🔅 Surxondaryoda masjid va qabristonlarda umumxalq hashari o‘tkazildi

🔅 ​24-25 oktyabr kunlari viloyatimiz bo‘ylab imon-e’tiqod, hamjihatlik va ezgulik timsoli bo‘lgan umumxalq hashari tashkil etildi. Ushbu xayrli tadbir doirasida vohamizdagi masjid hamda qabristonlar hududida keng ko‘lamli obodonlashtirish va ko‘kalamzorlashtirish ishlari olib borildi.

🪴 ​Hasharda diniy soha xodimlari, imom-xatiblar va mahalliy aholi, ayniqsa, nuroniylar hamda yoshlar faol va uyushqoqlik bilan ishtirok etishdi.

🔅 ​Obodonlashtirish jarayonida Ziyoratgohlar va qabristonlar atrofida tozalash ishlari olib borilib, xazonlar, maishiy chiqindilar hamda begona o‘tlardan tozalandi, masjidlar hududi atroflari obod qilindi, ​yashil hududlar barpo etish maqsadida manzarali va mevali daraxt ko‘chatlari ekildi, mavjud daraxtlarga shakl berilib, oqlandi.

🔅​Xalqimizda qabriston va ziyoratgohlarni obod tutish, ularni toza-ozoda saqlash ajdodlar xotirasiga bo‘lgan yuksak hurmat-ehtirom belgisi sanaladi. Ushbu hasharda hamjihatlik va ahillik ruhida mehnat qilgan vohadoshlarimiz yana bir bor o‘zlarining mehmondo‘st va obodonchilikka xos insoniy fazilatlarini namoyon etishdi.

🪴 ​Bu kabi umumxalq tadbirlari nafaqat hududlar toza va ozodaligini ta’minlashga, balki jamiyatda mehr-oqibat va hamjihatlik muhitini yanada mustahkamlashga xizmat qiladi.

⭐️ᴏ‘ᴢʙᴇᴋɪsᴛᴏɴ ᴍᴜsᴜʟᴍᴏɴʟᴀʀɪ ɪᴅᴏʀᴀsɪ
sᴜʀxᴏɴᴅᴀʀʏᴏ ᴠɪʟᴏʏᴀᴛɪ ᴠᴀᴋɪʟʟɪɢɪ
ᴍᴀᴛʙᴜᴏᴛ xɪᴢᴍᴀᴛɪ

✅| ᴛᴇʟᴇɢʀᴀᴍ
✅| ʏᴏᴜᴛᴜʙᴇ
✅| ɪɴsᴛᴀɢʀᴀᴍ
✅| ғᴀᴄᴇʙᴏᴏᴋ
🌍| sᴜʀxᴏɴᴍᴜsʟɪᴍ.ᴜᴢ

#xuşxabar #xorazm #yangi_bino
📢 ХУШХАБАР: ХОРАЗМ ВАКИЛЛИГИ ЯНГИ БИНОСИ ФОЙДАЛАНИШГА ТОПШИРИЛДИ

✅ Бугун, 27 октябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Хоразм вилоятига сафарлари давомида Урганч шаҳридаги вилоят вакиллигининг янги биноси очилиш маросимида иштирок этдилар.

🌳 Тадбир аввалида “Яшил макон” умуммиллий лойиҳаси доирасида вакилликнинг ер майдонига яхши ниятлар ила манзарали дарахт кўчатлари ўтқазилди. Вакиллик ҳовлисида барпо этилаётган мўъжаз боғнинг гуллаб-яшнашини сўраб хайрли дуолар қилинди.

📖 Очилиш маросими Қуръони карим тиловати ва хайрли дуолар ила бошланди. Тадбирни Хоразм вилояти бош имом-хатиби Хайруллоҳ домла Абдуллаев олиб борди.

🌙 Муфтий ҳазратлари йиғилганларни янги бино билан муборакбод этиб, бугунги кунда муҳтарам Президентимиз бошчилигида диний-маърифий соҳада улкан ислоҳотлар амалга оширилаётганини таъкидладилар. Хусусан, мўмин-мусулмонларга улкан имкониятлар тақдим этилаётгани, ибодат қилиш учун барча шароитлар муҳайё қилинаётгани, ҳудудлардаги вакилликларнинг моддий техник базалари яхшиланаётгани, юртимизда Қуръон курслари кенг фаолият юритаётгани, юзлаб ҳамюртларимиз “Президент ҳожилари” сифатида муборак сафарга юборилгани, Рамазон ва Қурбон ҳайити арафасида камбағал ва эҳтиёжманд оилаларга пул маблағлари тарқатилгани эзгу ишларнинг ёрқин намунаси эканини алоҳида эътироф этдилар.

⏺Шунингдек, Муфтий ҳазратлари Хоразм вилоятида ўтказилаётган иккинчи сайёр семинарнинг мазмун-моҳияти ва аҳамиятига тўхталиб, авваллари вилоят вакилликларининг ўз бинолари бўлмагани, бугун эса ҳудудларда мана шундай муҳташам вакиллик бинолари қад ростлаётганини қайд этдилар. Бундай неъматлар ва юртимиздаги тинчлик-хотиржамлик учун доимо шукроналик келтириш ва дуода бардавом бўлиш кераклигини уқтирдилар.

💬Хоразм вилояти «Нуроний» жамғармаси раиси Рустам Султонов вакиллик аҳлини янги бино билан қутлаб, яратилган бундай шароитлар диний-маърифий соҳадаги эзгу ислоҳотларнинг узвий давоми эканини таъкидлади.

✅Дарҳақиқат, замон талаблари асосида барпо этилган ушбу бинода вилоятдаги барча имом-хатиб ва ноиблар бир жойга жамланиб, ўқув-семинарлари ва маънавий-маърифий тадбирларни юқори савияда ўтказиш имконига эга бўлди. Бинода кичик мажлислар зали, шунингдек, ахборот-медиа фаолияти ва тасвирга олиш учун барча қулайликларга эга махсус хоналар ҳам ташкил этилган.

🚗 Тадбир давомида Муфтий ҳазратлари томонидан Хоразм вилояти вакиллигига янги хизмат автомашинаси топширилиши эълон қилинди.

☪️ Сафар асносида Муфтий ҳазратлари ва меҳмонлар янги бинони кўздан кечириб, вакиллик ходимларининг муносиб фаолият юритиши учун яратилган замонавий шарт-шароитлар билан яқиндан танишиб, амалга оширилган бунёдкорлик ишларидан мамнун бўлдилар.

✅ Ўзбекистон мусулмонлари идораси
Матбуот хизмати

📱ISHONCHLI VA RASMIY MANBA📲 OBUNA BO'LING

▶️ YouTube | 📷Instagram | 🔵 Facebook