Hali ham aktual. Bugundan maktab, univerlar boshlanadi. Adashmanglar deymanda )

Yangi so'z joriy qilgum - karlona. Endilikda postlarda shu so'zdan foydalangum. Sen ham ishlatsang bo'ladi Karl. Tasavvur qil, kinodan chiqding, jillaqursa jufting bilan biror filmni birga tugatdinglar. Sen unga boqib;

- film qanday ekan, senga yoqdimi ? deysan

U yaxshi ham, ajoyib ham, ta’sirli ham demaydi.

- karlona ! deydi va jilmayadi. Jin ursin, kulmaydi, jilmayib aytadi, balki ko'zida yosh bo'lar - farqiga bor.

Oliy maqom.

Bu postni yozganimdan so’ng kulganlar va zavqlanganlar bo’ldi. Kapalakning hayotini ahamiyatsiz deb qabul qildingiz, bu sizda biror hissiy tushkunlik keltirib chiqarmadi.

Endi jarayonga biroz drama qo’shamiz. Agar o’sha kapalak kattaroq - 70 santimetrlik g’aroyib hilqat bo’lganda ham meni qo’llagan bo’larmidingiz yoki kapalak o’rniga kichik mushuk bolasini nobud qilganimda ham qarsoq chalarmidingiz ?

Zotan, qotil degan tamg’a olardim.

Bu shuni ko'rsatadiki, insonning axloqiy reaksiyalari mavjudotning ko'rinishi va qabul qilingan ahamiyati bilan bog'liq. Kattaroq mavjudotlar, turlaridan qat'iy nazar, ko'proq hissiyot paydo qilishadi, chunki ularning hajmi e'tiborsiz qoldirishni qiyinlashtiradi.

Demakki, inson qotillik borasida aniq axloqiy qoidaga ega emas.

Love bombing

Kimgadir ta’sir o’tkazish uchun haddan ortiq mehr, maqtov va e'tibor ortida yotadigan manipulyatsiya. Bu xatti-harakatlarni ko'pincha ishqiy munosabatlar kontekstida kuzatamiz, biroq do'stlik yoki boshqa shaxslararo munosabatlarda ham paydo bo'lishi mumkin. Munosabatlar g‘ayritabiiy tezlikda ilgarilab, o’ldim-kuydim va’dalar, muhabbat e’tiroflari odatdagidan ancha ertaroq yuzaga chiqa boshlaydi.

Bundan ko’zlangan asosiy maqsad boshqa insonda qaramlik hissini uyg‘otish yoki hissiy jihatdan bog‘lanib qolgan insonni majburiyat sezadigan holatga tushirib qo‘yishdan iborat.

@vasilbro

O’lim ham Shopenni yakunlashini kutmoqda.

@vasilbro

O’lik shoirlar jamiyati

Men ongli ravishda yashashni xohlaganim uchun o’rmonga bordim. Bu hayotni uning eng teran nuqtalariga qadar, iliklarimgacha his qilgan holda, tiriklikka begona nimaiki bo’lsa, barini yakson qilmoqlik uchun va o’lim kulbam eshigini taqillatganda men hech qachon chin ma’noda yashamaganligimni anglab, dahshatga tushmaslik uchun shu yerda yashashni istadim.

Karl va Karla turmush qurganlarindan so’ng, farzandli bo’lish xohishi paydo bo’lsa, albatta shu filmni ko’ringlar. Keyin kitobini mutolaa qilinglar, so’ngra Sellenjerning Javdarzordagi Xaloskorini o’qib chiqinglar.

Ovoz berish yakunlandi.

Yakshanba, ya’ni ertaga soat 20:00 da FIGHT CLUB haqida fikr yuritamiz. Ko’rmaganlar, imkoningiz bo’lsa tomosha qiling, qizg’in mulohazalar bo’lishi aniq.

Men ko’proq tinglovchi pozitsiyasida bo’laman, Ota Karl sifatida so’z so’raganlarga mikrofonni tutib turaman.

@vasilbro

Kompyuterda o’zingizga keraksiz bo’lgan fayllarni istalgan vaqt o’chirib tashlash imkoniyatiga egasiz, biroq o’chirilgan fayllar butunlay yo’q bo’lib ketmaydi. Ular kompyuterning xotirasida saqlanib qoladi.

Insonda ham shunday, u qandaydir soatlar ichida minglab fikrlarni xayolidan o’tkazadi, ularning juda kam foizigina tiliga chiqadi yoki amalga oshadi. Bu jarayon uzluksiz davom etadi - aytilmagan fikrlar, amalga oshmagan xohishlar, izhorsiz muhabbat va hokazo. Siz ularni unutdim deb o’ylaysiz, biroq ular butunlay yo’q bo’lib ketmaydi, aksincha miyamizning qaysidir qismida saqlanib qoladi - agarda o’sha yerni ko’rish imkoniyati bo’lganda edi, bu juda qo’rqinchli joy bo’lishiga shubham yo’q.

Freyd inson xohishlarini rad etishini o’zining psixoanalitik nazaryasida quyidagicha tushuntirgan;

Insonning rad etilgan xohishlari miyaning ongsiz yoki tushunilmagan qismida yig’iladi. Ammo, ular o’z-o’zidan yo’qolmaydi, aksincha turli shakllarda, masalan; tushlar, stress, depressiya, infarkt ko’rinishida namoyon bo’ladi.

Freydning nuqtai nazariga ko‘ra, insonning ongsiz qismida joylashgan xohish va istaklar juda kuchli bo‘lib, ular istalgan vaqtda yuzaga chiqishi mumkin. Agar bu xohishlar doimiy bostirib borilsa, ular ko‘pincha sog‘liqqa zarar yetkazuvchi psixologik simptomlar shaklida namoyon bo’ladi. Shu bois, Freyd inson psixologik salomatligi uchun o’z xohishlarni tushunib, ularni maqbul shaklda ifoda etishi muhim deb hisoblagan.

FIGHT CLUB filmida aynan shu jarayonni kuzatsangiz bo’ladi.

@vasilbro

Bugun ish bilan Shahrisabz suv ta’minoti idorasiga kelgandim. Idora hududida SSSR davridan qolgan mana shunday Suv minorasi bor ekan. Muhtasham.

LOTR muxlislari shu yerdami ?

@vasilbro

​​#offtop

Bir paytlar Borjia serialiga qiziqib qolgandim, serial oilaining qanday qilib hokimyat tepasiga kelgani va uni qay yo’sinda saqlab qolganligi haqida. Ma’lumki, cherkov xristian diyorlarda misilsiz kuch va ta’sir doiraga ega bo’lgan. Serialning voqealar markazida gavdalantirilgan Borjia oilasi esa bu mavqeni o’zimizni tilda aytganda sotib olishadi, butun xristian olamining eng katta rahnamosi hisoblanmish Papa unvoni pora berish yo’li bilan qo’lga kiritiladi, Karl. Agarda sizga Taxtlar o’yini manzur kelgan bo’lsa, vaqt ajratishingizga arziydi. Xullas, shu Borjialar oilasining to’ng’ichi Chezari Borjia degan ko’rkam va makkor yigit bo’ladi. Aynan shu brat, o’zining siyosiy yutuqlari sabab suyukligim Makiavellini “Hukmdor” asari ustida ishlashiga turtki bo’lgan.

Hozir bu haqida emas, bir narsa o’qib qoldim. Graf Monte-Kristo va Uch Mushketyor asarlari oraqli tanilgan Dyuma, o’zining 18 ta esselari jamlangan “Shonli jinoyatlar” to’plamida Iso Masihning zamonaviy qiyofasi Chezari Borjiadan ko’chirma olinganligiga da'vo qilgan ekan. Qiziq holat, quyidagi rasmlardan ham o’xshashlik borligini payqash mumkin. Bu haqida izlanib ko’rgum, yaroqli deb topsam, ulashgum.

@vasilbro

Koreyskiy vino ko’tarib kelishibdi. Yo’q deyolmadim🫡

Sirdaryo manzaralari

Madina bilan g’oyibona bo’lsada yaxshi hamkorlik qilyapmiz. U rasmga olaveradi, men undan chopib, sal-pal rang berib qo’yaman😁

@vasilbro