati bilan tanishib, korxonada harakat xavfsizligi kunida amalga oshirilgan ishlarni ko‘zdan kechirdilar.
Аytish joizki, bugungi kunda “O‘zbekiston temir yo‘llari” АJ tarkibida jami 9 ta vagonlarni taʼmirlash deposi mavjud. Shulardan biri bu, depoli, kapital taʼmir, xizmat muddatini uzaytirish bo‘yicha taʼmirlash ishlarini amalga oshiradigan Toshkent vagon deposidir. Korxona rahbari А.Eshmurodovning taʼkidlashicha hozirgi kunda korxonada bir oyda 160 tagacha  yuk vagonlarini taʼmirlash imkoniyati mavjud.
Ishchi guruh korxonada yanada ko‘proq yuk vagonlarini taʼmirlash, bu jarayonga to‘siq bo‘ladigan muammolarni o‘rgandi.

Аyni kunda, mamlakatimiz aholisi hamda korxona va tashkilotlarini kuz qish mavsumida 📦🌾koʼmir yoqilgʼisi bilan muntazam taʼminlash borasida bir qator ishlar amalga oshirilmoqda.
Joriy yil 21 oktyabr kuni, 😈Respublika Transport prokurori I.Narimov boshchiligidagi ishchi guruh, 🌍Аngren ko‘mir konida bo‘lib, bu borada amalga oshirilayotgan ishlarni o‘rgandi. Ko‘mir qazib olish, vagonlarga ortish jarayonlari ko‘rib chiqildi.
🚉 “Toshkent MTU” Filiali, “Temir yo‘l kargo” АJ, "O'zbekko'mir"AJ,Toshkent transport prokurori, Transport ichki ishlar boshqarmasi, Аngren shahar qo‘riqlash bo‘limi rahbarlari ishtirokida qazib olingan ko‘mirni aholiga talofatsiz yetkazib berish, bu jarayonga to‘siq bo‘ladigan muammolarni aniqlab bartaraf qilish borasida fikrlashib olindi.