Bugun Monika 60 ga to’ldi.

Go’zal hilqat. Nafis hilqat. Jozibali hilqat. Kuchli hilqat.

Men Monikani “Malena” orqali tanidim. Biroq, turli bo’lmag’ur e’tiroflar sabab ko’pchilik filmni boshqa niyatda tomosha qilib, yomon otliqqa chiqargan. Asliyatga qaraydigan bo’lsak - kuchli va ta’sirli film. Barchaga tavsiya qilaman.

@vasilbro

Texnoplovning Borliqqa tikilgan Matematika videosi doirasida, aytgancha albatta ko'ring;

Cheksiz maymunlar teoremasi (drabll).

Aziz insonlar

1960-yillarda, cheksiz maymunlar teoremasini amalda sinab koʻrish maqsadida hukumatingiz meni (va mening 999 amakivachchalarimni) 1000 ta yozuv mashinkalari bilan birga yashirincha koinotga uchirishdi.

Bizning mas'uliyatimiz: yozishda davom etish.

Bizning maqsadimiz: Shekspir.

Endi bu Shekspir emasligini tushungan bo'lsangiz kerak. Uzr so'rayman, lekin yigitlar 1000 ta maymundan nimani kutgan edingiz, jin ursin ?

Imzolandi: Shimpanze Enos va uning omon qolgan do'stlari

P.s: Yozuv mashinkalaringiz buzilib qoldi. Bananlar ham yuboring.

@vasilbro

Sodir bo’lish ehtimoli bo’lgan hamma narsa, sodir bo’ladi.

Cheksiz maymunlar teoremasi - maymun yozuv mashinkasi klaviaturasida cheksiz vaqt davomida tasodifiy tugmachalarni bossa, har qanday matnni, masalan, Uilyam Shekspirning Gamletini yozib chiqishi mumkin. Biroq, butun koinotni to'ldiradigan maymunlarni Shekspirning Gamleti kabi bitta to'liq asarni yozish ehtimoli “deyarli imkonsiz”. Teoremadan esa shunday ma’no uqish mumkin; sodir bo'lish ehtimoli nolga teng bo'lmagan har qanday hodisalar ketma-ketligi yetarli vaqtni hisobga olgan holda deyarli albatta sodir bo'ladi.

Shu nuqtai nazardan, hodisa 1 ehtimol bilan sodir bo'lishini anglatadi va "maymun" haqiqiy maymun emas, balki harflar va belgilarning cheksiz tasodifiy ketma-ketligini hosil qiluvchi mavhum qurilmaning metaforasi hisoblanadi.

@vasilbro

Twitter is fucking overrated.

Bunga ikki yil oldin ham amin edim. Qayta akkaunt ochganimga bir oy bo’lgan bo’lsa qayta iqror bo’lib boryapman.

Ma’lumot qabul qiluvchining va tarqatuvchining aniq chiziqlari yo’q. Yoki men haligacha tushunmadim. Istalgan narsa va mavzu haqida yozishga barchaning huquqi bor deylik, biroq bu ayni asosga ega bo’lishi kerak.

Tvitterdagi o’zbek sfera (aksar) - har qanday holatga, masalan ikki pashsha qovushayotganiga ham o’z reaksiyasini bildirish. Bundan ortig’i emas.

Ziyoli qatlam ? Utopiya.

P.s: yuqoridagi holatga huquqiy baho berilishi lozim va shart.

Kosmonavtlar metrosi tarafdagi bog'. Yurib boryapman. Qarshimdagi o'rindiqda sochlari kalta qilib qirqilgan, ko'zlari g'amli, o'ttiz yoshlardagi jozibali ayol. Qo'lida Pasternak. Sigaretasini barmoqlari orasida sekin o'ynatyapti. Qancha vaqt kuzatganimni bilmayman, xuddi bir umr uni biladigandekman...

Я вас люблю, хоть ненавижу,
Я вас люблю, хоть не могу.

Pasternakdan.

1-oktyabr bilan barcha Kapitanlarim🫡

Kecha metroda qiziq holat guvohi bo'ldim; 18-19 yoshlardagi ikki qiz vagon ichiga o'rnatilgan favqulotda vaziyatlarda mashinist bilan bog'lanadigan tugmani bosdi. "Gapiring" degan ovoz kelgan zahoti ura qochib ketishdi. Beixtiyor kulgum keldi. Bunday holatlar bilan tez-tez yuzlashaman. Masalan qo'shni xonadondagi yosh bolachalar eshik qo'ng'irog'ini bosib qochishadi. Ularni-ku tushunsa bo'ladi, davrga xos quvlik, ammo metrodagi qizlar voyaga yetgan edi. G'alati holat, biroq asosli. Buni Erik Bern o'zining "Odamlar o'ynaydigan o'yinlar" kitobida quyidagicha tushuntiradi:

Har bir inson ichida Ota-ona meni, Katta odam meni va Bola meni bo'ladi. Qabul qilayotgan qarorlarimiz ayni vaqtda qaysi men bizda hukmron ekanligiga bog'liq va ular doimiy o'rin almashib turadi.

Demakki, ba'zan Bola meni nazoratni o'z qo'liga olib, qiziqarli yoki qiyin vaziyatlarda beparvo qarorlar qabul qiladi. Keyinchalik Katta odam meni bundan afsuslanishi ham mumkin. Shunaqa gaplar.

Hikoya yozish uchun matvassa.

Maqsadlarim juda olisda bo’lishi mumkin, lekin divanim doim yaqin – har safar tanlovim ravshan.

Barcha hayotning ma’nosini izlash bilan ovvora, men esa jin ursin nega faqat bir poy paypoq yo’qolishi va qayerga yo’qolishi haqida o’ylayapman. Bu muhim kashfiyot bo’lardi, sizga aytsam.

Hayot qisqa. Unga his tuyg’ularingni ayt va ertaroq rad javobingni ol.