Haftalik rejani tuzing. Oldingi haftaning yopilishi, muhim darajalar va bu haftadagi yangiliklar kalendarini (Economic Calendar) tekshiring. CPI/PPI o'tdi, endi bu hafta nima chiqishini bilib oling.

Dastlabki soatlarda shoshilmang. Dam olish kunlaridan keyin likvidlik past bo'ladi, spredlar kengayadi, ochilishda yolg'on harakatlar ko'p. Bozor yo'nalishini ko'rsatguncha kuting.

Gap'larga e'tibor bering. Fyuchers va aksiyalarda dam olish kunidagi yangiliklar narx bo'shlig'ini (gap) yaratadi. BTC da CME gap'lari ham kuzatiladi, lekin ular har doim yopilmaydi.

Hafta darajalarini chizing. O'tgan haftaning maksimumi, minimumi va yopilish narxi dushanba uchun asosiy mo'ljal. Kechagi sweep zonalari ham shunga kiradi.

O'tgan hafta natijasini tahlil qiling. Jurnalingizni ochib, qaysi xatolar takrorlanganini yozing (kech kirish, stopni surish, revenge trading).

Dushanba kuni zararni qaytarishga urinmang. Yangi hafta toza varaq: o'tgan haftadagi zararni qoplash uchun katta hajm ochish eng ko'p ofat keltiradi.

Savdosiz kun ham natija. Aniq setup bo'lmasa, kutish ham to'g'ri qaror.
Yana bir foydali odat: dushanba ertalab 3 ta narsani yozib qo'ying: shu hafta qaysi darajalardan savdo qilaman, qancha xavf qilaman, qachon to'xtayman.