Anons qilib qo’ymoq lozim ))

@vasilbro

Yakshanba oqshomi

Ishim sabab kamdan-kam uydagilar bilan bir dasturxon atrofida o’tiraman. Mana ovqatlanayabmiz, TV yoniq; Dunyoning ishlari – jodugar kelin 2. Har qanday gollivud blokbasterlari sarlavhasini bezaydigan o’zbek filmini ko’rib o’tiribmiz. Sabr ber )

Ha, Karl, eski paytlardagidek, rasm ishlash jarayoni )

P.s: menimcha shampan vinosi yetishmayapti🗿

@vasilbro

13 yoshli jiyanim Marvel uchun ssenariy yozayotgandi, tayyor bo’libdi. Kecha botdan xabar yozib qoldi. O'qib ko'ramiz albatta )

P.s: Imloviy xatolar tuzatilgani yo’q, o’zbekchada qiynaladi yozishga.

@vasilbro

​​Love, Death & Robots


Narutodan biroz chekindim, juda katta hajmli seriallarni doimiy tarzda mavsumdan, mavsumga ulab ko’rish, undan zerikib qolish ehtimolini kuchaytiradi. Pauzalar bilan ko’rish esa, ancha yaxshiroq. Bu sog’inch, qiziqish va intrigani oshirishga yordam beradi. Xullas Narutodan chekinib, ohirgi ikki kun ichida «Love, Death and Robots» kattalar uchun mo’ljallangan animatsion filmning ikki mavsumini ko’rib chiqdim. Plus va minuslarni umumlashtirganda, loyiha manzur bo’ldi. Serial xuddi Black mirrorga o’xshash ssenariyda rivojlanadi, ya’ni tomoshabinni turli rakurslar o’laroq qamrab oladi. Farqi, qisqalik, lo’ndalik va umumiy g’oyaning yo’qligida. Har bir qismning o’rtacha davomiyligi 10 daqiqadan iborat. Demakki, tik-tok va instagramda reels ko’raverib, uzoq davom etadigan filmlarni xushlamay qolganlar yoki vaqti tig’iz insonlar uchun ayni muddao.

Xemingueyning aysberg nazariyasidan (o’tkazib yuborish nazariyasi) xabaringiz bo’lsa kerak. Bu uslubga ko’ra, asosiy mavzu aniq muhokama qilinmasdan, sirt elementlar va his-tuyg'ularga e'tibor qaratiladi. Uslub nafaqat adabiyot, balki san'atning boshqa javhalari - rassomchilik, kino va fotografiyada ham qo’llaniladi. Serial ham aynan shu nazariyaning qisman filmga ko’chgan adaptatsiyasidir. Qisqa va lo’ndalik orqali yetkazib berilgan voqelikning boshlanish nuqtasi yoki kelajagining rivoji tomoshabinning tasavvur chegaralarining qanchalik keng ekanligiga bog’liq. Nega bunday bo'lgan, nega bunday bo'layapti, endi nima bo'ladi, degandek. Loyiha komediya, horror, ilmiy fantastika va fentezi janrlari ustiga qurilgan. Ayniqsa, triller elementi maromida uyg'unlashgan.

Xeminguey o’z nazaryasini quyidagicha ta’riflaydi;

Agar yozuvchi nima haqida yozayotganini yetarlicha bilsa, u o'zi bilgan narsalarni tashlab ketishi mumkin va agar yozuvchi haqiqatan ham ularni yozmoqchi bo’lgan bo'lsa, o'quvchi bu narsalarni yozuvchi o’ylagandek his qiladi. Aysberg nazaryasining qadr-qimmati uning faqat sakkizdan bir qismi suv ustida ekanligi bilan bog'liq.

Ba'zilar Xemingueyning bunday yozish uslubi dangasalikdan kelib chiqqan deb hisoblaydi, ammo aslida bu odatiy yozish uslubidan ko'ra ko'proq harakat talab qiladigan jarayondir. Xeminguey jurnalist bo'lib ishlagani ham bu uslubni ishlab chiqishga turtki bo’lgan, o’zingizga ma’lumki bosma gazetalarda joy cheklanganligi sababli ixchamlik talab qilinadi. Bundan tashqari, aysberg texnikasi kitoblarga filmlarni ko'rishdagi kabi hayratlanarli tuyg'uni berish uchun yechim sifatida ishlatilishi ham mumkin. Filmlarni tomosha qilganimizda, qahramonning his-tuyg'ularini ko'ramiz, agar ular qayg'uli, aqldan ozgan yoki g'azablangan bo'lsa, ovozini eshitishimiz mumkin. Boshqa tomondan, kitoblarda his-tuyg’ular boshqacha ifodalanadi. Bu an'anaviy ravishda yozuvchini qahramonning his-tuyg'ularini yoki ehtimol ularning yuz ifodalarini tasvirlashiga olib keladi. Ammo, bu jarayon filmlardagidek jo’n va tez bo’lmaydi, shu sababli bu yerda Xemingueyning aysberg nazariyasi qo’l keladi. Xuddi mana bunday;

Bolalar oyoq kiyimi sotiladi. Kiyilmagan…

P.s: Mening talqinim, mutaxassis fikridan to’liq farq qilishi mumkin. Aytgancha serialni tavsiya qilaman )

@vasilbro

#film

Yakshanba oqshomi uchun – Oldboy

Ko’rish davomida fikrlarimni chalkashtirib tashlagan film. Oilaviy ko’rish tavsiya qilinmaydi !

Kuling va dunyo siz bilan birga kuladi. Yig'lang va siz yolg'iz yig'laysiz.

@vasilbro

#animatsionfilm

Yakshanba oqshomi uchun – The Boy, the Mole, the Fox and the Horse

Mazmunli tanlov )))

Sen aytgan eng jasoratli so'z nima ? — deb so‘radi bolakay.
— Yordam, — dedi ot. Yordam so‘rash taslim bo‘lish degani emas, bu taslim bo'lishni rad etishdir.

@vasilbro

#book

Yakshanba oqshomi uchun – Kakku uyasi uzra parvoz

Intellektual tanlov. O’zim ham o’qib o’tiribman

Seni qiynayotgan narsaga kulishing kerak, aks holda muvozanatni saqlay olmaysan va dunyo seni aqldan ozdiradi.

@vasilbro

Ssenariy🫡

​​#qiziq #temuruzugi

AMIR TEMUR UZUGI

Amir Temurning uzugi atrofida bir qancha afsonalar mavjud. Eng mashhur hikoyalardan biri quyidagicha:

Amir Temur 14-asrda Oʻrta Osiyodagi ulkan imperiya ustidan hukmronlik qilgan buyuk bosqinchi edi. U o‘zining harbiy mahorati, san’at va madaniyatga bo‘lgan muhabbati bilan tanilgandi. Bir kuni u o'zining qudrati va boyligini aks ettiradigan chiroyli uzukni buyurtma qilishga qaror qildi. Uzuk oltindan yasalgan va qimmatbaho toshlar, jumladan, markazda katta zumrad bilan bezatilgandi.

Rivoyatlarda aytilishicha, Amir Temur bu uzukni qayerga borsa ham taqib yurgan va bu uzuk unga jangda omad keltirishiga ishongan. Aytishlaricha, uzuk sehrli kuchlarga ega bo'lib, uni balolardan himoya qilgan va har bir yurishda uning g'alabasini ta'minlagan.

Amir Temur vafotidan so‘ng uzuk uning avlodlariga o‘tib, ular uni oilaviy meros sifatida saqlagan. Biroq kunlarning birida Shohrux Mirzoning o‘g‘li Ibrohim Mirzo degan yosh shahzoda uzukni ruxsatsiz otasidan qarzga olib, tog‘da ov qilib yurganida uni yo‘qotib qo‘yadi.

Ibrohim Mirzo nima bo‘lganini anglab, ezilib ketadi, hamma joydan uzukni qidiradi, lekin topa olmaydi. U shunday muhim osori-atiqani yo‘qotgani uchun otasi tomonidan qattiq jazolanishidan qo‘rqardi.

Ammo keyin mo‘jizaviy bir narsa sodir bo‘ldi. Oradan bir necha kun o‘tgach, Ibrohim mirzo tog‘lar orasidan sayr qilib yurganida, uni Amir Temurning nabirasi deb tanigan bir donishmand cholga duch keladi. Chol unga yo‘qolgan uzukni topganini va bir shart bilan qaytarib berishini aytadi.

Shart shu ediki, Ibrohim Mirzo o‘z kuch-qudratini va ta’sirini g‘arazli manfaatlar uchun emas, balki ezgu ishlar uchun ishlatishga va’da berishi kerak edi. U barcha odamlarga, ularning mavqei va kelib chiqishidan qat'i nazar, adolatli bo'lishga intilishi kerak edi.

Ibrohim Mirzo bu shartlarga ishtiyoq bilan rozi bo‘ladi va shartlarni bobosi merosini hurmat qilish va uzukdan ayrilgani uchun o‘zini qutqarish yo‘li deb biladi. Keyin chol unga uzukni qaytarib berib, tog‘lar orasida g‘oyib bo‘ladi.

O‘sha kundan boshlab Ibrohim Mirzo uzukni g‘urur bilan taqib yurdi va o‘z mansabidan foydalanib, kambag‘al va muhtojlarga yordam berdi. U o‘z xalqi haqida chuqur qayg‘uradigan adolatli hukmdor sifatida tanildi. Qachonki kimdir undan uzuk haqida so‘rasa, ularga bu voqeani aytib berardi va yaxshi rahbar bo‘lish muhimligini eslatardi.

Bugungi kunda Amir Temurning uzugi Markaziy Osiyoda hamon kuch va hokimiyat ramzi hisoblanadi. Unga kim ega bo‘lsa, o‘z ta’siridan oqilona va adolatli foydalanishi yoki Ibrohim Mirzoning taqdiriga duchor bo‘lishi kerak, deyishadi.

So’rovnoma

Eng ko'p qaysi yozuvchi repertuaridagi asarlarni o'qigansiz ? Menda Remark va Braundan to’rtta

Remark

Uch og’ayni
Lissabondagi tun
G’arbiy frontda o’zgarish yo’q
Qarzga olingan umr*

Den Braun

Farishtalar va iblislar
Da Vinchi siri
Ibtido
Raqamli qal’a

#tarjima

Tarjimadagi o'zgarishlar – O’lim sahnasi (Uzuklar hukmdori)

• "va Boromir o'limni yengib, jilmayib qo'ydi." (V. Muravyov, A. Kistyakovskiy tarjimasi)
• “Boromirning rangpar, qonsiz yuzida tabassum soyasi miltilladi”. (N. Grigoryeva, V. Grushetskiy tarjimasi)
• “Boromirning lablarida xira tabassum zohir bo’ldi”. (M.Kamenkovich, V.Kerrik tomonidan tarjimasi)

"Boromir smiled." (Boromir jilmayib qo’ydi) Orginal.

@vasilbro

Dante Aligyeri – Ilohiy komediya

@vasilbro

#blackmirror

Kecha Qora ko’zguning 6-mavsumini ko’rib tugatdim. Serial haqida ilgari to’liq yozmagandim, umumiy fon bilan birgalikda oltinchi mavsum haqida ham ayrim fikrlarimni ulashmoqchiman.

Qora ko’zgu alohida-alohida mustaqil epizodlardan tashkil topgan yahlit loyiha bo’lib, unda ilgari surilgan har bir mavzu bir-birini takrorlamaydi, biroq shu asnoda umumiy g’oyaviy uyg’unlik kasb etadi. Bu, sizga serialni istagan mavsum va istagan qismdan boshlab ko’rish imkoniyatini beradi. Serial ijodkorlari ilmiy-fantastik texnalogiyalardan foydalangan holda yaqin kelajakdagi yuzaga kelishi mumkin bo’lgan distopik muhitni yaratishgan; zamonaviy madaniyat, zamonaviy odamlar, zamonaviy hislar. Qizig’i shundaki, qator epizodlar mutaxassis va tanqidchilar tomonidan “bashoratli” deb hisoblanadi, hozirgi taraqqiyot va jamiyatni hisobga olaigan bo’lsak, bunday bo’lib chiqmasligining iloji yo’qdek tuyuladi. Janrlar ham turlicha; psixalogik dahshat, komediya, siyosiy satira, triller, drama, romantika xullass juda “ma’danlarga” boy poydevor. Bu esa uning ommaviyligini oshirishga xizmat qilgan.

Loyiha 2010 yillarning eng yaxshilari qatorida e’tirof etilsada (ketma-ket uch marta eng yaxshi telefilm uchun Primetime Emmy mukofoti) sifat tomonlama pasayish kuzatilmoqda. Keyingi yillarda ijodkorlar o’zlari yaratgan kanondan yiroqlashib, turli-tuman eksperimentlarga qo’l urishmoda. Masalan shu yil ekranlarga chiqqan oltinchi mavsum ham bunga misol bo’la oladi. Serilani ilgaridan kuzatib kelmaydigan tomoshabin uchun, ko’rganlari shedevr bo’lib tuyulishi mumkindir, biroq yangi mavsum, uning tosh davridagi muhlislari uchun tushunarsiz bir muhit kasb etgan. Oltinchi mavsumni adabiyot tilida aytadaigan bo’lsak, drabllga qiyoslash mumkin; sokin va tahmin qilish oson bo’lgan syujet, yakunga borib, juda keskin rivojlanadi va sizni hayrat ko’chasiga eltadi. Bu yerda ommmaviy axborotning, texnalogiyalarning ta’siri, zamonaviy jamiyatning hayoti, axloqi emas, aksincha hislar, taqdirlar birinchi planga ko’tarilgan. Ilgari bu ikklasi hamohang, bir-birini to’ldirib kelardi.

Shu o’rinda e’tirof etish kerakki, oltinchi mavsumni kanondan yiroqligini hisobga olmasak, yaxshi epizodlar talaygina. Ijtimoiy tarmoqlarda shunga o’xshash so’rovnomalarga duch kelgan bo’lsangiz kerak; Agar hayotingizni film qilib olishganda, siz uni yaqinlaringiz bilan birga ko’rgan bo’larmidingiz ? Yangi mavsumning birinchi epizodi ham aynan shunga o’xshash jarayon haqida. Bu savol doim meni qiziqtirib kelardi, uni boshqa inson hayoti orqali ko’rish qiziq bo’ldi. Qolgan epizodlarda ham tesha tegmagan mavzular ko’tarilgan, tragediya, mistika bilan uyg’unlashtirilgan. Umuman olganda barcha mavsumlardagi har bir epizodni alohida tahlil qilib ko'rsa bo'ladi.

P.s: Mening talqinim, mutaxassis fikridan to’liq farq qilishi mumkin. Vaqt topib, albatta ko’ringlar, zeriktirmaydi )

@vasilbro