Reklom taym

Bilaman kanal kuzatuvchilari orasida o’z blogiga ega insonlar ko’p. Karllarni qo’llab quvvatlash dasturi doirasida 500 obunachidan kam bo’lgan biror kanalingiz bo’lsa izohlarda yozib qoldiring, o’zimga manzur bo’lgan 5 tasini tanlab, reklom qilib bergum.

Bayden quladi )

@NovaNoggin – kanaldagi ma’lumotlar e’tiborimni tortdi, fikrlarini ham yaxshi ifodalay olarkan. O’zbek sferasida ilmiy kanal yuritadiganlar kam, bu yerda esa ba’zi tesha tegmagan mavzularni ham topishingiz mumkin.

Maslahat: tekstlar bilan yana ozroq ishlansa va ortiqcha stikerlardan foydalanilmasa yanada jiddiy statsusga ega bo’ladi.

@tarixchi_fikrlari – barcha postlarni o’qib chiqdim. Kanal yaqinda ochilgan, postlar kam, ammo sifatli. Muhimi to’xtatib qo’ymaslik kerak.

Maslahat: ko’proq yozish kerak )

@lestat_here – Lestatda bir ijodkor uchun kerak bo’ladigan barcha narsa bor – fikr, stil, beqarorlik, mayxo’rlik.

Tanbeh: kanalini o’chiraverib jonga tegdi !

@geek_gang – Hayotdan, ishdan, kitobdan charchaganinda – shunday bir GOTchi tanishing bo’lsada, sharobdan simirib gaplashib o’tirsang )

Maslahat: Xilma-xillikni ko’paytirish kerak.

@hikoyalar_tahlillar – kanaldagi oddiylik va oqim yoqdi. Ba’zi narsalarni biror sababsiz shunchaki yoqtirish mumkin.

Tanlashda bir muncha qiynaldim, balki did degan narsa menda umuman yo’qdir. Sizni tanlovingiz menikidan ancha yaxshi bo’lishi mumkinligiga ham shubham yo’q.

Shuncha vahimaga yarasha 10 ta obunachi o’tishiga ham kafolat berolmayman, ammo a’zo bo’ladiganlar o’ziga nimadir yangilik olishiga ishonchim komil.

#longread

Xemingueyning o’limi

Oltmish birinchi yilning ikkinchi iyuli. Erta tong. Meri yuqori qavatdagi yotoqxonada uxlab yotardi, Ernest qabulxonaga kirib, ov miltig’i rafidan o'zining sevimlisini tanlaydi. Qariyani topganlarida, qon xona devorlarini qizilga bo’yagan edi. Ha, istalgan trillerning kirish qismiga tushadigan sahna, lekin men Bukovskining fikriga qo’shilmayman. Bugun bratim Ernest Xeminguey hayotining qora sahnasiga nazar tashlaymiz.

Xeminguey ko’p bora do'stlari va qarindoshlariga FQB xodimlari uni kuzatib borayotganini aytgan. Bir necha bor psixiatriya klinikalarida davolanib chiqgan. Hatto kasalxonadan turib ham yaqinlariga qo'ng'iroq qilib, uning qo’ng’iroqlarini tinglashayotganidan shikoyat qilgan. Paranoyadan qutilish uchun Xemingueyga o'sha paytda barcha ruhiy kasalliklarni davolash uchun foydalanilgan elektr toki bilan davolash muolajasi buyuriladi.

A.E.Hotchnerning shunday qaydlari bor. (Hotchner Xemingueyning yaqin do’sti va 1948-1961 yillardagi barcha sayohatlariga hamrohlik qilgan inson. Xeminguey Ota kitobi muallifi)

Hotchner, Dyuk MakkMullen va Xeminguey qirg’ovul oviga otlanishadi. Bu Xeminguey anchadan beri orziqib kutgan sayohat edi. Odatga ko'ra, ichimlik ichish uchun stantsiyadagi barda to'xtashadi. Ammo Xeminguey ularni tashqariga chiqishga majburlab, bu yerdan tezroq ketishlari kerakligini aytadi. Hotchner: "Nega shoshayapmiz?" Xeminguey bunga javoban: "Federallar" deya javob beradi. Hotchner yozuvchidan nega uni federallar kuzatayotgani haqida so’raydi.

"Bu eng yomon jahannam", deb boshladi Xeminguey. “Ular hamma narsani eshitishadi. Shuning uchun biz Dyukning mashinasidan foydalanamiz. Hamma narsa tinglanmoqda. Men telefonimdan foydalana olmayman, pochtadan ham." Hotchner va MakMullen yuzaga kelgan holatdan ajablanib, Xemingueyning sog’lig’idan havotirga tushishadi. O’sha kechada MakMullen ularni kuzatib borayotgan mashinani payqagan bo’lsa ham, buni e’tiborsiz qoldiradi. Ular Xeminguey shunchaki paranoik ekanligini aytib hazillashishadi.

O’limidan bir necha o'n yillar o'tgach esa, FQB uni 1940-yillardan beri kuzatib kelganini tan oldi. (o’z ahamiyatini yo’qotgan maxfiy ma’lumotlar vaqt o’tib ommaga oshkor qilinishidan xabaringiz bo’lsa kerak. Bu har 25, 50 va 75 yilda sodir bo’ladi) Hukumat uning Kubadagi faoliyati va Kastro bilan munosabatiga shubha bilan qaragan va shuning uchun agentlar yozuvchining uyi, mashinasi va davolanayotgan shifoxonasiga eshtuv moslamalarini yashirgan. Telefon suhbatlarini tinglagan, pochta va bank hisoblarini tekshirgan. Xeminguey esa bularni bilardi, ammo unga hech kim ishonmasdi. Yaqinlarining bunday ishonchsizligi uni azoblab kelgan. FQB hisobotida shunday qaydlar bor; kuzatuv shu qadar yaxshi olib borildiki, qarindoshlari va do’stlarining hech biri Xemingueyning haqligini tan olmadi.

Xemingueyning ruhiy muammolari bo’lganligi fakt, biroq FQBning ham uning o’limida hissasi bo’lgan. Kuni kecha bratimning 125 yilligi bo’ldi🫡.

@vasilbro

Diqqat: spoiler bor

Yakshanba kuni Dyunaning ikki qismini qaytadan ko’rib chiqdim. Vinosiz ham kayf qilsa bo'ladi, azizlar. Quyida bo’lajak Dyuna: Masih filmida yangraydigan ayrim parchalarni ulashaman. Kelgusi qismda Pol Atreides fojiali qahramon sifatida namoyon bo’ladi – buni ko’rish oson bo’lmaydi chamamda.

Men buni xohlamadim. Men buni oldini olishga harakat qildim… Meni Muad’Dib – Yo’l ko’rsatuvchi deb atashadi. Ha, men yo’l ko’rsatuvchiman, ammo bu yo’l qayerga olib borishini doim ham bilmayman. Fremanlar esa… ular olov uchqunlari kabi butun koinotga tarqab ketishdi, men esa ularning alangasiman. Ular o’z yo’lidagi hamma narsani yo’q qilmoqdalar. Mening nomimdan oltmish milliard kishi halok bo’ldi.

Konservativ hisob-kitoblarga ko'ra, men oltmish bir milliardni o'ldirdim, to'qsonta sayyorani sterilizatsiya qildim, yana besh yuztasini butunlay ruhiy tushkunlikka tushurdim…

@vasilbro

Roppa rosa bir yil bo'libdi, kecha bo'lgandek go'yo. Jiyanim ertaga dugonalariga yoki yoqtirgan yigitigami bolaligida tushgan rasmlarini qo’rqmay ko’rsatib;

- Tog'am Karl bo'lganligi omadim, deb qo'yadi )

@vasilbro

Challengmush:

• Men: Vasil
• Ovqat: Sovugan moshkichiri
• Qo'shiq: Summertime Sadness
• Ichimlik: Vino
• Hayvon: Shoebill
• Rang: Qora
• Multfilm: How to train your dragon
• Hobby: Futbol
• Film: Javob berib bo’lmaydi
• Kitob: Dorian Greyning portreti

Siz ham oʻzingiznikini yozib qoldiring )

@vasilbro

Emotsiyalarga tupurgan holatda

O’zbekiston ustunlik qildi, chiroyli o’ynadi, ko’p hujum qildi, xullas o’yinni nazorat qildi - qo’ysangchi, Karl. Misr juda zich o’ynadi. Bitta qarshi hujum bilan o’yin taqdirini hal qilishi mumkunligini bir necha marotaba ko’rsatib qo’ydi. Hatto hisobni tenglashtirganimizda ham, ularning yana urish imkoniyati ko’proq edi. Futbolchilari jismonan baquvvat, tezkor va individual mahorati yuqori, muhimi nima qilayotganini yaxshi biladi.

Yarim himoyamiz rasvo o’yin o’tkazdi, realizatsiya haqida gapirgim kelmayapti.

Faollik bu futbol degani emas. 90 daqiqa tinmay yugurdik, biroq taktika to’g’ri ishlab chiqilmagan, raqib yetarlicha o’rganilmagandek taassurot paydo bo’ldi. Misrliklar ma senlarga to’p, bilganingni qil dedi - o’zbeklarning bilgani shu ekan )

Yaxshi yangilik ham bor: 18 ta jentra budjetni yoniga qoladigan bo’ldi )

©️Iiiiii-oooo, ouuuu

Hay, kaypyatlaringni ko’tarib qo’yay - stand up tashlamay qo’yganimga ham ancha bo’lgandi.

@vasilbro

The Watchers (Kuzatuvchilar)

So’nggi paytlar odatimga qarshi faqat yangi filmlarni ko’ryapman. Yeganlari ham yemaganlari ham chiqyapti. Qiziqish uyg’otganlaridan biri irlandlarning perilarga oid folklorga asoslangan Kuzatuvchilar filmi.

Yangilik bor, fentezi va horror uyg’unlashgan deb ayta olaman, biroq bunday katta dunyo uchun to’liq metrajli film kamlik qiladi, serial orqali yoritish maqsadga muvofiq bo’lardi. Mini serial eng optimal yechim. Chunki, syujet tasvirlab berishmoqchi bo’lgan voqelikka nisbatan juda tez rivojlantirilgan, voqealar tarixi ham yetarli darajada ochiqlanmagan. Agar proekt ustida jiddiy ishlanilsa yana bir muhtasham olamdan zavqlanishimiz mumkin bo’ladi. 10 ballik tizimda 6.5 ga baholayman.

P.s: film rejissyori Ishana Shayamalan 24 yoshda, Karl.

@vasilbro

#mem

Shu tariqa Yaponiya Olimpiadada eng ko’p medal yutsa ajabmas. IQ si balandlar uchun.

@vasilbro

Ислом тарихини кўп ўқийман. Ўқиб, билимимни бойитиш асносида беихтиёр бугунги кун ҳақида ҳам ўйлайман.

Исломнинг илк даврларини олайлик. Ёки Араб халифалигининг энг кучли чоғларини. Бу давлатда ғоявий ўсиш қандай бўлган?

Биринчидан, фикрлар хилма-хиллиги, баҳслар, муҳокамалар бўлган — кўплаб олим етишиб чиққан, ўзаро баҳслашган, янги қарашларни илгари сурган.

Иккинчидан, улар катта масалалар устида бош қотирган, қизғин баҳслашган. Йигитнинг қўли қизга тегиб кетди, бир аёлни боши очиқ кўришибди деган масалаларни жиддий муҳокама қилиб ўтириш йигирма йиллаб билим олган катта олимлар учун "западло" бўлган. Оми халқ орасида вужудга келадиган бундай масалаларни фақиҳлар ислом ҳуқуқи доирасида ҳал қилаверган, буни оламшумул фожиа, миллат заволи қилиб кўрсатиш бўлмаган. Умуман, ахлоқпарастлик ва майдакашлик урф бўлмаган; инсон — гуноҳкор банда, шундай экан, ҳамма мукаммал амал қила олмайди, буни шариат тартибга келтириб туради деб ҳисоблашган, уламо эътиборини жиддийроқ масалаларга қаратган.

Майда-чуйдага ишларни деб кофирга, мунофиққа чиқариш, аёлларнинг иштонини пойлаб юриш, ҳаммадан 100 фоиз мукаммал мусулмон бўлишни талаб қилиш — XIV асрдан сўнг вужудга келган хунук тенденция. Сабабларини бир кун алоҳида муҳокама қилармиз. Лекин жиддий сиёсий воқеалар рўй бераётган вақтда домлалар "сичқон устидан югуриб ўтган пақирдан сув ичса бўладими?" каби масалаларни муҳокама қилиб ўтиргани ҳақидаги танқидлар ўринли эди.

Ҳозирги интернет-муллалар кимнинг ишларини давом эттиряпти — классик давр олимларинингми, кечки давр мутаассибларинингми, уларнинг ва уларга эргашаётганларнинг савияси қандай, ўзингиз хулоса қилиб олаверинг.

@AsanovEldar

#hotd

Diqqat: spoiler bor

Ajdar xonadoni seriali qizigandan qizib bormoqda, nihoyat 7 qismga kelib Bronza g’azab va Kumush qanot katta sahnaga chiqishdi. Hayajonli onlar yaqin, azizlar. Biroq aynan shu masalada qirolicha Rhaenyra va uning vorisi Jeys o’rtasida kelishmovchilik yuzaga keldi. Shahzoda oliy nasab bo’lmaganlarning ajdar chavandozi bo’lishlaridan norozi va ularning sadoqatini shubha ostiga qo’ymoqda. Xususan onasiga shunday dedi;

Agar oliy nasab bo’lmaganlaring Yetti Qirollik taxtini istab qolsachi ?

Baxtga qarshi ajdarlarning yangi chavandozlari hokimyatga o’ch, piyonista kimsalar - Hyu Hammer (bolg’a) va Ulf Oq. Bir nyuans ham bor - Ajdarlar raqsida qoralar tomon bo’lib Qo’y o’g’risi ham ishtirok etgan, 8 qismda u ham ko’rinish berib qolsa kerak. Serialdagi voqealarning borishidan kelib chiqadigan bo’lsak Qo’y o’g’risini Rhaenyraning o’gay qizi Rhaena jilovlaydigan bo’lib turibdi, biroq kitobga ko’ra uning chavandozi Netty ismli bastard qiz bo’ladi.

Katta ehtimol Gullet jangiga 2 mavsumning o’zidayoq guvoh bo'lamiz va bu mavsumning finali bo'ladi. 3 mavsum esa yanada chigal, xuddi Taxtlar o’yini kabi keskin burilishlarga boy bo'lsa kerak. Endi spoilerning doda xo’jasi - Gullet jangida Shahzoda Jeys halok bo’lgandan so’ng, Hyu va Ulf hokimyatni istab qolishadi, Jeys ogohlantirganidek Rhaenyra xiyonat qurboni bo’ladi...