"Men muxlislarni tanqid qilmayapman, murabbiy sifatida gapiryapman. U hozir eng yaxshi formasida emas, buni hammamiz ko‘rib turibmiz. Ammo u buni o‘zi ham juda yaxshi tushunadi va o‘yinlar taqdirini hal qiladigan Vinisius bo‘lish uchun astoydil ishlamoqda.

U hozir cho‘qqisida emasligi sababli, har qachongidan ham ko‘proq mehnat qilmoqda. Men bunday Vinisiusni juda hurmat qilaman va bizga g‘alabalar olib keladigan Vinisius tez orada albatta qaytadi.

Agar u jamoa uchun o‘ynasa, mening qo‘llab-quvvatlashimga doim ishonishi mumkin. Bu har doim asosiy tarkibda o‘ynashi yoki 90 daqiqani to‘liq maydonda o‘tkazishi kerak degani emas. Ammo jamoa uchun o‘ynar ekan, u doim mening hurmatim va mehrimga ega bo‘ladi.

Vinisius eng yaxshi formasida bo‘lsa, o‘yinlar taqdirini hal qila oladi. U buni "Benfika"ga qarshi 1:1 hisobida qarshi hujumni gol bilan yakunlaganida men bilan ham ko‘rsatgan.

Bor kuchini berib o‘ynayotgan futbolchidan bundan ham ko‘proq narsani talab qilish shart emas."

"Mourinyo sizni o‘zingizni alohida insondek his qilishingizga undaydi, motivatsiya beradi va doimo yuqori tempda ushlab turadi. U maydonda ham, undan tashqarida ham katta bosim yaratadi.

U futbolchilar bilan ko‘p muloqot qiladi va bizdan nimani kutayotganini aniq tushuntiradi. Murabbiy sizga shunchalik ishonsa, uni ranjitishni xohlamaysiz va bor kuchingizni ko‘rsatishga intilasiz."

"Men doim orzu qilgan klubimda o‘ynayapman. "Real Madrid" bilan Chempionlar Ligasida g‘olib chiqish men uchun juda muhim. Men buni hammadan ko‘proq xohlayman."

"Dastlabki daqiqalarda ikkita xatoga yo‘l qo‘ydik va ular ikkita gol urishdi. Bu xatolar bizga qimmatga tushdi. Imkoniyatlarimizdan foydalana olmadik. Uyga quruq qo‘l bilan qaytmoqdamiz, ammo yuzimizda tabassum bor."

"Yangi shartnoma olmaganimdan xafaman. Ammo hali vaqt bor. Klubdagi so‘nggi kunimgacha 100% kuchimni beraman. Yozda ketishim uchun variantlar bor edi, ammo hozir o‘zimni to‘g‘ri klubda ekanimni his qilyapman."