TA’LIM MUHITIDA BULLING, TAZYIQ VA SHILQIMLIKNING OLDINI OLISHGA BAG‘ISHLANGAN DAVRA SUHBATI O‘TKAZILDI

Joriy yilning 27-oktabr kuni O‘zbekiston davlat jahon tillari universiteti Ingliz tili 2-fakultetida IPMBIB boshlig‘i F. Xabiyeva, bo‘lim mutaxassisi O. Artikova hamda tyutor M. Xudayberdiyeva ishtirokida talabalar o‘rtasida “Ta’lim muhitida bulling, tazyiq va shilqimlikning oldini olish” mavzusida davra suhbati tashkil etildi.

Tadbirning asosiy maqsadi talabalar o‘rtasida bulling, tazyiq va shilqimlik holatlarining oldini olish, ularning huquq va majburiyatlari to‘g‘risidagi bilimlarini oshirish, shuningdek, o‘zaro hurmat, bag‘rikenglik va hamjihatlik tamoyillariga asoslangan xavfsiz ta’lim muhitini shakllantirishdan iborat bo‘ldi.

Davra suhbati davomida talabalarga bulling, tazyiq va shilqimlikning turli ko‘rinishlari, ularning inson ruhiyati va ijtimoiy munosabatlarga salbiy ta’siri, shuningdek, bunday holatlarga duch kelganda qanday yo‘l tutish lozimligi haqida batafsil tushuntirishlar berildi.

Shuningdek, har bir talabaning huquqlarini hurmat qilish, o‘z majburiyatlarini anglash, boshqalarga nisbatan hurmat bilan munosabatda bo‘lish hamda ta’lim muassasasida sog‘lom ma’naviy-psixologik muhitni saqlash muhimligi alohida ta’kidlandi.

Tadbir yakunida talabalar o‘zlarini qiziqtirgan savollarga javob oldilar. Bunday ma’rifiy uchrashuvlar yoshlarning huquqiy savodxonligini oshirish, salbiy holatlarning oldini olish hamda ta’lim muassasasida xavfsiz, do‘stona va o‘zaro hurmatga asoslangan muhitni mustahkamlashga xizmat qiladi.

😊İngliz tili 2 fakulteti ijtimoiy tarmoqlardagi sahifalariga a'zo böling!

📱Telegram 🧐 Instagram